ဇွန် ၂၊ ၂၀၁၅
M-Media
– ဘာသာရေးဆန်သည့် အ၀တ်အစားကြောင့် Abercrombie & Fitch အထည်ဆိုင်က အလုပ်ခန့်ရန် ငြင်းဆန်ခဲ့ပြီးနောက် ဘာသာရေး ခွဲခြားခံရမှုအတွက် တရားရုံး၌ ဦးတိုက်လျှောက်ထားခဲ့သော အမေရိကန်မွတ်စလင် အမျိုးသမီးတစ်ဦးအား တရားရုံးက အနိုင်ပေးလိုက်သည်ဟု သိရသည်။
ဟီဂျဘ်ဝတ်ဆင်ထားသော စမန်သာ အီလာအွဖ်ဆိုသူဖြစ်ပြီး ၂၀၀၈ ခုနှစ် သူမအသက် ၁၇ နှစ်အရွယ်က အိုကလာဟိုးမားရှိ Abercrombie & Fitch ၏ ဆိုင်ခွဲတစ်ခုတွင် အရောင်းစာရေးအလုပ် သွားလျှောက်ရာမှ ငြင်းပယ်ခံခဲ့ရခြင်းဖြစ်သည်။
အ၀တ်အစားကိုအကြောင်းပြု၍ ထိုသို့ ငြင်းပယ်ခံရမှုကြောင့် အမေရိကန် အလုပ်သမားအခွင့်အရေး တန်းတူညီမျှမှု ကော်မရှင် EEOC က လူမျိုးရေးခွဲခြားမှုစွဲချက်ဖြင့် တရားရုံး၌ တရားစွဲဆိုခဲ့ပြီး နောက်ဆုံး စီရင်ချက်ကို ယမန်နေ့က ချမှတ်ခဲ့ရာ အီလာအွဖ်ကိုယ်စား တရားစွဲဆိုခဲ့သည့် EEOC ကို တရားရုံးက အနိုင်ပေးခဲ့သည်။
Abercrombie & Fitch ကုမ္ပဏီမှာ အီလာအွဖ်၏ ဟီဂျဘ်ဝတ်ဆင်မှုက ၎င်းတို့ကုမ္ပဏီ၏ ပုံရိပ်ကို မြှင့်တင်ရန် သတ်မှတ်ထားသော ပေါ်လစီဖြစ်သည့် အရောင်းစာရေးများအတွက် ပုံပန်းသွင်ပြင်ပေါ်လစီကို ချိုးဖောက်ခြင်းကြောင့် အလုပ်ပေးရန် ငြင်းခဲ့ ရခြင်းဖြစ်သည်ဟု ပြောကြားခဲ့သည်။
တရားရုံး၏ ထိုဆုံးဖြတ်မှုအတွက် အမေရိကန်-အစ္စလာမ် ဆက်ဆံရေးကောင်စီ CAIR က ကြိုဆိုခဲ့သည်။
“အမေရိကန်မွတ်စလင်လူ့အဖွဲ့အစည်းဟာ အစ္စလာမ်ကြောက်ရောဂါ မြင့်တက်လာမှု အခြေအနေနဲ့ ရင်ဆိုင်နေရတဲ့ အချိန်မျိုးမှာ ဘာသာရေး လွတ်လပ်ခွင့်ကို ကာကွယ်ပေးတဲ့ ဒီသမိုင်းဝင် အမိန့် အတွက် ကျွန်တော်တို့ ကြိုဆိုပါတယ်။ နောက်ပြီး EECO ကနေပြီး တရားစွဲဆိုနိုင်အောင် ကျွန်တော်တို့နဲ့ ဆက်သွယ်ပြီး သူမရဲ့အခွင့်အရေးအတွက် ရင်ဆိုင်ခဲ့တဲ့ စမန်သာရဲ့ သတ္တိကိုလည်း ကျွန်တော်တို့ ချီးကျူးပါတယ်” ဟု CAIR ၏ အမှုဆောင်ဒါရိုက်တာ နီဟတ်အ၀ဒ်က ပြောကြားခဲ့သည်။
Ref: Aljazeera
