Blog

၂၂ နှစ်ကြာပြီးမှ အမေရိကန်အမျိုးသမီးတစ်ဦး သေဒဏ်မှ လွတ်မြောက်

မတ် ၂၅၊ ၂၀၁၅
M-Media

– အာမခံငွေကြေး ရယူလိုမှုအတွက် သားဖြစ်သူအား အခြားအမျိုးသား ၂ ဦးနှင့်အတူ ပူးပေါင်းကြံစည် သတ်ဖြတ်မှုဖြင့် သေဒဏ်ကျခံနေရသော အမေရိကန် အမျိုးသမီး ဒီဘရာ မီလ်ကီအား အပြစ်မရှိဟု ဆုံးဖြတ်၍ အရီဇိုးနားတရားရုံးက တနင်္လာနေ့တွင် တရားသေလွှတ်ပေးခဲ့သည်ဟု သိရသည်။

၁၉၈၉ ခုနှစ်တွင် ဖြစ်ပွားခဲ့သော အမှုအတွက် မီလ်ကီမှာ သေဒဏ်ကျခံနေရခြင်းဖြစ်ပြီး ထောင်တွင်း၌ ၂၂ နှစ်တာ ကုန်ဆုံးခဲ့ရကာ မီလ်ကီကမူ သူမအနေဖြင့် အပြစ်မရှိကြောင်း ဥပဒေကြောင်းအရ ရင်ဆိုင်လာခဲ့ခြင်း ဖြစ်သည်။

သားဖြစ်သူအား သတ်ဖြတ်ခဲ့ကြောင်း မျက်မြင်သက်သေ သို့မဟုတ် မှတ်တမ်းမှတ်ရာများ မရှိသော်လည်း စုံထောက်တစ်ဦးဖြစ်သူ အာမန်ဒို ဆာလ်ဒိတ်က မီလ်ကီမှာ ပြစ်မှုကျူးလွန်ကြောင်း ၎င်းထံ ဖြောင့်ချက်ပေးခဲ့သည်ဆိုသည့် အထောက်အထားဖြင့် ပြစ်ဒဏ်ချမှတ်ခဲ့ခြင်းဖြစ်ပြီး တရားသူကြီးများက ပြန်လည်စစ်ဆေးခဲ့ပြီးနောက် ထိုအမှုမှာ တရားရေးဆိုင်ရာ မှားယွင်းမှုအဖြစ် သတ်မှတ်ခဲ့ကာ မီလ်ကီအပေါ် စွဲဆိုထားသည့် စွဲချက်များအားလုံးကို ဖယ်ရှားပေးခဲ့သည်။

၁၉၈၉ ခုနှစ် ဒီဇင်ဘာ ၁ ရက်နေ့တွင် မီလ်ကီ၏ သားဖြစ်သူ ခရစ္စတိုဖာက ရှော့ပင်းမောလ်တစ်ခုတွင် ဆန်တာကလော့စ်အား ကြည့်ရှုခဲ့ပြီး နောက်တစ်နေ့တွင် ထပ်မံကြည့်ရှုချင်သည်ဟုဆိုကာ မိခင်ဖြစ်သူအား တောင်းဆိုခဲ့သည်။

ထို့နောက် မီလ်ကီ၏ အခန်းဖော်ဖြစ်သူ ဂျိမ်းစ်စတိုင်ယာက ခရစ္စတိုဖာအား ခေါ်ဆောင်သွားပြီးနောက် ၎င်း၏ သူငယ်ချင်းဖြစ်သူ ရော်ဂျာစကော့နှင့်အတူ မြို့ပြင်သို့မောင်းကာ ခရစ္စတိုဖာအား သေနတ်ဖြင့် ပစ်သတ်၍ မီလ်ကီကို သားဖြစ်သူ ပျောက်သွားသည်ဟု ပြောကြားခဲ့သည်။

ထိုသတ်ဖြတ်မှုတွင် မီလ်ကီမှာ ရော်ဂျာစကော့၏ ထွက်ချက်ကြောင့် ပါဝင်လာခြင်းဖြစ်သော်လည်း ၂၂ နှစ်တာကြာမြင့်ခဲ့ပြီးနောက် သူမ၏ အပြစ်ကင်းစင်မှုမှာ ပေါ်လွင်ထင်ရှားလာခဲ့သည်။ မီလ်ကီမှာ အမေရိကန်တွင် သေဒဏ်ကျခံနေရာမှ လွတ်မြောက်လာခဲ့သည့် ဒုတိယမြောက် အမျိုးသမီးလည်း ဖြစ်သည်။

စတိုင်ယာနှင့် စကော့တို့မှာ ၎င်းတို့၏ သေဒဏ်ပြစ်ဒဏ်ကို ဆက်လက်ကျခံနေရသည်။

Ref: CNN

March 25, 2015
အင်တာအောင်မြင်ရန် အချိန်ယူရမည်ဟု မန်စီနီဆို

မတ် ၂၅၊ ၂၀၁၅
M-Media

– အသင်းအား ယခင်အောင်မြင်မှုလမ်းကြောင်းပေါ် ပြန်ရောက်ရေးအတွက် အချိန်နှင့် စိတ်ရှည်သည်းခံမှု လိုအပ်ပြီး ဖာဂူဆန်ပင် မန်ယူအား ၇ နှစ်ခန့် အချိန်ယူတည်ဆောက်ခဲ့ရသည်ဟု အင်တာမီလန်နည်းပြ မန်စီနီက ပြောကြားလိုက်သည်။

၂၀၀၄ ခုနှစ်မှ ၂၀၀၈ ခုနှစ်အတွင်း အင်တာမီလန်နည်းပြအဖြစ် ပထမဆုံးအကြိမ် တာဝန်ယူခဲ့စဉ်က မန်စီနီမှာ စီးရီးအေဖလားသုံးကြိမ် (တစ်ကြိမ်မှာ လုပ်ပွဲပြဿနာများကြောင့် ရရှိခဲ့)နှင့် ကိုပါ အီတာလီယာဖလား ၂ ကြိမ်ကို ရရှိအောင် စွမ်းဆောင်ပေးနိုင်ခဲ့သော်လည်း ပြီးခဲ့သည့် နိုဝင်ဘာက ပြန်လည်ရောက်ရှိလာပြီး နောက်ပိုင်းတွင် ရုန်းကန်နေရသည်။

အင်တာမီလန်မှာ လက်ရှိအချိန်တွင် စီးရီးအေအမှတ်ပေးဇယား၌ အဆင့် ၁၀ နေရာတွင် ရှိနေပြီး စုစုပေါင်း ၅ ပွဲသာ အနိုင်ရရှိထားသည်။ မန်စီနီကမူ ၎င်းမှာ အသင်းအတွက် လူမှန်ဖြစ်ပြီး မည်သည့် ဖိအားမှ ခံစားရခြင်းမရှိဟု ဆိုသည်။

“စရောက်တဲ့အခါမှာ ခက်ခဲမယ်လို့ ကျွန်တော် ထင်ခဲ့ပါတယ်။ ဒါပေမယ့် အရမ်းကြီး ဆိုးမယ်လို့တော့ ကျွန်တော်မထင်ပါဘူး။ ပထအကြိမ် နည်းပြတုန်းက ပြည့်ဝတဲ့ လူစာရင်းရှိပါတယ်။ အခုတော့ အဲလို မဟုတ်ပါဘူး။ မန်ယူကို အသင်းကောင်းတစ်သင်းဖြစ်ဖို့ ဖာဂူဆန်ဟာ ၇ နှစ်လောက် လုပ်ယူခဲ့ရပါတယ်။ အင်တာကတော့ ၇ နှစ်မလိုပါဘူး။ ဒါပေမယ့် အချိန်နဲ့ သည်ခံမှုအနည်းငယ်တော့ လိုပါတယ်” ဟ မန်စီနီက Tuttosport သို့ ပြောကြားခဲ့သည်။

ဝေဖန်မှုများအတွက်လည်း မန်စီနီက တုံ့ပြန်ခဲ့ပြီး မိမိအနေဖြင့် ပဉ္စလက်ပညာရှင်မဟုတ်ကြောင်း၊ အီတလီတွင် လိုအပ်သည်များကို ချက်ခြင်းရရှိနေပြီး မိမိတို့မှာ အလုပ်ကြိုးစားရမည်ဖြစ်ကြောင်း ထည့်သွင်းပြောကြားခဲ့သည်။

ဖာဂူဆန်မှာ ၁၉၈၆ ခုနှစ်တွင် မန်ယူအား တာဝန်ယူခဲ့ပြီး ၁၉၉၀ ပြည့်နှစ် FA ဖလား မရရှိမီ ထုတ်ပယ်ခံရရန် နီးစပ်ခဲ့သည်။ ထို့နောက် ၁၉၉၃ ခုနှစ်တွင် နှစ်ပေါင်း ၂၆ နှစ်အတွင်း ပထမဆုံး အမှတ်ပေးဖလားကို ဆွတ်ခူးရရှိခဲ့သည်။

Ref: Goal.com

March 25, 2015
ရုရှား၏ အကူအညီဖြင့် ဂျော်ဒန်တွင် နျူးဓာတ်အားပေးစက်ရုံ တည်ဆောက်မည်

မတ် ၂၅၊ ၂၀၁၅
M-Media

– နိုင်ငံအတွင်း ပထမဆုံး နျူကလီးယားဓာတ်အားပေးစက်ရုံ ဆောက်လုပ်ရန်အတွက် ကန်ဒေါ်လာ ၁၀ ဘီလီယံတန်ဖိုးရှိ သဘောတူညီချက်တစ်ခုကို ဂျော်ဒန်နိုင်ငံက ရုရှားနှင့် လက်မှတ်ရေးထိုးခဲ့သည်ဟု သိရသည်။

ယမန်နေ့က ဂျော်ဒန်နိုင်ငံ မြို့တော် အမ်နန်တွင် လက်မှတ်ရေးထိုးခဲ့ခြင်းဖြစ်ပြီး လုံလောက်သောစွမ်းအင် ရရှိရန် ရုန်းကန်နေရကာ ဒေသတွင်းမှ စွမ်းအင်တင်သွင်းမှု လျော့ကျနေသည့် ဂျော်ဒန်နိုင်ငံအတွက် စွမ်းအင်ရရှိရေး ကြိုးပမ်းမှုလည်း ဖြစ်သည်။

ဂျော်ဒန်နိုင်ငံမှာ ၎င်း၏ လျှင်စစ်ဓာတ်အား လိုအပ်ချက်၏ ၉၆ ရာခိုင်နှုန်းကို ဒေသတွင်းနိုင်ငံများမှ တင်သွင်းနေရပြီး ရုရှားအစိုးရပိုင် Rosatom ကုမ္ပဏီနှင့် ယခု သဘောတူညီချက်အရ နိုင်ငံမြောက်ပိုင်းတွင် ၁၀၀၀ မီဂါဝပ်စီ ဓာတ်အားထုတ်လုပ်နိုင်မည့် ဓာတ်ပေါင်းဖို ၂ လုံးကို တည်ဆောက်သွားမည်ဖြစ်သည်။

အီရတ်နှင့် အီဂျစ်ရှိ ဆိုင်းနိုင်းကျွန်းဆွယ်တွင် ဖြစ်ပွားနေသော အကြမ်းဖက်မှုများက ကိစ္စရပ်အများအပြားကို ခြိမ်းခြောက်နေပြီး ဂျော်ဒန်နိုင်ငံ၏ လျှပ်စစ်ဓာတ်အား အထောက်အပံ့များကို လုံးဝ ပြတ်တောက်သွားစေနိုင်သည်။

အဆိုပါ နျူကလီးယား ဓာတ်အားပေးစက်ရုံကို ၂၀၂၂ ခုနှစ်တွင် ပြီးစီးရန် စီစဉ်ထားပြီး၊ ထိုဓာတ်ပေါင်းဖိုတွင် အသုံးပြုရန် လောင်စာအတွက် ဂျော်ဒန်ရှိ ယူရေနီယံမိုင်းတွင်းမှ ရရှိရန် မျှော်လင့်နေသည်။

“ခင်ဗျားတို့သိတဲ့အတိုင်းပဲ ကျွန်တော်တို့ဟာ အီရတ်က ရေနံကို ဆုံးရှုံးနေပြီး အီဂျစ်က သဘာဝဓာတ်ငွေ့ကိုလည်း ဆုံးရှုံးနေပါတယ်။ ပြီးတော့ နိုင်ငံက တစ်နှစ်ကို ဒေါ်လာ ၃ ဘီလီယံလောက် အလဟာသ ဆုံးရှုံးနေပါတယ်။ နျူကလီးယားစွမ်းအင်ဟာ ရေနံနဲ့ သဘာဝဓာတ်ငွေ့အပေါ် လုံးဝ မှီခိုနေရတာတွေကို တစ်ဖြည်းဖြည်းလျှော့ချဖို့ သေချာတဲ့ အဖြေတွေထဲက တစ်ခုပါပဲ။ ကုန်ကြမ်းကတော့ ဂျော်ဒန်ကနေပဲ ရမယ်လို့ ကျွန်တော် မျှော်လင့်ထားပါတယ်” ဟု ဂျော်ဒန်နျူကလီးယားစွမ်းအင် ကော်မရှင် အကြီးအကဲ ခါလစ် တူကန်က ပြောကြားခဲ့သည်။

ထို့ပြင် နိုင်ငံအတွင်း ယူရေနီယမ်သတ္တုရှိသည့်နေရာကို ၂၀၀၇ ခုနှစ်က စတင် တွေ့ခဲ့ရသော်လည်း ယခုအချိန်အထိ တူးဖော်ထုတ်လုပ်မှု မပြုရေသေးဟု ၎င်းက ဆိုသည်။

Ref: Aljazeera

March 25, 2015
ဘလတ္တာမရှိလျှင် ကမ္ဘာ့ဖလားအိမ်ရှင်ဖြစ်ခွင့် အင်္ဂလန်ကြိုးပမ်းမည်

မတ် ၂၅၊ ၂၀၁၅
M-Media

– လက်ရှိ ဖီဖာဥက္ကဌ ဆပ်ဘလတ္တာ မရှိပါက ကမ္ဘာဖလားပြိုင်ပွဲအား အိမ်ရှင်အဖြစ် လက်ခံကျင်းပရေး ထပ်မံ ကြိုးပမ်းသွားမည်ဟု အင်္ဂလန်ဘောလုံးအဖွဲ့ချုပ် FA ၏ ဥက္ကဌ ဂရဂ် ဒိုက်ကီက ပြောကြားလိုက်သည်။

င်္FA ၏ ဒုတိယဥက္ကဌ ဒေးဗစ်ဂီးလ်မှာ ဖီဖာ၏ ဒုတိယဥက္ကဌအဖြစ် ယမန်နေ့က ခန့်အပ်ခြင်းခံခဲ့ရပြီး ဒိုက်ကီကမူ ဒေးဗစ်ဂီးလ်ရှိနေခြင်းက ကမ္ဘာ့ဖလားပြိုင်ပွဲအား ကျင်းပရေး အဆိုပြုချက်အတွက် ရှေ့တိုးဆောင်ရွက်သွားရန် ဆွဲဆောင်မှု ဖြစ်လာနိုင်သည်ဟု ပြောကြားခဲ့သည်။ သို့သော်လည်း အဆိုပါ ကြိုးပမ်းမှုကို ဆပ်ဘလတ္တာ မရှိမှသာ ဆောင်ရွက်သွားမည်ဟု ဆိုသည်။

အင်္ဂလန်မှာ ၂၀၁၈ ခုနှစ် ကမ္ဘာ့ဖလားပြိုင်ပွဲ ကျင်းပခွင့်ရရန် ကြိုးပမ်းခဲ့သော်လည်း ရုရှားက ကျင်းပခွင့် ရရှိခဲ့ပြီး ၂၀၂၂ ခုနှစ်ပြိုင်ပွဲကိုလည်း ကာတာမှ ကျင်းပခွင့်ရခဲ့သည်။ အင်္ဂလန်မီဒီယာများကမူ ထိုကဲ့သို့ အိမ်ရှင်အဖြစ် ရွေးချယ်မှုတွင် ချစားမှုများရှိခဲ့သည်ဟု ဖော်ပြခဲ့ကြပြီး စုံစမ်းစစ်ဆေးမှုများ ဖြစ်လာခဲ့သော်လည်း ရုရှားနှင့် ကာတာတို့မှာ ဥပဒေပ လုပ်ဆောင်မှုများ မရှိခဲ့သည်ကို တွေ့ရှိခဲ့ရသည်။

ဒိုက်ကီကမူ ကမ္ဘာ့ဖလား အိမ်ရှင်အဖြစ် လက်ခံကျင်းပရေး ကြိုးပမ်းမှု ဆုံးဖြတ်ချက်မှာ အချိန်ဇယားပေါ် မူတည်နေသည်ဟု ပြောကြားခဲ့သည်။

“ဘယ်လောက်မြန်မြန်ပြီးမလဲဆိုတာအပေါ်မှာ မူတည်နေပါတယ်။ ဒါပေမယ့် မှတ်ထားရမှာက စိတ်ပျက်နေတဲ့ ပြည်သူကို နေရာမှန်ပြန်ရောက်အောင် လုပ်ရပါမယ်။ ပြီးခဲ့တဲ့အချိန်တုန်းက ပြည်သူတွေဟာ ဆိုးဆိုးဝါးဝါး ထိခိုက်ခဲ့တာကြောင့် ဒါမျိုးလုပ်ဖို့ သိပ်တော့မလွယ်ပါဘူး” ဟု ဒိုက်ကီက ပြောကြားခဲ့သည်။

ဖီဖာဥက္ကဌ ရွေးချယ်ပွဲကို လာမည့်မေလတွင် ပြုလုပ်မည်ဖြစ်ပြီး လက်ရှိဥက္ကဌ ဆပ်ဘလတ္တာမှာလည်း ၀င်ရောက်အရွေးခံမည်ဖြစ်သည်။

Ref: Goal.com

March 25, 2015
၂၀၅၀ အတွင်း ထွက်ပေါ်လာမည့် မိုဘိုင်းဆိုင် ရာ အိမ်တွင်းသုံးဆန်းသစ် ကိရိယာများ

မတ်လ ၂၅ ၊ ၂၀၁၅
M-Media
လွန်ခဲ့သည့် နှစ် ဂျာမနီ အခြေစိုက် စက်မှုဆိုင်ရာ ဒီဇိုင်း ဌာန Gizmodo မှ လာမည့် ၂၀၅၀ အတွင်း ထွက်ပေါ်လာမည့် High Tech Smart Homes များကို Home of the Future ဟု ဆိုသည့် အစီအစဉ်အသစ်အနေဖြင့် လူအများ သိရန် Exhibition တခုတီထွင်တင်ပြခဲ့ပါတယ်။ ဤ သတင်းနှင့်ပတ်သက်ပြီး ဂျာမနီ အခြေစိုက် ဖြစ်တဲ့ Lamudi.com မြန်မာအတွင်း House.com.mm တီထွင် ဆန်းသစ် ကဏ္ဍ တစ်ခုအနေနှင့် တင်ပြလိုက်ပါတယ်။
.
ဦးစွာ Gizmodo မှ Custom Built လို့ခေါ်တဲ့ မိမိကြိုက်နှစ်တဲ့ Design ပုံစံမျိူးနှင့် ဆောက်လုပ်နိုင်တဲ့ အိမ်များကို ပထမဦးဆုံးအနေဖြင့် All in One ဆိုတဲ့ တိုက်ခန်းတခုမှာ တီထွင်တင်ပြခဲ့ပါတယ်။ တိုက်ခန်းမှာ မိမိလိုအပ်တဲ့အရာအားလုံး၊ လုပ်ငန်းဆိုင်ရာ ကိစ္စများ၊ အစားအသောက်နှင့် ကျန်းမာရေးဆိုင်ရာနည်းပညာများနှင့်ပြုလုပ်ထားတဲ့ smart technology များကို အိမ်တွင်းမှာ တပ်ဆင်ထား နိုင်ကြောင်းကို ပြသသွားပါတယ်။
.
ဥပမာအားဖြင့် မိမိအနေဖြင့် အလုပ်မသွား နိုင်သို့မဟုတ် အစည်းအဝေးကို ကိုယ်တိုင်မတက်ရောက်နိုင်ပါ က မိမ်ိ်ရုံးအတွင်းရှိ Telepresence Robot ဟုခေါ်သည့် Wifi Ipad စနစ်ဖြင့် ထိန်းထားပြီး လှုပ်ရှားသွားလာနိုင်သည့် စက်ရုပ်ကို မိမိကိုယ်တိုင် လုပ်ဖော်ကိုင်ဖက်များနှင့် အတူ Interactive အပြန်အလှန်လွယ်ကူစွာ ဆက်သွယ်နိုင်ရန်ပြုလုပ်ထားပါတယ်။ စက်ရုပ်ပေါ်ခေါင်းအတွင်း မိမိ၏ ပုံကို လုပ်ဖော်ကိုင်ဖက်များအနေဖြင့် Video Camera မှ တဆင့်တွေ့ရှိနိုင်မှာဖြစ်ပါတယ်။ အဝေးမှ ရုပ်မြင် Visual Movement ဖြင့် လှုပ်ရှားသွားလာပြီး မိမိ၏ လုပ်ဖော်ကိုင်ဖက်များနှင့် တိုက်ရိုက် လုပ်ကိုင်ပြောဆို နိုင်သည့်လုပ်ငန်းများလည်း ထွက်ပေါ်လာမှာဖြစ်ပါတယ်။
.
အိမ်အတွင်း တပ်ဆင်ထားသည့် Device များမှာလည်း လုပ်ဆောင်မှုပိုမို ထက်မြတ်လာမှာဖြစ်ပြီး ဥပမာအားဖြင့် ၀ိုင်ပုလင်းများကို လည်း Automatic System ဖြင့် အဖုံး ဖွင့်စရာ မလိုပဲ သောက်နိုင်မှာဖြစ်ပါတယ်။
ပိုမိုပြီး စိတ်ဝင်စားစရာကောင်းတာကတော့် သဘာဝကို အခြေခံပြီး Cellulose ဖြင့်ပြုလုပ်ထားတဲ့ အလိုအလျှောက် သန့်စဉ်ပေးတဲ့ အိုးခွက်ပန်းကန်များ ဖြစ်ပါတယ်။ ဒီတော့် အနာဂတ်မှာ ပန်းကန်ဆေးစက်ဆိုတာပျောက်ကွယ်သွားနိုင်မှာဖြစ်ပါတယ်။ ဒီထက်မက ဘီယာ ကို မိမိအိမ်တွင်း Home Made အနေဖြင့် ထုတ်လုပ်သောက်လိုပါကလည်း ဘီယာချက် နည်းကိရိယာပါ စက်များ တပ်ဆင်ထားမှာ ဖြစ်ပါတယ်။ ဒီအရာတွေဟာ အခြေခံအနေဖြင့် လောလောဆယ် မှာ တီထွင်စ အခြေအနေမှာဖြစ်နေပါတယ်။ ၂၀၅၀ အတွင်းဆိုရင် တော့် ဈေးကွက်နှင့် ကမ္ဘာ့နိုင်ငံအသီးသီးမှာ ပိုပြီး သုံးလာနိုင်မှာ ဖြစ်ပါတယ်။
.
လောလောဆယ်မှာ တော့် အထူးဆန်း သစ် တီထွင်တဲ့သူများမှာကြိုးမဲ့စနစ်ဖြင့် ပိုပြီး သုံးစွဲနေတာကို တွေ့နိုင်ပါတယ်။ လွန်ခဲ့တဲ့ နှစ် Barcelona မှာ ကျင်းပတဲ့ Mobile World Congress မှာလည်း မိုဘိုင်းကို အခြေခံပြီး ထိန်းချုပ်သည့်အိမ်ကို တင်ပြသွားပါတယ်။
.
လာမယ့် အချိန်ကာလအတွင်း မှာလည်း IT ကုမ္ပဏီကြီးများ မှ တီထွင်ဆန်းသစ်မှုများကို ပိုပြီး ရင်းနှီးမြုပ်နှံပြီး တီထွင်သွားမှာဖြစ်ပါတယ်။ လောလောဆယ် Tech ကုမ္ပဏီကြီးဖြစ်တဲ့ Google မှ Nest Labs ဟုခေါ်တဲ့ အိမ်တွင်းပိုင်းရှိ အပူချိန်ကို ထ်ိန်းပေးတဲ့ Nest Smart Thermostat ကို ကန်ဒေါ်လာ ၃၂ သန်း နှင့် ၀ယ်ယူရင်းနှီးမြုပ်နှံထားပါတယ်။ တဆက်ထဲမှာပဲ Nest ရဲ့ CEO ကတော့် လာမယ့် နှစ်အနည်းငယ်အတွင်း မော်ဒန်အိမ်အားလုံးဟာ အင်တာနက် ဖြင့် ဆက်နွယ်ထားပြီး ထိန်းချုပ်ကိရိယာများမှာလည်းပိုမိုပြီး ဈေးသက်သာ အသုံးပြုလာမှာဖြစ်ပါတယ် လို့ပြောကြားသွားပါတယ်။

House.com.mm မှ M-Media သို့ ပေးပို့လာသော သတင်းဆောင်းပါးဖြစ်ပါသည်။

March 25, 2015