ဇူလိုင် ၂၂ ၊ ၂၀၁၅
M-Media
နှင်းဆီခင် ရေးသည်။
လူအများစုအတွေးထဲမှာပေါ့။ ဘဝမှာအောင်မြင်လာမယ်၊ လုပ်တိုင်းဖြစ်လာမယ်ဆိုရင် ကိုယ့်ကိုယ်ကိုယ် ယူဆလေ့ရှိကြတယ်။ “ကံကောင်းလိုက်တာ” လို့။ ဒါပေမယ့် ဘဝဆိုတာက ပျော်ရွှင်မှုနှင့် ဝမ်းနည်းမှုတွေ ပြွန်းနေတဲ့တောအုပ်ကြီးတစ်ခုလိုပေါ့။ လင်းတစ်လှည့် မှောင်တစ်ခါ အမျိုးမျိုးကြုံနေကြရတာလေ။ ဒီတော့ အမြဲတမ်းကံကောင်းမနေတတ်သလို ကံဆိုးလို့ချည်းလည်း မနေပါဘူး။ နေ့စဉ်ဘဝမှာ ကြုံရတတ်တဲ့ အသေးအမွှား ကိစ္စလေးတွေက အစ ဘဝနှင့်ချီပြီး ကြုံတွေ့ရတဲ့ အခက်အခဲတွေ အပေါ် “ငါ့နှယ်ကံဆိုးလေခြင်း” ရယ်လို့ ညည်းမိတတ်ကြပြန်တယ်။ ကောင်းပြီ ကံဆိုတာကလည်း ကမ္မ၊ ပြုလုပ်ခြင်းလို့ဆိုတာကိုး။ ဒီတော့ ကိုယ့်ဘဝမှာ အောင်မြင်တာတွေရော ဆုံးရှုံးတာတွေ အတွက်ပါ ကံကိုချည်းပုံချ၍ ဝမ်းနည်း ပူဆွေးနေကြရတော့မှာတဲ့လား။ ကံဆိုးမိုးမှောင်ကျတယ်ဆိုတာ တစ်သက်လုံး အတွက်တော့ မဟုတ်တန်ရာဘူး။ အမှောင်ရဲ့အနောက်မှာ အလင်းဆိုတာ ရှိနေသေးတာပဲလေ။ စိတ်ဓာတ်ကိုမြေကြီးအောက် အထိ ချပစ်လိုက်မှာလား။ မဟုတ်တာပဲ။ လဲကျတိုင်းပြန်ထဖို့ အခွင့်အရေးဆိုတာ လူတိုင်းမှာ ရှိနေပြီးသားပဲလေ။
ပြင်းပြင်းထန်ထန် လဲပြိုလို့ ကိုယ့်ဘာသာပြန်ထလို့ မရခဲ့ရင်လည်း ထူပေးမပေးမဲ့သူကို တောင်းပန် တိုးရှိုးကြည့်ကြရမှာပါ။ လဲလျက်သားကြီးနှင့် တစ်ဘဝကို အရှုံးပေးလိုက်လို့မှ မဖြစ်တာပဲနော့။ လူမှုရေးစိတ်ရှိသူ စာနာတတ်သူဆိုတာ လောကကြီးမှာ ခေါင်းပါး မသွားသေးပါဘူး။ ရှိနေဆဲပါ။ ဒါကြောင့်လည်း “လဲနေသူ ထူပေးပါ” ဆိုတဲ့ ကျောင်းခန်းစာအုပ်ထဲက စကားရပ်လေးရှိနေတာပေါ့။ အရေးကြီးတာက ကိုယ့်ကိုယ်ကို အားပေးဖို့။ ကံဆိုးနေလိုက်တာဆိုတဲ့ အတွေးအမြင်တွေကို အပြု သဘောဆောင်အောင်တွေးဖို့ ပြောင်းလဲ ပစ်လိုက်ဖို့ပါပဲ။ ဒီအချက်တွေကလည်း ဘယ်သူဘယ်ဝါကို လက်ညှိုးထိုးပြီး ခိုင်းလိုက်မယ်ဆိုပြီး လုပ်မရဘူးလေ။ အကောင်းမြင် အကောင်းတွေးဖို့က ကိုယ်ကိုယ်တိုင်ကလွဲလို့ ဘယ်သူ့ကိုမှ လွှဲလို့မရတာမျိုး။ ဒီတော့ ကံကောင်းခြင်းလက်ဆောင်တွေကို ကိုယ်တိုင်ရယူ ခံစားနိုင်အောင် ကြိုးစားရုံသာရှိပါတယ်။
ဘဝမှာအခွင့်အလမ်းကောင်းတွေ အများကြီးရှိနေပါတယ်။ အရေးကြီးတာက အဲဒီအခွင့်အလမ်းကောင်းတွေဟာ ကိုယ့်အတွက်ရယူနိုင်တာတွေ ရှိနေတယ်ဆိုတာကို ခိုင်ခိုင်မာမာတွေးတော ဆင်ခြင်တတ်သူတွေ ဖြစ်ဖို့ပါပဲ။ အဆိုးမြင်သူ တစ်ဦးဟာ အဲဒီအခွင့်အလမ်းကောင်း အားလုံးကို သူများတကာတွေကပဲ ရယူကုန်ကြပြီးပြီ။ ကိုယ့်အတွက် ဘာမှကျန်မှာ မဟုတ်ပါလူးလို့ တွေးလေ့ရှိတယ်။ ကိုယ်မျှော်မှန်းသလို ရတတ်စမြဲလို့ ပညာရှင်တွေရဲ့ အဆိုအတိုင်း ကံကောင်းသူတွေဟာ အကောင်းဆုံးကို အမြဲမျှော်လင့်တတ်ကြတယ်။ နောက်ပြီး ကြီးကျယ်အောင်မြင်တဲ့ အနာဂတ်ကိုရရှိဖို့လည်း ယုံကြည်စိတ်ထားလေ့ရှိတယ်။ ဘယ်လိုပဲဖြစ်ဖြစ်ပေါ့လေ ဒီမျှော်လင့်ချက်တွေဟာ အနာဂတ်မှာ ပုံပေါ်လာမယ့် အရိပ်နိမိတ်တွေပဲပေါ။ ကိုယ့်ပတ်ဝန်းကျင်မှာ ရှိနေကြတဲ့ ကံကောင်းသူနှင့် ကံဆိုးသူတို့ရဲ့ ခြားနားတဲ့ မျှော်မှန်းချက်တွေကို လေ့လာကြည့်ရင် သိသာပါလိမ့်မယ်။
ဆုံးရှုံးရမှာကိုတွေးပြီး ဘာမှမလုပ်ဖြစ်တဲ့သူဟာ ဆုံးရှုံးမှုကို ရင်ဆိုင်ရမှာ သိပ်ကိုသေချာနေတယ်။ အောင်မြင်ဖို့ဆုံးရှုံးဖို့ကို လုံးဝထည့်မတွက်ဘဲ ဆက်တိုက်ကြိုးစားနေသူအတွက် တစ်ချိန်ချိန်မှာ ကံကောင်းလာမှာပါ စိတ်ချ ကံကောင်းခြင်းဆိုတာ ဇွဲရှိသူတွေရဲ့ ဘက်မှာရှိနေတာကိုး။
တစ်ခါတစ်ရံမှာပေါ့ မျှော်လင့်မထားတဲ့ အခက်အခဲတွေ အတားအဆီးတွေကို ကြုံကြရမှာပါ။ အဲဒီအတွက် ထိပ်ထိပ်ပျာပျာမဖြစ်ဘဲ ဒါဟာဘဝရဲ့စိန်ခေါ်မှုတစ်ခုပဲလို့ အမြင်ပြောင်းကြည့်လိုက်မယ်ဆိုရင် သေချာတယ်၊ စဉ်ဆက်မပြတ်ကြိုးစားနေသူ အတွက် အောင်ပွဲ အသစ်တစ်ခု ရလာမှာပါ။ ကံကောင်းသူတွေဟာ သူတို့ပတ်ဝန်းကျင်ကို မျက်ခြေအပြတ်မခံနိုင်ဘူး။ ဘာအခွင့်အလမ်းကောင်းတွေကြုံနိုင် မလဲဆိုတာ အမြဲယုံကြည်ချက်ထားတယ်။ နိုးနိုးကြားကြားရှိတယ်။ ကုသိုလ်ကံအတိုင်းပဲပေါ့လို့ လက်မှိုင်ချပြီး ငေးငိုင်နေတဲ့ လူစားမျိုး မဟုတ်ပါဘူး။ တာဝန်ယူစရာတစ်ခုခုကြုံလာတဲ့အခါမျိုးမှာ ကံကောင်းသူဆိုတဲ့သူဟာ “ဟုတ်ကဲ့” လုပ်ဖို့ဝန်မလေးဘူး။ အသစ်အဆန်းတစ်ခုခု လုပ်ရဖို့အတွက် အောင်မြင်ပါ့မလားဆိုတဲ့ သံသယစိတ်မထားဘဲ ကြိုးစားတတ်တယ်။ ဒီတော့ ကိုယ့်ကြိုးစားမှုရဲ့အတွေ့အကြုံသစ်ကို အကျိုးခံစားခွင့်ရတာ မဆန်းပါဘူး။
လူဆိုတာက ထီးတည်းနေလို့ရတာမျိုး မဟုတ်ပါဘူး။ ပတ်ဝန်းကျင် အသိုင်းအဝိုင်းနှင့် ဝင်ဆန့်အောင်နေတတ် ထိုင်တတ်ရတယ်။ ကိုယ်ချည်းပေးရတာမျိုး သူများဆီကချည်း ယူရတာမျိုးထက် ပေးတန်တာပေး ယူတန်တာယူ မျှတတဲ့ ဆက်ဆံမှုဟာ မိတ်ကောင်းဆွေကောင်းတွေ ရတတ်တယ်။ ဒီတော့ ကိုယ်ကပေးရတဲ့ အကူအညီတွေရှိနိုင်သလို ရလာနိုင်တဲ့ အခွင့်အလမ်းကောင်းတွေလည်း ပေါ်တတ်တယ်။ အသိုင်းအဝိုင်း တစ်ခုမှာ ဝင်ဆန့်အောင် လူမှုဆက်ဆံရေး အဆင်ပြေအောင် ကြိုးစားဖို့တော့လိုမယ်။ တစ်ခုရှိတာက လူတိုင်းဟာ ကိုယ်နှင့်သဟဇာတ ဖြစ်ချင်မှဖြစ်မှာပါ။ ဒါပေမယ့် သူတို့ရဲ့ကောင်းတဲ့အချက်လေးတွေကိုပဲ အလေးထားပြီး ဆက်ဆံရင်တော့ ရာနှုန်းပြည့်မဟုတ်ရင်တောင် တော်တော်လေး အဆင်ပြေနိုင်ပါတယ်။
ဘဝမှာ အနိုင်ယူဖို့အသင့်ဆုံးသူဟာ သူများမဟုတ်ဘူး၊ ကိုယ်တိုင်ကိုယ်ပါပဲ။ အဆိုးမြင်စိတ်ကို အနိုင်ယူဖို့ ကြိုးစားနိုင်တာလည်း ကိုယ်တိုင်ပဲဖြစ်သလို ဘာမဆို ကြိုးစားမကြည့်ခင်ကတည်းက ဖြစ်ပါ့မလားဆိုတဲ့ အတွေးကြီးကို ဖယ်ပစ်ဖို့ကြိုးစားသင့်တယ်။ ဘဝရဲ့စိန်ခေါ်မှုတွေကို ဝမ်းပန်းတသာလက်ခံရင်း ထွက်ပေါက်ရှာတာဟာ ကံကောင်းခြင်းရဲ့ လုပ်ရပ်တစ်ခုဆိုတာ မေ့မထားသင့်ပါဘူး။
အရေးကြီးတဲ့ အချက်တစ်ခုကတော့ ကိုယ့်ကိုယ်ကိုယ်ယုံကြည်စိတ်ထားသလို ယုံကြည်သက်ဝင်ရာ ဘာသာတရားရဲ့အဆုံးအမတွေအောက်မှာ ကောင်းသော ကြိုးစားခြင်းမျိုးနှင့် ကြိုးစားယူဖို့ပါပဲ။ နောက်ပြီး ကိုယ်မြတ်နိုး အားထားရာ ဘုရားသခင်အပေါ် ယုံပုံအားကိုးစိတ် အပြည့်အဝထားမယ်ဆိုရင်တော့ ဘဝရဲ့နေ့သစ်တွေဟာ ကံကောင်းခြင်းတွေချည်း မဟုတ်တောင် ကံဆိုးမှုတွေ နည်းပါးသွားနိုင်မယ် ဆိုတဲ့အကြောင်း …။
နှင်းဆီခင်
