မေ ၃၁၊ ၂၀၁၅
M-Media
– ၀ါရှန်တန်ပို့စ်သတင်းစာမှ ပြုလုပ်ခဲ့သည့် လေ့လာဆန်းစစ်မှုများအရ ယခုနှစ် ပထမ ၅ လအတွင်း အမေရိကန်ရဲတပ်ဖွဲ့က ပစ်သတ်ခဲ့သည့် ပြည်သူအရေအတွက်မှာ ၃၈၅ ဦးရှိပြီး ပျမ်းမျှ တစ်ရက်လျှင် ၂ ယောက်နှုန်းရှိသည်ဟု သိရသည်။
အဆိုပါနှုန်းထားမှာ လွန်ခဲ့သည့် ၁၀ နှစ်အတွင်း ဖက်ဒရယ်အစိုးရက စာရင်းသွင်းထားသည့် ပမာဏထက် ၂ ဆပိုများနေပြီး တာဝန်ရှိသူများကမူ ထိုစာရင်းမှာ ပြည့်စုံမှုမရှိဟု ၀န်ခံခဲ့သည်။
“အဲဒီပစ်ခတ်မှုတွေကို အစီရင်ခံစာမတင်တာတွေ တော်တော်များများ ရှိပါတယ်။ တကယ်လို့ ဒီအချက်အလက်တွေကို တိတိကျကျ နောက်ကြောင်းလိုက်မှု မရှိဘူးဆိုရင် ကျွန်တော်တို့ဟာ ရဲတပ်ဖွဲ့ဝင်တွေရဲ့ ပစ်ခတ်မှုအရေအတွက်ကို လျှော့ချနိုင်မှာ မဟုတ်ပါဘူး” ဟု ဥပဒေစိုးမိုးရေး တိုးတက်ရန်အတွက် လုပ်ဆောင်နေသည့် ၀ါရှင်တန်အခြေစိုက် အကျိုးအမြတ်မယူသည့် ရဲတပ်ဖွဲ့ ဖောင်ဒေးရှင်းမှ ဥက္ကဌဖြစ်သူ ရဲတပ်ဖွဲ့အကြီးအကဲဟောင်း ဂျင်မ် ဘွားမန်းက ပြောကြားခဲ့သည်။
အဆိုပါ လေ့လာဆန်းစစ်မှုတွင် ၀ါရှင်တန်ပို့စ်မှာ ၂၀၁၅ ခုနှစ်အတွင်း ဖြစ်ပွားခဲ့သည့် ရဲတပ်ဖွဲ့၏ပစ်ခတ်မှု တစ်ခုစီတိုင်းကို စစ်တမ်းကောက်ယူခဲ့ခြင်းဖြစ်ပြီး တာဝန်ထမ်းဆောင်စဉ်အတွင်း သေနတ်ဖြင့် ပစ်သတ်ခြင်းခံခဲ့ရသည့် ရဲတပ်ဖွဲ့ဝင်တိုင်း၏ အချက်အလက်များလည်း ပါဝင်သည်။
ထိုစာရင်းမှာ ရဲတပ်ဖွဲ့၏ သေနတ်ဖြင့်ပစ်ခတ်မှုကြောင့် သေဆုံးသူများ၏ အရေအတွက်သာဖြစ်ပြီး ကျင်စက်အသုံးပြုမှုကြောင့် သေဆုံးသူများ၊ ရဲတပ်ဖွဲ့၏ ထိန်းသိမ်းခံရစဉ် သေဆုံးသူများကဲ့သို့ အခြားသောနည်းလမ်းများဖြင့် အသတ်ခံရသူများ မပါဝင်ပေ။
လေ့လာမှုအရ သေဆုံးသူများ၏ ထက်ဝက်ခန့်မှာ လူနည်းစုများ ဖြစ်သည်ကို တွေ့ရှိခဲ့ရသည်။ ရဲတပ်ဖွဲ့၏ပစ်သတ်မှုတွင် လက်နက်မဲ့များလည်း ပါဝင်ပြီး ၃ ပုံ ၂ ပုံမှာ အာဖရိကန်-အမေရိကန် သို့မဟုတ် စပိန်စကားပြောသူများ ဖြစ်သည်။
သေနတ်ပစ်ခတ်မှုဖြစ်ပွားရာ ဒေသများမှ လူဦးရေနှင့် ချိန်ဆသည့်အခါ အမေရိကန်ရဲတပ်ဖွဲ့ဝင်များမှာ လူမည်းများကို လူဖြူနှင့် အခြားသော လူနည်းစုများထက် ၃ ဆပို၍ ပစ်သတ်ခဲ့သည်ကိုလည်း တွေ့ခဲ့ရသည်။
သေဆုံးသူများမှ ၈၀ ရာခိုင်နှုန်းကျော်မှာ သေနတ်၊ ဓားမြှောင်၊ တောခုတ်ဓား စသည့် လက်နက်များကို ကိုင်ဆောင်သူများဖြစ်သည်။ ၄၉ ဦးမှာ မည်သည့်လက်နက်မှ ကိုင်ဆောင်ထားခြင်းမရှိဘဲ ၁၃ ဦးမှာ သေနတ်အတု ကိုင်ဆောင်ထားသူများဖြစ်သည်။ ၁၆ ရာခိုင်နှုန်းကမူ အရုပ်ကိုင်ထားခြင်း သို့မဟုတ် မည်သည့် လက်နက်မှ ကိုင်ထားခြင်းမရှိဟု ၀ါရှန်ပို့စ်က ဖော်ပြခဲ့သည်။
လက်ရှိ တာဝန်ထမ်းဆောင်နေသည့် ရဲတပ်ဖွဲ့ဝင်များနှင့် ယခင် တပ်ဖွဲ့ဝင်ဟောင်းများ၊ အခြားသော ရာဇ၀တ်မှုဆိုင်ရာ တာဝန်ရှိသူများကမူ ယခုအချိန်မှာ အဆိုပါကိစ္စအတွက် ရဲတပ်ဖွဲ့မှ တာဝန်ယူရမည့်အချိန်ဟု ပြောကြားခဲ့သည်။ သို့သော်လည်း ၀ါရှန်တန်ပို့စ်မှ လေ့လာတွေ့ရှိခဲ့သည့် အဆိုပါစာရင်းမှာ အားနည်းသည့် ရဲတပ်ဖွဲ့၏ ဆောင်ရွက်မှုများ၏ ရလဒ်သာဖြစ်သည်ဟု
ပြောကြားခဲ့သည်။
Ref: PressTV
