မတ် ၁၂၊ ၂၀၁၅
M-Media
– ၂၀၁၁ ခုနှစ်မှစ၍ ဆီးရီးယားတွင် ဖြစ်ပွားနေသည့် ပြည်တွင်းစစ်ကြောင့် နိုင်ငံလူဦးရေ၏ ၈၀ ရာခိုင်နှုန်းမှာ ဆင်းရဲမွဲတေမှုဒဏ်ကို ခံစားနေရပြီး ပျပ်မျှအသက်ရှည်မှု နှုန်းထားမှာလည်း နှစ် ၂၀ လျော့ကျခဲ့ကာ စီးပွားရေး ဆုံးရှုံးမှုတန်ဖိုးမှာ ကန်ဒေါ်လာ ၂၀၀ ဘီလီယံခန့် ရှိခဲ့ပြီဟု ကုလသမဂ္ဂ၏ အစီရင်ခံစာတွင် ဖော်ပြထားသည်။
အဆိုပါအစီရင်ခံစာကို ယမန်နေ့က ထုတ်ပြန်ခဲ့ခြင်းဖြစ်ပြီး နိုင်ငံ၏ ကြွယ်ဝမှု၊ အခြေခံအဆောက်အဦးများ၊ တက္ကသိုလ်များနှင့် အလုပ်လုပ်နိုင်သည့် ပမာဏများမှာလည်း ပျောက်ပျက်ခဲ့ရသည်ဟု ထည့်သွင်းဖော်ပြခဲ့သည်။
ပြည်တွင်းစစ်အတွင်း ဆီးရီးယားပြည်သူ ၃ သန်းနီးပါးမှာ အလုပ်လက်မဲ့ ဖြစ်ခဲ့ရပြီး ထို့ကြောင့် လူပေါင်း ၁၂ သန်းမှာ ၎င်းတို့၏ အဓိက၀င်ငွေများ ဆုံးရှုံးခဲ့ရသည်။ အလုပ်လက်မဲ့နှုန်းမှာ ပဋိပက္ခမဖြစ်ပွားခင် ၂၀၁၁ ခုနှစ်က ၁၄.၉ ရာခိုင်နှုန်းသာ ရှိခဲ့သော်လည်း ၂၀၁၄ နှစ်ကုန်ပိုင်းတွင် ၅၇.၇ ရာခိုင်နှုန်းအထိ ရှိလာခဲ့သည်။
“အစိတ်စိတ်အမွှာမွှာဖြစ်နေတဲ့ လူ့အဖွဲ့အစည်းဟာ အလုပ်လုပ်ခွင့်နဲ့ ၀င်ငွေရနိုင်ခွင့်ကိုလည်း ဆုံးရှုံးခဲ့ရပါတယ်။ ပြီးတော့ အခုအချိန်မှာ ပြည်သူ ၅ ယောက်မှာ ၄ ယောက်ဟာ ဆင်းရဲမွဲတေတဲ့အခြေအနေမှာ နေထိုင်နေရပါတယ်။ ဆင်းရဲသူတွေရှိတဲ့နိုင်ငံ ဖြစ်လာတာကြောင့် ပြည်သူတွေရဲ့ ၃၀ ရာခိုင်နှုန်းဟာ အသက်ဆက်ရေး အခြေခံ အစားအသောက်လိုအပ်ချက်တွေ ဖြည့်ဆည်းဖို့ ရုန်းကန်နေရတဲ့ ဆင်းရဲတဲ့အခြေအနေကို သက်ဆင်းခဲ့ရပါတယ်“ ဟု အဆိုပါအစီရင်ခံစာတွင် ဖော်ပြထားသည်။
စီးပွားရေးနှင့် ပတ်သက်၍လည်း ထိုအစီရင်ခံစာတွင် ဖော်ပြထားပြီး ၄ နှစ်ကျော်ပြီဖြစ်သည့် စစ်ပွဲက နိုင်ငံ၏ စီးပွားရေးပြိုကွဲမှုနှင့် လူမှုရေးအစိတ်စိတ်အမွှာမွှာဖြစ်မှု ပမာဏကိုလည်း ၂ ဆဖြစ်စေခဲ့သည်ဟု ဆိုသည်။ ထိုရလဒ်ကြောင့် ဆီးရီးယားလူဦးရေကို ၁၅ ရာခိုင်နှုန်း လျော့ကျခဲ့ကာ ၂၀၁၀ ခုနှစ်က ၂၀.၈၇ သန်း ရှိရာမှ၊ ပြီးခဲ့သည့်နှစ်တွင် ၁၇.၆၅ သန်းသာ ရှိတော့သည်။
ဆီးရီးယားမှာ လက်ရှိအချိန်တွင် ဒုက္ခသည်အရေအတွက် ၃.၃၃ သန်းဖြင့် ပါလက်စတိုင်းပြီးနောက် ဒုက္ခသည် ဒုတိယအများဆုံးတိုင်းပြည် ဖြစ်လာခဲ့ပြီး ဒုက္ခသည် ၆.၈ သန်းမှာ နိုင်ငံအတွင်းပြန့်နှံ့နေရာ ၁.၅၅ သန်းမှာ အခြားသော အိမ်နီးချင်းနိုင်ငံများသို့ ထွက်ပြေးခဲ့ရသည်ဟု ဆိုသည်။
ဆီးရီးယားပြည်တွင်းစစ်အတွင်း ယခုအချိန်အထိ သေဆုံးသူမှာ ၂၁၀၀၀၀ ကျော်ဦး ရှိနေပြီး ဒဏ်ရာရသူအရေအတွက်မှာ ၈၄၀၀၀၀ ခန့် ရှိနေသည်။
Ref: Aljazeera
