Blog

မြန်မာပြည်ရဲ့ ပထမဆုံး KFC ကြက်ကြော် ဘာသာမရွေး စားသုံးလို့ မရနိုင်သေး

ဇွန် ၃၀ ၊ ၂၀၁၅
M-Media
သတင်း – သီဟ
.
မြန်မာပြည်ရဲ့ ပထမဆုံး KFC စားသောက်ဆိုင်ကို ဒီနေ့ ဇွန်လ ၃၀ ရက်နေ့ နေ့လည် (၁၂)မှာ ဖွင့်လှစ်ခဲ့ပါတယ်။
.
ဆိုင်မဖွင့်ခင် လအနည်းငယ် အလိုကတည်းက KFC Myanmar ရဲ့ တရားဝင် FB စာမျက်နှာမှာ အစ္စလာမ် ဘာသာဝင်များ စားသုံးနိုင်ရန် သတ်မှတ်ချက် တခုဖြစ်တဲ့ “Halal” ဖြစ်သလားဆိုတဲ့ မေးခွန်းတွေက အများဆုံး ဖြစ်ခဲ့တာကို တွေ့ရှိရပါတယ်။
.
KFC Myanmar အနေဖြင့် ဆိုင်မဖွင့်ခင်နောက်ဆုံး ရက်အထိ လူမျိုး ဘာသာမရွေး စားသောက်နိုင်ကြောင်း တရားဝင်ဖြေကြားခြင်း မရှိခဲ့ပေမယ့် ယနေ့ မှာတော့ ဟလာလ် သတ်မှတ်ချက် စည်းကမ်းနှင့် အညီ ရောင်းချနိုင်ခြင်း မရှိသေးကြောင်း အောက်ပါအတိုင်း တရားဝင်ဖြေကြားထားတာကို တွေ့ရပါတယ်။

” အခုချိန်မှာတော့ Halal မရပါဘူး။ မြန်မာနိုင်ငံရဲ့ ပထမဦးဆုံး KFC ဆိုင်ခွဲ ကို အခုမှ ဖွင့်တာဖြစ် တဲ့အတွက် အဓိက မီနူးအစားအစာတွေကို အဓိက ဦးစားပေးရောင်းချပေးသွားမှာပါ။ စားသုံးသူများရဲ့ တုံ့ပြန်မှုနဲ့ အသံများကို အမြဲနားထောင်နေပြီး မီနူးအစားအစာတွေကို ထပ်မံပြီး အဆင်မြှင့်တင်သွားဖို့ရှိပါတယ်။”

.
လူမျိုးစုံ ဘာသာစုံ နေထိုင်တဲ့ ရန်ကုန်မြို့မှ KFC စားသောက်ဆိုင် အနေဖြင့် လက်တလော “Halal” သတ်မှတ်ချက်နဲ့ အညီ မရောင်းချနိုင်သေးတဲ့ အတွက် အစ္စလာမ်ဘာသာဝင် စားသုံးသူတွေရဲ့ ဈေးကွက်ဝေစု ရရှိနိုင်သေးမှာ မဟုတ်ပါဘူး။
.
ဒါနဲ့ ပတ်သက်ပြီး ဟလလ် အသိအမှတ်ပြုလွှာ ထုတ်ပေးတဲ့ ပြည်တွင်း အစ္စလာမ်ဘာသာရေး အဖွဲ့အစည်းများထဲမှ တခု ဖြစ်တဲ့ အစ္စလာမ်သာသနာရေးရာ ကောင်စီ ဌာနချူပ်မှ တာဝန်ရှိသူကို ဆက်သွယ်မေးမြန်းခဲ့ရာ ဟလာလ် ကိစ္စ နှင့် ပတ်သက်ပြီး KFC မှ ဆက်သွယ်မေးမြန်းတာမျိုး မရှိသေးကြောင်းဖြေကြားခဲ့ပါတယ်။
.
ဟလာလ် ဟူသည်မှာ အာရဗ်ဘာသာ စကားအရ ခွင့်ပြုချက်ရှိ/ပြုလုပ်ပိုင်သော ဟု အဓိပ္ပာယ်ရပြီး၊ အစားအသောက် အတွက် အသုံးများပါတယ်။
.
မွတ်စလင်တွေအတွက် အစ္စလာမ် တရားတော်က စားသုံးရန် ခွင့်ပြုထားတဲ့ သတ္တဝါများကို သတ်မှတ်ချက် စည်းကမ်းများ အတိုင်း လိုက်နာပြီး ထုတ်လုပ်ထားသည်ကိုသာ စားသုံး ပိုင်ခွင့်ရှိတာဖြစ်ပါတယ်။
.
ကမ္ဘာ့ဟလာလ် ဈေးကွက်ကြီးထွားလာမှုကြောင့် ဟလာလ်စားသောက် ကုန်ထုတ်လုပ်မှုဟာ ဒေါ်လာ တစ် ထရီလီယံ တန်ဖိုးကျော်လွန်နေတဲ့ အထိ တိုးတက်မြင့်မားလာပြီး ၂၀၃၀ ခုနှစ်မှာ ဒေါ်လာ ၂ ထရီလီယံ တန်ဖိုးအထိ မြင်တက်သွားနိုင်ကြောင်း
Chulalongkorn တက္ကသိုလ်က ဟလာလ်သိပ္ပံဌာန Halal Science Center (HSC) ရဲ့တည်ထောင် ညွှန်ကြားသူ တွဲဖက်ပါမောက္ခ Winai Dahlan အင်တာဗျူး တစ်ခုမှာ Sunday’s Zaman သတင်းဌာနကို ပြောကြားခဲ့ပါတယ်။

ဓါတ်ပုံ-KFC Myanmar FB

June 30, 2015
အသင်းဟောင်းအား ဖြုတ်ချခြင်းမှာ ခံတွင်းတွေ့သည့်အလုပ်မဟုတ်ဟု မာတီနိုပြော

ဇွန် ၃၀၊ ၂၀၁၅
M-Media

– အသင်းဟောင်း ပါရာဂွေးအသင်းအား ကိုပါအမေရိကပြိုင်ပွဲမှ ဖြုတ်ချခြင်းမှာ မိမိခံတွင်းတွေ့သည့် အကြောင်းအရာမဟုတ်ဟု အာဂျင်တီးနားနည်းပြ မာတီနိုက ပြောကြားလိုက်သည်။

အုပ်စုတွင်း ၂ ဂိုးစီသရေကျခဲ့သည့် ၎င်းတို့ နှစ်သင်းမှာ ယနေ့တွင် ဆီမီးဖိုင်နယ်ပွဲအဖြစ် ကစားရမည်ဖြစ်သည်။ မာတီနိုမှာ ပါရာဂွေးအသင်းအား ၂၀၀၆ ခုနှစ်မှ ၂၀၁၁ ခုနှစ်အထိ ကိုင်တွယ်ခဲ့ပြီး လွန်ခဲ့သည် ၄ နှစ်က ကိုပါအမေရိကဖိုင်နယ်သို့ ရောက်ရှိအောင် ပို့ဆောင်ပေးနိုင်ခဲ့သည်။

ထို့ကြောင့် ဘရာဇီးလ်အား အနိုင်ကစားကာ ဆီမီးဖိုင်နယ် တက်ရောက်လာခဲ့သည့် ပါရာဂွေးအသင်းကို ဖြုတ်ချရန်မှာ မိမိအတွက် ၀မ်းနည်းစရာဖြစ်သည်ဟု ဆိုသည်။

“ပါရာဂွေးနဲ့ မကစားရတာကို ကျွန်တော် ပိုကြိုက်ပါတယ်။ ကျွန်တော်တို့မှာ တူညီတာတွေ အများကြီးရှိပါတယ်။ ခံစားမှုတွေလည်း အများကြီးရှိပါတယ်။ အဲဒီမှာ ကျွန်တော် အချိန်ကြာကြီး လုပ်ခဲ့တယ်။ ကမ္ဘာ့ဖလား၊ ကိုပါအမေရိကတို့မှာ ကျွန်တော်တို့ဟာ လုပ်ငန်းစဉ်တစ်ခုကို စခဲ့ပြီး အဆုံးလည်း သတ်ခဲ့ပါတယ်။ အရမ်းကို နီးကပ်တဲ့ ဆက်ဆံရေးလည်း ရှိပါတယ်။ သူတို့ဆီက ကစားသမားအများအပြားကို ကျွန်တော် လေ့ကျင့်ပေးခဲ့ပြီး၊ သူတို့တွေကလည်း ကျွန်တော့်ကို နည်းပြတစ်ယောက်အဖြစ် ရင့်ကျင်အောင် ကူညီပေးခဲ့ပါတယ်။ သူတို့ဟာ ကျွန်တော့်ရဲ့ နည်းပြဘ၀မှာ လွှမ်းမိုးမှု ကြီးကြီးမားမား ရှိခဲ့ပါတယ်” ဟု မာတီနိုက သတင်းထောက်များအား ပြောကြားခဲ့သည်။

အဖွင့်ပွဲ ပါရာဂွေးနှင့်ပွဲ ပထမပိုင်းတွင် ၂ ဂိုးသွင်းယူနိုင်ခဲ့ပြီးနောက်ပိုင် အာဂျင်တီးနားမှာ ကျန် ၃ ပွဲနှင့် တစ်ဝက်တွင် ၂ ဂိုးသာ ထပ်သွင်းနိုင်ခဲ့ပြီး မာတီနိုကမူ အသင်းမှာ အခွင့်အရေးများကို ဂိုးအဖြစ် ပြောင်းလဲပစ်ရန် လိုအပ်နေသည်ဟု ၀န်ခံခဲ့သည်။

“ကျွန်တော်တို့ရဲ့ အဆုံးသတ်မှာ ပြဿနာရှိတယ်ဆိုတာ ရှင်းပါတယ်။ ပါရာဂွေးနဲ့ပွဲက လူအများမှတ်မိတဲ့ ဒုတိယပိုင်းမှာတင် မဟုတ်ပါဘူး။ ဥရုဂွေးနဲ့ပွဲရဲ့ နှစ်ပိုင်းစလုံးမှာရော အထူးသဖြင့် ဂျမေကာနဲ့ ပွဲမှာရောပေါ့ဗျာ”

Ref: Goal

June 30, 2015
ကမ္ဘာတစ်ဝှမ်း ပညာမသင်နိုင်သည့် ကလေးအရေအတွက် ၅၈ သန်းခန့်ရှိနေ

ဇွန် ၃၀၊ ၂၀၁၅
M-Media

အာဖဂန်မှ ကလေးငယ်များ

– လက်နက်ကိုင်ပဋိ့ပက္ခများက ကမ္ဘာတစ်ဝှမ်း သန်း ၃၀ သော ကလေးငယ်များအတွက် ပညာရေးကို လက်မဲ့ဖြစ်စေပြီး အစိုးရများအနေဖြင့် စာသင်ကျောင်းများအား ပိုမိုလုံခြုံမှုရှိအောင် ဆောင်ရွက်ရေးတွင် ရင်းနှီးမြှုပ်နှံမှု တိုးမြှင့်လုပ်ဆောင်ကြရန် နော်ဝေ ၀န်ကြီးချုပ် အာရ်နာ ဆိုလ်ဘာ့ဂ်က ယမန်နေ့တွင် ပြောကြားခဲ့သည်။

၂၀၃၀ ကမ္ဘာကြီးဖွံ့ဖြိုရေး ရည်မှန်းချက်အသစ်များအတွက် အသိပညာပေးသော ကုလအဖွဲ့၏ တွဲဘက်ဥက္ကဌဖြစ်သူ ဆိုလ်ဘာ့ဂ်မှာ ပညာရေးအပေါ် ကြီးကြီးမားမား သုံးစွဲခြင်းဖြင့် ကျန်းမာရေး အကျိုးကျေးဇူးများ၊ စီပွားရေးတိုးတက်မှုနှင့် အမျိုးသမီများ သာတူညီမျှမှုတို့ကိုလည်း ဖြစ်ထွန်းစေသည်ဟု Reuters သတင်းဌာနသို့ ပြောကြားခဲ့သည်။

“ကျွန်မတို့မှာ ကလေး ၅၈ သန်းလောက်က ပညာရေးမရပါဘူး။ အဲဒီထဲက ထက်ဝက်လောက်ဟာ ပဋိပက္ခတွေဖြစ်ပွားနေတဲ့ နေရာတွေကပါပဲ” ဟု ကမ္ဘာ့တစ်ဝှမ်းမှ ပညာရေးနှင့် သက်ဆိုင်သူများ တက်ရောက်ခဲ့သည့် အခမ်းအနားအတွင် ဆိုလ်ဘာ့ဂ်က ပြောကြားခဲ့သည်။ ကုလမှာ ၂၀၁၅ ခုနှစ်တွင် ကမ္ဘာပေါ်ရှိ ကလေးငယ်များအားလုံး ပညာရေး အပြည့်အ၀ရရှိရန် ရည်မှန်းချက်ကို ၂၀၀၀ ခုနှစ်က ချထားခဲ့သည်။

ပညာရေးမရရှိသည့် ကလေးငယ်များတွင် ယောက်ျားလေးအရေအတွက်ထက် မိန်းကလေး အရေအတွက် ပိုမိုများပြားဖွယ် ရှိနေသည်။

နော်ဝေမှာ ပညာရေးတိုးတက်မှု၊ တာလီဘန်၊ ဘိုကိုဟရမ်တို့ကဲ့သို့ အဖွဲ့များမှ ခြိမ်းခြောက်မှုများကို လျော့ချရေးနှင့် ပတ်သက်သည့် နိုင်ငံတကာ အစည်းအဝေးတစ်ခုကို လာမည့် ဇူလိုင်လ ၆ ရက်နှင့် ၇ ရက်နေ့များတွင် ကျင်းပပြုလုပ်ရန်ရှိနေပြီး ကုလအထွေထွေအတွင်းရေးမှူးချုပ် ဘန်ကီမွန်လည်း တက်ရောက်မည်ဖြစ်သည်။

ဆွေးနွေးမည့် အဓိကအကြောင်းအရာများတွင် ပဋိပက္ခအတွင်း စာသင်ကျောင်းများမှာ ပစ်မှတ်ထား မခံရရေးလည်း ပါဝင်သည်ဟု ဆိုလ်ဘာ့ဂ်က ဆိုသည်။ ထို့ပြင် အကြမ်းဖက်သမားများ၏ သဘောထားအတွင်းသို့ မကျရောက်ရေးလည်း အရေးကြီးကာ သာမန်ဘ၀ ပြန်ရရေးအတွက် တိုက်ပွဲဝင်ချင်ပါက ပူးပေါင်းဆောင်ရွက်ရမည်ဟုလည်း သူမက ထပ်လောင်းပြောကြားခဲ့သည်။

ဆိုလ်ဘာ့ဂ်မှာ ပုဂ္ဂလိက စပွန်ပေးသူများအနေဖြင့် ကျန်းမာရေးလုပ်ငန်းတွင် ဆောင်ရွက်နေသကဲ့သို့ ပညာရေးကဏ္ဍတွင် ပိုမို ပါဝင်ဆောင်ရွက်ရန်လည်း တိုက်တွန်းခဲ့သည်။

Ref: Alarabiya

June 30, 2015
ပြင်သစ်ဘဏ္ဍာရေးနှင့် ကုန်သွယ်ရေးကိုလည်း အမေရိကန် လျှို့ဝှက်ထောက်လှမ်း

ဇွန် ၃၀၊ ၂၀၁၅
M-Media

– အမေရိကန်အမျိုးသားလုံခြုံရေးအေဂျင်စီ NSA မှာ ပြင်သစ်နိုင်ငံ၏ ဘဏ္ဍာရေးဝန်ကြီးများ၊ နိုင်ငံ၏ ပို့ကုန်စာချုပ်များ၊ ကုန်သွယ်ရေးနှင့် ဘက်ဂျက်ဆိုင်ရာ ဆွေးနွေးမှုများကို လျှို့ဝှက်ထောက်လှမ်းခဲ့သည့် စာရွက်စာတမ်းများကို ၀ီကီလိခ်မှ ယမန်နေ့တွင် ဖွင့်ချလိုက်သည်။

အဆိုပါ စာရွက်စာတမ်းအသစ်များအရ NSA မှာ ၂၀၀၄ ခုနှစ်မှ ၂၀၁၂ ခုနှစ်အကြားတွင် ပြင်သစ် ဘဏ္ဍာရေးဝန်ကြီးများဖြစ်သော ဖရန်ကိုအစ် ဘာရိုအင်နှင့် ပီယာရီ မော်စကိုဗီစီတို့၏ ဆက်သွယ်ဆောင်ရွက်မှုများကို လျှို့ဝှက်ထောက်လှမ်းခဲ့သည်ဟု သိရသည်။

ထို့ပြင် ၂၀၀၂ ခုနှစ်မှ ၂၀၁၂ ခုနှစ်အတွင်း ကန်ဒေါ်လာ သန်း ၂၀၀ ကျော် တန်ဖိုးရှိသော ပြင်သစ်၏ ပို့ကုန်သဘောတူညီချက်များနှင့် ပတ်သက်၍ အချက်အလက်များ စုဆောင်းရန် သြစတေးလျ၊ ယူကေ၊ ကနေဒါနှင့် နယူးဇီလန်နိုင်ငံများမှ ထောက်လှမ်းရေး အဖွဲ့များသို့ NSA က ဖုန်းခေါ် ဆက်သွယ်ခဲ့သည်ဟုလည်း ဖော်ပြထားသည်။

ပြင်သစ်၏ ဘက်ဂျက်၊ ကုန်သွယ်ရေးပေါ်လစီနှင့် ၁၉၉၀ ပြည့်နှစ်များက အီရတ်တွင် ဆောင်ရွက်ခဲ့သည့် oil-for-food အစီအစဉ်တို့တွင် ပြင်သစ်ကုမ္ပဏီများ၏ အခန်းကဏ္ဍ စသည်တို့နှင့် ပတ်သက်သည့် သတင်းအချက်အလက်များကိုလည်း NSA က ပစ်မှတ်ထားခဲ့သည်ဟု ၀ီကီလိခ်က ဆိုသည်။ သို့သော်လည်း ကုမ္ပဏီတစ်ခုချင်းစီ၏ အမည်ကို ဖော်ပြခဲ့ခြင်း မရှိပေ။

ပေါက်ကြားလာသည့် အဆိုပါအထောက်အထားများကို ပြင်သစ်မီဒီယာများဖြစ်သော Mediapart နှင့် Liberation တို့က ဖော်ပြခဲ့ပြီး ပြင်သစ်နှင့် အမေရိကန် နှစ်ဘက်စလုံးက တုံ့ပြန်ပြောကြားမှုများ မလုပ်သေးပေ။

NSA မှာ ၂၀၀၆ ခုနှစ်မှ ၂၀၁၂ ခုနှစ်အထိ သမ္မတဟောင်း ဂျက်ကွက်ချီရက်စ်၊ နီကိုလက်စ်ဆာကိုဇီနှင့် လက်ရှိသမ္မတ ဖရန်ကိုအစ် ဟော်လန်ဒေးတို့အား လျှို့ဝှက်ထောက်လှမ်းမှုများ ပြုလုပ်ခဲ့သည်ဟု လျှို့ဝှက်ထောက်လှမ်းရေး ထိပ်တန်းအစီရင်ခံစာများနှင့် နည်းပညာဆိုင်ရာ စာရွက်စာတမ်းများကို ကိုးကား၍ ဇွန်လ ၂၃ ရက်နေ့တွင် ၀ီကီလိခ်က ဖော်ထုတ်ခဲ့သည်။

ထိုကဲ့သို့ သမ္မတများ၏ ဆက်သွယ်မှုများကို ထောက်လှမ်းခဲ့သည့်အပြင် NSA မှာ ပြင်သစ် ကက်ဘိနတ်ဝန်ကြီးများနှင့် အမေရိကန်နိုင်ငံဆိုင်ရာ ပြင်သစ်သံအမတ်ကြီးတို့ကိုလည်း လျှို့ဝှက်ထောက်လှမ်းမှုများ ပြုလုပ်ခဲ့သည်ဟု ၀ီကီလိခ်တွင် ထည့်သွင်းပြောကြားခဲ့သည်။

ထိုသို့ ၀ီကီလိခ်က ဖော်ထုတ်ခဲ့ပြီးနောက် ပြင်သစ်သမ္မ ဟော်လန်ဒေးမှာ ကာကွယ်ရေးကောင်စီ အရေးပေါ်အစည်းဝေးကို ဇွန်လ ၂၄ ရက်နေ့တွင် ခေါ်ယူခဲ့သည်။ ထို့ပြင် ပြင်သစ်ဝန်ကြီးချုပ် မန်နျူယဲလ် ဗာလက်စ်ကလည်း မဟာမိတ်နိုင်ငံများအကြား ထောက်လှမ်းရေးကျင့်ဝတ်များ ဖြစ်လာရန် တစ်ပတ်အကြာတွင် တိုက်တွန်းခဲ့သည်။

Ref: PressTV

June 30, 2015
ဆန္ဒနှင့် တစ်ထပ်တည်းကျမည်ဟု ယူဆပြီး အာဆင်နယ်သို့ ပြောင်းလာခြင်းဟု ချက်ပြော

ဇွန် ၃၀၊ ၂၀၁၅
M-Media

– အာဆင်နယ်သို့ ပြောင်းရွှေ့ရခြင်းမှာ မိမိ၏ ပွဲများကို ဆာလောင်မွတ်သိပ်မှုနှင့် အံဝင်ခွင်ကျဖြစ်မည်ဟု ခံစားရသောကြောင့်ဖြစ်ပြီး နည်းပြ၀င်းဂါးကလည်း စွဲဆောင်ခဲ့သည်ဟု ချယ်ဆီးဂိုးသမားဟောင်း ပီတာချက်က ပြောကြားလိုက်သည်။

ချယ်ဆီးအသင်းတွင် ၁၁ နှစ်ကြာ ကစားခဲ့သည့် ပီတာချက်မှာ ပြီးခဲ့သည့်ရာသီက ချယ်ဆီးအသင်းတွင် ပုံမှန်နေရာ မရရှိခဲ့သောကြာင့် အသင်းမှထွက်ခွာရန် ဆန္ဒရှိနေသူဖြစ်ပြီး ယမန်နေ့က အာဆင်နယ်အသင်းနှင့် အပြီးသတ်စာချုပ် ချုပ်နိုင်ခဲ့ခြင်းဖြစ်သည်။

အသက် ၃၃ နှစ်အရွယ်ရှိ ချက်မှာ ယခုနှစ် နွေရာသီအပြောင်းအရွှေ့ဈေးကွက်တွင် အာဆင်နယ်၏
ပထမဆုံးခေါ်ယူသော အဓိက ကစားသမားတစ်ဦးဖြစ်ပြီး ၎င်းကလည်း ရှိပြီးသား ဆုတံဆိပ်စာရင်းတွင် အာဆင်နယ်အသင်းနှင့်အတူ ရရှိသည့် ဆုတံဆိပ်များကို ထပ်မံ ထည့်သွင်းချင်နေသည်။

“အာဆင်နယ်ဟာ ထိပ်ဆုံးနေရာအတွက် စိန်ခေါ်နေတဲ့ အသင်းတစ်သင်းပါ။ ပြီးတော့ ကျွန်တော့်ရဲ့ ရည်မှန်းချက်တွေ၊ ပုဂ္ဂိုလ်ရေးစေ့ဆော်မှုတွေနဲ့လည်း လုံးဝ အံဝင်ခွင်ကျဖြစ်ပါတယ်။ ကျွန်တော့်ကစားသမားဘ၀ရဲ့ ဒီအချိန်မှာ ရွေးချယ်မှုကောင်းတစ်ခုကို ပြုလုပ်လိုက်တယ်လို့ ကျွန်တော် ယုံကြည်ပါတယ်။ ပြီးတော့ ကျွန်တော် အောင်မြင်မှုရမှာဖြစ်ပြီး ရလည်းရချင်ပါတယ်” ဟု
အာဆင်နယ်အသင်း၏ ၀ဘ်ဆိုက်သို့ ပီတာချက်က ပြောကြားခဲ့သည်။

မော်ရင်ဟိုမှာ ပီတာချက်အား ပရီးမီးယားလိဂ် ပြိုင်ဘက်ကလပ်များသို့ မရောင်းချင်ဟု စောစောပိုင်းက ပြောကြားခဲ့သော်လည်း ချက်၏ မိသားစုအခြေချမှုနှင့် ပတ်သက်၍ နှစ်ကိုယ်ခြား ဆွေးနွေးမှုများ ပြုလုပ်ခဲ့ပြီးနောက် လက်လွှတ်ခဲ့ခြင်းဖြစ်သည်။

Ref: Goal

June 30, 2015