မေ ၁၂၊ ၂၀၁၅
M-Media
– မိခင် နေမကောင်းဖြစ်ခဲ့ပြီးနောက် ခိုကိုးရာမဲ့နေသော မွတ်စလင်မြေးမလေးအား ဘာသာတရား ကွဲပြားခြားနားမှုကို ဘေးဖယ်ကာ ပြုစုပျိုးထောင်ပေးခဲ့သည့် တရုတ်လူမျိုး အဘွားအိုတစ်ဦးကို မလေးရှားက ဂုဏ်ပြုခဲ့သည်ဟု သိရသည်။
“မြေးလေး ဘာသာရေးအသိပညာ ကောင်းကောင်းရဖို့ ကျွန်မဟာ သူ့ကို ဘာသာရေးကျောင်းနဲ့ ကုရ်အာန်အတန်းတွေကို ကားမောင်းပြီး လိုက်ပို့ပေးပါတယ်။ ပြီးတော့ မြေးလေးရဲ့ ဘာသာရေးဆိုင်ရာ တာဝန်ဝတ္တရာတွေကို ကျေပွန်ဖို့လည်း ကျွန်မ သေသေချာချာ ဆောင်ရွက်ပေးပါတယ်” ဟု တန် ဂွမ် နီယို ညိုညာ ပိုပိုက မလေးရှားသတင်းစာတစ်စောင်ဖြစ်သော
Bernama သို့ ယမန်နေ့တွင် ပြောကြားခဲ့သည်။
အသက် ၇၀ အရွယ်ရှိပြီဖြစ်သည့် တရုတ်လူမျိုး ပိုပိုမှာ မလေးရှားအစိုးရမှ မာလာကာတွင်ပြုလုပ်သော အမေများနေ့ အထိမ်းအမှတ်အခမ်းအနား၌ ၂၀၁၅ ခုနှစ်အတွက် အကောင်းဆုံးမိခင်ဆုကို ရရှိခဲ့သည်။
သူမက မြေးဖြစ်သူ ဖာဟီရာ နဘီလာ အစ္စဟန်ကို အသက် ၄ လအရွယ်မှ စတင်ကာ ပြုစုစောင့်ရှောက်ပေးခဲ့သည့်အတွက် ယခုကဲ့သို့ ဂုဏ်ပြုခံခဲ့ရခြင်းဖြစ်သည်။ ပိုပိုမှာ ၎င်းကိုယ်တိုင် အစ္စလာမ်ဘာသာဝင်တစ်ဦး မဟုတ်သော်လည်း မြေးဖြစ်သူအား အသက် ၅ နှစ်အရွယ်မှစ၍ နေ့စဉ်ဝတ်ပြုမှု ပြုလုပ်ရန်၊ ရမ်ဇာန်ဥပုသ်လတွင် ဥပုသ်သီလဆောက်တည်ရန်တို့ အပါအ၀င်
အစ္စလာမ့်သွန်သင်ချက်များကို လက်တွေ့လိုက်နာ ကျင့်သုံးနိုင်ရေးအတွက် ကူညီပေးသည်။
“သူ့ရဲ့ အယူဝါဒကို ကာကွယ်ပြီး၊ အဲဒီအယူဝါဒကို လက်တွေ့လိုက်နာကျင့်သုံးအောင် တိုက်တွန်းရင်းနဲ့ မြေးမလေးကို လူလားမြောက်အောင် ဆောင်ရွက်ရတာ လွယ်တော့မလွယ်ပါဘူး။ စိန်ခေါ်မှုတွေ အများကြီးရှိခဲ့ပါတယ်။ တစ်ခါတုန်းက ရွာသူကြီးဟာ ကျွန်မအိမ်ကိုရောက်လာတယ်။ ကျွန်မ မြေးမလေးကို စောင့်ရှောက်ဖို့ တတ်နိုင်မှာမဟုတ်ဘူးဆိုပြီး မိဘမဲ့ဂေဟာကို သွားပို့ဖို
ပြောပါတယ်။ ဒါပေမယ့် ကျွန်မက ငြင်းခဲ့ပါတယ်” ဟု ပိုပိုက ထပ်လောင်းပြောကြားခဲ့သည်။
အခြားသူများလည်း ဂုဏ်ပြုခံရ
ပိုပိုအပြင် မလေးရှားအစိုးရ၏ အမေများနေ့ အခမ်းအနား၌ အခြားသော အမျိုးသမီးများမှာလည်း ၎င်းတို့၏ ကြိုးပမ်းအားထုတ်မှုနှင့် မိခင်စိတ်ဓာတ်တို့အတွက် ဂုဏ်ပြုခြင်း ခံခဲ့ရသည်။
အဆိုပါအခမ်းအနားသို့ ၀န်ကြီး အီဒရစ် ဟာရွန်၊ မလေးရှား အမျိုးသမီး၊ မိသားစုဖွံ့ဖြိုးရေးနှင့် သက်သာချောင်ချိရေးကော်မတီ ဥက္ကဌ လာတီဖာအိုမာရ်တို့ တက်ရောက်ခဲ့ကြပြီး အသက် ၇၃ နှစ်အရွယ် ရိုကိုင်ယဟ် အလ်ဝီ၊ အသက် ၅၉ နှစ်အရွယ် အာရ် ကာလီယာနီတို့မှာလည်း ဂုဏ်ပြုဆု ချီးမြှင့်ခံရသူများတွင် အပါအ၀င်ဖြစ်ခဲ့သည်။
ထို့ပြင် စိတ်ပိုင်းဆိုင်ရာ ဖွံ့ဖြိုးမှုမရှိသည့် သားဖြစ်သူအား ယခုအချိန်ထိ ပြုစုစောင့်ရှောက်ပေးနေသည့် အသက် ၁၀၁ နှစ်အရွယ် အဘွားအိုတစ်ဦးမှာလည်း ဂုဏ်ပြုခံခဲ့ရသည်။
“ကျွန်မသားဟာ ကျွန်မအတွက်တော့ ဘယ်တော့မှ ၀န်ထုတ်ဝန်ပိုး မဖြစ်ပါဘူး။ သူ ရင်ခွင်ပိုက်အရွယ်ကတည်းက ကျွန်မ ရေချိုးပေးတယ်၊ ထမင်းကျွေးတယ်၊ အ၀တ်အစားတွေ ၀တ်ပေးပါတယ်။ သားကို ကျွန်မ တစ်သက်လုံး ပြုစုစောင့်ရှောက်သွားမှာပါ။ ကျွန်မ သူ့ကို သိပ်ချစ်ပါတယ်” ဟု အဆိုပါအဘွားအိုက ပြောကြားခဲ့သည်။
လူဦးရေ ၂၆ သန်းနီးပါးရှိသော မလေးရှားတွင် မလေး၊ တရုတ်နှင့် အိန္ဒိယလူမျိုးများမှာ အဓိက လူမျိုးစုများဖြစ်ကြပြီး အစ္စလာမ်ဘာသာကိုသက်ဝင်ယုံကြည်သူ မလေးလူမျိုးများမှာ စုစုပေါင်းလူဦးရေ၏ ၆၀ ရာခိုင်နှုန်း ရှိသည်။
အစ္စလာမ်တွင် မိဘများအား သားသမီးတို့က ဂုဏ်ပေးအလေးထားရန်အတွက် ကုရ်အာန်ကျမ်းတော်မြတ်နှင့် တမန်တော်မြတ်၏ သြ၀ါဒတော်များမှတစ်ဆင့် အတိအကျ သွန်သင်ထားသည်။
တမန်တော်မုဟမ္မဒ်သခင် (ငြိမ်းချမ်းမှုအပေါင်း သက်ရောက်ပါစေ) လက်ထက်က သာဝကကြီးတစ်ပါးမှာ အလ္လာဟ်အရှင်မြတ်ပြီးနှင့် တမန်တော်မြတ်ပြီးလျှင် မည်သူ၏ တာဝန်ဝတ္တရားအား ကျေပွန်ရမည်နည်းဟု မေးမြန်းရာ ကိုယ်တော်က
“အသင်၏ မိခင်၊ အသင်၏ မိခင်၊ အသင်၏ မိခင်အပေါ် ကောင်းမွန်စွာဆက်ဆံပြီး ၎င်း၏ ၀တ္တရားအား ကျေပွန်ပါ။ ပြီးနောက် အသင်၏ ဖခင်၊ ဆွေမျိုးနီးစပ်တို့နှင့် အခြားသူများအား ကောင်းမွန်စွာဆက်ဆံပြီး ၎င်းတို့၏ တာဝန်ဝတ္တရာများအား ကျေပွန်ပါ” ဟု မိန့်ကြားတော်မူခဲ့သည်။ (ဘူခါရီကျမ်း၊ သြ၀ါဒတော်အမှတ် ၅၉၇၁)
Ref: Onislam
