Blog

မေ ၉၊ ၂၀၁၅
M-Media

– သီရိလင်္ကာနိုင်ငံမှ ဆင်ဟာလီ ဗုဒ္ဓဘာသာအစွန်းရောက်အဖွဲ့တစ်ခုဖြစ်သည့် ဘိုဒုဗလသေန BBS အဖွဲ့က ၎င်းတို့မှာ နိုင်ငံရေးပါတီတစ်ခု ထောင်သွားမည်ဟု ယခုသီတင်းပတ်တွင် ကြေညာလိုက်သည်။

ဗုဒ္ဓဘာသာဝင်အများစုရှိရာ သီရိလင်္ကာနိုင်ငံတွင် အာဏာပိုမိုကြီးထွားစေရန် ဆောင်ရွက်နေသည့် BBS အဖွဲ့မှာ ယခင်က သီရိလင်္ကာ အာဏာရပါတီ SLFP နှင့် နီးကပ်သည့်ဆက်ဆံရေး ရှိခဲ့သော်လည်း သမ္မတဟောင်း မာဟင်ဒါ ရာဂျာ ပက်ဆာ ဖြုတ်ချခံလိုက်ရသည်မှာ
ထိုဆက်ဆံရေးကြောင့်ဟု ပြောကြားမှုများ ရှိခဲ့သည်။

ဇန်န၀ါရီ ရွေးကောက်ပွဲတွင် SLFP မှာ ရှုံးနိမ့်ခဲ့ပြီး ရာဂျာပက်ဆာမှာလည်း ပြုပြင်ပြောင်းလဲရေးသမား မိုင်သရီပါလာ ဆရီဆီနာ၏ ဖြုတ်ချခြင်းကို ခံခဲ့ရသည်။

“BBS ဟာ လာမယ့် ရွေးကောက်ပွဲမှာ ပါဝင်ယှဉ်ပြိုင်ရေး နိုင်ငံရေးပါတီထူထောင်ဖို့ ရွေးကောက်ပွဲ ကော်မရှင်နဲ့ ဆွေးနွေးခဲ့ပါတယ်။ လာမယ့်ရွေးကောက်ပွဲမှာ BBS ဟာ ဘယ်နိုင်ငံရေး ပါတီကိုမှ ထောက်ခံသွားမှာ မဟုတ်ပါဘူး။ BBS ကို စွပ်စွဲချက်တွေ အမျိုးမျိုးရှိနေပြီး ဒီပြဿနာတွေကို ဖြေရှင်းဖို့ နိုင်ငံရေးပလက်ဖောင်း မရှိပါဘူး။ နိုင်ငံရေးပါတီဖွဲ့ဖို့ တောင်းဆိုမှု ကြီးကြီးမားမား ရှိနေပြီး
လူတော်တော်များများကလည်း ရွေးကောက်ပွဲမှာ ၀င်ရောက်ယှဉ်ပြိုင်ဖို့ အဆင်သင့်ဖြစ်နေပါတယ်” ဟု BBS အမှုဆောင်တာဝန်ရှိသူ ဒီလန်သာ ၀ီသာနာဂီက ပြောကြားခဲ့သည်။

ထို့ပြင် လွှတ်တော်အမတ်များမှာ ဗုဒ္ဓဘာသာလူ့အဖွဲ့အစည်း၏ လိုအပ်ချက်များကို မဖြည့်ဆည်းပေးနိုင်သည့်အတွက် မိမိတို့အဖွဲ့မှာ စိတ်မချမ်းမသာဖြစ်ရကြောင်း၊ BBS အား တိုက်ရိုက်စွပ်စွဲမှုများကို ကာကွယ်ရန် လုပ်ဆောင်သွားမည်ဖြစ်ကြောင်း ၎င်းက ထည့်သွင်း
ပြောကြားခဲ့သည်။

“BBS ဟာ ဘာသာရေးဆိုင်ရာတိုက်ခိုက်မှုတွေ၊ ဘာသာရေးဆိုင်ရာ လူ့အဖွဲ့အစည်းတွေအကြား သဟဇာတမဖြစ်အောင် လုပ်ဆောင်ရာမှာ ပါဝင်တဲ့ လူမျိုးရေးခွဲခြားတဲ့ အဖွဲ့အစည်းအဖြစ် တိုက်ခိုက်ပြောဆိုမှုတွေ ရှိနေပါတယ်”

BBS၊ ဆင်ဟလာ ရာဝါယာ၊ ရာဝါနာ ဘာလာယာနှင့် သီရိလင်္ကာရှိ အခြားသော ဗုဒ္ဓဘာသာအဖွဲ့စည်းများမှာ နိုင်ငံအတွင်း ဘာသာရေးအစွန်းရောက်ဝါဒ ကြီးထွားလာမှုအတွက် အပြစ်တင်ခံနေရသည့် အဖွဲ့များဖြစ်သည်။ ပြီးခဲ့သည့်နှစ် ဇူလိုင်လက ဖြစ်ပွားခဲ့ပြီး အနည်းဆုံး လူ ၄ ဦးသေဆုံးခဲ့ကာ ထောင်နှင့်ချီ၍ အိုးအိမ်စွန့်ခွာ ထွက်ပြေးခဲ့ရသည့် မွတ်စလင်ဆန့်ကျင်ရေး
တိုက်ခိုက်မှုပြီးနောက် တင်းမာမှုများမှာ ထိပ်ဆုံးသို့ ရောက်ရှိလာခဲ့သည်။

ဝီသာနာဂီကမူ ၎င်းတို့တည်ထောင်မည့် နိုင်ငံရေးပါတီမှာ ဗုဒ္ဓဘာသာဝင်များ၏ အကျိုးစီးပွားကို ကာကွယ်သွားမည်ဟု ပြောကြားခဲ့သည်။

“ကျွန်တော်တို့ဟာ BBS ကို နိုင်ငံရေးပါတီအဖြစ် ပြောင်းသွားမှာမဟုတ်ဘဲ သီးခြားပါတီ ထောင်သွားမှာပါ။ BBS ကတော့ နိုင်ငံရေးအဖွဲ့အနေနဲ့ ဆက်ရှိနေမှာဖြစ်ပါတယ်” ဟု ဆိုသည်။

BBS မှာ ပြီးခဲသည့်နှစ်က မွတ်စလင်နှင့် ခရစ်ယာန်များကို ဆန့်ကျင်သော မြန်မာနိုင်ငံမှ ၉၆၉ အဖွဲ့နှင့် ပူးပေါင်းခဲ့သည်။

သီရိလင်္ကာရှိ လူနည်းစုအချို့ကမူ အဆိုပါ အစွန်းရောက် ဗုဒ္ဓဘာသာပါတီကို ဘာသာရေးတင်းမာမှုများ လှုံ့ဆော်ပေးရန်အတွက် မလွဲဧကန် အသုံးချသွားမည်ဟု ခံစားနေရသည်။

“လူတိုင်းက ပါတီထောင်ခွင့်ရှိပါတယ်။ ဒါပေမယ့် သူတို့က အမုန်းတရားတွေ၊ အကြမ်းဖက်မှုတွေနဲ့ ခြိမ်းခြောက်မှုတွေဖြန့်ဖို့ ပါတီထောင်မှာပါ။ BBS ဟာ ပြီးခဲ့တဲ့ အစိုးရလက်ထက်တုန်းက ဘာသာရေးလူနည်းစုတွေကို တိုက်ခိုက်ဖို့ ဥပဒေကို သူတို့လက်ခုပ်ထဲကရေ ပုံစံမျိုး လုပ်ခဲ့ပါတယ်” ဟု အမည်မသိအဖွဲ့များ၏ တိုက်ခိုက်မှုများကို အကြိမ်များစွာ ခံခဲ့ရသည့် ဒမ်ဘူလာ
ဗလီဝတ်ကျောင်းတော်မှ အဖွဲ့ဝင်ဖြစ်သူ ဆင်မ် ဆလီမ်း ဘီန်းက ပြောကြားခဲ့သည်။

Ref: ucanews