Blog

မေ ၁၆၊ ၂၀၁၅
M-Media

– မိမိအနေဖြင့် ခရစ္စတီယာနိုရော်နယ်ဒို၏ ဖရီးကစ်စွမ်းရည်ကို လေးစားအားကျမိသော်လည်း မန်ယူသို့ရောက်လာပါက ရော်နယ်ဒို၏ကစားပုံအား ပုံတူကူးသွားမည်မဟုတ်ဟု နယ်သာလန်တိုက်စစ်မှူး ဒီပေးက ပြောကြားလိုက်သည်။

ရော်နယ်ဒိုနှင့် နှိုင်းယှဉ်ပြောဆိုကြပြီး ဖရီးကစ် စပါယ်ရှယ်လစ်အဖြစ် ကျယ်ကျယ်ပြန့်ပြန့် သတ်မှတ်ခြင်းခံထားရသူ ဒီပေးအား ခေါ်ယူရန် မန်ယူမှာ ပီအက်စ်ဗီအသင်းနှင့် ယခုတစ်ပတ်အတွင်း သဘောတူညီချက် ရရှိခဲ့သည်။

ဒီပေးကလည်း မိမိမှာ ရော်နယ်ဒိုအား လေးစားအားကျသော်လည်း ၎င်း၏ကစားပုံကို လိုက်တုမည်မဟုတ်ဘဲ မိမိ၏ သွင်းဂိုးစာရင်းတွင် ဂိုးများရေးထက် အသင်းအောင်နိုင်ရေးကိုသာလျှင် ပိုမိုအာရုံစိုက်သွားမည်ဟု ပြောကြားခဲ့သည်။

“ရိုးရိုးသားသားပဲ ပြောပါရစေ။ ရော်နယ်ဒိုရဲ့ ဖရီးကစ်တွေကို လူတိုင်း မကြည့်ကြဘူးလား? ကျွန်တော်ကတော့ သူ့ရဲ့ နည်းစနစ်ကို တော်တော်များများ ကြည့်ဖူးပါတယ်။ ဒါပေမယ့် ကျွန်တော့်ကိုယ်ပိုင်နည်းလမ်းနဲ့ ကန်သွားမှာပါ။ ကျွန်တော့်မှာ ကိုယ်ပိုင်စတိုင်ရှိပြီး သူနဲ့တူဖို့ ကြိုးစားမှာ မဟုတ်ပါဘူး။ ကျွန်တော့်ရဲ့အလုပ်ကတော့ ပွဲတွေနိုင်ဖို့ပါ။ နိုင်ဖို့ဆိုရင် ဂိုးသွင်းရမယ်။ ဒီဂိုးသွင်းမှုကို မကြာမကြာလုပ်နိုင်ပြီဆိုရင် ကျွန်တော့်အလုပ် ပြီးပါပြီ” ဟု ဒီပေးက De Telegraaf သို့ ပြောကြားခဲ့သည်။

ဗန်ဂါးလ်ကမူ ဒီပေးအား ခေါ်ယူခြင်းကို မက်ဆီနှင့်နှိုင်းယှဉ်ခဲ့ပြီး ဒီပေးမှာ ဂိုးသွင်းကောင်းသည့် တောင်ပံကစားသမားဖြစ်သည်ဟု ကင်ပွန်းတပ်ခဲ့သည်။ သို့သော်လည်း အသက် ၂၁ နှစ်အရွယ် ဒီပေးကမူ အသင်းတွင် မည်သည့်နေရာ၌ ချထားမည်ဆိုခြင်းနှင့် ပတ်သက်၍ သိပ်ဂရုမထားဟု ပြောကြားခဲ့သည်။

“ဒါက ကျွန်တော့်အတွက် ကိစ္စမရှိပါဘူး။ ကျွန်တော် ဘယ်ဘက်ကနေ ကစားနိုင်တယ်။ ညာဘက်ကနေလည်း ကစားနိုင်တယ်။ ဒါမှမဟုတ် အလယ်ကနေလည်း တိုက်စစ်ကစားနိုင်ပါတယ်။ (ပီအက်စ်ဗီနည်းပြ) ဖိလစ် ကိုကူးက ကျွန်တော့်ကို လွတ်လွတ်လပ်လပ် ပေးကစားပါတယ်။ ဒါက အလုပ်ကောင်းကောင်းဖြစ်ပါတယ်”

Ref: Goal

မေ ၁၆၊ ၂၀၁၅
M-Media

– အသင်းမှထွက်ခွာဖွယ်ရှိနေသည့် ဂိုးသမား ဒီဂီယာနေရာအတွက် အစားထိုးရန် ဂိုးသမားကို ရွေးချယ်ပြီးဖြစ်သည်ဟု မန်ယူနည်းပြ ဗန်ဂါးလ်က ၀န်ခံပြောကြားလိုက်သည်။

၂၀၁၁ ခုနှစ်က အက်သလက်တီကိုမှ ပြောင်းရွှေ့လာသည့် ဒီဂီယာမှာ မန်ယူတွင် သက်တမ်းတစ်နှစ်သာ ကျန်ရှိတော့ပြီး စပိန်မီဒီယာများကလည်း ဒီဂီယာနှင့် ရီးယဲလ်မက်ဒရစ်တို့မှာ အပြောင်းအရွှေ့ အချက်အလက်များအတွက် သဘောတူညီခဲ့ပြီဟု ဖော်ပြခဲ့သည်။

ဒီဂီယာမှာ မန်ယူတွင်ပြသခဲ့သော လက်စွမ်းကြောင့် PFA ၏ တစ်နှစ်တာ အကောင်းဆုံး ဂိုးသမားဆု ရရှိခဲ့သူဖြစ်ပြီး ဗန်ဂါးလ်က အသင်း၌ ဆက်ရှိနေစေချင်ကာ မန်ယူကလည်း စောစောပိုင်းတွင် လုပ်ခလစာ အမြောက်အများဖြင့် စာချုပ်သစ်ချုပ်ဆိုရန် ကမ်းလှမ်းခဲ့သည်။ သို့သော်လည်း အသင်း၌ ဆက်မရှိနေပါက ၎င်း၏နေရာတွင် အစားထိုးရန် အဆင်သင့်ဟု ဗန်ဂါးလ်က ပြောကြားခဲ့သည်။

“ကျွန်တော်တို့ သူ့ကို စာချုပ်ချုပ်ချင်ပါတယ်။ ဒါပေမယ့် သူက မန်ယူမှာ ဆက်နေချင်ဖို့တော့ လိုပါတယ်။ သူ ဘာ့ကြောင့် ဆုံးဖြတ်ချက်မချသေးတာလဲ ဆိုတာကိုတော့ ကျွန်တော် မသိပါဘူး။ နောက်ဂိုးသမားက ဘယ်သူဖြစ်ရမယ်ဆိုတာလည်း ကျွန်တော်တို့ သိပြီးပါပြီ။ သူ့နေရာကို အစားထိုးနိုင်တဲ့ ဂိုးသမားစာရင်း ကျွန်တော်တို့မှာ ရှိပါတယ်။ ဘာ့ကြောင့်လည်းဆိုတော့ အဲဒီနေရာအတွက်သာမက အသင်းက နေရာတိုင်းအတွက် စနစ်တကျ ရှိနေတာကြောင့်ပါပဲ။ သူ့ကို ကျွန်တော်တို့ နေစေချင်တယ်။ ဒ့ါကြောင့် သူ လက်မှတ်ထိုးမယ်လို့လည်း မျှော်လင့်ပါတယ်” ဟု ဗန်ဂါးလ်က သတင်းထောက်များအား ပြောကြားခဲ့သည်။

စပိန်မီဒီယာများ၏ ဖော်ပြမှုတွင် ဒီဂီယာမှာ တစ်နှစ်လုပ်ခ ပေါင် ၃.၆ သန်းဖြင့် ရီးယဲလ်နှင့် သဘောတူခဲ့ခြင်းဖြစ်ပြီး စပိန်အားကစားသတင်းစာ မာကာက ရီးယဲလ်နှင့် ဒီဂီယာတို့မှာ လွန်ခဲ့သည့်လများကတည်းက အပြောင်းအရွှေ့အတွက် သဘောတူခဲ့ကြသည်ဟု ဖော်ပြခဲ့သည်။

Ref: Goal