မတ် ၄၊ ၂၀၁၅
M-Media
မိုးစက်
တိုင်းရင်းမွတ်စလင်မ် စာပြုစာဆို ပုဂ္ဂိုလ်ကျော်များ စာအုပ်ရေးသူ ပါမောက္ခ ဒေါက်တာအောင်ဇော်အား ဂုဏ်ပြုပွဲကျင်းပ
ရန်ကုန်။ ။ တိုင်းရင်းမွတ်စလင်မ် စာပြုစာဆိုပုဂ္ဂိုလ်ကျော်များ စာအုပ်ရေးသားခဲ့သည့် ပါမောက္ခဒေါက်တာအောင်ဇော် အားဂုဏ်ပြုသည့် အခမ်းအနား တစ်ရပ်ကို ရန်ကုန်မြို့ နယူးဧရာဟိုတယ်တွင် မတ်လ ၄ ရက်နေ့၌ ကျင်းပပြုလုပ်ခဲ့သည်။
“ကျွန်တော်တို့ရဲ့ ဘိုးဘွားအမွေအနှစ်တွေ၊ မြန်မာနိုင်ငံရဲ့ကျေးဇူးကို စောင့်သိ ရိုသေပြီး ကြိုးပမ်းဆောင်ရွက်ခဲ့တာတွေကို မျိုးဆက်သစ်တွေသိအောင်ရေးခဲ့တဲ့ ဆရာ့ကို ဂုဏ်ပြုတာပါ။ကျွန်တော်အရင်က မသိခဲ့တာတွေလည်းရှိတယ်။ ဒီစာအုပ်ထဲမှာအစုံပါ ပါတယ်။ ဒီစာအုပ်ဖတ်ပီးမှ သိလိုက် ရတာတွေလည်း ရှိပါတယ်။ ဒီစာအုပ်က သမိုင်းမှာတွင်ကျန်မဲ့စာအုပ် တစ်မျိုးပါ။ ကျေးဇူးရှိတဲ့သူကို ဂုဏ်ပြုရခြင်းဟာလည်း မင်္ဂလာတစ်ပါးပါပဲ” ဒေါက်တာအောင်ဇော်အား ဂုဏ်ပြုသူများထဲမှ တစ်ဦးဖြစ်သူ မြန်မာစာ ပါမောက္ခ ဒေါက်တာစိုးနိုင်က ဆိုခဲ့သည်။
ဒေါက်တာအောင်ဇော်သည် တိုင်းရင်းမွတ်စလင်မ် စာပြုစာဆိုပုဂ္ဂိုလ်ကျော်များ စာအုပ်တွင် ရှေးမြန်မာဘုရင်များ လက်ထက်မှ မျက်ခေတ်ထိ ခေတ်အဆက်ဆက်မှ တိုင်းရင်းသား မွတ်စလင်မ် (၁၁၄) ဦးအကြောင်းကိုရေးသားပြုစုထားခဲ့ခြင်းဖြစ်သည်။ ထိုစာအုပ်ထဲတွင် ရှေးခေတ်မွတ်စလင်တို့၏ တိုင်းပြည်အပေါ် သစ္စာစောင့်သိပုံ၊ တိုင်းပြည်အတွက်ကြိုးပမ်းခဲ့ပုံများနှင့် သာသနာအတွက် လုပ်ဆောင်ချက်များကို ထည့်သွင်း ရေးသားပြုစုထားခဲ့သည်။
အမျိုးသားစာပေ တစ်သက်တာဆုနှင့် အမျိုးသားစာပေဆုရှင် မြန်မာစာဌာန ရန်ကုန်တက္ကသိုလ် ပါမောက္ခ ဌာနမှူး (အငြိမ်းစား) ဆရာမောင်ခင်မင် (ဓနုဖြူ) ကလည်း ထိုစာအုပ်ထဲတွင် ရှားရှားပါးပါးပုဂ္ဂိုလ်တွေကို သေချာသုတေသနပြုပြီးရေးသားထားပြီး တိမ်မြုပ်နေတဲ့သူတွေကို ဒီစာအုပ်ထဲမှာ အကုန်တွေ့နိုင်တာကြောင်း၊ မွတ်စလင်မ် လူထုအတွက်လည်း ထိုစာအုပ်သည် အထောက်အကူများစွာဖြစ်မိဟု ယုံကြည်မိကြောင်း ယင်းက ထိုစာအုပ်နှင့် ပတ်သက်ပြီး ပြောကြားခဲ့သည်။
ဒေါက်တာအောင်ဇော်ကလည်း ယင်းစာအုပ်ရေးသားခဲ့ရခြင်းနှင့် ပတ်သက်ပြီး “ဒီစာအုပ်ထဲမှာပါတဲ့ ပုဂ္ဂိုလ်ကျော်တွေကိုကြည့်ပြီး နောင်လာနောင်သားတွေကို အတုယူစေချင်တာပါ။ ဆရာရေးလိုက်တဲ့ စာအုပ်ကြောင့် တစ်စုံတစ်ယောက်အတွက် အထောက်အကူပြုခဲ့မယ်ဆိုရင် အင်မတန်ဝမ်းမြောက်မိမှာပါ။ ဒီအခမ်းအနားကိုလည်း တာဝန်သိသိနဲ့ ကျင်းပပေးတဲ့ သူတွေကိုလည်း ကျေးဇူးတင်ရှိပါတယ်” ဟု ပြောဆိုခဲ့သည်။
ဒေါက်တာအောင်ဇော်သည် အစ္စလာမ်ဘာသာဝင်တဦးဖြစ်ပြီး ရန်ကုန်တက္ကသိုလ်မှ ဝိဇ္ဇာဘွဲ့၊ မဟာဝိဇ္ဇာဘွဲ့နှင့် ပါရဂူဘွဲ့များရရှိခဲ့ပြီး ယခုအခါ ရန်ကုန် တက္ကသိုလ် ပါရဂူဘွဲ့ကျမ်းများ ကြီးကြပ်လျှက်ရှိပြီး မြန်မာစာ သင်ကြားရေး အဖွဲ့ဝင်နှင့် မြန်မာစာဌာန ပါရဂူသင်တန်း ကြီးကြပ်မှု ကော်မတီဝင် အဖြစ် ဆောင်ရွက်လျှက်ရှိသည်။
