မတ် ၁၅၊ ၂၀၁၅
M-Meida
– မြန်မာစစ်လေယာဉ်မှ ဗုံးတစ်လုံးမှာ သောကြာနေ့က တရုတ်နိုင်ငံအတွင်းရှိ ကြံစိုက်ခင်းထဲသို့ ကျရောက်ကာ တရုတ်နိုင်ငံသား ၄ ဦး သေဆုံးခဲ့ပြီးနောက် တရုတ်ပိုင်နက်အတွင်း မြန်စစ်တပ်၏ ထိုအဖြစ်အပျက်မျိုး ထပ်ရှိလာလျှင် ပြတ်သားသည့်ဆောင်ရွက်မှုများကို ပြုလုပ်သွားမည်ဟု တရုတ် စစ်ဘက်ဆိုင်ရာ အကြီးတန်း တာဝန်ရှိသူတစ်ဦးက ပြောကြားလိုက်သည်။
တရုတ်နိုင်ငံ ယူနန်ပြည်နယ်နှင့် ထိစပ်လျက်ရှိနေသည့် ကိုးကန့်ဒေသတွင်း မြန်မာအစိုးရတပ်များမှာ ကိုးကန့်လက်နက်ကိုင်များနှင့် ပြီးခဲ့သည့်လကတည်းက တိုက်ပွဲများ ဖြစ်ပွားနေပြီး လေကြောင်းမှ တိုက်ခိုက်မှုများလည်း ပြုလုပ်နေကာ တရုတ်နိုင်ငံကမူ တင်းမာမှုများကို လျှော့ချရန် မြန်မာအစိုးရအား တိုက်တွန်းထားသည်။
သောကြာနေ့က တရုတ်ပိုင်နက်အတွင်း လေယာဉ်ဗုံးဆံ ကျရောက်မှုနှင့်ပတ်သက်၍ မြန်မာအစိုးရက ငြင်းဆိုထားပြီး နှစ်နိုင်ငံအကြား နားလည်မှုလွဲမှားစေရန် လက်နက်ကိုင်များက ပစ်ခတ်ခြင်းဖြစ်မည်ဟု ပြောကြားခဲ့သည်။ သို့သော်လည်း လက်နက်ကိုင်များတွင် စစ်လေယာဉ်များ မရှိချေ။
တရုတ်နိုင်ငံခြားရေးဝန်ကြီးဌာနကမူ ထိုအဖြစ်အပျက်အတွက် မြန်မာသံအမတ်အား ဆင့်ခေါ်ကာ ဖြေရှင်းချက်တောင်းခဲ့သည်။ တရုတ်လေတပ်ကလည်း နယ်စပ်အနီး ကင်းလှည့်ရန်နှင့် တရုတ်လေပိုင်နက်ကို ကာကွယ်ရန်အတွက် လေယာဉ်များကို ပို့ဆောင်ထားပြီး နယ်စပ်တစ်လျှောက် ကင်းလှည့်စောင့်ကြပ်မှုများ ပြုလုပ်နေသည်။
တရုတ် ဗဟိုစစ်ကော်မရှင်မှ ဒုတိယအကြီးအကဲဖြစ်သူ ဖန်ချန်လွန်က မြန်မာလေတပ်မှ လေယာဉ်များမှာ ယခုတစ်လောတွင် တရုတ်လေပိုင်နက်သို့ အကြိမ်ပေါင်းများစွာ ဖြတ်ကျော်ဝင်ရောက်ခဲ့သည်ဟု ပြောကြားခဲ့သည်။
“ဒီပြဿနာရဲ့လေးနက်မှုကို မြန်မာဘက်က မဖြစ်မနေ အသိအမှတ်ပြုရမယ်။ ဒီဖြစ်ရပ်နဲ့ပတ်သက်ပြီး သေသေချာချာဆောင်ရွက်ရမယ်။ အပြစ်ရှိတဲ့သူတွေကို အပြစ်ပေးရမယ်။ သေဆုံးသွားတဲ့ မိသားစုဝင်တွေကို တောင်းပန်ပြီး နစ်နာကြေးလည်း ပေးရပါမယ်။ ပြီးတော့ တရုတ်နိုင်ငံကို ရှင်းပြရမယ်” ဟု အရေးပေါ်ဖုန်းခေါ်ဆိုမှုအတွင်း မြန်မာစစ်တပ်အား ပြောကြားခဲ့ကြောင်း ဖန်က ဆိုသည်။
ုထို့ပြင် ထိုကဲ့သို့ အဖြစ်အပျက်မျိုး ထပ်မဖြစ်စေရေး စစ်တပ်အား ထိန်းသိမ်းရန်အတွက် မြန်အစိုးရမှာ တင်းကြပ်သည့် ဆောင်ရွက်မှုများကိုလည်း ပြုလုပ်ရမည်ဟု ဖန်က ထည့်သွင်းပြောကြားခဲ့သည်။
“အဲဒီလိုမဟုတ်ရင်တော့ တရုတ်ပြည်သူတွေရဲ့ အသက်၊ အိုးအိမ်၊ စည်းစိမ်ကို ကာကွယ်ဖို့အတွက် တရုတ်စစ်တပ်ဟာ
တိကျပြီး ပြတ်သားတဲ့ ဆောင်ရွက်မှုမျိုးတွေကို ပြုလုပ်ရပါလိမ့်မယ်”
မြန်မာလေတပ်၏ ပစ်ခတ်မှု တရုတ်ပိုင်နက်အတွင်းသို့ ကျရောက်ခြင်းမှာ ယခုသီတင်းပတ်အစောပိုင်းကလည်း ဖြစ်ပွားခဲ့ပြီး လူနေအိမ်တစ်လုံး မီးလောင်ပျက်ဆီးခဲ့သည်။
Ref: Channelnewsasia
