မတ် ၁၁၊ ၂၀၁၅
M-Media
– တနင်္လာနေ့က ယူအေအီးနိုင်ငံ အဘူဒါဘီမြို့မှ စတင်ပျံသန်းခဲ့သည့် Solar Impulse 2 နေရောင်ခြည်စွမ်းအင်သုံး လေယာဉ်ပျံမှာ ယမန်နေ့က အိန္ဒိယနိုင်ငံ အဟ်မီဒါဘဒ်မြို့သို့ ရောက်ရှိခဲ့သည်။ အိုမန်နိုင်ငံမှ ၁၅ နာရီကြာပျံသန်းကာ ရောက်ရှိလာခဲ့ခြင်းဖြစ်ပြီး ထိုခရီးစဉ်မှာ ၎င်းတို့ခရီးစဉ်၏ ဒုတိယပိုင်းလည်းဖြစ်သည်။
– အစိုးရနှင့် ခွဲထွက်ရေးသမားတို့ တိုက်ပွဲများဖြစ်ပွားရာ ယူကရိန်းနိုင်ငံအရှေ့ပိုင်းတွင် လူသားချင်းစာနာထောက်ထားမှုဆိုင်ရာ အခြေအနေမှာ ပိုမိုဆိုးရွားလာပြီး ထိုအတွက် မိမိတို့က စိုးရိမ်မိသည်ဟု ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR က ယမန်နေ့တွင် ပြောကြားလိုက်သည်။
– ဖမ်းဆီးထားသူများအား ထိန်းသိမ်းထားသည့် ဆီးရီးယားနိုင်ငံမြောက်ပိုင်းမှ IS ၏ အကျဉ်းထောင်တစ်ခုတွင် ယမန်နေ့က အကျဉ်းသား ၉၅ ဦးမှာ ထောင်ဖောက်ထွက်ပြေးလာခဲ့သော်လည်း အများစုမှာ ပြန်လည်ဖမ်းဆီးခြင်း ခံခဲ့သည်ဟု ဆီးရီးယားအရေး စောင့်ကြည့်သည့်အဖွဲ့က ပြောကြားခဲ့သည်။ ထောင်ဖောက်ထွက်ပြေးလာသူများတွင် ဆီးရီးယား ပြည်သူများ၊ ကာ့ဒ်တိုက်ခိုက်ရေးသမားများနှင့် IS အား ဆန့်ကျင်သော အစ္စလာမ့်မစ် တိုက်ခိုက်ရေးသမားများ ပါဝင်ခဲ့သည်။
– ပြီးခဲ့သည့်နှစ် နွေရာသီ အစ္စရေး၏ တိုက်ခိုက်မှုအတွင်း အိုးအိမ်များပျက်စီးဆုံးရှုံးခဲ့ရသည့် ဂါဇာဒေသအတွင်း အိမ်အလုံးပေါင်း ၁၀၀၀ ဆောက်လုပ်ပေးမည့် ကန်ဒေါ်လာ ၁ ဘီလီယံတန် စီမံကိန်းကို ကာတာနိုင်ငံမှ စတင်ခဲ့သည်ဟု သိရသည်။
– ကမ္ဘာပေါ်ရှိ နိုင်ငံအားလုံးကို မည်သည့်အချိန်မဆို တိုက်ခိုက်နိုင်ရန်အတွက် အာကာသတဲတွက် လက်နက်များထားခြင်းမှာ ကမ္ဘာ့လုံးဆိုင်ရာ လုံခြုံရေးကို ထိခိုက်နိုင်သည်ဟု ဂျီနီဗာတွင် ပြုလုပ်သည့် လက်နက်ဖျက်သိမ်းရေး ညီလာခံတွင် ရုရှားကိုယ်စားလှယ်အဖွဲ့က ပြောကြားခဲ့သည်။
– ပါလက်စတိုင်းပိုင် အနောက်ဘက်ကမ်းတွင် အစ္စရေးမှ နေအိမ်များ ဖျက်ဆီးမှုကြောင့် ဒုက္ခရောက်နေကြသည့် ဘဒူအင်လူမျိုးစုများ နေထိုင်နိုင်ရန် ဥရောပသမဂ္ဂက ဆောက်လုပ်ပေးထာသော ယာယီကယ်ဆယ်ရေးစခန်း ၂၀၀ ကို အစ္စရေးက ထပ်မံဖျက်ဆီးပစ်ခဲ့ပြီး ထိုလုပ်ရပ်အတွက် ဥရောပသမဂ္ဂမှ ကန့်ကွက်ရှုတ်ချလိုက်သည်။
– Pirates of the Caribbean 5 ဇာတ်လမ်းကို သြစတေးလျေနိုင်ငံ ကွင်းစ်လန်းရှိ တောအုပ်တစ်ခုထဲတွင် ရိုက်ကူးနေစဉ် မတော်တဆမှုကြောင့် နာမည်ကြီးမင်းသား ဂျော်နီဒက်ပ်မှာ လက်တွင်ဒဏ်ရာရရှိသွားပြီး အမေရိကန်သို့ပြန်၍ ခွဲစိတ်ကုသမှု ပြုလုပ်ရမည်ဟု ရုပ်ရှင် သတင်းဝဘ်ဆိုက်များက ယမန်နေ့တွင် ဖော်ပြခဲ့ကြသည်။
Ref: News Agencies
