ဧပြီ ၂၁၊ ၂၀၁၅
M-Media
-နိုင်ငံခြားသားကြောက်ရောဂါကြောင့် တိုက်ခိုက်မှုများ မြင့်တက်လာသည့် နိုင်ငံအတွင်း ထိုလုပ်ရပ်များအား ရှုတ်ချရန်နှင့် အတူယှဉ်တွဲနေထိုင်မှုကို မြှင့်တင်ရန်အတွက် မွတ်စလင်ခေါင်းဆောင်များက ပြည်သူများအား တိုက်တွန်းခဲ့သည်ဟု သိရသည်။
“မေတ္တာတရား၊ လွတ်မြောက်မှု၊ ကြင်နာမှု၊ ရက်ရောမှု၊ စိတ်ဓာတ်မြင့်မားမှု စတာတွေနဲ့ ဖြန့်ကျက်ထားတဲ့ ပျော်ရွှင်ပြီး ငြိမ်ချမ်းတဲ့ နေရာတစ်ခုအဖြစ် တောင်အာဖရိကရဲ့ ပြုပြင်ပြောင်းလဲမှုကို ကြည့်ရှုဖို့ ကျွန်တော်တို့ဟာ ပိုကောင်းတဲ့ တောင်အာဖရိကကို မြင်ချင်တယ်။ နိုင်ငံခြားသားကြောက်ရောဂါကို ညီညီညွတ်ညွတ်ဆန့်ကျင်တဲ့ လူ့အဖွဲ့အစည်းမျိုးကို မြင်ချင်ပါတယ်။ ပြီးတော့ ဒီကမ္ဘာမှာ ပိုမြင့်မြတ်တယ်ဆိုတာ မရှိဘူးဆိုတာကိုလည်း ကျွန်တော်တို့ နှလုံးသွင်းရပါမယ်။ လူတစ်ယောက်ရဲ့ မြင့်မြတ်ခြင်းဆိုတာ ဘုရားသခင်ရဲ့ အမြင်မှာပဲ မူတည်ပါတယ်” ဟု ကိပ်တောင်း အစ္စလာမ့်ပညာရေးစင်တာမှ ပြောရေးဆိုခွင့်ရှိသူ ဆရဒ် ရစ်ဒ်ဝမ် မိုဟာမက်က ပြောကြားခဲ့သည်။
တောင်အာဖရိကနိုင်ငံတွင် ပြီးခဲ့သည့် သီတင်းပတ်များအတွင်း နိုင်ငံခြားသားကြောက်ရောဂါ မြင့်တက်လာပြီး တိုက်ခိုက်မှုများလည်း ဖြစ်ပွားခဲ့ကာ အနည်းဆုံး လူ ၇ ဦး သေဆုံးခဲ့ပြီး ယခုအချိန်အထိ လူ ၃၀၀ ကျော် ဖမ်းဆီးခံထားရသည်။
“မွတ်စလင်တွေဟာလည်း ဒီတိုက်ခိုက်မှုရဲ့ သားကောင်တွေ ဖြစ်ကြပါတယ်။ မွတ်စလင်တွေဖြစ်တဲ့ ကျွန်တော်တို့ ၀တ်ပြုဆုတောင်းရာမှာက ကျွန်တော်တို့ တာဝန်ဖြစ်ပြီး ကျွန်တော်တို့ရဲ့ တောင်အာဖရိကမြေပေါ်မှာ ငြိမ်းချမ်းမှုနဲ့ သဟဇာတဖြစ်မှု ပြန်လည်ရရှိဖို့ ဘုရားသခင်ဆီမှာ ဆုတောင်းရပါမယ်” ဟု ရစ်ဒ်ဝန်က ထပ်လောင်းပြောကြားခဲ့သည်
နိုင်ငံအတွင်း မြင့်တက်လာသည့် နိုင်ငံခြားသားကြောက်ရောဂါကို ဟန့်တားရန်အတွက် အစိုးရ၏ ကြိုးပမ်းမှုများတွင် မွတ်စလင်ခေါင်းဆောင်များနှင့် ဗလီဝတ်ကျောင်းတော်များကလည်း ဆက်သွယ်ဆောင်ရွက်နေသည်။
ကိပ်တောင်းမြို့ရှိ ဗလီဝတ်ကျောင်းတော်များတွင်လည်း သောကြောနေ့ တရားဒေသနာတော်များကို အသုံးပြု၍ ထိုပြဿနာကို ဖြေရှင်းနေကြသည်။
အစွန်းရောက်ဝါဒကို ရှုတ်ချရေး ၀တ်ပြုရန်လာရောက်ကြသူများအား တိုက်တွန်းလျက် ကိပ်တောင်း အစ္စလာမ့်ပညာရေးစင်တာကို တည်ထောင်သူ အလ်လာမာ မောင်လာနာ ဆယဒ် အင်မ်ရန်း ရှားဟ် ဇီယေးက အာဖရိကပြည်သူများမှာ ငြိမ်းချမ်းမှု၊ လုံခြုံမှုနှင့် လူသားဆန်မှုကို ယခင်ကထက် ပိုလိုသည်ဟု ပြောကြားခဲ့သည်။
သောကြာနေ့ တရားဒေသနာတော်တွင်လည်း ဇီယေးက သည်းမခံမှုကို ရှုတ်ချပြီး ငြိမ်းချမ်းရေးကို တိုက်တွန်းဆော်သြပေးသည့် ကုန်အာန်ကျမ်းတော်မြတ်မှ ပါဒတော်များနှင့် တမန်တော်မြတ်၏ သြ၀ါဒတော်များကို ကိုးကား ဟောကြားခဲ့သည်။
ထို့ပြင် ဇီယေးမှာ တောင်အာဖရိက သမ္မတဟောင်း နယ်လ်ဆင်မင်ဒဲလား ပြောကြားခဲ့သည့် “လူတွေရဲ့ လူ့အခွင့်အရေးကို ငြင်းပယ်ခြင်းဟာ သူတို့ရဲ့ လူသားဖြစ်မှုကို စိန်ခေါ်ခြင်းသာ ဖြစ်တယ်” ဟူသည့် စကားကိုလည်း ထည့်သွင်းပြောကြားခဲ့ပြီး တောင်အာဖရိကနိုင်ငံသားများအဖြစ် လက်ရှိတွင် မိမိတို့မှာ နိုင်ငံခြားသားများ၏ လူ့အခွင့်အရေးကို ချိုးဖောက်နေကြသည်ဟု ထည့်သွင်း သတိပေးခဲ့သည်။
တောင်အာဖရိက၏ ၄၉ သန်းသော လူဦးရေတွင် အစ္စလာမ်ဘာသာကို သက်ဝင်ယုံကြည်ကြသူများမှာ ၁.၅ ရာခိုင်နှုန်းရှိသည်ဟု စီအိုင်အေ၏ မှတ်တမ်းများအရ သိရသည်။
Ref: Onislam
