ဖေဖော်ဝါရီ ၁၅၊ ၂၀၁၅
M-Media
– ပြီးခဲ့သည့်တစ်ပတ် အင်္ဂါနေ့က မြောက်ကယ်ရိုလိုင်းနားပြည်နယ် ချက်ပဲလ်ဟေးမြို့တွင် မွတ်စလင်လူငယ် ၃ ဦး အသတ်ခံရမှုမှာ ကြမ်းကြုတ်၍ လက်ခံနိုင်စရာမရှိသည့် လုပ်ရပ်ဖြစ်ပြီး အမေရိကန်ပြည်ထောင်စုတွင် မည်သူတစ်ဦးတစ်ယောက်မှ ဘာသာရေးကြောင့် ပစ်မှတ်ထား တိုက်ခိုက်ခံရမှု မရှိစေရဟု သမ္မတ ဘာရက်အိုဘားမားက ပြောကြားလိုက်သည်။
သောကြာနေ့က တရားရေးဌာနမှ ထုတ်ပြန်သော သမ္မတ၏ ကြေညာချက်တွင် ထိုကဲ့သို့ ရှုတ်ချခဲ့ခြင်းဖြစ်ပြီး မိမိတို့ ရားရေးဌာနအနေဖြင့် ပြစ်မှုကျူးလွန်သူမှာ အမုန်းတရားကြောင့်ဖြစ်သော ရာဇ၀တ်မှုဆိုင်ရာ ဥပဒေအပါအ၀င် ပြည်ထောင်စု ဥပဒေများကို ချိုးဖောက်ခြင်း ရှိ၊ မရှိကို FBI ၏ ကနဦး စုံစမ်းစစ်ဆေးရေး ကော်မရှင်အဖွဲ့နှင့် ပူးပေါင်းဆောင်ရွက်သွားမည်ဟု ဖော်ပြခဲ့သည်။
“အမေရိကန်ပြည်ထောင်စုမှာ ဘယ်သူတစ်ဦးတစ်ယောက်ကမှ သူတို့ဘယ်သူလဲ၊ ဘယ်လိုလူမျိုးလဲ ဒါမှမဟုတ် ဘယ်ဘာသာလဲ ဆိုတာကြောင့် ပစ်မှတ်ထားတိုက်ခိုက်ခံရတာမျိုး လုံးဝ ရှိလို့မရပါဘူး” ဟု အိုဘားမားက အဆိုပါ ကြေညာချက်တွင် ဖော်ပြထားပြီး မိမိအနေဖြင့် သေဆုံးသွားသူများ၏ မိသားစုနှင့် ထပ်တူထပ်မျှ ၀မ်းနည်းပါကြောင်း ထည့်သွင်းပြောကြားခဲ့သည်။
သေဆုံးသွားသူများ၏ မိသားစုများကမူ ပြစ်မှုကျူးလွန်သူ အသက် ၄၆ နှစ်အရွယ် ခရေ့ဂ်ျ စတီဖင် ဟစ်က်၏ ထိုလုပ်ရပ်မှာ ဘာသာရေးတွန်းအားကြောင့် ဟုတ်၊ မဟုတ်ဆိုသည်ကို အာဏာပိုင်များက စုံစမ်းစစ်ဆေးပေးရန် တောင်းဆိုခဲ့သည်။
သေဆုံးသွားသူများမှာ မြောက်ကယ်ရိုလိုင်းနားတက္ကသိုလ်တွင် သွားဘက်ဆိုင်ရာ အထူးပြုဖြင့် ကျောင်းတက်နေသူ အသက် ၂၃နှစ်အရွယ် ဒီယာ ရှက်ဒီ ဘရကသ်၊ ၎င်း၏ ဇနီး အသက် ၂၁ နှစ်အရွယ် ယူဆိုးရ် မိုဟာမက် အဘူဆက်လ်ဟာနှင့် ယူဆိုးရ်၏ ညီမဖြစ်သူ အသက် ၁၉ နှစ်အရွယ် ရာဇန် မိုဟာမက် အဘူ ဆလ်ဟာတို့ ဖြစ်ကြသည်။ ၎င်းတို့ သုံးဦးမှာ လူမှုအကျိုးပြုလုပ်ငန်းများကို တက်တက်ကြွကြွ လုပ်ကိုင်နေကြသူများဟု ၎င်းတို့၏ အတန်းဖော်များနှင့် ပတ်ဝန်းကျင်မှ ပြောကြားခဲ့ကြသည်။
ထိုအဖြစ်အပျက်အတွက် အမေရိကန်သမ္မတ ဘာရက်အိုဘားမားနှင့် အခြားအမေရိကန်ခေါင်းဆောင်များ လျင်မြန်စွာ ရှုတ်ချမှု မပြုလုပ်သည့်အတွက် တူရကီသမ္မတ တိုင်ယစ်ပ် အာဒိုဂန်က ကြာသာပတေးနေ့တွင် ပြစ်တင်ပြောကြားခဲ့သည်။
ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်ကလည်း သေဆုံးသွားသူများ၏ လူသားချင်းစာနာထောက်ထားမှုဆိုင်ရာ ကူညီပံ့ပိုးပေးမှုများအတွက် သောကြောနေ့တွင် ချီးကျူးပြောဆိုခဲ့ပြီး ကမ္ဘာ့နိုင်ငံသားဆိုသည့် အကောင်းဆုံးတန်ဖိုးကို ၎င်းတို့က ကိုယ်စားပြုခဲ့ကြောင်း ၎င်းတို့အတွက် အမေရိကန်ပြည်သူ ထောင်ပေါင်းများစွာက ၀မ်းနည်းကြေကွဲမှုကို ကြည့်၍ မိမိအနေဖြင့် ခံစားရကြောင်း ထည့်သွင်းပြောကြားခဲ့သည်။
ဒေသတွင်း ရဲတပ်ဖွဲ့ကမူ အဆိုပါပစ်ခတ်မှုမှာ ကားပါကင်ကိစ္စအတွက် ဖြစ်ပွားခြင်းဖြစ်သည်ဟု ပြောကြားခဲ့သော်လည်း လူ့အခွင့်အရေးအဖွဲ့ မြောက်ကယ်ရိုလိုင်းနားဆိုင်ရာ အမေရိကန် တရားရုံးချုပ်အဖွဲ့နှင့် FBI တို့ ပူးပေါင်း၍ စုံစမ်းစစ်ဆေးမှုများ ပြုလုပ်နေသည်ဟု အမေရိကန် တရားရေးဌာနက သတင်းထုတ်ပြန်ခဲ့သည်။
Ref: alarabiya
