မေ ၂၀၊ ၂၀၁၅
M-Media
– မိမိအသင်း၏ လူစာရင်းမှာ ညီမျှမှုမရှိသေးဘဲ လာမည့်ရာသီအတွက် ပြင်ဆင်ရာတွင် နွေရာသီအပြောင်းအရွှေ့မှာ ခက်ခဲမည်ဟု မန်ယူနည်းပြ ဗန်ဂါးလ်က ပြောကြားလိုက်သည်။
မန်ယူမှာ လောလောဆယ်တွင် နယ်သာလန်တိုက်စစ်မှူးဒီပေးကို ပေါင် ၂၂.၃ သန်းဖြင့် ခေါ်ယူရန် သဘောတူညီချက် ရရှိထားပြီး အားထားရသည့် ဂိုးသမား ဒီဂီယာနှင့်လည်း ယခုသီတင်းပတ်နှောင်းပိုင်းတွင် သက်တမ်းတိုးရေး ဆွေးနွေးရန် ရှိနေသည်။
သို့သော်လည်း အငှားဖြင့်လာရောက်ကစားနေသည့် တိုက်စစ်မှူးဖယ်လ်ကာအိုမှာ အသင်းတွင် ဆက်ရှိနေရန် အလားအလာမရှိဘဲ ဗန်ဂါးလ်မှာ အသင်းအား ပြန်ပုံဖော်ရန် စီစဉ်နေသောကြောင့် အခြားသော ကစားသမားများမှာလည်း အိုးထရက်ဖို့ဒ်ကို စွန့်ခွာရန်ရှိနေသည်။
မန်နေ့က ပြုလုပ်ခဲ့သည့် အသင်း၏ တစ်နှစ်တာဆုပေးပွဲအခမ်းအနားတွင် ဗန်ဂါးလ်က လာမည့်သီတင်းပတ်များ၌ လုပ်စရာအလုပ် အများအပြားရှိသည်ဟု ၀န်ခံခဲ့သည်။
“ကျွန်တော်တို့ရဲ့ အသင်းက ညီမျှမှုမရှိပါဘူး။ ကျွန်တော်တို့ အဆင့်လေးအတွင်းဝင်ခဲ့ပေမယ့် ချန်ပီယံဖြစ်အောင် လုပ်ရပါမယ်။ ကျွန်တော်တို့ရဲ့ လူစာရင်းကိုလည်း တိုးတက်အောင်လုပ်ရမယ်။ ကစားသမားအများစုအတွက် ခက်ခဲတဲ့နွေရာသီ ဖြစ်မှာပါ။ ဒါပေမယ့် မန်ယူလို ထိပ်တန်းအသင်းကတော့ ဒါမျိုးလုပ်ရမယ်လို့ ကျွန်တော်ထင်ပါတယ်” ဟု ဗန်ဂါးလ်က ပြောကြားခဲ့သည်။
ဗန်ဂါးလ်မှာ ယခုရာသီအစပိုင်းတွင် ကစားကွက်စမ်းသပ်မှုများကြောင့် ဝေဖန်ခံခဲ့ရပြီး လာမည့်ရာသီတွင် မိမိအနေဖြင့် အကောင်းဆုံး ဆောင်ရွက်သွားမည်ဖြစ်ကြောင်း၊ ရာသီအဆုံးအထိ တိုက်ပွဲဝင်သွားပြီး ကaစားသမားများ ၀ယ်ယူရာတွင်လည်း မှန်ကန်သည့် ဆုံးဖြတ်ချက်ကို ချမှတ်သွားမည်ဖြစ်ကြောင်း ထည့်သွင်းပြောကြားခဲ့သည်။
“ကစားသမားတွေထွက်သွားတာဟာ ဖြစ်ရိုးဖြစ်စဉ် ကိစ္စတစ်ခုပါ။ ပရိတ်သတ်တွေကတော့ သူတို့ကို မေ့မှာမဟုတ်ပါဘူး”
Ref: Goal
