မတ် ၉၊ ၂၀၁၅
M-Media
– မွတ်စလင်အမျိုးသမီးနှင့် ပတ်သက်၍ သမရိုးကျ အမြင်များကို ချေဖျက်လျက် အိန္ဒိယရှိ မွတ်စလင်လူငယ် အမျိုးသမီးတစ်ဦးမှာ လေယာဉ်မှူးဖြစ်ချင်သည့် သူမ၏ အိပ်မက်ကို အောင်မြင်အောင် ဆောင်ရွက်နိုင်ခဲ့ပြီး အိန္ဒိယ၏ ပထမဆုံး မွတ်စလင်အမျိးသမီး လေယာဉ်မှူး ဖြစ်လာခဲ့သည်ဟု သိရသည်။
“အစက လူတွေဟာ ကျွန်မကို ခရစ်ယာန်လို့ထင်ကြပြီး နာမည်အရင်းကို ပြောပြလိုက်တဲ့အခါမှာတော့ အားလုံးဟာ ကို့ရို့ကားယား ဖြစ်သွားပါတယ်။ ကျွန်မ မွတ်စလင်တစ်ယောက်ဖြစ်တယ်ဆိုတာကို သိသွားတဲ့အခါ ဖြစ်သွားတဲ့ လူတွေရဲ့ မျက်နှာကိုကြည့်ရတာကို ကျွန်မ နှစ်သက်ပါတယ်” ဟု လေယာဉ်မှူး ဆာရာ ဟမီးဒ် အဟ်မဒ်က Hindustan Times သတင်းစာသို့ ပြောကြားခဲ့သည်။
ဆာရာမှာ အိန္ဒိယနိုင်ငံ အနောက်တောင်ပိုင်း ကာနာတာကာပြည်နယ်ရှိ ဘန်ဂါလူရူမြို့တွင် ကြီးပြင်းလာသူဖြစ်ပြီး သမရိုးကျအမြင်များကို ချေဖျက်နိုင်ခဲ့သူလည်း ဖြစ်သည်။
ထိုဒေသတွင်နေထိုင်သူ လူအများစုမှာ အမျိုးသမီးများအနေဖြင့် မိခင်များ၊ အိမ်ထောင်ရှင်မများ အဖြစ်သာ အသုံးဝင်မည်ဟု ယူဆခဲ့ကြသော်လည်း အသက် ၂၅ နှစ်အရွယ် ဆာရာမှာ သူမ၏ စိတ်နေစိတ်ထားနှင့် လိမ္မာပါးနပ်မှုတို့ဖြင့် လူများ၏ အဆိုပါ အမြင်များကို အနိုင်ယူနိုင်ခဲ့သည်။
“အစတုန်းက ကျွန်တော်တို့ ဘယ်သူမှ သူ့ကို မတိုက်တွန်းပါဘူး။ ကျွန်တော်တို့ လူ့အဖွဲ့အစည်းမှာ မိန်းကလေးတွေဟာ အိမ်ကာခွာ အုပ်ထိန်းမယ့်သူမရှိဘဲ ဟိုတယ်မှာနေပြီး အခြားအလုပ်လုပ်တာမျိုး များသောအားဖြင့် မရှိခဲ့ပါဘူး” ဟု ပရော်ဖက်ရှင်နယ် ဓာတ်ပုံဆရာဖြစ်သည့် ဖခင် ဟမီးဒ် ဟူစိန် အဟ်မဒ်က ပြောကြားခဲ့သည်။
သို့သော်လည်း သမီးဖြစ်သူက ၎င်း၏အိမ်မက်ကို အကောင်အထည်ဖော်ရန် စိတ်ပိုင်းဖြတ်ပြီး ဖြစ်သောကြောင့် ဟူစိန်မှာ အမေရိကန်တွင် အကြီးတန်းလေယာဉ်မှူးအဖြစ် ဆောင်ရွက်နေသည့် သူငယ်ချင်းဖြစ်သူ အတစ်ဖ်ဖာရီဒ်အား ပြောကြားခဲ့သည်။
“မွတ်စလင်မိန်းကလေးတွေဟာ လေယာဉ်စီးဖို့ဆိုတဲ့ စိတ်ကူးတောင် မရှိတာကြောင့် ကျွန်တော်ဟာ ကံကောင်းတဲ့လူတစ်ယောက်ဖြစ်တယ်လို့ မှတ်ယူဖို့ ဖာရီဒ်က ပြောပါတယ်။ တကယ်လို့ အဲဒီလိုမဟုတ်ဘူး ဆိုရင်တော့ ဆာရာရဲ့ အိပ်မက်ကို သတ်ပစ်သလိုမျိုး မမှားသင့်တဲ့အမှားကို လုပ်လိုက်တာပဲဖြစ်ပါလိမ့်မယ်” ဟု ဟူစိန်က ထပ်လောင်းပြောကြားခဲ့သည်။
၂၀၀၇ ခုနှစ် အသက် ၁၈ နှစ်ပြည့်ချိန်တွင် ဆာရာမှာ အမေရိကန်ရှိ လေကြောင်းသင်တန်းကျောင်းတစ်ခုသို့ စာရင်းပေးသွင်းခဲ့သည်။
“အဲဒီအချိန်တုန်းက မွတ်စလင်ကျောင်းသားအများစုဟာ အမေရိကန်ဗီဇာ ငြင်းပယ်ခံနေရတဲ့အချိန်ပါ။ ဘာပြဿနာမှမရှိဘဲ သူမ ဗီဇာရတဲ့အခါမှာတော့ ဒါဟာ ဘုရားသခင်ထံတော်က အတည်ပြုတဲ့ လက္ခာဏာပဲလို့ ကျွန်တော် ရှုမြင်ခဲ့ပါတယ်” ဟု ဘာသာတရားကိုင်းရှိုင်းသူ ဟူစိန်က ဆိုသည်။
ဆာရာ၏ မိခင်ဖြစ်သူ နစီမာ အဟ်မဒ်ကလည်း သမီးဖြစ်သူအား အမေရိကန်သို့ လွှတ်ရန်အတွက် မည်သည့် သံသယမှမရှိဟုဆိုပြီး မင်္ဂလာဆောင်တစ်ခုတွင် သူငယ်ချင်းများက ဆာရာအား လေယာဉ်မှူးတစ်ဦး ဖြစ်ရန်အတွက် ၎င်း၏ခရီးစဉ်အကြောင်းကို မေးမြန်းကြသည့်အချိန်မှာ သူမအတွက် ဂုဏ်အယူရဆုံးအချိန်ဟု ထည့်သွင်းပြောကြားခဲ့သည်။
အိပ်မက်အသစ်များ
လေယာဉ်မှူးတစ်ယောက်အဖြစ် ရည်မှန်းချက် အောင်မြင်ခဲ့ပြီးနောက် ဆာရာ၏ အခြားသော အိပ်မက်မှာ အိမ်ထောင်ပြုရန်နှင့် မျိုးဆက်သစ်များ မွေးထုတ်ပေးရန်ဖြစ်သည်။
“ကျွန်မ အိမ်ထောင်ပြုချင်ပြီး သားသမီးတွေလည်းလိုချင်ပါတယ်။ လူတွေက ကျွန်မရဲ့ဓာတ်ပုံကိုကြည့်ပြီး သူ့တို့သားတွေနဲ့ အိမ်ထောင်ပြုစေချင်တာကိုတော့ ကျွန်မ နားမလည်ပါဘူး။ ကျွန်မ ဘာတွေ သင်ယူခဲ့တယ်၊ ဘယ်မှာအလုပ်လုပ်နေတယ်ဆိုတာကိုရော သူတို့ မသိချင်ကြဘူးလား” ဟု ဆာရာက မေးခွန်းထုတ်ခဲ့သည်။
အချို့သော သားရှင်များက အိမ်ထောင်ပြုရန်အတွက် သူမအား အလုပ်ထွက်ခိုင်းချင်နေသည်။
“အလုပ်ထွက်ရမယ်၊ အခြားမြို့တွေမှာ လိုက်နေရမယ်လို့ ပြောတဲ့သူတွေကိုတော့ အဖေက မောင်းထုတ်လိုက်တာပဲ”
နိုင်ငံတကာ အမျိုးသမီးများနေ့တွင် ဆာရာမှာ မွတ်စလင်မိန်းကလေးများအား ၎င်းတို့၏ အိပ်မက်များကို ကောင်အထည်ဖော်ကြရန် တိုက်တွန်းအားပေးခဲ့သည်။
“အသိုင်းအ၀ိုင်းက ရှင်တို့နဲ့ပတ်သက်ပြီး ဘာထင်လဲဆိုတာကို စိတ်မပူပါနဲ့။ ရှင်တိုရဲ့အိပ်မက်ကိုလည်း ဖျက်ဆီးခွင့်မပေးပါနဲ့” ဟု ဆာရာက ပြောကြားခဲ့သည်။
အမျိုးသမီးများနေ့တွင် ဆာရာတစ်ယောက် ဘာလုပ်ဖို့ စီစဉ်ထားပါသလဲ?
“ပျံသန်းမှာပါ။ တကယ်ပါ။ အမျိုးသမီးများနေ့မှာ ကျွန်မ လေယာဉ်မောင်းဖို့ ကျွန်မရဲ့ လေကြောင်းလိုင်းက
စိတ်အားထက်သန်နေပါတယ်”
Ref: Onislam
