Blog

ဆီးရီးယားနှင့် အီရတ်တွင် စစ်ရေးလုပ်ငန်းများ အမေရိကန်တိုးမြှင့်မည်

ဇူလိုင် ၇၊ ၂၀၁၅
M-Media

– ဆီးရီးယားပြည်တွင်းစစ်တွင် ပါဝင်တိုက်ခိုက်နေသော အလယ်အလတ် အတိုက်အခံများအတွက် ထောက်ပံ့မှုများကို အမေရိကန်က တိုးမြှင့်သွားမည်ဖြစ်ပြီး နိုင်ငံအတွင်း တိုက်ခိုက်မှုများအား တားဆီးရန်နှင့် IS ၏ လူသစ်စုဆောင်းမှုများကို တွန်းလှန်ရန်အတွက် အမေရိကန်မှာ ပိုမိုလုပ်ဆောင်ရန် လိုအပ်နေသည်ဟု သမ္မတ ဘာရက်အိုဘားမားက ပြောကြားလိုက်သည်။

ပင်တဂွန်စစ်ဌာနချုပ်သို့ ယမန်နေ့က သွားရောက်စဉ် ပြောကြားခဲ့ခြင်းဖြစ်ပြီး ၉/၁၁ တိုက်ခိုက်မှုနောက်ပိုင်း အကြီးစားတိုက်ခိုက်မှုများကို တားဆီးရာတွင် အောင်မြင်ခဲ့သော်လည်း နိုင်ငံအတွင်း တစ်ကိုယ်တော်ပြုလုပ်သည့် တိုက်ခိုက်မှုအသေးစားများကိုမူ တားဆီးရန်
ခက်ခဲနေသည်ဟု ထည့်သွင်းပြောကြားခဲ့သည်။

“ဒီတိုက်ခိုက်မှုတွေကို တာဆီးဖို့ ကျွန်တော်တို့ရဲ့ ဆောင်ရွက်မှုကို တိုးမြှင့်ရပါမယ်” ဟု အိုဘားမားက ပြောကြားလိုက်သည်။

သို့သော်လည်း လက်ရှိအချိန်တွင် နိုင်ငံရပ်ခြားသို့ အမေရိကန်စစ်တပ်များ ပို့ဆောင်သွားရန် အစီအစဉ်မရှိသေးဘဲ IS စစ်သွေးကြွအဖွဲ့အား တိုက်ခိုက်မှုကိုမူ ရပ်တန့်သွားမည်မဟုတ်ဟု ဆိုသည်။

အီရတ်နိုင်ငံမှာ အမေရိကန်၏ လေ့ကျင့်သင်ကြားပေးရေး ရည်မှန်းချက်ကို ပြည့်မီရန် လုံလုံလောက်လောက် လူစုဆောင်းပေးနိုင်ဘဲ၊ IS တပ်ဖွဲ့များကို တိုက်ခိုက်ရန် ဆီးရီးယား၌ လူသူစုဆောင်းကာ လေ့ကျင့်သင်ကြားပေးမှုမှာလည်း စေတနာ့ဝန်ထမ်းများကို
နောက်ကြောင်းရာဇ၀တ်များ စစ်နေရသောကြောင့် မျှော်မှန်းထားသည်ထက် ပိုမို နှေးကွေးနေသည်ဟု အိုဘားမားက ပြောကြားခဲ့သည်။

“တင့်ဖျက်လက်နက်တွေအပါအ၀င် အီရတ်စစ်တပ်အတွက် အရေးပါတဲ့လက်နက်တွေ တင်ပို့မှုကို ကျွန်တော်တို့ တိုးမြှင့်သွားမှာပါ။ ပြီးတော့ ကျွန်တော်တို့ဟာ ဆီးရီးယားက အလယ်အလတ် အတိုက်အခံတွေကို ပိုမိုလေ့ကျင့်ပြီး လက်နက်တွေ တပ်ဆင်ပေးဖို့ ကျွန်တော့်အဖွဲ့ကို ရှင်းရှင်းလင်းလင်းပဲ ပြောထားပါတယ်”

Ref: Reuters

July 7, 2015
ကမ္ဘာ့ဖလား အိမ်ရှင်ရွေးချယ်ရေး တာဝန်ရှိသူဟောင်းကို ဖီဖာ ပြစ်ဒဏ်ချ

ဇူလိုင် ၇၊ ၂၀၁၅
M-Media

– ၂၀၁၈နှင့် ၂၀၂၂ ကမ္ဘာ့ဖလား အိမ်ရှင်အဖြစ် ကမ်းလှမ်းမှုအား ဆန်းစစ်တွက်ချက်ရေးအဖွဲ့မှ ဥက္ကဌဟောင်းဖြစ်သူ မေနီ-နီခိုးလ်စ်အား ဘောလုံးလောကနှင့် စက်ဆပ်သည့် လှုပ်ရှားမှုများတွင် ၇ နှစ် ပါဝင်ဆောင်ရွက်ခြင်းမပြုရန် ဖီဖာက တားမြစ်ပိတ်ပင်လိုက်သည်ဟု သိရသည်။

ချီလီဘောလုံးအဖွဲ့ချုပ်၏ ဒုတိယဥက္ကဌဟောင်းဖြစ်ခဲ့သူ နီခိုးလ်စ်ကို ဖီဖာ၏ လွတ်လပ်သော ကျင့်ဝတ်ဆိုင်ရာကော်မတီမှ တရားစီရင်ရေးအဖွဲ့က ယမန်နေ့တွင် ထိုကဲ့သို့ ပိတ်ပင်လိုက်ခြင်းဖြစ်သည်။

သို့သော်လည်း ပိတ်ပင်ရသည့် အကြောင်းအရင်း အသေးစိတ်ကိုမူ ထုတ်ပြန်ခဲ့ခြင်းမရှိဘဲ “နောက်ဆုံး ဆုံးဖြတ်ချက် အတည်ဖြစ်ပြီးတဲ့နောက်မှာ အသေးစိတ် သတင်းအချက်အလက်ကို ထုတ်ပြန်သွားပါမယ်” ဟု ဖီဖာ၏ ကြေညာချက်တွင် ဖော်ပြထားသည်။

၂၀၁၈ နှင့် ၂၀၂၂ ကမ္ဘာ့ဖလား အိမ်ရှင်အဖြစ် လက်ခံကျင်းပခွင့်ကို ရုရှားနှင့် ကာတာနိုင်ငံတို့က ရရှိခဲ့သော်လည်း ၎င်းတို့ အိမ်ရှင်အဖြစ် လျှောက်ထားခြင်းလုပ်ငန်းစဉ်ကို ရာဇ၀တ်မှုအဖြစ် သတ်မှတ်ကာ ဆွစ်ဇာလန်အာဏာပိုင်များက စုံစမ်းစစ်ဆေးမှုများ ပြုလုပ်နေသည်။

ဖီဖာတာဝန်ရှိသူများ၊ ရုရှားနှင့် ကတာတာနိုင်ငံတို့မှ တာဝန်ရှိသူများက ထိုလုပ်ငန်းစဉ်တွင် မည်သည့်မှားယွင်းမှုမှ မရှိဟု ပြောဆိုခဲ့သော်လည်း အိမ်ရှင်အဖြစ်ရွေးချယ်မှုတွင် အဓိကအခန်းကဏ္ဍမှ ပါဝင်ခဲ့သည့် နီခိုးလ်စ်အား ဖီဖာက ယခုကဲ့သို့ အပြစ်ပေးခဲ့ခြင်းအတွက် ၂၀၁၈၊ ၂၀၂၂ ကမ္ဘာ့ဖလား အိမ်ရှင်ရွေးချယ်မှု သံသယကို မြင့်တက်လာစေခဲ့သည်။

Ref: Goal

July 7, 2015
ဆေးလိပ်အန္တရာယ်တားဆီးရေးအတွက် အခွန်တိုးကောက်သင့်သည်ဟု WHO ပြော

ဇူလိုင် ၇၊ ၂၀၁၅
M-Media

– လူ့အသက်များကို ကယ်တင်ရန်နှင် ပိုမိုခိုင်မာသည့် ကျန်းမာရေးဝန်ဆောင်မှုများအတွက် ရန်ပုံငွေ ရရှိစေရန် ကမ္ဘာတစ်ဝှမ်း အစိုးရများအနေဖြင့် စီးကရက်နှင့် အခြားဆေးရွက်ကြီး ထုတ်ကုန်များအား အခွန်တိုးမြှင့်သင့်သည်ဟု ကမ္ဘာ့ကျန်းမာရေးအဖွဲ့ WHO က ယနေ့တွင် ပြောကြားလိုက်သည်။

The Global Tobacco Epidemic 2015 ဟု အမည်ပေးထားသည့် အစီရင်ခံစာတွင် ယခုကဲ့သို့ ပြောကြားခဲ့ခြင်းဖြစ်ပြီး ပြည်သူများအား ဆေးလိပ်မသောက်ရေး ဖျောင်းဖြရန် သို့မဟုတ် ဆေးလိပ်လျှော့သောက်ရေး အကူအညီပေးရန်အတွက် ဆေးရွက်ကြီးမှရသည့် အခွန်ငွေများကို အပြည့်အ၀သုံးစွဲသည့်နိုင်ငံ အနည်းငယ်သာရှိသည်ဟုလည်း အစီရင်ခံစာတွင် ဖော်ပြခဲ့သည်။

ထို့ပြင် စီးကရက်တစ်ဘူးတန်ဖိုး၏ ၇၅ ရာခိုင်နှုန်းကို အနည်းဆုံး အခွန်ကောက်ရမည်ဟုလည်း WHO က အကြံပြုထားသည်။

ဆေးရွက်ကြီးနှင့် ဆက်စပ်သည့် ရောဂါများကြောင့် ၆ စက္ကန့်လျှင် လူတစ်ယောက်နှုန်း သေဆုံးနေပြီး တစ်နှစ်လျှင် ကမ္ဘာတစ်ဝှမ်း လူ ၆ သန်း သေဆုံးနေသည်။ ထိုသို့ “ဆေးရွက်ကြီး ကပ်ရောဂါ” အား ထိန်းချုပ်ရေး အားကောင်းသည့် ဆောင်ရွက်မှုများ မပြုလုပ်ပါက သေဆုံးသူအရေအတွက်မှာ ၂၀၃၀ ခုနှစ်တွင် ၈ သန်းအထိ တက်လာမည်ဟု WHO က ခန့်မှန်းထားသည်။

ကမ္ဘာတစ်ဝှမ်းတွင် ဆေးလိပ်သောက်သုံးသူဦးရေမှာ တစ်ဘီလီယံခန့် ရှိနေသော်လည်း နိုင်ငံတော်တော်များများတွင် ဆေးရွက်ကြီးအခွန်မှာ အလွန့်အလွန် နည်းပါးပြီး၊ အချို့တွင်သာ အထူး အခွန်ကောက်မှုရှိသည်ဟု အစီရင်ခံစာတွင် ဖော်ပြခဲ့သည်။

WHO အထွေထွေဒါရိုက်တာ မာဂရက်ချန်က ဆေးရွက်ကြီးထုတ်ကုန်များအပေါ် အခွန်တိုးကောက်ခြင်းမှာ လူအများကို သေစေနိုင်သည့် အဆိုပါထုတ်ကုန်များ သုံးစွဲမှုကို လျှော့ချရာတွင် ထိရောက်မှုအရှိဆုံးဖြစ်သည်ဟု ပြောကြားခဲ့သည်။

ထို့ပြင် အစိုးရများအနေဖြင့် သက်သေအထောက်အထားများကိုကြည့်ကာ ကျန်းမာရေးအတွက် ရရှိနိုင်သည့် ရွေးချယ်မှုများမှ အကောင်းဆုံး win-win ပေါ်လစီကို ရွေးချယ်ရန်လည်း တိုက်တွန်းခဲ့သည်။

ကင်ဆာ၊ နှလုံးသွေးကြောရောဂါ၊ အဆုတ်ရောဂါနှင့် ဆီးချိုရောဂါများကဲ့သို့ ရောဂါများ ဖြစ်ပွားရသည့် အန္တရာယ်ရှိသော အဓိကအကြောင်းအရင်း ၄ ခုတွင် ဆေးရွက်ကြီးမှာလည်း တစ်ခုအပါအ၀င်ဖြစ်သည်။ ၂၀၁၂ ခုနှစ်တွင် အဆိုပါ ရောဂါများကြောင့် အသက် ၇၀ အောက် လူ ၁၆ သန်း သေဆုံးခဲ့ပြီး ထိုသေဆုံးမှုများထဲမှ ၈၀ ရာခိုင်နှုန်းမှာ ၀င်ငွေ အလယ်အလတ်နှင့် နည်းပါးသည့်
နိုင်ငံများမှ ဖြစ်သည်။

အဆိုပါ ရောဂါများကို ကာကွယ်တားဆီးရေးဆိုင်ရာ ကျွမ်းကျင်သူ ဒေါက်ဂလပ်စ် ဘတ်ချာကမူ ဆေးရွက်ကြီးခွန် တိုးမြှင့်ကောက်ခံခြင်းက ဆေးရွက်ကြီးသုံးစွဲမှုကို လျှော့ချရေးနှင့် ပြည်သူများအား ဆေးလိပ်ပြတ်ရေး အကူအညီပေးရေးတို့တွင် အထောက်အကူဖြစ်ကြောင်း သက်သေပြခဲ့ပြီး ဖြစ်သည်ဟု ဆိုသည်။

“အခွန်ကောက်မှုနဲ့ ဆက်စပ်နေတဲ့ ဆေးရွက်ကြီးထုတ်ကုန် ဈေးတက်ခြင်းဟာ ဆေးလိပ်သောက်သုံးမှု ပြန့်နှံ့တာ၊ ဆေးရွက်ကြီးနဲ့ဆက်စပ်တဲ့ ထိခိုက်မှုတွေ လျော့ကျခြင်းကို ဦးတည်စေတယ်ဆိုတာ တရုတ်နဲ့ ပြင်သစ်တို့လို နိုင်ငံမျိုးတွေက သက်သေပြနေပါတယ်” ဟု ဘတ်ချာက ပြောကြားခဲ့သည်။

Ref: Channelnewsasia

July 7, 2015
ပထမအကြိမ်ချယ်ဆီးက ယခုချယ်ဆီးထက် ပိုကောင်းသည်ဟု ဒရော့ဘာဆို

ဇူလိုင် ၇၊ ၂၀၁၅
M-Media

– မော်ရင်ဟို၏ လက်ရှိအသင်းထက် မိမိပထမဆုံး ပါဝင်ကစားခဲ့ကာ ပရီးမီးယားလိဂ်ဖလားကို ရရှိခဲ့သည့် လူစာရင်းက ပိုမိုရင့်ကျက်ပြီး အတွေ့အကြုံပိုရှိသည်ဟု ချယ်ဆီး ဂန္တ၀င်ကစားသမားဟောင်း ဒရော့ဘာက ပြောကြားလိုက်သည်။

၂၀၀၄ ခုနှစ်မှ ၂၀၁၂ ခုနှစ်အတွင်း ကစားခဲ့သည့် အချိန်များတွင် ဒရော့ဘာမှာ အသင်းအတွက် ၃၄၁ ပွဲကစား ၁၅၇ ဂိုး သွင်းယူပေးနိုင်ခဲ့ပြီး၊ ဘိုင်ယန်မြူးနစ်နှင့် ချန်ပီယံလိဂ်ဗိုလ်လုပွဲ ပင်နယ်တီ ကန်သွင်းမှုတွင် အဆုံးအဖြစ် ပင်နယ်တီကို သွင်းယူခြင်းဖြင့် ချယ်ဆီး၏ သမိုင်းတွင် ထင်ရှားသည့်ကစားသမား ဖြစ်လာခဲ့သည်။

ထိုကာလအတွင်း ဒရော့ဘာမှာ ပရီးမီးယားလိဂ်ဖလား ၃ ကြိမ်၊ လိဂ်ဖလား ၂ ကြိမ်နှင့် FA ဖလား ၄ ကြိမ် ဆွတ်ခူးရရှိခဲ့သည်။

ထို့နောက် ချယ်ဆီးမှ ထွက်ခွာသွားခဲ့ပြီးနောက် ပြီးခဲ့သည့်ရာသီက အသင်းသို့ ပြန်လည်ရောက်ရှိလာခဲ့ပြီး တစ်ရာသီကစားကာ အသင်းမှ ပြန်လည်ထွက်ခွာခဲ့သည်။

၎င်း ပထမအကြိမ်ကစားခဲ့သည့် လူစာရင်းနှင့် လက်ရှိလူစာရင်းအနေအထားကို နှိုင်းယှဉ်ရာတွင် ဒရော့ဘာက “ပထမအကြိမ်က ပိုကောင်းတယ်လို့ ကျွန်တော် ပြောရပါလိမ့်မယ်။ ဘာ့ကြောင့်လည်းဆိုတော့ ကစားသမားတစ်ယောက်အဖြစ်ထက် ပိုပြီး ပါဝင်ခဲ့ရလို့ပါ။ ဒါပေမယ့် နောက်ထပ် ခြားနားမှုတစ်ခုလည်း ရှိပါသေးတယ်။ ဒါက အဲဒီတုန်းက ကျွန်တော် အသင်းကိုရောက်တဲ့အချိန်မှာ
အသင်းဟာ အနည်းငယ်ပိုပြီး ရင့်ကျက်ပါတယ်” ဟု ပြောကြားခဲ့သည်။

ထို့ပြင် လမ်းပတ်၊ မက်ကီလီလီ၊ ဂါးလက်စ်တို့မှာ ထိုစဉ်က ၂၄၊ ၂၅ ပတ်ဝန်းကျင်ခန့်ရှိပြီး၊ ယခုအချိန်တွင် ထိုထက်ပိုငယ်သော လူစာရင်းရှိသော်လည်း ကွာဟချက်ရှိနေသည်ဟု မြင်ရ၊ ခံစားရကြောင်း၊ အတူတကွ တိုးတက်အောင် လုပ်နိုင်ပြီး ထိုမှသာ ကစာသမားများအတွက် ကောင်းမည်ဖြစ်ကြောင်း ၎င်းက ထည့်သွင်းပြောကြားခဲ့သည်။

၎င်း၏ အဓိကပြိုင်ဘက်များမှာ မန်ယူမှ ရီယိုဖာဒီနန်နှင့် ဗီဒစ်တို့ဖြစ်ကာ မိမိအနေဖြင့် ပရီးမီးယားလိဂ်နှင့် အံဝင်ရန် ကြိုးစားခဲ့ရသည်ဟု ဆိုသည်။
Ref: Goal

July 7, 2015
စင်ကာပူဝန်ကြီးချုပ် မွတ်စလင်များနှင့်အတူ စုပေါင်း ၀ါဖြေ

ဇူလိုင် ၇၊ ၂၀၁၅
M-Media

– စင်ကာပူဝန်ကြီးချုပ် လီရှန်လွန်းမှာ Bedok North ဒေသရှိ အလ်-အန်ဆာရ် ဗလီဝတ်ကျောင်းတော်သို့ ဇူလိုင်လ ၅ ရက်နေ့က သွားရောက်လည်ပတ် ကြည့်ရှုခဲ့ပြီး အစ္စလာမ်ဘာသာဝင်များနှင့်အတူ ဥပုသ်အထွက် စုပေါင်းဝါဖြေခဲ့သည်ဟု သိရသည်။

မကြာသေးမီက အဆင့်မြှင့်တင် တည်ဆောက်မှု ပြီးစီးခဲ့သည့် အဆိုပါဗလီဝတ်ကျောင်းတော်တွင် ပြုလုပ်သည့် စုပါင်းဝါဖြေပွဲသို့ မွတ်စလင်ရေးရာဝန်ကြီး ယာကွဘ် အီဗရာဟင်မ်၊ လူမှုရေးနှင့် မိသားစု ဖွံ့ဖြိုးရေးဝန်ကြီး တန် ချွမ်- ဂျင်၊ စင်ကာပူ အစ္စလာမ်သာသနာရေးကောင်စီမှ အမှုဆောင်အကြီးအကဲ အဘ်ဒူလ် ရာဇက် မာရီကာ၊ စင်ကာပူ မွဖ်သီ မိုဟာမက် ဖက်တရစ် ဘာကာရမ်တို့အပါအ၀င် အခြားသော လူမှုရေးခေါင်းဆောင်များ၊ ပြည်သူများ စုစုပေါင်း ၄၀၀ ခန့် တက်ရောက်ခဲ့ကြသည်။

ဝန်ကြီးချုပ်လီရှန်လွန်းမှာ အစ္စလာမ်ဘာသာဝင်များနှင့်အတူ စုပေါင်းဝါဖြေခဲ့ပြီး ယခင် ၀တ်ပြုသူ ၃၅၀၀ မှ ၄၅၀၀ အထိ ၀င်ဆံ့အောင် တိုးချဲ့ပြင်ဆင်ခဲ့သည့် အဓိက၀တ်ပြုရာနေရာအပါအ၀င် ဗလီဝတ်ကျောင်းတော်အား ပြင်ဆင်မွမ်မံထားမှုများကို ကြည့်ရှုခဲ့ကြသည်။

အဆိုပါ အလ်-အန်ဆာရ် ဗလီဝတ်ကျောင်းတော်ကို ၂၀၁၂ ခုနှစ် ဇူလိုင်လက တိုးချဲ့ပြင်ဆင်မှုများ ပြုလုပ်ခဲ့ပြီး ဧပြီ ၂၄ ရက်နေ့တွင် ပြန်လည်ဖွင့်လှစ်နိုင်ခဲ့သည်။

Ref: Todayonline

July 7, 2015