ဇူလိုင် ၁၈၊ ၂၀၁၅
M-Media
– နိုင်ငံ၏ အငြင်းပွားဖွယ် နျူကလီးယားအစီစဉ်နှင့်ပတ်သက်၍ အင်အားကြီးနိုင်ငံများနှင့် ယခုတစ်ပတ်အစောပိုင်းက သဘောတူညီချက် ရရှိခဲ့သော်လည်း အမေရိကန်၏ အရှေ့အလယ်ပိုင်း ပေါ်လစီများအား မိမိတို့နိုင်ငံက ထင်ထင်ရှားရှားဆန့်ကျင်မှုကို ပြောင်းလဲသွားမည်မဟုတ်ဟု အီရန်အဓိပတိ အယာတိုလာ အလီခါမေနီက ပြောကြားလိုက်သည်။
အစ္စလာမ်ဘာသာဝင်တို့၏ ရမ်ဇာန်ဥပုသ်လ ကုန်လွန်ခြင်းအထိမ်းအမှတ်အဖြစ် ယနေ့တွင်ပြုလုပ်သော မိန့်ခွန်း၌ ခါမေနီက ထိုကဲ့သို့ ပြောကြားလိုက်ခြင်းဖြစ်ပြီး အမျိုးသား အကျိုးစီးပွားအား ကာကွယ်စောင့်ရှောက်မှုကို သေချာစေရေးနှင့် နိုင်ငံရေး စည်းမျဉ်းစည်းကမ်းများ
သို့မဟုတ် စစ်ဘက်ဆိုင်ရာ ပေါ်လစီများအား နှောက်ယှက်မှုကို တားဆီးရေးတို့ သေချာစေရန်အတွက် အင်္ဂါနေ့က ရရှိခဲ့သော သမိုင်းဝင်သဘောတူညီချက်အား အီရန်အာဏာပိုင်များက စေ့စေ့စပ်စပ်ဖတ်ရှုစေချင်သည်ဟု ထည့်သွင်းပြောကြားခဲ့သည်။
“ဒေသတွင်းက ကျွန်တော်တို့ရဲ့ မိတ်ဆွေတွေကို အားပေးထောက်ခံမှု၊ ပါလက်စတိုင်း၊ ယီမင်၊ ဆီးရီးယား၊ အီရတ်၊ ဘာရိန်းနဲ့ လက်ဘနွန်နိုင်ငံက ပြည်သူတွေအတွက် အားပေးထောက်ခံမှုတွေကို ကျွန်တောတို့ ဘယ်တော့မှ ရပ်တန့်သွားမှာ မဟုတ်ပါဘူး။ ဒီသဘောတူညီချက် ရရှိခဲ့ပေမယ့်လည်း စိတ်ကြီးဝင်နေတဲ့အမေရိကန်အပေါ် ကျွန်တော်တို့ရဲ့ ပေါ်လစီက ပြောင်းလဲသွားမှာ မဟုတ်ပါဘူး” ဟု ခါမေနီက ဆိုသည်။
အီရန်နှင့် အင်အားကြီး ၆ နိုင်ငံတို့၏ သဘောတူညီချက်အရ နျူးကလီယားဗုံး ထုတ်လုပ်ရန် ရည်ရွယ်သည်ဟု အနောက်နိုင်ငံများက သံသယရှိနေသော အီရန်၏ နျူးကလီးယားအစီအစဉ်အား ရပ်တန့်ရမည်ဖြစ်ပြီး အပြန်အလှန်အားဖြင့် အီရန်အပေါ် ပိတ်ဆို့ထားမှုကိုလည်း တစ်ဖြည်းဖြည်းခြင်း ဖယ်ရှားပေးရမည်ဖြစ်သည်။ အီရန်ကမူ မိမိတို့အနေဖြင့် နျူကလီးယားဗုံးထုတ်လုပ်ရန်
ဆောင်ရွက်နေမှု မရှိဟု ငြင်းဆိုခဲ့သည်။
“အမေရိကန်တွေက သူတို့ဟာ အီရန် နျူးကလီးယားလက်နက် ရရှိခြင်းကို ရပ်တန့်လိုက်တယ်လို့ ပြောကြပါတယ်။ အဲဒါ (အီရန်က နျူကလီးယားလက်နက် ထုတ်လုပ်မယ်ဆိုတာ) ဟာ တကယ်မဟုတ်ဘူးဆိုတာကို သူတို့ သိပါတယ်။ နျူကလီးယားလက်နက်တွေကို
အစ္စလာမ့်ဥပဒေအောက်မှာ ဘာသာရေးအရ ပိတ်ပင်တားမြစ်ထားတယ်လို့ ကြေညာထားတဲ့ ဖသ်ဝါဓမ္မသတ် ကျွန်တော်တို့မှာ ရှိပါတယ်”
နျူအရေးသဘောတူညီချက်ကို လက်မှတ်ရေးထိုးခဲ့ပြီးနောက် အီရန်ပြည်သူများမှာ နိုင်ငံတစ်ဝှမ်း အောင်ပွဲခံခဲ့ကြသည်။ သို့သော်လည်း သောကြာနေ့ ၀တ်ပြုဆုတောင်းမှုပြီးနောက် သဘောထားတင်းမာသူများမှာ တီဟီရန်တက္ကသိုလ်တွင် ဆန္ဒပြခဲ့ကြပြီး အမေရိကန်ဆန့်ကျင်ရေး ကျွေးကျော်သံများကိုလည်း ကျွေးကြော်ခဲ့ကြသည်။
ခါမေနီကမူ ထိုဆန္ဒပြမှုတွင် အီရန်ပြည်သူများက “အမေရိကန် ကျဆုံးပါစေ” “အစ္စရေးကျဆုံးပါစေ” ဟု ကျွေးကြော်မှုများမှာ ပြည်သူများ၏ သဘောထားကို ထင်ဟပ်ခြင်းဖြစ်ပြီး နျူအရေးသဘောတူညီချက်မှာမူ ချွင်းချက်ဖြစ်သည်ဟု ဆိုသည်။
“ဒေသတွင်း ဒါမှတ်မဟုတ် နိုင်ငံတကာအရေးကိစ္စတွေမှာ အမေရိကန်နဲ့ ဆွေးနွေးညှိနှိုင်းမှာ မဟုတ်ဘူးလို့ ကျွန်တော်တို့ ထပ်ပြောပါတယ်။ နှစ်နိုင်ငံ ပြဿနာတွေကိုတောင်မှ ဆွေးနွေးမှာမဟုတ်ပါဘူး။ နျူကလီးယားအစီအစဉ်လိုမျိုးမှာတော့ ချွင်းချက်အချို့ ရှိပါတယ်။ ဒါကို အမေရိကန်နဲ့ ဆွေးနွေးတာဟာ ကျွန်တော်တို့ရဲ့အကျိုးစီးပွားကို ဆောင်ကျဉ်းဖို့ပါ။ ဒေသတွင်းက အမေရိကန်ရဲ့ ပေါ်လစီတွေဟာ အီရန်ရဲ့ ပေါ်လစီတွေနဲ့ ဖြောင့်ဖြောင့်ကြီး ဆန့်ကျင်နေပါတယ်” ဟု ခါမေနီက ပြောကြားခဲ့သည်။
ထို့ပြင် အဆိုပါမိန့်ခွန်း၌ ခါမေနီက အမေရိကန်မှာ အီရန်အား အခြေပျက်စေရန် ကြိုးပမ်းနေသည်ဟု စွပ်စွဲပြောကြားခဲ့သည်။
“အီရန်က စစ်ပွဲကို မကြိုဆိုပါဘူး။ ဒါပေမယ့် ဖြစ်လာရင်တော့ အမေရိကန်ဟာ အရှက်တကွဲဖြစ်ပါလိမ့်မယ်”
Ref: Aljazeera
