Blog

ဇူလိုင် ၂၊ ၂၀၁၅
M-Media

– ဥပုသ်သီလဆောက်တည်သည့် ဓလေ့နှင့်ပတ်သက်၍ အပြန်အလှန် သင်ယူလေ့လာနိုင်ရန်အတွက် ကနေဒါရှိ သြဇာလွှမ်းမိုးမှုအရှိဆုံး ဂျူးဘုရားကျောင်းများမှ တစ်ခုဖြစ်သော Holy Blossom က မွတ်စလင်များအတွက် အစ်ဖ်သာရ် စုပေါင်းဝါဖြေပွဲတစ်ခုကို စီစဉ်ပေးခဲ့သည်ဟု သိရသည်။

“ဘာသာတရားတွေ အချင်းအချင်းမှာ စစ်မှန်တဲ့ တွေ့ဆုံဆွေးနွေးမှုဟာ လူတွေ အတူတကွ ပညာသင်ကြတဲ့အခါ၊ အတူတကွ စားကြသောက်တဲ့အခါ ဖြစ်လာတာလို့ ကျွန်တော် ယုံကြည်ပါတယ်” ဟု အဆိုပါ ဂျူးဘုရားကျောင်းမှ ဘုန်းတော်ကြီး မိုက်ကယ် ဆတ်ဇ်က ပြောကြားခဲ့သည်။

ဇွန်လ ၂၃ ရက်နေ့က ပြုလုပ်ခဲ့သော အဆိုပါ ၀ါဖြေညစာစားပွဲကို ဘာသာပေါင်းစုံနှင့် ယဉ်ကျေးမှုအချင်းချင်း ပူးပေါင်းဆောင်ရွက်မှု မြှင့်တင်ပေးရန် ရည်ရွယ်သည့် အကျိုးအမြတ်မယူသော Intercultural Dialogue Institute အဖွဲ့က ပူးပေါင်းစပွန်ဆာပေးခြင်း
ဖြစ်သည်။

“ဒီအစ်ဖ်သာရ်ဝါဖြေပွဲဟာ ပိုမိုနားလည်မှုရှိဖို့၊ နာမ်ပိုင်းဆိုင်ရာ အသိပေးဖို့၊ ပြီးတော့ ဆက်ဆံရေးတွေ တည်ဆောက်ဖို့အတွက် ဒီညမှာ ကျွန်တော်တို့အားလုံးကို အတူတကွ စုစည်းစေခဲ့ပါတယ်” ဟု ကော်ဒိုဘာ ပြည်သူ့ရေးရာ စီမံခန့်ခွဲမှုစင်တာ၏ ဒါရိုက်တာဖြစ်သူ မူနီဘ် နစီးရ်က အဆိုပါဝါဖြေပွဲတွင် ပြောကြားခဲ့သည်။

၁၈၅၆ ခုနှစ်က တည်ထောင်ခဲ့သည့် အဆိုပါ Holy Blossom ဂျူးဘုရားကျောင်းမှာ ကနေဒါရှိ အကြီးဆုံး ပြုပြင်ပြောင်းလဲရေး ဘုရားကျောင်းဖြစ်ပြီး အဖွဲ့ဝင် ၇၀၀၀ ခန့်ရှိကာ တိုရွန်တိုတွင် သက်တမ်းအရင့်ဆုံး ဂျူးဘာသာရေး အဖွဲ့အစည်းလည်းဖြစ်သည်။

ယခုသီတင်းပတ် အစောပိုင်းက ဂျူးဘုန်းတော်ကြီးဖြစ်သူ ဒေါင် မာရ်မူရ်က “မတူညီတဲ့အယူဝါတွေက လူတွေနဲ့အတူ စားသောက်ခြင်းစိတ်ဓာတ်က သာမန် ဘာသာပေါင်းစုံပွဲတွေမှာ စုစည်းတာထက်ကို ပိုပြီး တာသွားပါတယ်။ ကျွန်တော်တို့ ဘာတွေစားတာ၊ ဘယ်လိုစားတာတွေက ကျွန်တော်တို့ရဲ့ ယဉ်ကျေးမှုနဲ့ ဘာသာတရားကို ရောင်ပြန်ဟပ်တာကြောင့် ဒီလိုနည်းလမ်းနဲ့ ကျွန်တော်တို့ကို ဖော်ပြတာဟာ ပိုပြီး အဆင်ချောမယ်လို့ Intercultural Dialogue Institute က ထင်ပုံရပါတယ်။ မွတ်စလင်မိတ်ဆွေတွေနဲ့ အစ်ဖ်သာရ်ဝါဖြေပွဲ ကျင်းပဖို့ သူတို့ရဲ့ ဖိတ်ကြားမှုဟာ ကနဦးခြေလှမ်းပဲလို့ ကျွန်တော် မျှော်လင့်ပါတယ်” ဟု Toronto Star သတင်းစာတွင် ရေးသားခဲ့သည်။

စည်းလုံးညီညွတ်ခြင်း

ဝါဖြေမှုမစတင်မီ ဂျူးဘုန်းတော်ကြီး မိုက်ကယ် ဆက်ဇ်နှင့် မူနီဘ်နစီးရ်တို့က ၎င်းတို့၏ ဘာသာတရား အသီးသီးတွင် ဥပုသ်သီလဆောက်တည်မှုနှင့် ပတ်သက်သည့် သင်ကြားချက်များကို ပြောပြခဲ့ကြသည်။

“အစ္စလာမ်ရဲ့ ဥပုသ်သီလဆောက်တည်မှု အဓိကရည်ရွယ်ချက်ကတော့ တစ်ဦးတစ်ယောက်ရဲ့ဘ၀မှာ နာမ်ပိုင်းဆိုင်ရာ အသိတရား ပိုမိုရရှိရေး ဘုရားသခင်ကို ဦးစားပေးရင်းနဲ့ ဘုရားသခင်ရဲ့ အသိအမှတ်ပြုမှုကို ပိုပြီး ရရှိစေဖို့ပါပဲ။ ကျွန်တော်တို့ရဲ့ သုံးစွဲမှု အမူအကျင့်တွေ၊ နေ့စဉ်ဘ၀ စည်းချက်ကျကျ လှုပ်ရှားမှုတွေကို ရပ်တန့်ခြင်းအားဖြင့် ဘ၀ရဲ့အဓိပ္ပါယ်နဲ့ အရေးပါမှုတွေဆီ
ပြန်လှည့်ဖို့ ကျွန်တော်တို့ရဲ့ သာမန်ဘ၀တွေကို တစ်လတာ အနားပေးလိုက်ကြပါတယ်” ဟု မူနီဘ်နစီးရ်က ပြောကြားခဲ့သည်။

Intercultural Dialogue Institute အဖွဲ့မှာ နှစ်စဉ် ရမ်ဇာန်ဥပုသ်လ၌ ဘာသာပေါင်းစုံ စုပေါင်းဝါဖြေပွဲကို ပြုလုပ်လေ့ရှိပြီး ယခုနှစ်တွင်လည်း စုပေါင်ဝါဖြေပွဲ ၁၁ ခု ပြုလုပ်သွားရန် စီစဉ်ထားသည်။

“အစ်ဖ်သာရ် ညစာစားပွဲတွေဟာ မတူညီတဲ့ အယူဝါဒနဲ့ လူမျိုးစု၊ ယဉ်ကျေးမှုနောက်ခံမျိုးစုံက လူတွေကို အတူတကွ ပေါင်းစည်းစေပါတယ်။ ပြီးတော့ ဆွေးနွေးညှိနှိုင်းမှုတွေကိုအားပေးတာနဲ့ အပြန်အလှန် အသိအပေးရေး နည်းလမ်းလည်း ဖြစ်ပါတယ်” ဟု အဆိုပါ အင်စတီကျုမှာ ဒုတိယ ဥက္ကဌဖြစ်သူ ဖာတီဟ် ယီဂူလ်က ပြောကြားခဲ့သည်။

Ref: Onislam