Blog

ဒီမိုကရေစီနှင့် လူ့အခွင့်အရေးပါတီက ရန်ကုန် နှင့် ရခိုင်ရှိ အစ္စလာမ် ဘာသာဝင် အများစုရှိသည့် နေရာများတွင် ရွေးကောက် ပွဲဝင်မည်

မဇ္ဈိမ မှ ကူးယူဖော်ပြပါသည်။

.
ရန်ကုန် ၊ ဇူလိုင် ၇ ။ ။ အစ္စလာမ်ဘာသာဝင်များဖြင့် ဖွဲ့စည်းထားသည့် ဒီမိုကရေစီနှင့် လူ့အခွင့်အရေးပါတီက ရန်ကုန်နှင့် ရခိုင်မှ အစ္စလာမ် ဘာသာဝင်အများစုရှိသည့် မြို့နယ် ၇ခုမှ နေ၍ ၂၀၁၅ခုနှစ် ရွေးကောက်ပွဲကို ၀င်ရောက် ယှဉ်ပြိုင်မည်ဟု ပါတီဥက္ကဌ ဦးကျော်မင်းက ဇူလိုင် ၆ရက်တွင် မဇ္ဈိမကိုပြောသည်။
.
၎င်းက “ရန်ကုန်က ပန်းပဲတန်း၊ မင်္ဂလာတောင်ညွှန့်၊ သင်္ဃန်းကျွန်းတို့လို့ အစ္စလာမ်အများစု ရှိတဲ့ဆီက၀င်မယ်၊ ရခိုင်ကတော့ ရသေ့တောင်၊ စစ်တွေ၊ ဘူးသီးတောင်၊ မောင်တောက ပြည်နယ် လွှတ်တော်အတွက် ၀င်ဖို့ လျာထားတာ ကိုယ်စားလှယ်တွေတော့ မရွေးရသေးဘူး” ဟု ပြောသည်။
.
ပါတီ အနေဖြင့် ရန်ကုန်နှင့် ရခိုင်ပြည်နယ်များတွင် အဓိက ၀င်ရောက်မည်ဖြစ်သော်လည်း မန္တလေး တိုင်း၊ မွန်ပြည်နယ် နှင့် ဧရာဝတီတိုင်းတို့တွင်လည်း ၀င်ရောက်ယှဉ်ပြိုင်မည်ဖြစ်ပြီး ပြည်နယ်/တိုင်း ၅ခုတွင် နေရာပေါင်း ၃၀ထိ ယှဉ်ပြိုင်ရန် ပါတီက လျာထားသည်ဟု ဦးကျော်မင်းကဆိုသည်။
.
အစ္စလာမ်ဘာသာဝင်များဖြင့် ဖွဲ့စည်းထားသည့် ဒီမိုကရေစီနှင့် ငြိမ်းချမ်းရေးပါတီသည် လူ့အခွင့် အရေးရရှိရေး နှင့် ပြည်သူများ ဆန္ဒနှင့် အညီအုပ်ချုပ်နိုင်သည့် ဒီမိုကရေစီစနစ်ဖော်ထွန်းရေးအတွက် တွန်းအား ပေးကာ ရွေးကောက်ပွဲ သို့ ၀င်ရောက်သွားရန် ရည်ရွယ်ထားသည်ဟု ပါတီမူဝါဒ အရသိရသည်။
.
ရခိုင်ပြည်နယ်အတွင်း ရွေးကောက်ပွဲဝင်ရန် ပြင်ဆင်ထားသော်လည်း ပြန်လည်ပြင်ဆင် လိုက်သည့် နိုင်ငံရေး ပါတီများမှတ်ပုံ တင်ခြင်း ဥပဒေပါ နိုင်ငံသားပြုခွင့် ရရှိသူများသာ ပါတီထောင်ခွင့် ၊ ၊၀င်ရောက် ရွေးချယ် ခံခွင့် ရှိသဖြင့် ဒီမိုကရေစီနှင့် လူ့အခွင့် အရေးပါတီမှ ၀င်ရောက်ရွေးချယ်နိုင်မည့် ကိုယ်စား လှယ်လောင်းမရသည့် အခက်အခဲနှင့် ရင်ဆိုင်နေရသည်ဟု ဦးကျော်မင်း က ပြောသည်။
.
နိုင်ငံရေးမှတ်ပုံတင်ခြင်းဥပဒေအရပါ ပါတီတည်ထောင်ခွင့်ရှိသူ၊ ပါတီဝင်များသည်နိုင်ငံသား၊ ဧည့်နိုင်ငံသား၊ ဥပဒေအရ နိုင်ငံသား၊ ယာယီနိုင်ငံသား ဟူသည့် စကားရပ်အစား၊ နိုင်ငံသား၊ ဥပဒေ အရ နိုင်ငံသားဟု ၂၀၁၄ခုနှစ် နိုဝင်ဘာ ၃ရက်တွင် ပြင်ဆင်ခဲ့သည့် အတွက်ဒီမိုကရေစီနှင့် လူ့အခွင့် အရေးပါတီမှ ယာယီ နိုင်ငံသားကဒ်ကိုင်ဆောင်သူ ၁၀၀၀ကျော်ကို မတ်လအတွင်းက ထုတ်ပယ် ခဲ့ရသည်။
.
– See more at: http://mizzimaburmese.com/article/1482

July 6, 2015
ဂရိအကြွေးပြဿနာ ဆွေးနွေးမှု ချက်ခြင်း ပြန်စနိုင်မည်မဟုတ်

ဇူလိုင် ၆၊ ၂၀၁၅
M-Media

– အကြွေရှင်များ၏ အကူအညီပေးရေးအစီအစဉ်ကို ဂရိပြည်သူများက ကန့်ကွက်ခဲ့ကြပြီးနောက် ဂရိအကြွေပြဿနာဖြေရှင်းရေးအတွက် ဆွေးနွေးညှိနှိုင်းမှု ချက်ခြင်းပြန်စရန် အကြောင်းမရှိဟု ဂျာမနီဝန်ကြီးချုပ် အိန်ဂျလာမာကဲလ်၏ ပြောရေးဆိုခွင့်ရှိသူက ယနေ့တွင် ပြောကြားလိုက်သည်။

နိုင်ငံတကာ ငွေကြေးရန်ပုံငွေအဖွဲ့သို့ ပေးအပ်ရန်ရှိသည့် အကြွေးကို နောက်ဆုံးရက်ဖြစ်သည့် ဇွန်လ ၃၀ ရက်နေ့တွင် ပေးချေနိုင်ခြင်းမရှိသည့် ဂရိနိုင်ငံမှ ရင်ဆိုင်နေရသော အကြွေးပြဿနာ လွတ်မြောက်ရေး ငွေကြေးအကူအညီများ ထပ်ပေးမည်ဟု နိုင်ငံတကာ အကြွေးရှင်နိုင်ငံများက ကမ်းလှမ်းခဲ့ပြီး အပြန်အလှန်အားဖြင့် ၎င်းတို့ တင်ပြသည့် ချွေတာရေးအစီအစဉ်ကို ဂရိက
လက်ခံရမည်ဖြစ်သည်။

သို့သော်လည်း ထိုအစီအစဉ်အတွက် ဂရိအစိုးရက ပြည်သူ့ဆန္ဒခံယူရန် ဆုံးဖြတ်ခဲ့ပြီး ယမန်နေ့က ပြုလုပ်ခဲ့ကာ ပြည်သူများက ကန့်ကွက်ခဲ့ကြသည်။ ဂရိဝန်ကြီးချုပ် တီဆီပရက်စ်ကမူ ကြွေးရှင်နိုင်ငံများနှင့် ပြန်လည်၍ ဆွေးနွေးမှုများ ပြုလုပ်ချင်ကာ အကူအညီပေးရေး အစီအစဉ်အသစ် ဖြစ်စေချင်နေသည်။

အဆိုပါချွေတာရေးအစီအစဉ်ကို လက်ခံရန် ဥရောပဇုန်၏ ဂရိအားတွန်းအားပေးမှုတွင် ဂျာမနီက ဦးဆောင်ခဲ့ပြီး ဂရိ၏ ဆုံးဖြတ်ချက်နှင့်ပတ်သက်၍ ၀န်ကြီးချုပ်မာကဲလ်မှာ ယနေ့ညနေတွင် ပြင်သစ်ဝန်ကြီးချုပ် ဖရန်ကိုအစ် ဟော်လန်ဒေးနှင့် တွေ့ဆုံကာ ဗဟာဗျူဟာနှင့်ပတ်သက်၍ ဆွေးနွေးမည်ဖြစ်သည်။

ဂျာမနီဝန်ကြီးချုပ် မာကဲလ်၏ ပြောရေးဆိုခွင့်ရျိသူ စတီဖင် ဆိုင်းဘာ့တ်ကမူ ဂျာမနီအစိုးရမှာ ပြည်သူ့ဆန္ဒရလဒ်ကို လေးစားပြီး ဆွေးနွေးညှိနှိုင်းမှုအတွက် တံခါးဖွင့်ထားသည်ဟု ဆိုသည်။

“ဒါပေမယ့် ဂရိပြည်သူတွေရဲ့ မနေ့က ဆုံးဖြတ်ချက်ပြီးတဲ့နောက်မှာ အကူအညီပေးရေး အစီအစဉ်အသစ်နဲ့ပတ်သက်လို့ ဆွေးနွေးညှိနှိုင်းမှုပြုလုပ်ဖို့ အခြေအနေတွေက မပေးသေးပါဘူး” ဟု ဆိုင်းဘာ့တ်က ပြောကြားခဲ့သည်။

ထို့ပြင် ဂရိဝန်ကြီးချုပ်က အင်္ဂါနေ့ ဘရပ်ဆဲလ်တွင်ပြုလုပ်မည့် အစည်းအဝေးတွင် ယူဆောင်လာဖွယ်ရှိသည့် အဆိုပြုချက်အသစ်များကို ဂျာမနီက စောင့်သွားမည်ဟုလည်း ထည့်သွင်းပြောကြားခဲ့သည်။

ပြင်သစ်ဝန်ကြီးချုပ် မီခေးလ် စပိန်ကလည်း အခြေခံအတွက် ဆွေးနွေးရန်ရှိနေပြီး ဆွေးနွေးမှုများ ပြန်လည်စတင်နိုင်ရန်အတွက် ဂရိအစိုးရအနေဖြင့် ဆိုပြုချက်များတင်သွင်းရန် တိုက်တွန်းထားသည်။

Ref: Wall Street

July 6, 2015
မလေးရှားရှိ ဘေးချင်းကပ် ဗလီနှင့် ခရစ်ယာန် ဘုရားကျောင်းတို့ စုပေါင်း ၀ါဖြေပွဲ ကျင်းပ

ဇူလိုင် ၆၊ ၂၀၁၅
M-Media

– လူ့အဖွဲ့အစည်းအတွင်း နားလည်မှုများကို မြှင့်တင်သည့်အနေဖြင့် မလေးရှား အရှေ့မြောက်ပိုင်း ဆာရာဝပ်ပြည်နယ် မီရီမြို့တွင် ခရစ်ယာန်ဘုရားကျောင်းတစ်ခုနှင့် ဗလီဝတ်ကျောင်းတော်တစ်ခုတို့ ပူးပေါင်း၍ အစ်ဖ်သာရ်ဝါဖြေပွဲကို ပြုလုပ်ခဲ့ကြပြီး နိုင်ငံအတွင်းရှိ ဘာသာရေးလူ့အဖွဲ့အစည်းများ ငြိမ်းချမ်းစွာ အတူယှဉ်တွဲနေထိုင်မှုကို ပြသခဲ့ကြသည်။

“ဘာသာရေးနဲ့ လူမျိုးရေးဆိုင်ရာ ဒီလို နားလည်လက်ခံမှုကို ခံစားရတာဟာ တန်ဖိုးမဖြတ်နိုင်ပါဘူး” ဟု ပြည်နယ်လွှတ်တော်အမတ်တစ်ဦးဖြစ်သည် ဒါတွတ် လီက The Strait Times သို့ ဇူလိုင်လ ၄ ရက်နေ့တွင် ပြောကြားခဲ့သည်။

လီမှာ မီရီမြို့တွင် ဘေးချင်းကပ်လျက်တည်ရှိသော ဗလီဝတ်ကျောင်းတော်နှင့် ခရစ်ယာန်ဘရားကျောင်းတို့မှ ရမ်ဇာန်ဥပုသ်လကို ဂုဏ်ပြုသည့်အနေဖြင့် ပူးပေါင်းကျင်းပသည့် စုပေါင်းဝါဖြေပွဲကို ရည်ညွှန်း၍ ပြောကြားခဲ့ခြင်းဖြစ်သည်။

သောကြာနေ့က ကျင်းပပြုလုပ်ခဲ့သည့် အဆိုပါ စုပေါင်းဝါဖြေပွဲသို့ အင်ဂလိကန်၊ ကက်သလစ်၊ ဘော်နီယို ဧ၀ံဂေလိနှင့် မက်သဒစ် စသည့် ခရစ်ယာန်အသင်းတော်ပေါင်းစုံမှ တာဝန်ရှိသူများ၊ ပြည်သူများနှင့် မွတ်စလင်များ တက်ရောက်ခဲ့ကြသည်။

လူတောင်ဘဇားဒေသတွင် ရှိနေကြသည့် အန်နအီမ်း ဗလီဝတ်ကျောင်းတော်နှင့် Good Shepherd ဘုရားကျောင်းတို့မှာ မီတာ ၁၀၀ သာ ကွာဝေးပြီး ခရစ်ယာန်တို့၏ တနင်္ဂနွေ ၀တ်ပြုကိုးကွယ်သည့်အချိန်နှင့် မွတ်စလင်တို့၏ သောကြာနေ့ ၀တ်ပြုမှု အချိန်များတွင် လာရောက်သူများအတွက် တစ်ဖက်နှင့်တစ်ဖက် ကားပါကင်များကို မျှဝေသုံးစွဲကြသည်။

“ကားပါကင်တွေ မျှဝေသုံးစွဲတာ၊ ပွဲတွေ အတူတူလုပ်ကြတာဟာ ကျွန်တော်တို့ရဲ့ ဘ၀တည်ဆောက်မှုနည်းလမ်း ဖြစ်လာခဲ့ပါပြီ။ ကျွန်တော်တို့အတွက်တော့ မွတ်စလင်နဲ့ ခရစ်ယာန်တွေဟာ မိသားစုကြီး တစ်ခုပါပဲ” ဟု ရှေ့ဆောင်အီမာမ်တစ်ပါးဖြစ်သူ မိုဟာမက် ဇူလ်ကီဖလီ မိုဟာမက် အဒ်နန်က ပြောကြားခဲ့သည်။

အဆိုပါ စုပေါင်းဝါဖြေပွဲသို့ တက်ရောက်လာကြသူများမှာ ကိတ်မုန့်များ၊ သစ်သီးဝလံများကို အပြန်အလှန် မျှဝေခဲ့ကြပြီး နောက်ပိုင်းတွင် ဗလီဝတ်ကျောင်းတော် ပရ၀ုဏ်အတွင်းသို့ ၀င်ရောက်ကာ စုပေါင်း ၀ါဖြေခဲ့ကြသည်။

“ဒီဒေသက ဒီလို အပြန်အလှန် နားလည်လက်ခံမှုဟာ သဘာဝအတိုင်း ဖြစ်လာတာပါ” ဟု သင်းအုပ်ဆရာ ဒေါ်နဲလ် ဂျူတီက ပြောကြားခဲ့သည်။

မလေးရှားနိုင်ငံ၏ ၂၆ သန်းသော လူဦးရေတွင် ၆၀ ရာခိုင်နှုန်းခန့်မှာ အစ္စလာဘာသာဝင်များ ဖြစ်ပြီး၊ ခရစ်ယာန်ဘာသာဝင်များမှာ ၉.၁ ရာခိုင်နှုန်းရှိသည်။ ဗုဒ္ဓဘာသာဝင်မှာ ၁၉.၂ ရာခိုင်နှုန်း၊ ဟိန္ဒူ ၆.၃ ရာခိုင်နှုန်းနှင့် အခြားသော တရုတ်ရိုးရာ ဘာသာတရားများစွာလည်း ရှိနေသည်။

Ref: Onislam

July 6, 2015
ဘီလင်းမြို့ တောင်စွန်းဗလီ မိုးမလုံ၍ ခွင့်ပြုမိန့်ဖြင့် အမိုးပြုပြင်ခြင်း မ.ဘ.သ အဖွဲ့ တားဆီး၍ ပြန်ဖျက်ရ

ဇူလိုင် ၆၊ ၂၀၁၅
M-Media
မိုးစက်

ဘီးလင်း။ ။ မွန်ပြည်နယ် ဘီးလင်းမြို့ တောင်စွန်းကျေးရွာရှိ တောင်စွန်းဂျာမေဗလီတွင် မိုးရာသီကာလ ဗလီဝတ်ပြုသည့်နေရာ မိုးမလုံ၍ အမိုးကာသည်ကို မ.ဘ.သ အဖွဲ့မှ ဖိအားပေး တားဆီးခဲ့သောကြောင့် ပြုပြင်ခဲ့သည့် အမိုးအား ပြန်လည် ဖျက်သိမ်းပေးရန် သဘောတူညီခဲ့ရကြောင်း သိရသည်။
.
တောင်စွန်းဂျာမေဗလီမှ သက်ဆိုင်ရာ တာဝန်ရှိသူများက ဗလီဝတ်ကျောင်းတော် ဝတ်ပြုသည့်နေရာ ၃၅× ၄၀ ပေ အကျယ်အဝန်း ရှိသည့် နေရာအား အမိုးပြန်လည်ပြုပြင်ရန် မြို့နယ် အုပ်ချုပ်ရေးအဖွဲ့အား တင်ပြခဲ့ပြီး အုပ်ချုပ်ရေး အဖွဲ့မှ နှုတ်မိန့်ဖြင့် ခွင့်ပြုခဲ့သောကြောင့် အမိုးပြုပြင် မွမ်းမံမှုများကို ပြုလုပ်ခဲ့သည်။
.
“ကျွန်တော်တို့ ဗလီသက်တမ်းက နှစ် (၁၀၀) လောက်ရှိပါပြီ။ ဗလီကို ဘာမှ မပြုပြင်ဘဲ ထားတာ တော်တော်ကြာခဲ့ပါပြီ။ ဗလီက အုပ်ခံသွပ်မိုးဗလီပါ။ သွပ်တွေကပေါက်ပြဲပြီး ခုလည်း ဝတ်ပြုဖို့က မိုးမလုံတာကြောင့် ပြန်လည်ပြုပြင်ဖို့ တင်ပြပြီး ဆောင်ရွက်ခဲ့တာပါ” ဟု တောင်စွန်းဂျာမေဗလီမှ တာဝန်ရှိသူတစ်ဦးက M-Media ကိုပြောခဲ့ပါသည်။
.
အမိုးပြင်ပြီးတဲ့ အချိန်မှ မ.ဘ.သ က ကန့်ကွက်တယ်ဆိုပြီး မြို့နယ် သာသနာရေးရုံး နဲ့ စည်ပင်မှ ဗလီသက်ဆိုင်ရာ တာဝန်ရှိသူများကို အစည်းအဝေး တစ်ရပ်ခေါ်ယူဆွေးနွေးခဲ့ကြောင်း သိရသည်။ ထိုအစည်းအဝေးတွင် မြို့နယ် သာသနာရေး ဒု-ဦးစီးမှူး က ယခု ဆက်မလုပ်ဘဲနဲ့ ရပ်တန့်ထားပြီး ခွင့်ပြု မိန့်တင်ပြီး ခွင့်ပြုမိန့်ကျလာမှ ဆက်လုပ်ရန်ပြောဆိုခဲ့သော်လည်း ဘီလင်း မ.ဘ.သ အဖွဲ့မှ အတွင်းရေးမှူးဆိုသူက ဆရာတော်များက ဒီအတိုင်း မထားခိုင်းဘူး ဖျက်ပေးရမယ်ဆိုပြီး ပြောဆိုခဲ့ကြောင်း သိရသည်။ ဖိအားပေးမှုများကြောင့် ဆွေးနွေးပြီးနောက်ပိုင်း မြို့နယ်သာသနာရေးနှင့် စည်ပင်တို့မှ ပြုပြင်ထားသည့် အမိုးအား ပြန်လည်ဖျက်သိမ်းပေးရန် ပြောဆိုခဲ့သည်။
.
ကျွန်တော်တို့ကို ဖျက်ခိုင်းတော့လည်း ဖျက်ပေးရမှာပေါ့။ ဒါပေမယ့် အခုက ဥပုသ်ကလည်း ဖြစ်နေတော့ ဝတ်ပြုဖို့က အရမ်း အခက်အခဲဖြစ်နေတော့ မေတ္တာရပ်ခံထားပြီး ဥပုသ်ပြီးတာနဲ့ ပြန်ဖျက်ပေးမယ်ဆိုပြီး သဘောတူညီမှုရယူထားပါတယ်။ အုပ်ချုပ်ရေးမှူးတွေဘက်ကလည်း အမိုးကိုပြန်ဖျက်ပြီး တစ်ဖန်ပြန်လုပ်ဖို့ ခွင့်ပြုမိန့်ပြန်တင်ရန် ပြောဆိုထားကြောင်းကိုလည်း ယင်းဒေသမှမြို့ခံတစ်ဦးက M-Media ကိုပြောဆိုခဲ့ပါသည်။
.
အထက်ပါ အဖြစ်ပျက်အား တောင်စွန်းဂျာမေဗလီအား ၉၆၉ အဖွဲ့မှာ ဖျက်ပေးရန် အကြပ်ကိုင်တောင်းဆို ဆိုသည့် သတင်းများ ဆိုရှယ်မီဒီယာတွေ ပြန့်နှံလျက်ရှိရာ အဆိုပါ သတင်းမှားယွင်းကြောင်း ဗလီကို ဖျက်ခိုင်းခြင်းမရှိဘဲ မိုးယို၍ ပြင်ဆင်ခဲ့သည့် အမိုးကိုသာ ပြန်ဖျက်ခိုင်းတာ ဖြစ်ကြောင်း သိရှိရပါသည်။
.
မွန်ပြည်နယ် ဘီးလင်းမြို့ တောင်စွန်းကျေးရွာရှိ တောင်စွန်းဂျာမေဗလီသည် တောင်စွန်းမြို့ကျောက်မိုင်းကို စတင်လေ့လာ လုပ်ကိုင်ကြသည့် အစ္စမာန်ဝတီခန် ကုမ္ပဏီပိုင်ရှင်များသည် ၁၉၁၆ ခုနှစ်တွင် တောင်စွန်းကျေးရွာရှိ အစ္စလာမ်ဘာသာဝင်များ ဝတ်ပြုရန်အတွက် လှူဒါန်းခဲ့သည့် ဗလီဝတ်ကျောင်းဖြစ်ကြောင်း သိရှိရပါသည်။

July 6, 2015
အီရန် နျူကလီးယား သဘောတူညီချက် ကွဲလွဲမှုများ ရှိနေဆဲ

ဇူလိုင် ၆၊ ၂၀၁၅
M-Media

– မနက်ဖြန်တွင် ကုန်ဆုံးမည့် နောက်ဆုံးရက်မတိုင်ခင် နိုင်ငံ၏ နျူအရေး သဘောတူညီချက်အတွက် အီရန်နှင့် အင်အားကြီး ၆ နိုင်ငံတို့အကြား ကွဲလွဲမှုအချို့ ရှိနေဆဲဟု အီရန်နိုင်ငံခြားရေးဝန်ကြီး မိုဟာမက် ဂျာဗဒ် ဇာရစ်ဖ်က ပြောကြားခဲ့သည်။

“ဘာမှ ရှင်းရှင်းလင်းလင်း မဖြစ်သေးပါဘူး။ ကွဲလွဲချက်အချို့ ကျန်ရှိနေသေးပြီး ကျွန်တော်တို့ ကြိုးစားပြီး အားထုတ်လုပ်ဆောင်နေပါတယ်” ဟု ဇာရစ်ဖ်က သတင်းထောက်များအား ပြောကြားခဲ့သည်။

နောက်ဆုံးအဆင့် သဘောတူညီချက်ရရေးအတွက် နောက်ဆုံးရက်ကို ဇွန်လ ၃၀ ရက်နေ့ သတ်မှတ်ခဲ့သော်လည်း အပြီးမသတ်နိုင်ခဲ့သောကြောင့် တစ်ပတ်တာ သက်တမ်းထပ်တိုးခဲ့ပြီး ထိုသတ်မှတ်ရက်မှာ မနက်ဖြန်တွင် ကုန်ဆုံးမည်ဖြစ်သည်။

အမေရိကန်နိုင်ငံခြားရေး ၀န်ကြီး ဂျွန်ကယ်ရီကမူ အဆိုပါသဘောတူညီချက် ရရှိနိုင်သကဲ့သို့ ပျက်ပြယ်သွားနိုင်ပြီး အမေရိကန်မှာလည်း ထိုဆွေးနွေးပွဲမှ ထွက်သွားရန် အဆင်သင့်ရှိနေသည်ဟု ယမန်နေ့က ပြောကြားခဲ့သည်။

အနောက်နိုင်ငံများမှ သံတမန်အချို့နှင့် အီရန်အစိုးရ တာဝန်ရှိသူတစ်ဦးကမူ အဆိုပါဆွေးနွေးပွဲမှာ ဇူလိုင်လ ၉ ရက်နေ့အထိ ဆက်သွားနိုင်သည်ဟု ပြောကြားထားသော်လည်း ကယ်ရီက ညှိနှိုင်းဆွေးနွေးသူများမှာ မနက်ဖြန် နောက်ဆုံးရက်ကိုသာ ရည်ရွယ်ထားသည်ဟု ပြောကြားခဲ့သည်။

ကယ်ရီနှင့် ဇာရစ်ဖ်တို့မှာ ပြီးခဲ့သည့် တစ်ပတ်လုံး အကြိတ်အနယ် ဆွေးနွေးခဲ့ကြပြီး ယမန်နေ့ကလည်း ကုလမှ အီရန်အပေါ် ပိတ်ဆို့ထားမှုများ ဖယ်ရှားရေးတို့အပါအ၀င် ကျန်ရှိနေသည့် သဘောထားကွဲလွဲမှုများအား ကျော်ဖြတ်နိုင်ရန် ဆွေးနွေးခဲ့ကြသည်။

အီရန်တာဝန်ရှိသူတစ်ဦးကမူ နိုင်ငံတကာ အနုမြူစွမ်းအင် အေဂျင်စီ IAEA မှ ကိုယ်စားလှယ်အဖွဲ့မှာ ယနေ့တွင် အီရန်တာဝန်ရှိသူများနှင့် ဆွေးနွေးမှု ပြုလုပ်သွားမည်ဟု ပြောကြားခဲ့သည်။

Ref: Reuters

July 6, 2015