မတ် ၁၀၊ ၂၀၁၅
M-Media
– အာဂျင်တီးများ အနောက်မြောက်ပိုင်းတွင် ရိုက်ကူးရေးလုပ်ငန်းများ လုပ်ဆောင်နေသည့် ရဟတ်ယာဉ် ၂ စင်းမှာ ယမန်နေ့က တိုက်မိကာ ပျက်ကျခဲ့သောကြောင့် လူ ၁၀ ဦး သေဆုံးခဲ့ပြီး ပြင်သစ်နာမည်ကြီး အားကစားသမားများ ပါဝင်ခဲ့သည်ဟု သိရသည်။
အဆိုပါ ရဟတ်ယာဉ်နှစ်စီးမှာ Dropped ဟု အမည်ရသည့် စွန့်စားခန်း TV စီးရီးအတွက် လာရီဂျာပြည်နယ်ရှိ တောင်တန်းများပေါ်တွင် ရိုက်ကူးနေစဉ် တိုက်မိကာ ပျက်ကျခဲ့ခြင်းဖြစ်ပြီး ရဟတ်ယာဉ်ပေါ် လိုက်ပါသွားသူ ၁၀ ဦးစလုံး သေဆုံးခဲ့သည်။
သေဆုံးသူများမှာ ပြင်သစ်နာမည်ကြီး အမျိုးသမီး ရွက်လွှင့်သမား လောရန့်စ် အာသာအွဒ်၊ အိုလံပစ် ရွှေတံဆိပ်ဆုရှင် ရေကူးချန်ပီယံ ကာမီလီ မွဖ်ဖတ်နှင့် အိုလံပစ် ဘောက်ဆာသမား အဲလီဇစ် ဗက်စ်တိုင်းတို့ အပါအ၀င် ပြင်သစ်နိုင်ငံသား ၈ ဦးနှင့် အာဂျင်တီးနား လေယာဉ်မှူး ၂ ဦးတို့ ဖြစ်ကြသည်။ ပြည်နယ်၏ ပြောရေးဆိုခွင့်ရှိသူ ဟိုရာစီယို အလာရ်ကွန်ကမူ အခင်းဖြစ်ပွားသည့်အချိန်တွင် ရာသီဥတု ကောင်းမွန်နေပြီး မည်သည့် အကြောင်းရင်းကြောင့် ထိုကဲ့သို့ တိုက်မိရခြင်းကို မသိရှိရသေးဟု ပြောကြားခဲ့သည်။
အသက် ၅၇ နှစ် အရွယ်ရှိ အာသာအွဒ်မှာ ကမ္ဘာ့အကောင်းဆုံး ရွက်လွှင့်သမားများထဲမှ တစ်ဦးဟု သတ်မှတ်ခံထားရသူဖြစ်ပြီး အမျိုးသားများသာ ကြီးစိုးသော ရွက်လွှင့်အားကစားတွင် အောင်မြင်မှုသရဖူ ဆောင်းနိုင်ခဲ့သူ ဖြစ်သည်။
အသက် ၂၅ နှစ်အရွယ် မွဖ်ဖတ်မှာ ၂၀၁၂ ခုနှစ် လန်ဒန်အိုလံပစ်တွင် ထိပ်တန်း ရေးကူးအားကစားသမား ဖြစ်ခဲ့ပြီး ရွှေတံဆိပ်ဆု တစ်ခုအပါအ၀င် ဆုတံဆိပ် ၃ ခုရရှိအောင် စွမ်းဆောင်နိုင်ခဲ့သည်။ ဗက်စ်တိုင်းမှာ အသက် ၂၈ နှစ်အရွယ်ရှိပြီး ၂၀၀၈ ခုနှစ် ဘေဂျင်းအိုလံပစ် ၀ယ်သာဝိတ်တန်းတွင် ကြေးတံဆိပ်တစ်ခု ဆွန်းခူးရရှိခဲ့သည်။
Dropped အစီအစဉ်မှာ ပြင်သစ် ရုပ်သံချန်နယ် TF1 မှ စီစဉ်ထုတ်လွှင့်သည့် စွန့်စားခန်း တီဗီအစီအစဉ်တစ်ခုဖြစ်ပြီး အဆိုပါ အစီအစဉ်တွင် အားကစားသမား ၈ ဦးပါဝင်ကာ ၎င်းတို့အား မရင်းနှီးသည့် ပတ်ဝန်းကျင်သို့ သွားရောက်စေကာ စွန့်စားရှာဖွေမှုများကို ပြုလုပ်ရသည့် အစီအစဉ်ဖြစ်သည်။
Ref: Channelnewsasia
