Blog

ဖီဖာ၏ အကြီးတန်း တာဝန်ရှိသူများ လာဘ်ပေး လာဘ်ယူ ပြဿနာဖြင့် အဖမ်းခံရ

မေ ၂၇၊ ၂၀၁၅
M-Media

– ကမ္ဘာ့ဘောလုံးအဖွဲ့ချုပ် ဖီဖာမှ အဆင်မြင့်တာဝန်ရှိသူများကို ဆွစ်ဇာလန် အာဏာပိုင်များက လာဘ်စားမှုဖြင့် ယနေ့တွင် ဖမ်းဆီးလိုက်သည်ဟု သိရသည်။

လာဘ်ငွေအဖြစ် ဒေါ်လာသန်းနှင့်ချီ အပေးအယူရှိသည်ဟူသော စွပ်စွဲချက်ဖြင့် ဖမ်းဆီးခဲ့ခြင်းဖြစ်ပြီး အမေရိကန် အာဏာပိုင်များ၏ မေတ္တာရပ်ခံမှုကြောင့် ဖမ်းဆီးခဲ့ခြင်းဖြစ်သည်ဟု ဆွစ်ဇာလန် ဖက်ဒရယ်တရားရေးရုံး FOJ မှ ထုတ်ပြန်သော ကြေညာချက်တွင် ဖော်ပြထားသည်။

ဖမ်းဆီးခံရသူများမှာ ၁၀ ဦးကျော်ရှိပြီး ၎င်းတို့မှာ ဖီဖာ၏ နှစ်ပတ်လည် ညီလာခံသို့ တက်ရောက်ရန် ဇူးရစ်ခ်ျသို့ ရောက်ရှိနေစဉ်အတွင်း ယခုကဲ့သို့ အဖမ်းခံခဲ့ရခြင်း ဖြစ်သည်။ သို့သော်လည်း ဖမ်းဆီးခံရသူများတွင် ဖီဖာဥက္ကဌ ဆပ်ဘလတ္တာ ပါဝင်ခြင်း မရှိဟု ဖီဖာ၏ ပြောရေးဆိုခွင့်ရှိသူ ဝေါလ်တာ ဒီ ဂရီဂေါ်ရီက ပြောကြားခဲ့သည်။

“နယူးအယောက်အရှေ့ပိုင်းခရိုင် တရားရုံးက ဒီသံသယရှိသူတွေကို ၁၉၉၀ ပြည့်နှစ်အစောပိုင်းကနေ ဒီနေ့အချိန်အထိ လာဘ်ငွေတွေ၊ တရားမ၀င်ငွေကြေးတွေ လက်ခံမှုနဲ့ စုံစမ်းစစ်ဆေးနေပါတယ်။ အားကစားမီဒီယာ ကိုယ်စားလှယ်တွေ၊ အားကစားဆိုင်ရာ ပရိုမိုးရှင်းလုပ်တဲ့ လုပ်ငန်းတွေ စတဲ့ သံသယရှိသူတွေဟာ ဘောလုံးနဲ့ ပတ်သက်တဲ့ တာဝန်ရှိသူတွေ၊ ဖီဖာက ကိုယ်စားလှယ်တွေနဲ့ ဖီဖာရဲ့ အဖွဲ့ခွဲတွေက အခြားသော အမှုထမ်းတွေကို စုစုပေါင်း ဒေါ်လာ သန်း ၁၀၀ကျော်လောက်ပေးတဲ့ ကိစ္စတွေမှာ ပါဝင်ပတ်သက်နေတယ်လို့ စွပ်စွဲခံထားရပါတယ်” ဟု FOJ ၏ ကြေညာချက်တွင် ဖော်ပြထားသည်။

သို့သော်လည်း ဖမ်းဆီးထားသူများ၏ အမည်ကို ဖော်ပြခဲ့ခြင်း မရှိချေ။ ဖမ်းဆီးခံရသူများတွင် ကေးမန်ကျွန်းမှ ဖီဖာ၏ ဒုတိယဥက္ကဌ ဂျက်ဖရီ ၀ဘ်လည်း ပါဝင်သည်ဟု AP သတင်းဌာနက ဖီဖာနှင့် နီးစပ်သည့် သတင်းရင်းမြစ်များကို ကိုးကား၍ ဖော်ပြခဲ့သည်။ ဖမ်းဆီးခံထားရသူများကို ဆွစ်ဇာလန် တာဝန်ရှိသူများက အမေရိကန်သို့ လွှဲပြောင်းပေးသွားမည်ဖြစ်သည်။

Ref: Aljazeera

May 27, 2015
အမေရိကန်ရှိ မြို့ ၃ မြို့တွင် ၄ ရက်အတွင်း သေနတ်ပစ်မှု ၁၀၀ ကျော်ဖြစ်ပွား

မေ ၂၇၊ ၂၀၁၅
M-Media

– Memorial Day ပိတ်ရက်များအတွင်း အမေရိကန်နိုင်ငံမှ ရာဇ၀တ်မှု အများဆုံးဖြစ်ရာ မြို့ ၃ မြို့တွင် သေနတ်ဖြင့် ပစ်ခတ်မှု ၁၀၀ ကျော် ဖြစ်ပွားခဲ့ပြီး လူပေါင်း ဒါဇင်နှင့်ချီ၍ သေဆုံးခဲ့သည်။

ချီကာဂို၊ ဘာလ်တီမိုးနှင့် နယူးယောက်မြို့များတွင် ဖြစ်ပြီး ချီကာဂိုတွင် သေနတ်ဖြင့်ဆက်နွယ်သည့် ရာဇ၀တ်မှုနှုန်းမှာ နှစ်စဉ် မြင့်တက်လျက် ရှိနေသည်။ သောကြာနေ့ နေ့လည်ပိုင်းမှ အင်္ဂါနေ့ မနက်အစောပိုင်းအထိ အနည်းဆုံး လူပေါင်း ၅၆ ဦး သေနတ်ဖြင့် အပစ်ခံရပြီး ၁၂ ဦးသေဆုံးခဲ့ကာ ပြီခဲ့သည့်နှစ်ကထက် ၂ ဆ မြင့်တက်လာခြင်းဖြစ်သည်။

ဘာလ်တီမိုးတွင်မူ အဆိုပါ ၃ ရက်၌ လူသတ်သမား ၉ ဦးမှ သေနတ်ဖြင့် ပစ်ခတ်မှု ၂၈ ကြိမ် ပြုလုပ်ခဲ့ပြီး ၁၉၉၉ ခုနှစ်ကတည်းက လစဉ် လူသတ်မှုနှုန်းမှာ အမြင့်ဆုံးသို့ ရောက်ခဲ့သည်။

ယခုလ ၁ ရက်နေ့မှစ၍ ယမန်နေ့အထိ လူသတ်မှု ၃၅ မှုအတွက် ရဲတပ်ဖွဲ့တွင် တိုင်ကြားခြင်း ခံထားရပြီး လွန်ခဲ့သည့် ၁၅ နှစ်အတွင်း လတစ်လတွင် အမြင့်ဆုံးလည်း ဖြစ်ခဲ့ကာ ပြီးခဲ့သည့်နှစ်ကထက် ယှဉ်လျှင် ၄၀ ရာခိုင်နှုန်း တက်လာခြင်းလည်းဖြစ်သည်။

ဧပြီလ ၁၉ ရက်နေ့တွင် လူမည်တစ်ဦးဖြစ်သော အသက် ၂၅ နှစ်အရွယ် ဖရက်ဒီဂရေး သေဆုံးခဲ့ပြီးနောက်ပိုင်း ဘာလ်တီမိုးတွင် မငြိမ်မသက်မှုများ ဖြစ်ပွားခဲ့ပြီးနောက် သေနတ်ဖြင့် တိုက်ခိုက်မှုများ ပိုမိုမြင့်တက်လာခြင်းဖြစ်သည်။

နယူးယောက်တွင်မူ ယခုသီတင်းပတ် ပိတ်ရက်တွင် သေနတ်ဖြင့် ပစ်ခတ်မှု ၁၆ ကြိမ် ဖြစ်ပွားခဲ့ပြီး သေဆုံးဒဏ်ရာရသူ ၁၆ ဦးရှိခဲ့သည်ဟု နယူးယောက်ရဲတပ်ဖွဲ့က ပြောကြားခဲ့သည်။ ထို့ပြင် ဓားဖြင့် ထိုးမှု တစ်မှုအပါအ၀င် လူသတ်မှုမှာ ၅ မှုရှိခဲ့သည်။

၂၀၁၅ ခုနှစ် ဇန်န၀ါရီမှစ၍ အမေရိကန်နိုင်ငံတစ်ဝှမ်းတွင် သေနတ်ဖြင့် ပစ်ခတ်တိုက်ခိုက်မှုများကြောင့် ဒဏ်ရာရသူများမှာ ၉၃၆၆ ဦး ရှိခဲ့သည်ဟု သေနတ်ဖြင့်တိုက်ခိုက်မှု မော်ကွန်းရုံး၏ မှတ်တမ်းများအရ သိရပြီး ပြီးသည့်နှစ်က ၇၁၄၅ ဦးရှိရာမှ မြင့်တက်လာခြင်းဖြစ်သည်။ သေဆုံးသူများမှာမူ မနှစ်က ၄၁၂၃ ဦးသာရှိသော်လည်း ယခုနှစ်အတွင်း ၄၈၆၈ ဦး ရှိနေပြီဖြစ်သည်။

Ref: PressTV

May 27, 2015
ချယ်ဆီးမှာ ပရီးမီးယားလိဂ်ကို ဆက်လက်လွှမ်းမိုးမည်ဟု ဖာဂူဆန်ပြော

မေ ၂၇၊ ၂၀၁၅
M-Media

– ပရီးမီးယားလိဂ်တွင် စံချိန်တင်မှတ်တမ်းသစ်ဖြင့် ဗိုလ်စွဲခဲ့သည့် ချယ်ဆီးအသင်းမှာ အင်္ဂလိပ်ဘောလုံးလောကကို ဆက်လက် လွှမ်းမိုးထားမည်ဟု မန်ယူအသင်း၏ ဂန္တ၀င်နည်းပြ ဖာဂူဆန်က ပြောကြားလိုက်သည်။

ယခုနှစ်တွင် လိဂ်ဖလားကို ရရှိခဲ့သည့် ချယ်ဆီးမှာ ပထမနေရာကို ၂၇၄ ရက်ကြာ စံချိန်တင်ဆုပ်ကိုင်၍ ၅ နှစ်အတွင်း ပထမဆုံး ပရီးမီးယားလိဂ်ဖလားကို ရရှိခဲ့သည်။ မော်ရင်ဟိုမှာလည်း ပရီးမီးယားလိဂ်၏ တစ်နှစ်တာ အကောင်းဆုံးနည်းပြဆုကို ရရှိခဲ့သည်။

“သူက အောင်မြင်တဲ့လူတစ်ယောက်ပါ။ အနိုင်ရသူတစ်ယောက်ပါ။ သူဟာ ဒီဆုနဲ့ ထိုက်တန်ပါတယ်။ သူ့မှာ အကောင်းဆုံးလူစာရင်း ရှိတယ်လို့ ကျွန်တော်ထင်ပါတယ်။ ဂျွန်တယ်ရီကလည်း ပွဲတိုင်းမှာ ပါဝင်ကစားခဲ့ပါတယ်။ ချန်ပီယံဆိုတာ နိုင်ဖို့ အမြဲတမ်းရှိနေသူပါ။ ဂျိုဆေး(မော်ရင်ဟို) က သူ့ရဲ့အသင်းအကြောင်း ကောင်းကောင်းသိပါတယ်။ ချယ်ဆီးဟာ လာမယ့် နှစ်အနည်းငယ်အတွင်းမှာ တော်တော်လေး အောင်မြင်တော့မှာပါ” ဟု အကောင်းဆုံးနည်းပြဆု ပေးပွဲကို တက်ရောက်လာခဲ့သည့် ဖာဂူဆန်က ပြောကြားခဲ့သည်။

မော်ရင်ဟို ပထမအကြိမ် ချယ်ဆီးသို့ စရောက်စဉ်က ဖာဂူဆန်၏ ပြိုင်ဘက်ကောင်းဖြစ်ခဲ့ပြီး ဖာဂူဆန်ကမူ မော်ရင်ဟိုတွင် ပြောင်းလဲမှုရှိပြီး ရှေရှည်ကိုကြည့်တတ်ကာ လာမည့်နှစ်အနည်းငယ်မှာ မိမိတို့ မန်ယူအသင်းအတွက် နာကျင်စရာနှစ်များ ဖြစ်လာမည်ဟု ထည့်သွင်းပြောကြားခဲ့သည်။

Ref: Goal

May 27, 2015
သြဇီရှိ မွတ်စလင်မိဘများက ကလေးများအား အစ္စလာမ့်မစ်ကျောင်းများတွင် ပိုမို အပ်နှံလာကြ

မေ ၂၇၊ ၂၀၁၅
M-Media

ဆစ်ဒနီမြို့ရှိ The Malek Fahd အစ္စလာမ့်မစ်စာသင်ကျောင်း

– ကလေးငယ်များ၏ပညာရေး ပိုကောင်းစေရန်နှင့် အနိုင်ကျင့်ခံရခြင်းနှင့် အရှက်တကွဲပြု ခံရခြင်းတို့မှ ရှောင်ရှားရန်အတွက် သြစတေးလျရှိ မွတ်စလင်မိဘများမှာ ၎င်းတို့၏ကလေးများကို နိုင်ငံတကာအဆင့်အတန်းမှီ အစ္စလာမ့်မစ်ကျောင်းများ၌ အပ်နှံလာမှုများ မြင့်တက်လာသည်ဟု သိရသည်။

“ပညာရေးအတွက် အာရုံစိုက်မှုက မိဘတွေ ကျွန်တော်တို့ကျောင်းကို ရွေးချယ်ရတဲ့ အကြောင်းအရင်းတွေထဲက တစ်ခုဖြစ်ပေမယ့် ကျွန်တော်တို့ကျောင်းကပေးတဲ့ တန်ဖိုးတွေနဲ့ ဘာသာရေးဆိုင်ရာ သင်ကြားပေးမှုတွေက အဓိက အကြောင်းအရင်းပါပဲ။ အချို့ကျောင်းတွေဟာ ပညာရေးပိုင်းဆိုင်ရာမှာ တော်တော်လေးကောင်းပါတယ်” ဟု သြစတေးလျ အစ္စလာ့မ်မစ်ကျောင်းများအသင်း ဥက္ကဌ အဘ်ဒူလာခန်းက The Australian သို့ ပြောကြားခဲ့သည်။

ဖက်ဒရယ်ပညာရေးဌာနမှ ထုတ်ပြန်သော ကိန်းဂဏန်းများအရ နိုင်ငံတစ်ဝှမ်းရှိ အစ္စလာမ့်မစ်ကျောင်းပေါင်း ၃၂ ကျောင်း၌ ပြီးခဲ့သည့်နှစ်တွင် တက်ရောက်နေသည့် ကျောင်းသားအရေအတွက်မှာ ၂၈၂၆၇ ဦး ရှိနေသည်ဟု သိရသည်။ ၂၀၀၉ ခုနှစ်တွင် ၁၅၅၀၃
ဦးရှိခဲ့ရာမှာ ၈၂ ရာခိုင်နှုန်း တက်လာခြင်းလည်း ဖြစ်သည်။

သြစတေးလျ အစ္စလာမ့်ကောင်စီများအဖွဲ့ချုပ်က ကြီးကြပ်သော အစ္စလာမ့်မစ်ကျောင်းပေါင်း ၆ ကျောင်းမှာ သြစတေးလျအစိုးရထံမှ ရန်ပုံငွေ ၈၀ ရာခိုင်နှုန်း ရရှိပြီး ထိုကျောင်းများတွင် တက်ရောက်သူများမှာ ပြီးခဲ့သည့် ၅ နှစ်အတွင်း ၅၃ ရာခိုင်နှုန်း တိုးလာခဲ့သည်။

ခန်းကမူ မွတ်စလင်ကျောင်းသား ၄ ယောက်တွင် ၃ ယောက်မှာ ကိုယ်ပိုင်ကျောင်းများကို တက်ရောက်ကြပြီး အစ္စလာမ့်မစ်ကျောင်းများတွင် ကျောင်းအပ်မှုတိုးလာခြင်းမှာ မွတ်စလင်လူဦးရေ တိုးလာမှု၏ ရလဒ်ကြောင့်ဖြစ်သည်ဟု ပြောကြားခဲ့သည်။

လုံခြုံသောကျောင်းများ

အစ္စလာမ့်ပညာရေးနှင်ပတ်သက်၍ စာတမ်းပြုစုရန်အတွက် သြစတေးလျရှိ အစ္စလာမ့်မစ်ကျောင်းများတွင် သုတေသများ ပြုလုပ်ခဲ့သူ ကျောင်းဆရာ ပီတာဂျုန်းစ်ကမူ ထိုကျောင်းများတွင် မွတ်စလင်ကလေးများ ကျောင်းအပ်မှု မြင့်တက်လာခြင်းမှာ အပြင်ကျောင်းများ၌
အနိုင်ကျင့်ခံရမှုကို ရှောင်ရှားလိုသောကြောင့်ဖြစ်သည်ဟု ဆိုသည်။

“ကျောင်းသားတွေနဲ့ ကျောင်းသားမိဘအများစုက ဒီကျောင်းတွေဟာ ပိုပြီး လုံခြုံတယ်လို့ ခံစားရပါတယ်။ ရန်လိုမှုရှိတဲ့ အသိုင်းအ၀ိုင်းကနေ ပိုပြီးကာကွယ်မှုရှိတယ်လို့ သူတို့ ခံစားရပါတယ်။ လူတွေက သူတို့ကို ဟိဂျဘ်တွေဆွဲချွတ်တာ၊ တံတွေးထွေးတာတွေ လုပ်လာကြလို့ပါ” ဟု ခန်းက ထပ်လောင်းပြောကြားခဲ့သည်။

အစ္စလာမ်ဘာသာဝင်များမှာ လွန်ခဲ့သည့် နှစ်ပေါင်း ၂၀၀ ကျော်ကပင် သြစတေးလျတွင် ရှိနေခြင်းဖြစ်ပြီး နိုင်ငံလူဦးရေ သန်း ၂၀ ၏ ၁.၇ ရာခိုင်နှုန်းမှာ အစ္စလာမ်ဘာသာကို သက်ဝင်ယုံကြည်ကြသူများဖြစ်သည်။

Ref: Onislam

May 27, 2015
အရှေ့တောင်အာရှရေပြင်ရှိ လှေစီးဒုက္ခသည်များအား ကူညီပေးရန် ပုပ်ရဟန်းမင်းကြီး တိုက်တွန်း

မေ ၂၇၊ ၂၀၁၅
M-Media

– ဘင်္ဂလားပင်လယ်အော်နှင့် အက်ဒမင်ပယ်လယ်ပြင်များကိုဖြတ်၍ ရွှေ့ပြောင်းလာကြပြီး အစာရေစာပြတ်လတ်ကာ ပင်လယ်ထဲ သောင်တင်နေကြသည့် လှေစီးဒုက္ခသည်များအား ကူညီကြရန် ပုပ်ရဟန်းမင်းကြီး ဖရန်စစ်က နိုင်ငံတကာအသိုင်းအ၀ိုင်းကို တိုက်တွန်းလိုက်သည်။

“ဘင်္ဂလားပင်လယ်အော်နဲ့ အက်ဒမန်ပင်လယ်ပြင်တွေက ဒုက္ခသည်တွေရဲ့ ဇာမ်လမ်းတွေကို စိုးရိမ်ကြီးစွာနဲ့ ဆက်လက်စောင့်ကြည့်နေပြီး ကျွန်တော့် နှလုံးသားထဲက နာကျင်ရပါတယ်” ဟု အီစတာပွဲတော်အပြီး ၇ ပတ်မြောက် တနင်္ဂနွေ ဒေသနာအဖြစ် ပြီးခဲ့သည့် တနင်္ဂနွေနေ့က ဗာတီကန်ရှိ စိန့်ပီတာရင်ပြင်တွင် ဟောကြားသော တရားဒေသနာတွင် ပုပ်ရဟန်းမင်းကြီးက ထည့်သွင်း မိန့်ကြားခဲ့သည်။

မြန်မာနိုင်ငံတွင် ညှင်းပန်းနှိပ်စက်ခံရမှုကြောင့် ထွက်ပြေးလာသော ရိုဟင်ဂျာများနှင့် ဆင်းရဲမွဲတေမှုမှ လွတ်မြောက်ရန် ထွက်လာကြသည့် ဘင်္ဂလားဒေ့ရ်ှနိုင်ငံသားများမှာ လူကုန်ကူးသူများ၏ သားကောင်များ ဖြစ်လာခဲ့ပြီး အရှေ့တောင်အာရှတွင် အဆိုပါ ရွှေ့ပြောင်းလာသူများ ပြဿနာမှာ ဆိုးဝါးလာခဲ့သည်။

လူကုန်ကူးမှုများကို ထိုင်းနိုင်ငံက ဖြိုခွဲမှု ပြုလုပ်သည့်အခါ လူကုန်ကူးသမားများက ဒုက္ခသည်များကို စွန့်ပစ်ခဲ့ကြပြီး ပင်လယ်ထဲတွင် လှေဖြင့် သောင်တင်နေသူ အရေအတွက်မှာ ၃၅၀၀ ရှိလာခဲ့ပြီဟု ကုလသမဂ္ဂ ဒုက္ခသည်များဆိုင်ရာ အေဂျင်စီက ပြီးခဲ့သည့် သောကြာနေ့တွင် ပြောကြားခဲ့သည်။

ပုပ်ရဟန်းမင်းကြီးကမူ ဆိုးဆိုးဝါးဝါး ထိခိုက်ခံစားနေရကာ အန္တရာယ်ရှိနေသူများအား ကယ်တင်ရန် သဘောတူခဲ့ကြသည့် နိုင်ငံများ၏ အားထုတ်မှုများကို လေးစားမိသည်ဟု ပြောကြားခဲ့သော်လည်း အဆိုပါ လှေစီးဒုက္ခသည်များအား လူသားချင်း စာနာထောက်ထားမှုဆိုင်ရာ အကူအညီများ ပေးအပ်ရန် နိုင်ငံတကာအသိုင်းအ၀ိုင်းအား တိုက်တွန်းခဲ့သည်။

မလေးရှားဝန်ကြီးချုပ်ကမူ အကူအညီများပေးရန် ကတိပြုထားပြီး ပင်လယ်ထဲတွင် သောင်တင်နေသော ဒုက္ခသည်ထောင်ပေါင်းများစွာအား ရှာဖွေကယ်တင်ရန် ရေတပ်ကို အမိန့်ပေးထားသည်။ မလေးရှားနှင့် အင်ဒိုနီးရှားနိုင်ငံတို့မှာ ဒုက္ခသည်များအား ယာယီနေရာထိုင်ခင်းပေးရန် သဘောတူထားပြီး ထိုင်းနိုင်ငံကမူ သဘောတူထားခြင်း မရှိပေ။

Ref: Reuters

May 27, 2015