အောက်တိုဘာ ၂၅၊ ၂၀၂၁
M-Media
-မြို့တော်ဘေဂျင်းအပါအ၀င် တရုတ်နိုင်ငံ မြောက်ပိုင်းမှာ ပုံပြောင်းကိုဗစ် Delta ကူးစက်မှု မြင့်တက်လာတာကြောင့် လော့ဒေါင်းချမှုတွေ၊ အခြားကန့်သတ်မှုတွေ ပြန်လည် လုပ်ဆောင်လာရပါတယ်။
တနလာနေ့မှာ ကူးစက်မှု ၃၉ ခု ထပ်တွေ့ခဲ့ပြီး တစ်ပတ်အတွင်း ၁၀၀ ကျော် ရှိလာတာပါ။ ဘေဂျင်းက ပိုးတွေ့တဲ့ အိမ်ယာအများအပြားကို အာဏာပိုင်တွေက လော့ဒေါင်းချလိုက်ပြီး မလိုအပ်ရင် အပြင်မသွားဖို့နဲ့ လူစုလူ၀ေး မလုပ်ဖို့လည်း အမိန့်ထုတ်ထားပါတယ်။
လူအများအပြားကို ဆေးစစ်မှာကြောင့် ပိုးတွေ့သူအရေအတွက် မြင့်တက်လာနိုင်တယ်လို့လည်း သတိပေးထားပါတယ်။ တရုတ်က တစ်ကျော့ပြန်ကိုဗစ်ဟာ နိုင်ငံတစ်၀ှမ်း လည်ပတ်ခဲ့တဲ့ ခရီးသွားအုပ်စုတစ်ခုကနေ စတင်ကူးစက်တာ ဖြစ်ပါတယ်။
မြို့တော်ဘေဂျင်းက ခရီးသွားနေရာ ၅ ခုကို ပြန်ပိတ်ပြီး မာရသွန်ပြိုင်ပွဲတစ်ခုကို ဖျက်သိမ်းလိုက်သလို၊ အင်းနားမွန်ဂိုလီးယားဒေသနဲ့ ဂန်းဆူပြည်နယ်တို့က တစ်ချို့ နေရာတွေမှာလည်း ကိုဗစ်ကန့်သတ်မိန့်တွေ ပြန်လည်ထုတ်ပြန်ထားပါတယ်။
ကိုဗစ်စတင်ပေါက်ဖွားရာ ၀ူဟန်မြို့မှာလည်း ရောဂါတစ်ကျော့ပြန်လာမှာကို စိုးရိမ်တဲ့အတွက် မာရသွန်ပြိုင်ပွဲတစ်ခုကို ဖျက်သိမ်းခဲ့ပါတယ်။
Ref: CNA
