မတ် ၁၉ ၊ ၂၀၁၅
M-Media
– ၁၉၉၀ ပြည့်နှစ်များတွင် ဖြစ်ပွားခဲ့ပြီး တိုင်းပြည်အား ထိခိုက် ပျက်ဆီးစေခဲ့သည့် ပြည်တွင်းစစ်ပြီးကတည်းက အလ်ဂျီးရီးယားနိုင်ငံ၌ အစွန်းရောက်ဝါဒအား တွန်းလှန်တိုက်ဖျက်ရာတွင် မွတ်စလင် အမျိုးသမီး ဘာသာရေး ဆရာမများက ရှေ့တန်းနေရာမှ ပါဝင်ခဲ့သည်။
ထိုဆရာမများ၏ ရည်ရွယ်ချက်က အစ္စလာမ်သာသနာကို လွဲမှားစွာ အဓိပ္ပါယ်ကောက်သူများ၏ စက်ကွင်းမှ လွတ်မြောက်စေရန် အမျိုးသမီးများအား ထိန်းကြောင်းရန် ဖြစ်လေသည်။
ဆီးရီးယား၊ အီရန်နှင့် အိမ်နီးချင်းလစ်ဗျားနိုင်ငံမှာပင် IS အဖွဲ့ ပေါ်ထွက်လာခြင်း၊ ထိုနည်းတူစွာ အလ်ကိုင်းဒါးနှင့် ဆက်နွယ်သူ စစ်သွေးကြွများနှင့် Salafists များ၏ လွှမ်းမိုးမှု ကြီးထွားလာခြင်းတို့ကလည်း ၎င်းတို့အား အလုပ်များစေသည်။
ထိုဆရာမများကို “မော်ရှီဒါ” ဟုခေါ်ပြီး ၎င်းတို့၏ရည်ရွယ်ချက်က အစ္စလာမ်၏ စစ်မှန်သော သွန်သင်မှု၊ ခန္တီတရားတို့အား ပြန့်နှံ့စေရန်ဖြစ်ပြီး အစ္စလာမ်အဆုံးမမှ သွေဖည်နေသူများကို ပြန်လည်တည့်မတ်ပေးရန် ဖြစ်သည်။
“လူ့အသတ်သတ်ခြင်းဆိုတာ ကြီးမားတဲ့အပြစ်တစ်ခုပါ။ ဒါေ့ကြာင့် ဒီလူတွေဟာ အစ္စလာမ်နာမည်ကို ကိုင်ပြီး အပြစ်မဲ့တဲ့သူတွေကို ဘာဖြစ်လို့ သတ်နေကြတာလဲ” ဟု အသက် ၄၅ နှစ်ခန့်ရှိပြီး ခရမ်းနုရောင် ပုဝါနှင့် ဟီဂျဘ်ဝတ်ဆင်ထားသည့် ဖသမာ ဇိုဟ်ရာက ဆိုသည်။
သာသနာရေးရာဝန်ကြီးဌာနမှ အသိအမှတ်ပြု ခန့်အပ်ထားသည့် ၃၀၀ သော “မော်ရှီဒါ” များ ကဲ့သို့ပင် ဇိုဟ်ရာမှာလည်း အစ္စလာမ်ရေးရာ အထူးပြုဖြင့် ဘွဲ့ရထားပြီး ကုန်အာန်ကျမ်းတော်မြတ်ကို အာဂုံဆောင်ထားသူ တစ်ယောက် ဖြစ်သည်။
၁၉၉၀ ပြည့်နှစ်များက ဖြစ်ပွားခဲ့ပြီး အနည်းဆုံး လူပေါင်း ၂ သိန်း သေဆုံးခဲ့သည့် ပြည်တွင်းစစ်ပြီးနောက် အခြားသူများအား အစ္စလာမ်ဓမ္မရေးရာ သင်ကြားပို့ချပေးရန် ဆန္ဒက အစ္စလာမ်ဘာသာရေးနှင့်ပ တ်သက်၍ ပိုမိုသိရှိနားလည်အောင် လေ့လာသင်ယူရန် လှုံဆော်ပေးခဲ့သည်ဟု ဇိုဟ်ရာက ဆိုလေသည်။
အလ်ဂျီးရီးယားနိုင်ငံ၏ ပထမဆုံး ဒီမိုကရေစီနည်းကျ ရွေးကောက်ပွဲဖြစ်သည့် ၁၉၉၁ ခုနှစ် ရွေးကောက်ပွဲကို အစိုးရတာဝန်ရှိသူများက ပယ်ဖျက်လိုက်ရာမှ ပြည်တွင်းစစ် စတင်ခဲ့ခြင်းဖြစ်သည်။ အဆိုပါ ရွေးကောက်ပွဲတွင် အစ္စလာမ်ရေးရာတပ်ဦး ပါတီက အနိုင်ရခဲ့သည်။
ထိုစဉ်က ကျောင်းသူတစ်ဦးဖြစ်သည့် ဇိုဟ်ရာက ဗလီဝတ်ကျောင်းတော်တွင် အမျိုးသမီး အုပ်စုနှင့် ဆုံတွေ့သည့်အခါ “အယ်ဂျီးရီးယန်းတွေအချင်းချင်း အစ္စလာမ်ရဲ့ နာမည်အောက်မှာ သတ်နေကြတယ်” ဟု ခါးသီးစွာ ညည်းတွားခဲ့သည်။
လွန်ခဲ့သည့် ၁၇ နှစ်တာလုံးလုံး သူမက အမျိုးသမီးများ၏ အသံများကို နားထောင်သည်။ ၎င်းတို့အား အကြံဥာဏ်ပေးသည်။ ထိုအမျိုးသမီးများ၏ ပြဿနာများက ဘာသာရေးနှင့်မနွယ်လျှင် ဇိုဟ်ရာက အခြားသော ကျွမ်းကျင်သူများထံ လမ်းညွှန်ပေးလေ့ရှိသည်။
မော်ရှီဒါများက စိတ်ပညာနှင့် လူ့မှုဗေဒဆိုင်ရာ ကျွမ်းကျင်မှုများကို အသုံးပြု၍ ဗလီဝတ်ကျောင်းတော်များ၊ အကျဉ်းထောင်များ၊ လူငယ်စင်တာများ၊ ဆေးရုံနှင့် စာသင်ကျောင်းများတွင် ၎င်းတို့၏ လုပ်ငန်းများကို ဆောင်ရွက်ကြသည်။ အီမာမ်ဟုခေါ်သည့် အမျိုးသား ဆရာများနှင့် မတူညီသည့်တစ်ချက်က ၀တ်ပြုမှုကို ဦးဆောင်ခွင့်မရှိခြင်ျးဖြစ်သည်။
နိုးကြားမှုလိုပြီ
——————
အမျိုးသမီးများအား သာသနာ့အသိပညာများ သင်ကြားပို့ချပေးရန် မော်ရှီဒါတစ်ဦးကို ၁၉၉၃ ခုနှစ်တွင် ပထမဆုံး အသိအမှတ်ပြုလက်မှတ် ထုတ်ပေးချိန်က အိမ်ရှင်မများကိုသာ ဦးတည်၍ သင်ကြားမှုများ ပြုလုပ်ခဲ့သည်။ သို့သော်လည်း မော်ရှီဒါများ၏ သင်ကြားမှု အ၀န်းအ၀ိုင်းမှာ ကျယ်ပြန့်လာခဲ့ပြီး တက္ကသိုလ်ကျောင်းသူများနှင့် အသက်မွေးဝမ်းကြောင်း ပညာရှင်များ နယ်ပယ်အထိပင် ရောက်ရှိလာခဲ့သည်။
အထက်တန်းကျောင်းမှ သင်္ချာဆရာမတစ်ဦးဖြစ်သူ မာရီယမ်က လူငယ်များအား လမ်းမှားသို့ရောက်အောင် ဖျားယောင်းသိမ်းသွင်းသူများ ပေါ်ပေါက်လာခြင်းက လွန်ခဲ့သည့်လအနည်းငယ်မှ စ၍ ဇိုဟ်ရာတို့ကဲ့သို့ ဆရာမများနှင့် တွေ့ဆုံဆွေးနွေးမှုများလုပ်ရန် ဖြစ်စေခဲ့သည်ဟု ဆိုသည်။
“ကျွန်မဟာ စစ်မှန်တဲ့အစ္စလာမ်ကိုပဲ သင်ယူချင်ပါတယ်” ဟု မာရီယမ်က ပြောကြားခဲ့သည်။
အခြားသော မော်ရှီဒါတစ်ယောက်ဖြစ်သူ ဆာမီယာက ၎င်းအနေဖြင့် လူငယ်များ၊ အမျိုးသား၊ အမျိုးသမီးငယ်များ အစွန်းရောက်အတွေးအခေါ် ၀င်ရောက်မှုမြင့်မားသည့် အလ်ဂျီးရီးယားရှိ ဒေသတစ်ခုတွင် လွန်ခဲ့သည့် ၁၅ နှစ်လုံးလုံး အသိပညာပေးမှုများ လုပ်ဆောင်နေခဲ့သည်ဟု ပြောကြားခဲ့သည်။
“ကလေးတွေ ဒီလိုအစွန်းရောက်အတွေးအခေါ်တွေ ၀င်ရောက်တာလာတာ မြင်ရတော့ မိခင်တွေက ရင်ကြိုးရပါတယ်။ သူတို့ ကျွန်မကို ရင်ဖွင့်ကြတယ်။ ဒါ့ကြောင့် အခြားသူတွေရဲ့ အကူအညီနဲ့ သူတို့လေးတွေကို အစွန်းရောက်တွေးအခေါ်တွေ ပျောက်သွားအောင် ကျွန်မတို့ လုပ်နိုင်ခဲ့ပါတယ်” ဟု ဆာမီယာက ပြောကြားခဲ့သည်။
ထို့ပြင် အလ်ဂျီးရီးယားပြည်သူများအနေဖြင့် သတိဝိရိယရှိရမည်ဟု ၎င်းက ဆိုသည်။
“အလ်ဂျီးရီးယန်းတွေ IS အဖွဲ့နဲ့ သွားပူးပေါင်းတာ တော်တော်လေးနည်းပေမယ့် သတိဝိရိယကတော့ လိုအပ်ပါတယ်။ ဘာ့ကြောင့်လည်းဆိုတော့ အစွန်းရောက်ခြင်းဆိုတာ ပုံစံအမျိုးမျိုး ရှိလို့ပါပဲ”
ထို့ပြင် အီမာမ်အတုများက ကုရ်အာန်၏ သင်ကြားချက်များကို နကန်းတစ်လုံးမှ နားမလည်ဘဲ တီဗီအစီအစဉ်များ၊ အင်တာနက်စာမျက်နှာများမှတစ်ဆင့် အခြားသူများအား ဖြားယောင်းသွေးဆောင်နေကြသည်ဟုလည်း သူမက ထပ်လောင်းပြောကြားခဲ့သည်။
“မနူးမနပ်အရွယ်လေးတွေက ပုံသွင်းရလွယ်ပြီး၊ လွယ်လွယ်ကူကူလမ်းမှားနိုင်တာကြောင့် သူတို့လေးတွေကို မဖြစ်မနေ စောင့်ကြရပါမယ်”
အသက် ၁၇ နှစ်အရွယ် မိန်းကလေးငယ်တစ်ယောက်မှာ အစွန်းရောက် အတွေးအခေါ်များ ၀င်ရောက်လာသောကြောင့် မိဘများက လာရောက်အကူအညီတောင်းသည့် အဖြစ်အပျက်တစ်ခုကိုလည်း ဆာမီယာက ဖွင့်ဟခဲ့သေးသည်။
“ကျွန်မတို့ဟာ ဒီကောင်မလေးကို လအတော်ကြာ အကြံပေးမှုတွေ လုပ်ခဲ့ပြီး သူပြောတာတွေကိုလည်း နားထောင်ခဲ့ပါတယ်။ နောက်ဆုံးမှာတော့ သူ ကျောင်းပြန်တက်ခဲ့ပြီး သာမန်ဘ၀ကို ပြန်ရောက်သွားပါတယ်”
ဆာမီယာကဲ့သို့ပင် အခြားသော မော်ရှီဒါများကလည်း လူငယ်များအား အစွန်းရောက်များ၏ ဖမ်စားမှုအတွင်းသို့ မကျရောက်စေရန် ကူညီဆောင်ရွက်ပေးရခြင်းကို ဂုဏ်ယူနေလေသည်။
“ဒါဟာ ကျွန်မတို့အလုပ်ရဲ့ ဆုလာဘ်တစ်ပါးပါပဲ”
ref:AFP, Algiers
မိုးဝေ ဆီလျော်အောင် ဘာသာပြန်ဆိုသည်။
