Blog

အစ္စလာမ့်မစ် ဘာသာရပ်အား သင်ယူရန် ဥပဒေ ပြဌာန်းလာသော ဂျာမဏီမှ အခြေခံပညာရေးကျောင်းများ

ဧပြီ ၃၀၊ ၂၀၁၅
M-Media
မင်းသိန်း

စာရေးသူ နေထိုင်ရာ ဂျာမဏီနိုင်ငံ Nordrhein-Westfalen ပြည်နယ်သည် လူဦးရေ (၁၇သန်း)ခန့် နေထိုင်သော ပြည်နယ် တစ်ခုဖြစ်ပြီး ဂျာမဏီ နိုင်ငံ၏ ပြည်နယ်(၁၆-ခု)တွင် အကြီးဆုံးပြည်နယ်ဖြစ်သည်။

ပြည်နယ်အတွင်း နေထိုင်သော မွတ်စလင်လူဦးရေမှာ (၁.၅ သန်း) ခန့်ရှိပြီး လူဦးရေ စုစုပေါင်း၏ (၁၀ %) နီးပါးခန့်ရှိသည်။ အဆိုပါလူဦးရေ (၁.၅ သန်း) ခန့် အနက် (၃၂၀၀၀၀) ကျော်မှာ မူလတန်း နှင့် အလယ်တန်း (တစ်တန်း မှ ဆယ်တန်းထိ)ကျောင်းသား များဖြစ်ကြသည်။ မွတ်စလင်လူဦးရေ၏ (၂၀%) ကျော်မှာ အခြေခံပညာ သင်ယူနေကြသော ကျောင်းသား/ကျောင်းသူ များ ဖြစ်ကြသည်။ ပြည်နယ်ပညာရေး စနစ် အရ ကျောင်းသူ၊ကျောင်းသားများအနေဖြင့် မူလတန်းမှစတင်ကာ အလယ်တန်းပြီးဆုံးသည့် အထိ (Religious) ဘာသာရပ်အား သင်ယူကြရသည်။ ပြည်နယ်လူဦးရေ၏ (၄၀%) ခန့်သက်ဝင်ယုံကြည်ကြသော (Romen- catholic) ဘာသာရပ်သည် ကျောင်းများတွင်အဓိက သင်ကြားပေးသော ဘာသာရပ်ဖြစ်သည်။ (Roman-Catholic) ဘာသာဝင် မဟုတ်သော (Protestant, Muslims နှင့် ဘာသာမဲ့ ခံယူထားသူများ အနေနှင့် အဆိုပါ (Religious) ဘာသာရပ်အစား (Theology) ဘာသာရပ်အားသင်ယူကြရသည်။

၂၀၁၁ ခု နှစ် ဖေဖေါ်ဝါရီလအတွင်း ပြည်နယ် ပညာရေးဝန်ကြီးနှင့် မွတ်စလင့်ကောင်စီ တို့ပူပေါင်းပြီး ကျောင်းများတွင် အစ္စလာမ့်မစ် ဘာသာရပ်အား သင်ကြားနိုင်ရန် ဆွေးနွေးခဲ့ကြသည်။ ၂၀၁၁ ခု ဒီဇင်ဘာလ တွင် ပြည်နယ် ပညာရေးဥပဒေ အတွင်း အစ္စလာမ့်မစ် ဘာသာရပ် သင်ကြားခွင့် ဥပဒေအား ထည့်သွင်းရေးဆွဲနိုင်ခဲ့ကြသည်။

(၂၀၁၂- ၂၀၁၃) ပညာသင်နှစ်မှ စတင်ကာ ကျောင်းများတွင် အစ္စလာမ့်မစ် ဘာသာရပ် သင်ကြားမှု အား စတင်ခဲ့ကြသည်။အစ္စလာမ်မစ် ဘာသာရပ်အား သင်ကြားလိုသော(မည်သည့် ဘာသာဝင်မဆို) ကျောင်းသူ/ ကျောင်းသားများ အနေဖြင့် လျှောက်လွှာတင်ကြရပြီး ကျောင်း တစ်ကျောင်းတွင် အစ္စလာမ့်မစ် ဘာသာရပ်အား သင်ကြားလိုသော အနိမ့်ဆုံးကျောင်းသားစုစုပေါင်း (၇ ဦး)ခန့်ရှိပါက ပြည်နယ်မှ ဆရာ/ဆရာမ တစ်ဦးအား ခန့်အပ်ပေးသည်။

ထို့အပြင် ပြည်နယ်အတွင်းရှိ တက္ကသိုလ် နှစ်ခု (Westfälischen Wilhelms-Universität Münster နှင့် Universität Osnabrück) တို့တွင် ဆရာ/ဆရာမ များအတွက် အစ္စလာမ့်မစ်ဘာသာရပ်အား အထူးပြုသင်ပြပေးပြီး၊ တက္ကသိုလ်ကျောင်းသား ကျောင်းသူများ အနေဖြင့်လည်း အစ္စလာမ့်မစ်ဘာသာရပ်အား အထူးပြု ဘာသာရပ်အဖြစ် သင်ကြားနိုင်သော အခွင့်အရေးများလည်း ပြည်နယ်အစိုးရမှ တာဝန်ယူ ဖန်တီးပေးထားသည်။

ပြည်နယ်ပညာရေးဌာန ၏စစ်တမ်းများအရ အစ္စလာမ့်မစ် ဘာသာရပ်အား မွတ်စလင် ကျောင်းသား/ ကျောင်းသူများသာမက တခြားဘာသာဝင် ကျောင်းသူ/ကျောင်းသားများလည်း စိတ်ဝင်တစား သင်ယူလာကြသည်ကို တွေ့မြင်လာရသည်။
ဘာသာတရားများ၏ ဓမ္မစစ်ကို သိရှိလာကြသည့်အလျှောက် သက်ဆိုင်ရာဘာသာဝင်များအကြား ဘာသာရေးအား တလွှဲအသုံးချနေသော လူများ၏ အစွန်းရောက်မှု့ အန္တရာယ်မှ ကာကွယ်နိုင်သည့်အပြင် မတူညီသောဘာသာဝင်များအကြား သဘောထားကြီးမှု့နှင့် နားလည်အသိအမှတ်ပြုမှုများ တိုးပွားလာကြရသည်။

အသိဥာဏ်ရင့်ကျက်သော လူ့အဖွဲ့စည်းအတွင်း မတူကွဲပြားခြင်းအား နိုင်ငံနှင့် လူထုအတွက် အင်အားသစ် တစ်ရပ်အဖြစ်ဖန်တီးနိုင်ရန် ကြိုးစားကြပြီး အသိညာဏ်အားနည်းသော လူ့အဖွဲ့အစည်းအတွင်း မတူကွဲပြားခြင်းအား ပြသနာတစ်ရပ်အဖြစ် ဖန်တီးကာ လူသားဂုဏ်သိက္ခာအား မျက်ကွယ်ပြုလာကြသည်။ ဤသို့ဖြင့် ကမ္ဘာပေါ်တွင် လူ့အရောင်အသွေးကင်းမဲ့သော လူသားအများစုနေထိုင်ရာ ပျက်သုန်းနိုင်ငံများပေါ်ပေါက်လာရသည်။

မင်းသိန်း(၂၉.၀၄.၂၀၁၅)

** M-Media သို့ စာရေးသူ “မင်းသိန်း” ပေးပို့လာသည့် သတင်းဆောင်းပါးဖြစ်ပါသည်။ M-Media သို့ စာမူများ ပေးပို့လိုလျှင် M-Media FB Fan Page သို့ မက်ဆစ်ပို့၍ လည်းကောင်း၊ [email protected] သို့ အီးမေးလ်ပို့၍ လည်းကောင်း ဆက်သွယ်ပေးပို့နိုင်ပါတယ်။ ဖတ်ရှုစိစစ်၍ ဖော်ပြပေးသွားပါမည်။

April 30, 2015
ဒုတိယကမ္ဘာစစ်အတွင်း လုပ်ရပ်များအတွက် ဂျပန်တောင်းပန်

ဧပြီ ၃၀၊ ၂၀၁၅
M-Media

– အမေရိကန် ကွန်ဂရက်တွင် ပြောကြားသည့်မိန့်ခွန်း၌ ဂျပန်ဝန်ကြီးချုပ် ရှင်ဇိုအာဘေးက ဒုတိယကမ္ဘာစစ်အတွင်း ဂျပန်၏ အခန်းကဏ္ဍနှင့်ပတ်သက်၍ တောင်းပန်လိုက်ပြီး အလွန်အမင်း နောင်တရမိသည်ဟု ပြောကြားခဲ့သည်။

အရေးပါသည့် ပစိဖိတ်ကုန်သွယ်ရေး သဘောတူညီချက်အတွက် အိုဘားမားနှင့် ဆောင်ရွက်နေသည့် ရှင်ဇိုအာဘေးမှာ ယမန်နေ့က မိန့်ခွန်းပြောကြားခဲ့ခြင်းဖြစ်ပြီး စစ်အတွင်း ဂျပန်နိုင်ငံ၏ ကျူးလွန်မှုများကိုလည်း ၀န်ခံခဲ့သည်။

“ဂျပန်နိုင်ငံနဲ့ ဂျပန်ပြည်သူတွေရဲ့ ကိုယ်စား ကျွန်တော်ဟာ လေးစားသမှုနဲ့အတူ ဒုတိယကမ္ဘာစစ်အတွင်း ဆုံးရှုံးခဲ့ရတဲ့ အမေရိကန်ပြည်သူတွေရဲ့ အသက်တွေအတွက် အဆုံးအစမရှိ ၀မ်းနည်းမိကြောင်း ကျွန်တော် ပြောလိုပါတယ်။ သမိုင်းကတော့ ဆိုးပါတယ်။ ဒါပေမယ့် ဖြစ်ပြီးခဲ့တာတွေကိုတော့ ပြန်ပြင်လို့ မရတော့ပါဘူး” ဟု အာဘေးက ပြောကြားခဲ့သည်။

ထို့ပြင် ဂျပန်၏ လုပ်ရပ်များကြောင့် အာရှဒေသတွင်းရှိ အခြားသော နိုင်ငံများ၏ ခံစားရမှုများကိုလည်း အာဘေးက အသိအမှတ်ပြုခဲ့သည်။ သို့သော်လည်း စစ်အတွင်း အာရှနိုင်ငံများမှ အမျိုးသမီး ၂ သိန်းခန့်ကို ဂျပန်စစ်သားများအတွက် လိင်ကျွန်အဖြစ် အသုံးပြုနှင့်ပတ်သက်၍ ထင်ထင်ရှားရှားပြောဆိုတောင်းပန်မှုများ ပြုလုပ်ရန် အများက မျှော်လင့်ထားကြသော်လည်း အာဘေးက ထည့်သွင်းပြောကြားခဲ့ခြင်း မရှိချေ။

မိန့်ခွန်းမပြောကြားမီအလျင် ရှင်ဇိုအာဘေးမှာ ၀ါရှင်တန်ရှိ ဒုတိယကမ္ဘာစစ် အောက်မေ့ဖွယ် အဆောက်အဦးသို့ သွားရောက်ကာ လွမ်းသူ့ပန်းခွေချခဲ့ပြီး၊ သေဆုံးသွားသူများအတွက် နောင်တများဖြင့် ဆုတောင်းပေးခဲ့သည်ဟု ၎င်းက မိန့်ခွန်းတွင် ထည့်သွင်းပြောကြားခဲ့သည်။ အချို့သော စစ်ပြန်များကမူ အာဘေးမှာ စစ်အတွင်း ဂျပ၏ လုပ်ရပ်များနှင့်ပတ်သက်၍ လုံလုံလောက်လောက် ၀န်ခံခဲ့ခြင်းမရှိဟု ဆိုသည်။

စစ်အတွင်း ဂျပန်စစ်သားများ၏ လိင်ကျွန်ပြုမှုကို ခံခဲ့ရသည့် အသက် ၈၄ နှစ်အရွယ် ကိုရီးယားအမျိုးသမီး လီ ယွန် ဆူးကလည်း အဆိုပါ မိန့်ခွန်းအား တက်ရောက်နားထောင်ခဲ့သည်။

ကွန်ဂရက်တွင် အာဘေးအား မိန်းခွန်းပြောကြားခိုင်းခြင်းမှာ အမေရိကန်နှင့် အာရှပစိဖိတ်နိုင်ငံ စုစုပေါင်း ၁၂ နိုင်ငံပါဝင်မည့် ကုန်သွယ်ရေးသဘောတူညီချက်အတွက် အိုဘားမား၏ သဘောထားက ဒီမိုကရက်တစ် အမတ်များအပေါ် လွှမ်းမိုးရန် ရည်ရွယ်ခြင်းဖြစ်သည်။ ဒီမိုကရက်တစ်များကမူ အဆိုပါ သဘောတူညီချက်မှာ အမေရိကန်ရှိ အလုပ်ကိုင်အခြေအနေကို ဆိုးရွားနိုင်သည်ဟုဆိုကာ ဆန့်ကျင်နေကြသည်။

အာဘေး၏ အမေရိကန်ခရီးစဉ်အတွင်း အိုဘားမားက တရုတ်နှင့် ပိုင်နက်ဆိုင်ရာ အငြင်းပွားမှုများ ဖြစ်နေသည့် ဂျပန်နိုင်ငံ၏ လုံခြုံရေးကို ကာကွယ်စောင့်ရှောက်ပေးသွားမည်ဟု ကတိပြုခဲ့သည်။

Ref: Aljazeera, Channelnewsasia

April 30, 2015
ပြင်သစ်တွင် မွတ်စလင်အမျိုးသမီးတစ်ဦး စကတ်အရှည်ဝတ်၍ ကျောင်းခန်းထဲသို့ ၀င်ခွင့်မရ

ဧပြီ ၃၀၊ ၂၀၁၅
M-Media

– မွတ်စလင်အမျိုးသမီးများ စကတ်အရှည်ဝတ်ဆင်မှုမှာ ဘာသာရေးဆန်သည်ဟုဆိုကာ ပြင်သစ်ရှိ ကျောင်းတစ်ကျောင်းက ပိတ်ပင်ခဲ့မှုနှင့်ပတ်သက်၍ ပြစ်သစ် မွတ်စလင်လူ့အဖွဲ့အစည်းအတွင်း မကျေလည်မှုများ ဖြစ်ပေါ်ခဲ့ရသည်။

“စကတ်ဆိုတာက ဘာမှ ထွေထွေထူးထူးမဟုတ်ပါဘူး။ အရမ်းကို ရိုးရှင်းပြီး ဆန်းပြားတာမျိုးလည်း မဟုတ်ပါဘူး” ဟု အဆိုပါ ကျောင်းမှ ကျောင်းသူတစ်ဦးဖြစ်သူ ဆာရာက AFP သတင်းဌာနသို့ ဧပြီ ၂၈ ရက်နေ့တွင် ပြောကြားခဲ့သည်။

နိုင်ငံအရှေ့မြောက်ပိုင်း Charleville-Mezieres မြို့တွင် ကျောင်းတက်နေသည့် ဆာရာမှာ စကတ်အရှည်ဝတ်သောကြောင့် ယခုလအတွင်း အတန်းထဲသို့ဝင်ရောက်ခြင်းကို ၂ ကြိမ်တိုင်တိုင် ပိတ်ပင်ခြင်းခံခဲ့ရပြီး ကျောင်းအုပ်ကြီးက သူမ၏ စကတ်အရှည်မှာ သိသိသာသာ ဘာသာရေးဆန်နေသည်ဟု ပြောကြားခဲ့သည်။

“ဒီကောင်မလေးကို ပေးမ၀င်တာမဟုတ်ပါဘူး။ ရိုးရိုးဝတ်စုံဝတ်ပြီး ပြန်လာခိုင်းလိုက်တာပါ။ သူ့အဖေက သူ့သမီးကို ကျောင်းပြန်မပို့ချင်ပုံ ရပါတယ်” ဟု ဒေသတွင်း ပညာရေးဆိုင်ရာ တာဝန်ရှိသူ ပက်ထရစ် ဒူတော့က ပြောကြားခဲ့သည်။

ကျောင်းတာဝန်ရှိသူများ၏ ပြောကြားချက်အရ ဆာရာမှာ ၎င်း၏ ဟီဂျဘ်ကို ကျောင်းအဆောက်အဦးအတွင်းသို့ မ၀င်ခင် ချွတ်လေ့ရှိသည်ဟု သိရသည်။

အဆိုပါကျောင်း၏ ဆုံးဖြတ်ချက်က နိုင်ငံသားများအကြားတွင် မကျေလည်မှုကို ဖြစ်စေပြီး ဆိုရှယ်မီဒီယာတွင် #JePorteMaJupeCommeJeVeux (ကိုယ်နှစ်သက်၍ စကတ်ဝတ်သည်) ဟူသော ခေါင်းစဉ်ဖြင့် လှုပ်ရှားမှု ပြုလုပ်ခဲ့ပြီး စတင်ပြီး သိပ်မကြာခင်မှာပင် လူသိများလာခဲ့သည်။

“လူဖြူတစ်ယောက် ဒါကိုဝတ်ရင် ခေတ်မှီတာပါပဲ။ တကယ်လို့ မွတ်စလင်တစ်ယောက်က ၀တ်ရင်တော့ အဲဒါဟာ မျက်စိစပါးမွှေးစူးစရာ ဖြစ်လာပါတယ်” ဟု Twitter အသုံးပြုသူတစ်ဦးက ရေးသားခဲ့သည်။

သို့သော်လည်း ဒေသတွင် ပညာရေးရုံးက အဆိုပါကျောင်း၏ စကတ်အရှည် ပိတ်ပင်မှုအား ထောက်ခံခဲ့ပြီး ထိုဝတ်စုံက ရန်စမှုအစိတ်အပိုင်းဖြစ်သည်ဟု ပြောကြားခဲ့သည်။

“ကျောင်းသားတွေက စုပေါင်းပြီး ဆန့်ကျင်လာတဲ့အခါ ဥပမာအားဖြင့် မျက်နှာကို ဖုံးအုပ်တာမျိုးလို ထင်သာမြင်သာရှိတဲ့ ကိစ္စရပ်မျိုးတွေလည်း ပိုပြီး ပါလာမှာပါ။ ပညာရေးအတွက် လောကီသီးသန့်မူဘောင်ကို အသေအချာ သတိထားရမှာဖြစ်ပြီး အာမခံပေးရပါမယ်” ဟု ဒေသတွင်း ပညာရေးရုံးမှထုတ်ပြန်သော ကြေညာချက်တွင် ဖော်ပြထားသည်။

ဆာရာ၏ ထိုပြဿနာမှာ ပြင်သစ်နိုင်ငံတွင် ပထမဆုံးမဟုတ်ချေ။ ပြီခဲ့သည့်နှစ်က နိုင်ငံတစ်ဝှမ်းရှိ ကျောင်းသား ၁၃၀ ခန့်မှာ ဘာသာရေးနွယ်သည့် ၀တ်စားဆင်ယင်မှုများကြောင့် စာသင်ခန်းအတွင်းသို့ ၀င်ရောက်မှုအား တားဆီးခြင်းခံခဲ့ရသည်ဟု CCIF အစ္စလာမ်ကြောက်ရောဂါ စောင့်ကြည့်ရေးအဖွဲ့က ဆိုသည်။

“စကတ်အရှည်ဝတ်တာက ဘာမှ နေမထိထိုင်မသာ ဖြစ်စရာကိစ္စ မဟုတ်ပါဘူး။ စိတ်ကစဉ့်ကလျားရောဂါ ကြီးနေလို့သာ ဒါမျိုးဖြစ်နေတာပါ” ဟု နိုင်ငံလုံးဆိုင်ရာ အစ္စလာမ်ကြောက်ရောဂါ စောင့်ကြည့်ရေးအဖွဲ့မှ ဥက္ကဌဖြစ်သူ အဗ္ဗဒူလာ ဇက်ရီက ပြောကြားခဲ့သည်။

ပြင်သစ်နိုင်ငံတွင် အစ္စလာမ်ဘာသာဝင်ဦးရေမှာ ၆ သန်းခန့်ရှိပြီး ဥရောပ၌ အများဆုံးဖြစ်သည်။ ပြင်သစ်မွတ်စလင်များမှာ မကြာသေးမီကာလအတွင်း ၎င်းတို့၏ ဘာသာရေးဆိုင်ရာ ကျင့်သုံးမှုများအား ကန့်သတ်ခြင်းခံရမှုနှင့် ပတ်သက်၍ စောဒကတက်မှုများ ရှိနေသည်။

၂၀၀၄ ခုနှစ်က ပြင်သစ်မှာ အများပြည်သူနှင့် သက်ဆိုင်သည့်နေရာများတွင် ဟီဂျဘ်ဝတ်ဆင်ခြင်းကို တားမြစ်ခဲ့ပြီး အခြားဥရောပနိုင်ငံများကလည်း ထိုကဲ့သို့ လိုက်လံ လုပ်ဆောင်ခဲ့ကြသည်။

Ref: Onislam

April 30, 2015
မြန်မာနိုင်ငံနှင့် ကလေးအလုပ်သမား ပြဿနာ

ဧပြီ ၃၀ ၊ ၂၀၁၅
M-Media
.

June 10, 2014 (AP Photo/Gemunu Amarasinghe)

– မြန်မာနိုင်ငံ၏ မြို့ကြီးဖြစ်သည့် ရန်ကုန်မြို့ရှိ လက်ဖက်ရည်ဆိုင်တစ်ဆိုင်တွင် စိုးမင်းလွင်တစ်ယောက် နေ့စဉ် နံနက် ၆ နာရီမှ ည ၉ နာရီအထိ အော်ဒါမှာပေးခြင်း၊ အစားသောက်များချပေခြင်းနှင့် ပန်းကန်ဆေးခြင်းတို့ကို ပြုလုပ်ရသည်။ ညစဉ်ညတိုင်း ၎င်းမှာ သစ်သားစားပွဲပေါ်တွင် တက်အိပ်ရသည်။ အသက် ၁၂ နှစ်အရွယ်သာရှိသေးပြီး တစ်နေ့လျှင် တစ်ထောင်ကျော်သာရသည့် ၎င်းက မိသားစု၏ အဓိက ၀င်ငွေရှာသူ ဖြစ်နေ၏။
.
“ကျွန်တော် အလုပ်မလုပ်တဲ့အခါ တစ်ခါတစ်လေ ကျွန်တော့်မိသားစုက အဆင်ပြေပါတယ်။ ဒါပေမယ့် တစ်ခါတစ်လေမှာတော့ အဆင်မပြေပါဘူး။ ကျွန်တော့်ပထွေး အလုပ် ရ၊ မရပေါ်မှာ မူတည်ပါတယ်။ သူ့မှာ အလုပ်က ပုံမှန်မရှိပါဘူး” ဟု စိုးမင်းလွင်က ဆိုသည်။
.
လက်ဖက်ရည်ဆိုင်ပိုင်ရှင် ကိုသာတင့်က မြန်မာ ရွေ့လျား ပညာရေး ပရောဂျက်မှ ဖွင့်လှစ်သင်ကြားပေးသည့် အတန်းသို့တက်ရောက်ရန် စိုးမင်းလွင်အား တစ်ပတ်လျှင် ၆ နာရီ ခွင့်ပေးသည်။ သို့သော်လည်း စိုးမင်းလွင်ကဲ့သို့ ကလေးများကို အလုပ်ခန့်ရခြင်းက မတရားလုပ်အားဖြစ်သည်ဟုလည်း သူက ပြောသည်။
.
“ဒီကလေးတွေကို ကျွန်တော်တို့ မနှိပ်စက်သလို အတင်းအဓမ္မလည်း အလုပ်ခိုင်းတာ မဟုတ်ပါဘူး။ သူတို့ကို ကျွန်တော်တို့ခေါ်ထားတယ်။ အလုပ်ပေးတယ်။ ဒါမှ သူတို့ရဲ့ မိသားစုတွေကို သူတို့ ထောက်ပံ့နိုင်မှာပါ။ ဒီမှာဆိုတော့ သူတို့မှာ နေဖို့၊ စားဖို့ နေရာရှိတယ်။ တကယ်လို့ သူတို့ကို ခေါ်မထားရင် ဒီထက်ဆိုးတဲ့နေရာမှာ သူတို့ ဘ၀ဆုံးသွားနိုင်ပါတယ်”
.
ကိုသာတင့်တွင် ၉ နှစ်အရွယ် သားတစ်ဦးရှိပြီး အသက် ၁၂ နှစ်အရွယ်တွင် ၎င်းအားကျောင်းထုတ်ကာ အလုပ်ခိုင်းမလားဟု မေးမြန်းရာတွင်တော့ သူက မခိုင်းဘူးဟုဆိုသည်။
.
“ဒီကလေးတွေက သူတို့ရဲ့မိသားစုမှာ ပိုက်ဆံ လုံလုံလောက်လောက်မရှိတာကြောင့် အလုပ်လုပ်နေရတာပါ” ဟု ၎င်း၏ထံတွင် အလုပ်လုပ်နေသည့် ကလေးငယ် ၅ ဦးကို ရည်ညွှန်း၍ ကိုသာတင့်က ဆိုသည်။
.
“ကျွန်တော့်သားကတော့ (သူတို့ထက်) ပိုကံကောင်းပါတယ်။ ဒါ့ကြောင့် သူက အလုပ်လုပ်ဖို့ မလိုသေးပါဘူး”
.
ကလေးများမှာ မြန်မာ့စီးပွားရေး၏ ဒေါက်တိုင်များဖြစ်နေကြသည်မှာ ကြာပြီဖြစ်သည်။ အများစုမှာ အိမ်သန့်ရှင်းရေး၊ စက်ရုံများနှင့် ဈေးဆိုင်အကူများအဖြစ် လုပ်နေရသည်။ သို့ရာတွင် နှစ်ပေါင်း ၅၀ ကြာ စစ်အုပ်ချုပ်ရေးအပြီး တံခါးဖွင့်လိုက်သည့်အခါ ကလေးငယ်များ၏ အခန်းကဏ္ဍနှင့် ပတ်သက်၍ နိုင်ငံတကာမှ စီစစ်လေ့လာခြင်းမှာ တိုးလာသည်။
.
“ဒီပြဿနာကို အခြေအနေအရတော့ လက်ခံထားရပါတယ်။ ဘာ့ကြောင့်လည်းဆိုတော့ နိုင်ငံရဲ့ ဘယ်နေရာကိုပဲသွားသွား၊ ကလေးတွေ အလုပ်လုပ်နေတာကို ကျွန်တော်တို့ မြင်ရပါတယ်။ နေရာတိုင်းမှာပါ” ဟု မြန်မာ ရွေ့လျားပညာရေးပရောဂျက်ကို စတင်အကောင်အထည်ဖော်ခဲ့သည့် တင်အေးဟာဒီက ဆိုသည်။ အဆိုပါ ပရောဂျက်က လက်ဖက်ရည်ဆိုင်များတွင် အလုပ်လုပ်နေကြသည့် ကလေးငယ် ၄၀၀အား ကျောင်းစာမဟုတ်သည့် ပညာရေးကို သင်ကြားပေးနေသည်။
.
မြန်မာနိုင်ငံ၌ ၂၀၁၁ ခုနှစ်တွင် စီးပွားရေးနှင့် နိုင်ငံရေး အဓိကပြောင်းလဲမှုများ လုပ်ဆောင်စဉ်ကတည်းက ကျေးလက်ဒေသများမှ ကလေးငယ်များမှာ မြို့ကြီးများသို့ တိုး၍တိုး၍ ပြောင်းရွှေ့လာကြသည်။
.
“မြို့ကြီးတွေမှာ ကုန်စုံဆိုင်တွေ၊ စားသောက်ဆိုင်တွေ ဖွင့်ကြတယ်။ သူတို့က ဈေးပေါပြီး စိတ်ချရတဲ့ လုပ်အားကို လိုအပ်ပါတယ်။ ပြီးတော့ လူတွေကလည်း ၀င်ငွေတွေပိုပိုရလာတယ်။ ဒါ့ကြောင့် ၀န်ဆောင်မှုတွေကိုလည်း ပိုပြီး တောင်းဆိုလာကြပါတယ်။ အဲဒီတောင်းဆိုမှုက လုပ်အားကို ပိုပြီး လိုအပ်စေတာပါပဲ” ဟု တင်အေးက ထပ်လောင်းပြောကြားခဲ့သည်။

Maxim Malkov/ecoburma

.
မြန်မာနိုင်ငံရှိ ကလေးအလုပ်သမားများနှင့်ပတ်သက်၍ လက်တလော အချက်အလက်ကို ကောက်ယူရန် ခက်ခဲသည်။ ယူနီဆက်ဖ်၏ ၂၀၀၆ ခုနှစ် လေ့လာမှုမှ ရရှိသည့် နောက်ဆုံးအချက်အလက်အရ စစ်တမ်းကောက်ယူမှုတွင် ပါဝင်ခဲ့သည့် အသက် ၇ နှစ်မှ ၁၆ နှစ်အရွယ်ကလေး ၃၃ ရာခိုင်နှုန်းနီးပါးမှာ အလုပ်လုပ်နေ ရသည်ကို တွေ့ရှိခဲ့ ရသည်။ ဘေးအန္တရာယ်မျာကို လေ့လာ ဆန်းစစ်သော ယူကေရှိ Maplecroft ကုမ္ပဏီက ကလေးငယ်အလုပ်သမား ပြဿနာတွင် ကမ္ဘာ့အဆိုးအ၀ါးဆုံး နိုင်ငံများ စာရင်း၌ မြန်မာနိုင်ငံအား အဆင့် ၇ ပေးထားသည်။ အိန္ဒိယနှင့် လိုက်ဘေးရီးယားတို့ထက် အနည်းငယ်တော့ သာသည်။
.
နိုင်ငံတကာ အလုပ်သမားအဖွဲ့ ILO က လက်ရှိအချိန်တွင် ကိန်းဂဏန်းအချက်အလက်များကို စုဆောင်းနေသည်။ သို့သော်လည်း ကလေးအလုပ်သမားက မြန်မာနိုင်ငံတွင် သာမန်ပုံစံမျိုးဖြစ်နေသည်ဟု ILO ၏ မြန်မာနိုင်ငံရှိ ကလေးအလုပ်သမား ပပျောက်ရေးနှင့်ပတ်သက်သည့် အစီအစဉ်မှ နည်းစနစ်ပိုင်းဆိုင်ရာ အကြီးအကဲဖြစ်သူ ဆဲလင်မ် ဘီနာအစ်စာက ဆိုသည်။
.
“ဥပဒေတွေကို ကျင့်သုံးဖို့နဲ့ အသိပညာပေးဖို့က သိသာတဲ့ပြဿနာတစ်ခု ဖြစ်နေပါတယ်”
.
၁၉၅၁ ခုနှစ်တွင် ထိုစဉ်က ဘားမားဟုခေါ်သည့် မြန်မာနိုင်ငံတွင် အသက် ၁၃ နှစ်အောက် ကလေးများ ဈေးဆိုင်များနှင့် စက်ရုံများတွင် အလုပ်လုပ်ခြင်းကို တားမြစ်သည့် ဥပဒေကို ထုတ်ပြန်ခဲ့သည်။ အဆိုပါ ဥပဒေတွင် အသက် ၁၃ နှစ်မှ ၁၅ နှစ်အရွယ်ကလေးများ တစ်နေ့လျှင် ၄ နာရီထက်ပို၍ အလုပ်လုပ်ခြင်းကိုလည်း တားမြစ်ခဲ့သည်။ ကျွန်ပြုခံရခြင်း၊ လူကုန်ကူးခံရခြင်း၊ လက်နက်ကိုပဋိပက္ခများနှင့် အန္တရာယ်ရှိသော အလုပ်များတွင် ကလေးများအား အသုံးပြုခြင်းတို့ အပါအ၀င် ကလေးအလုပ်သမားများအား ခိုင်းစေမှု အဆိုးဝါးဆုံးပုံစံများ ပပျောက်စေရေး တိုက်တွန်းထားသည့် ILO ၏ သဘောတူညီချက် တစ်ခုကို ၂၀၁၃ ခုနှစ် ဒီဇင်ဘာလတွင် လွှတ်တော်က အတည်ပြုခဲ့သည်။
.
မြန်မာ့အလုပ်သမားရေးရာ ၀န်ကြီးဌာန၏ စက်ရုံအလုပ်ရုံနှင့် အလုပ်သမားဥပဒေ စစ်ဆေးခြင်းဌာနမှ အထွေထွေဒါရိုက်တာဖြစ်သူ ဦးဝင်းရှိန်က အစိုးရအနေဖြင့် အကောင်းဆုံးကို ကြိုးစားဆောင်ရွက်နေသည်ဟု ပြောကြားခဲ့သည်။
.
“ကလေးအလုပ်သမားကိစ္စဟာ ပြဿနာကြီးတစ်ခုပါ။ ဒါပေမယ့် ဒါဟာ ဆင်းရဲမွဲနေမှုရဲ့ ရလဒ်ပါပဲ။ တိုင်းပြည်ကဆင်းရဲတယ်။ ဒါ့ကြောင့် ကလေးတွေက သူတို့မိသားစု ၀င်ငွေရဖို့ ကူညီကြရတယ်။ ဒါကို ဖြေရှင်းဖို့ဆိုရင် ကျွန်တော်တို့ဟာ စီးပွားရေးဖွံ့ဖြိုးတိုးတက်ဖို့ လိုပါတယ်။ ပြီးတော့ ဒါဟာ အချိန်အတော် ကြာပါလိမ့်မယ်” ဟု ၎င်းက ဆိုသည်။
.
ထို့ပြင် အစိုးရအနေဖြင့် အလုပ်လုပ်ခွင့်ပေးသည့် အနိမ့်ဆုံးအသက်ကို ၁၄ နှစ်အထိ တိုးမြှင့်သတ်မှတ်သွားရန် စဉ်းစားနေပြီး ၎င်း၏ ရုံးကလည်း အသက်အငယ်ဆုံး အလုပ်သမားများအတွက် ပညာသင်ကြားပေးရေး၊ အသက်မွေးမှုဆိုင်ရာ လေ့ကျင့်သင်ကြားရေးနှင့် ကျန်းမာရေး စောင့်ရှောက်မှုပေးရေးတို့အတွက် စီးပွားရေး လုပ်ငန်းရှင်များနှင့် ညှိနှိုင်းဆွေးနွေးနေသည်ဟုလည်း ဆိုသည်။
.
ကလေးငယ် ၅ ဦးတွင် ၂ ဦးက အာဟာရ ချို့တဲ့မှုဒဏ်ကို ခံစားနေရသည့် မြန်မာနိုင်ငံတွင် ပွဲစားများကလည်း ကလေးအလုပ်သမားအရေးကို မီးထိုးပေးနေသည်။ သူတို့က ကလေးငယ်များကို အလုပ်ရှင်များထံသို့ တန်ဖိုးတစ်ခုဖြင့် ပို့ဆောင်ကြသည်။ ခင်ဌေးက ရန်ကုန်မြို့ရှိ ဈေးတစ်ခုတွင် ကလေးအ၀တ်အစားများ ရောင်းသည့် အချိန်ပြည့်အလုပ်အပြင် ကလေးအလုပ်သမားရှာဖွေသည့် ပွဲစားလည်း လုပ်သည်။ ကလေးအလုပ်သမားတစ်ဦး ရှာပေးလျှင် အလုပ်ရှင်များက သူမအား တစ်သောင်းအထိ ပေးကြသည်။
.
“အချို့လူတွေက ကျွန်မဆီလာပြီး သစ်သီးဖျော်ရည်ဆိုင်လို သူတို့ဆိုင်တွေမှာ အလုပ်လုပ်ဖို့ ကလေးတွေကို ရှာခိုင်းကြပါတယ်။ တစ်ချို့တွေကတော့ အိမ်အကူရှာခိုင်းကြတယ်။ အသက် ၁၅ နှစ်လောက် မိန်းကလေးတွေလည်း ကျွန်မဆီလာပြီး အလုပ်ရှာခိုင်းတာမျိုးတွေ ရှိပါတယ်” ဟု ခင်ဌေးက ပြောကြားခဲ့သည်။
.
ခင်ဌေးကတော့ သူမမှာ ဆင်းရဲပြီး အလုပ်လိုနေသည့် ကလေးများကို ကူညီပေးနေသည်ဟု ခံစားရကြောင်း ပြောကြားခဲ့သည်။
.
“အဲဒါဟာ ကျွန်မ အနိမ့်ဆုံး လုပ်နိုင်တာပါပဲ”
.
အခြားပွဲစားများကလည်း ဤအလုပ်နှင့်ပင် စီးပွားဖြစ်နေကြသည်။ ၎င်းတို့၏ အလုပ်က ပို၍ လျှို့ဝှက်သည်။
.
နေရာတကာတွင် ပြန့်နှံ့နေသည့် ကလေးအလုပ်သမားကိစ္စက အမေရိကန်မှ စီးပွားရေး ပိတ်ဆို့မှု ဖွင့်ပေးခဲ့ပြီးနောက် မြန်မာနိုင်ငံသို့ ၀င်ရောက်လာကြသည့် အမေရိကန် ကုမ္ပဏီများအတွက်လည်း စိန်ခေါ်မှုတစ်ရပ် ဖြစ်နေသည်။
.
အမေရိကန်ကုမ္ပဏီတော်တော်များများက ၎င်းတို့၏ လုပ်ငန်းခွင်များသို့ သွားရောက်ရန် တောင်းဆိုမှု ကို ငြင်းပယ်ကြသည်။ သို့သော်လည်း ကိုကာကိုလာ ကုမ္ပဏီက မြန်မာနိုင်ငံရှိ ၎င်းတို့ကုမ္ပဏီ၏ မူဝါဒမှာ အသက် ၁၈နှင့်အထက်ကိုသာ အလုပ်ခန့် ထားရန်ဖြစ်သည်ဟု ပြောကြားခဲ့သည်။ အ၀တ်အစား ဖြန့်ဖြူးရောင်းချသည့် Gap ကုမ္ပဏီကလည်း ကလေးအလုပ်သမား အတွက် လုံးဝသည်းမခံသည့် မူဝါဒကို ချမှတ်ထားသည်ဟု ဆိုသည်။
.
နိုင်ငံတကာ စောင့်ကြည့်လေ့လာရေးအဖွဲ့ Verite မှ ဆောင်ရွက်ထားသည့် စစ်ဆေမှုများအရ Gap ၏ မြန်မာနိုင်ငံ၌ ဖွင့်လှစ်ထားသည့် စက်ရုံနှစ်ခု၌ ကလေးအလုပ်သမား ရှိသည်ဟူသော အထောက်အထား မတွေ့ရဟုဆိုသည်။ သို့သော်လည်း အချို့သော အလုပ်သမား ဖိုင်များတွင် အသက်အရွယ်ကို ဖော်ပြထားသည့် အထောက်အထား မပါဘဲ၊ ပါရှိသည့် အထောက်အထား အချို့မှာလည်း ပြင်ဆင်ထားသည်ကို တွေ့ရှိခဲ့ရသည်။
.
မြန်မာနိုင်ငံအတွင်း ကလေးအလုပ်သမားကို ရှောင်ကျဉ်ရန် အမေရိကန်ရှိ ကုမ္ပဏီများအတွက် ခက်ခဲနိုင်သည်ဟု ရန်ကုန်မြို့ရှိ အမေရိကန် သံရုံးမှ စီးပွားရေးနှင့် ကုန်သွယ်မှုရေးရာ တာဝန်ရှိသူ မက်ချက် ရှီရှက်က ဆိုသည်။
.
“သေချာတာက အမေရိကန်ကုမ္ပဏီတွေဟာ နိုင်ငံတကာရဲ့ အကောင်းဆုံးစံနှုန်း ဒါမှမဟုတ် နိုင်ငံအတွင်း ဥပဒေတွေကို တိုက်ရိုက်ချိုးဖောက်မှာ မဟုတ်ပါဘူး။ ဒါပေမယ့် ကုန်စည်အသွားအလာ ကွင်းဆက်တွေမှာ ကလေးအလုပ်သမားတွေ ရှိနိုင်မလားဆိုတာကို ဖော်ထုတ်ဖို့ အမေရိကန်ကုမ္ပဏီတွေက လိုအပ်တဲ့ လုံလ၀ီရိယတော့ ထုတ်ရပါမယ်။ အဲဒီလိုကွင်းဆက်တွေက ကုမ္ပဏီတွေမှာ ဒါမျိုးတွေ တွေ့ရတယ်ဆိုတဲ့ ပြဿနာတွေကိုလည်း ကျွန်တော်တို့ ကြားခဲ့ရပါတယ်။ “ခင်ဗျားတို့ ကလေးအလုပ်သမားကို မစွန့်လွှတ်ဘူးဆိုရင် ကျွန်တော်တို့ ခင်ဗျားတို့နဲ့ အလုပ်မလုပ်နိုင်ဘူးလို့” ကန်ထရိုက်ခွဲတွေနဲ့ ကုန်ပစ္စည်း ထောက်ပံ့ပေးတဲ့ သူတွေကိုလည်း ကျွန်တော်တို့ ပြောထားရပါတယ်” ဟု ရှီရှက်က ထည့်သွင်းပြောကြားခဲ့သည်။
.
နောက်ထပ်အခက်အခဲတစ်ခုက အလုပ်မှ ထုတ်လိုက်သည့် ကလေးငယ်များမှာ အလွန်ငယ်ရွယ်သည့် အနေအထား ရှိသောကြောင့် ၎င်းတို့အား ဘာလုပ်ပေးရမည်ဆိုသည်ကို အဖြေရှာရန်ဖြစ်သည်ဟု ဘီနာအစ်ဆာက ဆိုသည်။
.
“ဒေသတွင်း ကုမ္ပဏီကတွေက လူငယ်အလုပ်သမားတွေကို အလုပ်ဖြုတ်လိုက်တဲ့အခါ ဒီပြဿနာဟာ အခြားနိုင်ငံတွေမှာ လည်း ဖြစ်ခဲ့ပါတယ်။ အဲဒီကလေးတွေဟာ ငယ်တယ်။ ပြီးတော့ သူတို့ ပထမရှိနေတဲ့ အခြေအနေနဲ့ နှိုင်းယှဉ်ရင် ပိုပြီးဆိုးဝါးတဲ့ ကလေးအလုပ်သမား ပုံစံမျိုးကို ရောက်သွားတယ်….. ဒါ့ကြောင့် ကျွန်တော်တို့ ဒါကို ရှောင်ချင်ပါတယ်”
.
ရန်ကုန်၏မြောက်ဘက် ၅၅ မိုင်အဝေးတွင်ရှိသည့် စိုးမင်းလွင်၏ ရွာတွင်တော့ ၎င်း၏လခ တစ်လ ၃ သောင်းခွဲလောက်မှာ အတော်လေးခရီးရောက်သည်။ သူ့မိသားစုက ဆန်ကို အကြွေးဖြင့်ဝယ်သည်။ ဆန်တစ်အိတ်လျှင် ၂ သောင်းခန့် ကုန်ကျပြီး မိခင်၊ ပထွေး၊ ညီငယ် ၂ ယောက်နှင့် အဖွား စုစုပေါင်း ၅ ယောက်အတွက် စားလောက်သည်။
.
“သူတို့ကို အလုပ်မလုပ်စေချင်ပါဘူး။ ကလေးတွေကို မိဘတွေရဲ့အဝေးမှာ မထားသင့်ပါဘူး။ သူတို့ စာရိတ္တ ပျက်ဆီးသွားနိုင်ပါတယ်။ စိုးမင်းလွင်ကို အလုပ်ခိုင်းတာက ကျွန်မတို့မှာ မပြေလည်လို့ပါ” ဟု မိခင်ဖြစ်သူ နော်အဲလ်ရှီးက ဆိုသည်။
.
ထို့ပြင် အသက် ၄ နှစ်အရွယ် သားဖြစ်သူမှာလည်း စိုးမင်းလွင်ကဲ့သို့ ဖြစ်လာမည်ကို သူမက စိုးရိမ်နေလေ၏။

Ref:Aljazeera America

မိုးဝေ ဆီလျော်အောင် ဘာသာပြန်ဆိုသည်။

April 30, 2015
နီပေါငလျင်အတွက် စင်ကာပူ မွတ်စလင်လူ့အဖွဲ့အစည်း ကူညီမည်

ဧပြီ ၂၉၊ ၂၀၁၅
M-Media

– နီပေါနိုင်ငံရှိ ငလျင်ဒဏ်သင့်သူများအား ကူညီရန်အတွက် စင်ကာပူနိုင်ငံရှိ ဗလီဝတ်ကျောင်းတော်ပေါင်း ၆၈ လုံးတွင် အလှူငွေများ လက်ခံသွားမည်ဟု ရဟ်မာတန် လီလ် အလာမင် ဖောင်ဒေးရှင်း RLAF က တနင်္လာနေ့တွင် ပြောကြားခဲ့သည်။

RLAF မှာ စင်ကာပူမွတ်စလင် လူ့အဖွဲ့အစည်းအနေဖြင့် ဆင်းရဲနွမ်းပါးသူများ၊ ချို့တဲ့သူများနှင့် သဘာဝဘေးအန္တရာယ်ကို ခံစားရသူများအား ကူညီဖေးမ မေတ္တာမျှဝေရန် ရည်ရွယ်၍ ၂၀၀၅ ခုနှစ်က စင်ကာပူ အစ္စလာမ်သာသနာရေးကောင်စီ MUIS မှ တည်ထောင်ထားသည့် ဖောင်ဒေးရှင်းဖြစ်သည်။

အဆိုပါ ဖောင်ဒေးရှင်း၏ အဆိုအရ စင်ကာပူရှိ ဗလီဝတ်ကျောင်းတော်များမှာ မွတ်စလင်လူ့အဖွဲ့အစည်းမှ မည်သည့်ပုံစံမျိုးဖြင့် လှူဒါန်းမှုဖြစ်စေ လက်ခံသွားမည်ဖြစ်ပြီး၊ MUIS ၀ဘ်ဆိုက်သို့ဝင်ရောက်ကာ အွန်လိုင်းမှလည်း လှူဒါန်းမှုများကို ပြုလုပ်နိုင်သည်ဟု ဆိုသည်။

“နီပေါနိုင်ငံအတွက် အထူးကောက်ခံမှု” ဟု စာတမ်းကပ်ထားသည့် အလှူခံပုံးများကို မေလ ၁ ရက်နေ့မှ ၇ ရက်နေ့အထိ အဆိုပါ ဗလီဝတ်ကျောင်းတော် ၆၈ လုံးတွင် RLAF က ထားရှိသွားမည်ဖြစ်သည်။

“ကောက်ခံမှုက ရရှိတာတွေကို ငလျင်ကြောင့် ထိခိုက်သူတွေကို သွားရောက်ကူညီပေးဖို့ အဖွဲ့တစ်ဖွဲ့ စေလွှတ်ခဲ့တဲ့ Mercy Relief ကို လွှဲပြောင်းပေးအပ်သွားမှာ ဖြစ်ပါတယ်။ နီပေါက ငလျင်ဒဏ်ခံ ပြည်သူတွေ စိတ်ဓာတ်ခွန်အားရှိဖို့၊ ၀မ်းနည်းစရာကောင်းပြီး စိန်ခေါ်မှုတွေရှိနေတဲ့ ဒီအဖြစ်အပျက်တွေကို ကြံ့ကြံ့ခံရင်ဆိုင်နိုင်စွမ်းရှိဖို့ စင်ကာပူ မွတ်စလင်လူ့အဖွဲ့အစည်းက ဆုမွန်ကောင်း တောင်းပါတယ်” ဟု RLAF က ပြောကြားခဲ့သည်။

Ref: Channelnewsasia

April 29, 2015