ဖေဖော်ဝါရီ ၁၅ ၊ ၂၀၁၅
M-Media
၂၀၀၉ ခုနှစ်အတွင်း ဟောင်ကောင်ဆိုင်ရာ မြန်မာစစ်သံမှူး ဦးရဲမြင့်အောင်က ဒေသတွင်း သတင်းစာများနှင့် သံအဖွဲ့ဝင်များထံ စာတစ်စောင်ပေး ပို့ခဲ့ကြောင်း တရုတ်မီဒီယာများကဆိုသည်။ ၎င်းစာ၌ မြန်မာနိုင်ငံတွင်းရှိ မွတ်စ်လင်မ် လူနည်းစု ရိုဟင်ဂျာတို့အပေါ် ကာလကြာရှည် ခွဲခြားဆက်ဆံမှု အနေအထားကို တွေ့ခဲ့ရသည်။ ခနော်နီခနော်နဲ့ လှေငယ်လေးများပေါ် အစာရေစာ အငတ်ခံပြီး မြန်မာပြည်မှ အလွတ် ရုန်းထွက်ဖြစ်စဉ်များကြောင့် ဒေသတွင်း၌ ရိုဟင်ဂျာကို အာရုံစိုက်စရာ ဖြစ်သွားခဲ့သည်။
တစ်ပါးသူတို့မှ ရိုဟင်ဂျာတို့အပေါ် စာနာသနားမှု မဖြစ်စေဖို့ ဦးရဲမြင့်အောင်က မျှော်လင့်ခဲ့၏။ ထိုသို့ဖြစ်ရန်လုပ်ဆောင်လိုက်သည့် သူ၏နည်းလမ်းသည် သူ၏လူမျိုးကြီးဝါဒကို ဖွင့်ဟဖော်ပြသကဲ့သို့ ဖြစ်သွားပေသည်။ “ရိုဟင်ဂျာများ မိမိတို့နှင့် အသားအရောင်မတူဘဲ ဘီလူးတွေလို ရုပ်ဆိုးသည်” ဟု သူက ဆိုခဲ့သည်။
သို့ဖြစ်၍ ရိုဟင်ဂျာများသည် မြန်မာပြည်သူလည်း မဟုတ်သလို မြန်မာ့တိုင်းရင်း အုပ်စုဝင်လည်း မဟုတ်ကြောင်း သူက ကောက်ချက် ဆွဲခဲ့သည်။ ၎င်းက ရိုဟင်ဂျာများသည် မြန်မာနိုင်ငံတွင်း တရား မ၀င်ရောက်လာသူများဖြစ်၍ နိုင်ငံသား အခွင့်အရေးနှင့် မထိုက်တန် ဆိုသော သူ့အစိုးရ၏ သဘောထားကို ပုံစံတစ်မျိုးဖြင့် ထုတ်ပြလိုက်ခြင်းဖြစ်သည်။
ရာစုနှစ်ဝက်ခန့် လွန်မြောက်သော် မြန်မာ့အနေအထားက အကောင်းဖက်သို့ ပြောင်းလဲလာ၏။ တံခါးဖွင့်ဝါဒကို ကျင့်သုံးလိုက်၏။ တစ်ချိန်က အာဏာရှင် စစ်အုပ်ချုပ်ရေး စနစ်မှသည် ဒီမိုကရေစီစနစ်ကို ကန့်လန့်ကာထူထူ ချထားသည့်ကြားက အပျံသင်စငှက်ငယ်ကဲ့သို့ တိုးထွက်လာသည်။ ဆယ်စုနှစ်များစွာ နေအိမ်အကျယ်ချုပ်နှင့် ထားရှိခံခဲ့ရသော နိုဗယ်လ်ဆုရှင် ဒေါ်အောင်ဆန်းစုကြည်ကို လွှတ်ပေး ခဲ့သည်။ ယခုသော် အဓိက အတိုက်အခံခေါင်းဆောင်တစ်ဦး ဖြစ်နေပေသည်။
သို့သော် ဥပေက္ခာပြုခံထားရသည့် နိုင်ငံမဲ့ ရိုဟင်ဂျာတို့၏ အခြေအနေမှာကား ဆိုးရွားအကျည်းတန်နေဆဲပင်။ ၎င်းတို့အား ကမ္ဘာ့အနှိပ်စက်ခံရဆုံးလူနည်းစု အဖြစ် ကမ္ဘာ့ကုလသမဂ္ဂမှ သတ်မှတ်ထားသည်။ ဘင်္ဂလားဒေ့ရှ်၊ အိန္ဒိယတို့၏ နယ်စပ်များနှင့် ထိကပ်နေသော မြန်မာနိုင်ငံ အနောက်ဖက်ခြမ်း ရခိုင်ပြည်နယ်တွင် အများစု မှီတင်းနေထိုင်နေကြသည့် ရိုဟင်ဂျာ ဦးရေမှာ ၁.၃ သန်းဝန်းကျင်ရှိကြပြီး ၎င်းတို့၏အခြေခံ လိုအပ်ချက်ကိုပင်လျှင် တိုင်းပြည်မှ ဆောင်ရွက်ပေးခြင်း မရှိပါ။ ယမန်နှစ် WorldViews အစီရင်ခံချက်အရ ၂၀၁၃ ခုနှစ် လူမျိုးရေးအကြမ်းဖက်မှုများကြောင့် ညစ်ပေနိမ့်ကျလွန်းသော ဒုက္ခသည်စခန်းများသို့ တနေ့တခြား စိမ့်ဝင်ရောက်ရှိလာသည့်အပြင် မြန်မာအစိုးရမှ လျစ်လျူရှုထားသည့် ရိုဟင်ဂျာဦးရေမှာ တစ်သိန်းလေးသောင်းဝန်းကျင်ရှိနေပြီဟု ဆိုသည်။
ဒီဇင်ဘာလ ကုလဆုံးဖြတ်ချက် အပါအ၀င် – ရိုဟင်ဂျာတို့အား တင်းပြည့် ကျပ်ပြည့် နိုင်ငံသား အခွင့်အရေးပေးရန် မြန်မာအစိုးရ အပေါ် ကုလသမဂ္ဂ၏ လတ်တလော ဆော်သြချက်များမှာ အငြိုးတကြီးဖြင့် တုန့်ပြန်ခံရသည်။ ဤ ရက်သတ္တပတ် အတွင်း ဒေါသထွက်နေသော ရိုဟင်ဂျာ ဆန့်ကျင်ရေး ချီတက်ပွဲများက လာမည့်ပြည်သူ့ ဆန္ဒခံယူပွဲ၌ ယာယီနိုင်ငံသား လက်မှတ် ကိုင်ဆောင်ထားသည့် ရိုဟင်ဂျာတို့အား မဲပေးခွင့် မရအောင် အစိုးရကို တွန်းအားပေးခဲ့သည်။
အမျက်ထိုးဆွချက် အများစုကို သွတ်သွင်းနေသူမှာ အမာခံ အမျိုးသားရေးဝါဒီ ဗုဒ္ဓဘာသာဘုန်းတော်ကြီးတစ်စု ဖြစ်ကြသည်။ ၎င်းတို့လက်အောက်အုပ်စုများက ရိုဟင်ဂျာတို့အား မတူကွဲပြားသည့် တိုင်းရင်းနွယ်အုပ်စုအစား တရားမ၀င်အခြေချသူ ဘင်္ဂါလီများအဖြစ် သရုပ်ဖော်လိုကြရာ ပုံကြီးချဲ့ဆန့်ကျင်ရေးဖြစ်လာအောင် မီးမွေးပေးကြသည်။ မြန်မာ့မြေပေါ်၌ ရိုဟင်ဂျာအများအပြားမှာ မျိုးဆက်အလီလီ တည်ရှိနေထိုင်ခဲ့ခြင်းအချက်ကို ထိုသူတို့မှ အလျဉ်း အရေးမစိုက်ကြချေ။
လူမျိုးခြား မုန်းတီးရေး မှိုင်းတိုက်ခြင်း၌ ကျော်ကြားသော ဗုဒ္ဓဘာသာ ဘုန်းတော်ကြီး အရှင်ဝီရသူမှာ နိုင်ငံတကာ အသိအမှတ်ပြု တိုင်းမ်မဂ္ဂဇင်း မျက်နှာဖုံးတွင် “The Face of Buddhist Terror” ဟုပင် ခေါင်းစည်း တပ်ဖော်ပြခံရသည်။ သင်္ကန်းစည်းထားသည့် အရှင်ဝီရသူက “မြန်မာဘင်လာဒင်” ဟု မိမိကိုယ်ကို ကင်ပွန်းတပ်ထားသည်။ သူက ရုန့်ရင်းကြမ်းတမ်းပြီး ရဟန်းတစ်ပါးနှင့် မလျော်ညီသော စကားတို့ဖြင့် မွတ်စ်လင်မ်တို့ အပေါ် အပြင်းအထန် ဆန့်ကျင် ဆက်ဆံရန် လှုံ့ဆော်နေခဲ့သည်။ ပြီးခဲ့သည့်နှစ်တွင် သီရိလင်္ကာ အမျိုးသားရေးဝါဒီ သံဃာမိတ်ဆုံပွဲ၌ “ဗုဒ္ဓဘာသာဝင် သံဃာများကို ဂျိဟဒ်ပြုနေပါသည်” ဟု ၎င်းက တပ်လှန့်ခဲ့သည်။ သီရိလင်္ကာသည်လည်း ဗုဒ္ဓဘာသာဝင် အများစုကြီးစိုးရာ နိုင်ငံတစ်ခုဖြစ်သည်။
အရှင်ဝီရသူနှင့် သူ၏ ဘက်တော်သားများမှာ ရိုဟင်ဂျာမဟုတ်သည့် မွတ်စ်လင်မ်များ အပါအ၀င် မြန်မာမွတ်စ်လင်မ်တို့အပေါ် အုပ်စုဖွဲ့အကြမ်းဖက်ရေး လှုံ့ဆော်သူများ ဖြစ်ကြောင်း ဝေဖန်သူတို့က ဆိုကြသည်။ လက်ရှိနှစ်များအတွင်း အကြမ်းဖက်မှုများနှင့် အပြန်အလှန်တိုက်ခိုက်မှု အကြား လူအသေအပျောက် ရာဂဏန်းရှိခဲ့ပြီဖြစ်သည်။
၎င်းမှာ အာဏာရှင်အုပ်ချုပ်ရေး ပုံစံခွက်မှ ခွဲဖြာထွက်နေသည့် နိုင်ငံတစ်ခုအဖို့ စိုးရိမ်စရာ ခြေလှမ်းတစ်ရပ်ဖြစ်သည်။ ရိုဟင်ဂျာတို့၏ အနိဌာရုံနှင့်ပတ်သက်၍ ဒီမိုကရေစီနှင့်လူ့အခွင့်အရေးဆိုင်ရာ ကမ္ဘာ့ရုပ်လုံးတစ်ရပ်ဖြစ်သည့် ဒေါ်အောင်ဆန်းစုကြည်၏ ဆိတ်ဆိတ်နေမှုက စိတ်ပျက်စရာအကောင်းဆုံးဟု ဆိုကောင်းဆိုနိုင်ပေမည်။ ကမ္ဘာ့ငြိမ်းချမ်းရေးဆုရှင်ကြီးသည် မြန်မာအစိုးရ၏ မူဝါဒအတိုင်း လိုက်နင်းကာ “ရိုဟင်ဂျာ” ဟူသော ဝေါဟာရအား အသုံးပြုပြောဆိုရန်ကိုပင် ငြင်းဆန်နေလေရာ – မြန်မာနိုင်ငံသည် တည်ရှိဆဲ လူ့အဖွဲ့အစည်းဆိုင်ရာအခွင့်အရေးများကို အသိအမှတ်ပြုသည့် လုပ်ဆောင်ချက် လိုအပ်နေကြောင်း တင်ပြရပေသည်။
xxxxxxxxxxxxxxxx
The Washington Post မှ Ishaan Tharoor ၏ Why does this Buddhist-majority nation hate these Muslims so much? ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။ ဆောင်းပါးရှင် Ishaan Tharoor သည် ပထမ ဟောင်ကောင်၊ နောက်ပိုင်း နယူးယော့ခ်တွင် အခြေစိုက်ကာ တိုင်းမ်မဂ္ဂဇင်း၏ အကြီးတန်းအယ်ဒီတာဟောင်းတစ်ဦးဖြစ်ပြီး The Washington Post အတွက် နိုင်ငံတကာအရေးကို ရေးသားလျက်ရှိသည်။
