Blog

ဇူလိုင် ၁၁၊ ၂၀၁၅
M-Media

– ဘိုကိုဟရမ် စစ်သွေးကြွများက ဗလီဝတ်ကျောင်းတော်များနှင့် အခြားသော ဘာသာရေးဆိုင်ရာ နေရာများအား တိုက်ခိုက်မှုများ ပိုမိုမြင့်တက်လာသည့်အတွက်ကြောင့် နိုက်ဂျီးရီးယားနိုင်ငံ မြောက်ပိုင်းရှိ ဗလီဝတ်ကျောင်းတော် အများအပြားတွင် အေသေကာ့ဖ်ထိုင်ခြင်း (တရားထိုင်ခြင်း) နှင့် ညလုံးပေါက်ဝတ်ပြုခြင်း အစီအစဉ်တို့ကို ဖျက်သိမ်းလိုက်သည်ဟု သိရသည်။

“လုံခြုံရေး အကြောင်းအရင်းတွေကြောင့် ဒီနှစ် အေသေကာ့ဖ်အစီအစဉ်ကို ကျွန်တော်တို့ ဖျက်သိမ်းလိုက်ပါတယ်” ဟု ကာနိုပြည်နယ်ရှိ အူမာရ် အစ်ဗနေ့ ခသာ့ဘ် ဗလီဝတ်ကျောင်းတော်မှ အစ္စလာမ့် ဓမ္မပညာရှင် မိုဟာမက် အဘ်ဒူလာက ပြောကြားခဲ့သည်။

ထို့ပြင် ထိုကဲ့သို့ ဖျက်သိမ်းမှုကို အခြားသော အဓိက ဗလီဝတ်ကျောင်းတော်ကြီးများတွင်လည်း ဆောင်ရွက်သွားမည်ဖြစ်ပြီး လုံခြုံရေး စိုးရိမ်ရသည့် အကြောင်းအရင်းကြောင့်သာဖြစ်သည်ဟု အတည်ပြုခဲ့သည်။

“ကျွန်တော်တို့ တိုင်းပြည်မှာ ငြိမ်းချမ်းရေးပြန်ရဖို့၊ ပြီးတော့ ဒီလိုအကြမ်းဖက်မှုတွေ ဆောင်ရွက်နေတဲ့ အဖွဲ့တွေအားလုံး ပျက်ဆီးသွားဖို့ ကျွန်တော်တို့ ဆုတောင်းပါတယ်။ မွတ်စလင်တွေအဖြစ် ကျွန်တော်တို့ဟာ ဒီအကြမ်းဖက်မှုနောက်ကွယ်မှာရှိနေတဲ့ လူဆိုးတွေအပေါ် အောင်နိုင်ဖို့လည်း ကျွန်တော်တို့ ဆက်လက် ဆုတောင်းသွားမှာပါ”

အဆိုပါ အစ်ဗနေ့ ခသာ့ဘ် ဗလီဝတ်ကျောင်းတော်တွင် ပြီးခဲ့သည့် တစ်ပတ်က အမျိုးသမီး အသေခံ ဗုံးခွဲသမားတစ်ဦးမှာ ၀တ်ပြုသူများအကြား ဗုံးခွဲရန် ကြိုးစားခဲ့ပြီး မွတ်စလင်လူ့အဖွဲ့အစည်းမှ လုံခြုံရေးအဖွဲ့ဝင်များက မောင်းထုတ်ခဲ့သည်။ သို့သော်လည်း ၎င်းမှာ စနတ်တံဖြုခဲ့သောကြောင့် ကိုယ်တိုင်သေဆုံးကာ အခြားလူအနည်းငယ်မှာလည်း ဒဏ်ရာရခဲ့သည်။

အသေခံဗုံးခွဲသမားများမှာ ရမ်ဇာန်ဥပုသ်လ စတင်ဝင်ရောက်လာကတည်းက နိုက်ဂျီးရီးယားနိုင်ငံမြောက်ပိုင်းရှိ ဗလီဝတ်ကျောင်းတော် ၃ လုံးကို ပစ်မှတ်ထား၍ ဗုံးဖောက်ခွဲမှုများ ပြုလုပ်ခဲ့ပြီး လူအများအပြား သေဆုံးခဲ့ရသည်။

နိုက်ဂျီးရီးယားနှင့် အနောက်အာဖရိကတို့တွင် အကြီးဆုံး အစ္စလာမ့်အဖွဲ့အစည်းများထဲမှ တစ်ခုဖြစ်သည့် Nasrul-Lahi-L-Fatih Society ကာနိုအဖွဲ့ခွဲကလည်း ၎င်းတို့စီစဉ်ထားသည့် လဟာပြင်တွင် လူများစုဝေးကာ ညလုံးပေါက်ဝတ်ပြုမှု အစီအစဉ်ကို လုံခြုံရေးအခြေအနေကြောင့် ဖျက်သိမ်းခဲ့သည်။

“ပြည်နယ်အတွင်းက လုံခြုံရေးအခြေအနေကြောင့် လိုက်လာသွလ်ကဒရ်ညမြတ် ရှာဖွေခြင်း အစီအစဉ်ကို ကျွန်တော်တို့ ဖျက်သိမ်းလိုက်ပါတယ်။ ကျွန်တော်တို့အားလုံးနဲ့အတူ အလ္လာဟ်အရှင်မြတ် ရှိနေတော်မူပါစေ” ဟု ထိုအဖွဲ့မှထုတ်ပြန်သော ကြေညာချက်တွင် ဖော်ပြထားသည်။

အေသေကာ့ဖ်ထိုင်ခြင်းကိုလည်း ဖျက်သိမ်း

ရမ်ဇာန်ဥပုသ်လ၏ နောက်ဆုံး ၁၀ ရက်တွေင် ဗလီဝတ်ကျောင်းတော်များ၌ သွားရောက် အားထုတ်ရသည့် အေသေကာ့ဖ် တရားထိုင်ခြင်းအစီအစဉ်ကို နိုင်ငံအနောက်မြောက်ပိုင်း ကာဒူနာ ပြည်နယ်၊ အရှေ့မြောက်ပိုင်းမှ ဘော်နိုနှင့် ယိုဘီပြည်နယ်၊ နိုင်ငံမြို့တော် အဘူဂျာစသည့် ဒေသများရှိ ဗလီဝတ်ကျောင်းတော်များတွင် လုံခြုံရေးအခြေအနေကြောင့် ဆောင်ရွက်ခြင်းမပြုရန် ကြေညာခဲ့သည်။

“ဒီ ကာဒူနာပြည်နယ်က ဆူလ်တန်ဘဲလို ဗလီဝတ်ကျောင်းတော်မှာ ကျွန်တော်ဟာ အေသေကာ့ဖ် တရားထိုင်လေ့ရှိပါတယ်။ ဒါပေမယ့် ဒီနှစ်မှာတော့ ဘိုကိုဟရမ်ရဲ့ ခြိမ်းခြောက်မှုကြောင့် ဒီအစီအစဉ်ကို ဆောင်ရွက်မှာမဟုတ်ဘူးဆိုတာ သိခဲ့ရပါတယ်။ ၀တ်ပြုသူတွေကို တိုက်ခိုက်ဖို့ ဘိုကိုဟရမ် စစ်သွေးကြွတွေက အခွင့်ကောင်းရသွားမှာ စိုးတဲ့အတွက် အခြားသော ဗလီဝတ်ကျောင်းတော်တွေမှာလည်း ဒီလိုပဲ ဖျက်သိမ်းသွားမှာပါ” ဟု ပြည်သူ့ဝန်ထမ်းတစ်ဦးဖြစ်သူ အဟ်မဒ် လာဒန်က ပြောကြားခဲ့သည်။

မြို့တော်အဘူဂျာရှိ အေပိုဓမ္မသတ်ရုံးချုပ်မှ အကြီးအကဲဖြစ်သူ ရှိခ် မိုဟာမက် ခါလစ်ကလည်း နှစ်စဉ် လူပေါင်းရာနှင့်ချီ၍ အေသေကာ့ဖ်တရားထိုင်လေ့ရှိသည့် အဘူဂျာမှ ဗလီဝတ်ကျောင်းတော်ကြီးတွင် ယခုနှစ်၌ ပြုလုပ်တော့မည်မဟုတ်ဟု ပြီးခဲ့သည့် ရက်အနည်းငယ်က ကြေညာခဲ့သည်။

“လုံခြုံမှုမရှိမှုဟာ ကျယ်ကျယ်ပြန့်ပြန့် ဖြစ်လာတယ်ဆိုတယ်ဆိုတဲ့အချက်ကို လူတိုင်းက လက်ခံနိုင်ပါတယ်။ ဗုံးခွဲမှုဟာ မြောက်ပိုင်းမှာ နေ့စဉ်လိုလိုဖြစ်လာတယ်။ အထူးသဖြင့် နိုင်ငံရဲ့ အရှေ့မြောက်ပိုင်း ဒေသမှာပေါ့။ ဒီလိုကမောက်ကမဖြစ်နေတာကို ရင်ဆိုင်ဖြေရှင်းဖို့ တတ်နိုင်တာ ဘာပဲဖြစ်ဖြစ် အစိုးရနဲ့ ကျွန်တော်တို့ ပူးပေါင်းဆောင်ရွက်သွားဖို့ လိုပါတယ်” ဟု ခါလစ်က ထည့်သွင်းပြောကြားခဲ့သည်။

ထို့ပြင် နိုက်ဂျီးရီးယားရှိ အခြားသော ထိပ်တန်း မွတ်စလင်အဖွဲ့အစည်းများကလည်း နိုင်ငံအတွင်း မတည်ငြိမ်မှုများ ပပျောက်သွားရေးအတွက် ရမ်ဇာန်နောက်ဆုံး ၁၀ ရက်တွင် ဆုမွန်ကောင်းတောင်းကြရန် မွတ်စလင်များကို တိုက်တွန်းခဲ့သည်။

Ref: Onislam