မေ ၁၈၊ ၂၀၁၅
M-Media
– အန္တာတိကတိုက်က Larsen B ရေခဲပြင်ကြီးမှာ သိသိသာသာ အားနည်းနေပြီး ယခုရာစုမကုန်ခင် လုံးဝ အစိတ်စိတ်အမွှာမွှာ ပျက်ဆီးပျောက်ကွယ်သွာမည်ဖြစ်ကာ ကမ္ဘာကြီးအတွက် အန္တရာယ်ဖြစ်လာမည်ဟု နာဆာ၏ လေ့လာမှုများအရ သိရသည်။
အဆိုပါ ရေခဲပြင်ကြီးမှာ အန္တာတိကရှိ တစ်ချိန်က ထင်ရှားခဲ့သော ရေခဲပြင်ကြီး၏ အကြွင်းအကျန်ဖြစ်ပြီး လျင်မြန်စွာ မျောပါနေကာ အစိတ်အစိတ်အမွှာမွှာ ကွဲထွက်နေသည်။ ထိုရေခဲပြင်ကြီး ပျောက်ကွယ်သွားပါက ရေခဲမြစ်များမှာ ကြုံ့သွားမည်ဖြစ်ပြီး
ပင်လယ်ရေမျက်နှာပြင်မှာလည်း မြင့်တက်လာမည်ဖြစ်သည်။
“ဒါက ရေခဲပြင်အကြွင်းအကျန်ကြီးဟာ စိတ်စိတ်အမွှာမွှာ ကွဲလာနေတဲ့ သတိပြုစရာ လက္ခဏာတွေပါပဲ။ ဒီရေခဲပြင်ကြီး မတည်မငြိမ်ဖြစ်ပြီး ပြိုကွဲလာတာကို ရှေ့ဆုံးမှာ ထိုင်ကြည့်ရတာဟာ သိပ္ပံဆိုင်ရာအရ ဆွဲဆောင်စရာကောင်းပေမယ့် ကျွန်တော်တို့ ကမ္ဘာကြီးအတွက် သတင်းကောင်းတော့ မဟုတ်ပါဘူး” ဟု နာဆာမှ သုတေသနအဖွဲ့ခေါင်းဆောင် ခါဇန်ဒါက ပြောကြားခဲ့သည်။
အဆိုပါ Larsen B ရေခဲပြင်ကြီးမှာ အနည်းဆုံး လွန်ခဲ့သည့်နှစ်ပေါင်း တစ်သိန်းခန့်ကတည်းက တည်ရှိခဲ့ခြင်းဖြစ်ဟု ခန့်မှန်းထားသည်။ ၂၀၀၂ ခုနှစ်တွင် အဆိုပါရေခဲပြင်၏ တစ်စိတ်ပိုင်း ကွဲထွက်သွားပြီးနောက် အစိတ်စိတ်အမွှာမွှာကွဲမှုနှင့် ပတ်သက်၍ သိပ္ပံပညာရှင်များက သတိထားမိခဲ့ခြင်းဖြစ်သည်။ ကွဲထွက်သွားသည့် အစိတ်ပိုင်းမှာ သီတင်းပတ် ၆ ပတ်အတွင်း ပျောက်ကွယ်သွားခဲ့ပြီး
သိပ္ပံပညာရှင်များက အံ့သြခဲ့ရသည်။
ထိုရေခဲပြင်ကြီး ပြိုကွဲမှုမှာ အန္တာတိတ် ကျွန်းဆွယ်အတွင်း နွေးလာသည့် နွေရာသီများကြောင့်ဖြစ်ပြီး အဆိုပါနွေရာသီက ကမ္ဘာ့မြောက်ဘက်ခြမ်းရှိ ဆောင်းတွင်းလများတွင် နေရာယူလာခဲ့သည်။ Larsen B ရေခဲပြင်ကြီး၏ ပမာဏမှာ ၁၉၉၅ ခုနှစ်က ၄၄၄၅ စကွဲယားမိုင် ရှိခဲ့သော်လည်း လက်ရှိအချိန်တွင် ၆၁၈ စကွဲယားမိုင်သာ ရှိတော့သည်။
Ref: CNN
