ဖေဖော်ဝါရီ ၁၂၊ ၂၀၁၅
M-Media
– အင်္ဂါနေ့ညနေပိုင်းက သေနတ်ဖြင့် ပစ်သတ်ခံခဲ့ရသည့် မွတ်စလင်လူငယ်သုံးဦးအတွက် စုပေါင်း ဆုတောင်းပွဲအခမ်းအနားကို မြောက်ကယ်ရိုလိုင်းနားတက္ကသိုလ်တွင် ယမန်နေ့ညပိုင်းက ပြုလုပ်ခဲ့ကြပြီး တက္ကသိုလ်ကျောင်းသားကျောင်းသူများ၊ ဆရာဆရာမများနှင့် ပြည်သူ စုစုပေါင်း ၂၀၀၀ ကျော် တက်ရောက်ပါဝင်ခဲ့ကြသည်ဟု သိရသည်။
“ကျွန်မတို့ အတူတူဝတ်လို့ရအောင် ဒီယာနဲ့ ယူဆိုးရ်တို့နှစ်ဦးစလုံးက ကျွန်မကို ကျောင်းမှာဝတ်ရမယ့် ဆွယ်တာလေးတွေ ၀ယ်ပေးခဲ့ကြပါတယ်။ ပြီးခဲ့တဲ့ ၂ ရက်တုံးကပဲ ယူဆိုးရ်ဟာ ဆွယ်တာဆင်တူဝတ်ထားတဲ့ ကျွန်မတို့ သုံးယောက်ရဲ့ဓာတ်ပုံကို
ပို့လိုက်ပါသေးတယ် ” ဟု သေဆုံးသွားသော ဇနီးမောင်နှံ နှစ်ဦးဖြစ်သည့် ဒီယာ ရှက်ဒီ ဘရကသ်နှင့် ယူဆိုးရ် မိုဟာမက်
အဘူ ဆလ်ဟာတို့၏ သူငယ်ချင်းဖြစ်သူ နာဒါ စလီမ်းက တက်ရောက်လာသူများအား ကြေကွဲဆိုနင့်စွာ ပြောကြားခဲ့သည်။
အသက် ၂၃ နှစ်အရွယ် ဒီယာရှက်ဒီ ဘရကသ်၊ ၎င်း၏ ဇနီးဖြစ်သူ အသက် ၂၁ နှစ်အရွယ် ယူဆိုးရ် မိုဟာမက် အဘူ ဆလ်ဟာနှင့် ယူဆိုးရ်၏ ၁၉ နှစ်အရွယ်ညီမ ရာဇန် မိုဟာမက် အဘူ ဆလ်ဟာတို့ ၃ ဦးအား ချက်ပဲလ်ဟေးမြို့ မြောက်ကယ်ရိုလိုင်းနားတက္ကသိုလ် ပရ၀ုဏ်ရှိ ၎င်းတို့နေထိုင်သော ကွန်ဒိုတိုက်ခန်းတွင် ဦးခေါင်း သေနတ်ဒဏ်ရာဖြင့် သေဆုံးနေသည်ကို အင်္ဂါနေ့က တွေ့ရှိခဲ့ရသည်။
သေနတ်သမားမှာ အသက် ၄၆ နှစ်အရွယ်ရှိ ခရေ့ဂ်ျ စတီဖင် ဟစ်က် ဆိုသူဖြစ်ပြီး ရဲတပ်ဖွဲ့သို့ သွားရောက်အဖမ်းခံခဲ့သည်။
အဆိုပါ မွတ်စလင်လူငယ် ၃ ဦးအတွက် ဆုတောင်းပွဲအခမ်းအနားကို တက္ကသိုလ်ရှိ ကျောင်းသားများ စုဝေးရာ နေရာတွင် ပြုလုပ်ခဲ့ပြီး စလီမ်းက ၀မ်းနည်းကြောင်း ပြောကြားခဲ့သည်။ တက်ရောက်လာကြသူများမှာ ဖယောင်းတိုင်များကိုင်ကာ သေဆုံးသွားသူများအတွက် ဆုတောင်းခဲ့ကြသည်။
အဆိုပါ ဆုတောင်းပွဲတွင် ၀မ်းနည်းကြောင်း ပြောဆိုခဲ့သည့် ဘရကသ်၏ ညီဖြစ်သူ ဖာရစ်က အကြမ်းဖက်တိုက်ခိုက်မှု ကျူးလွန်ခြင်း သို့မဟုတ် မည်သည့်လက်တုံ့ပြန်ခြင်းမျိုးမဆို ကောင်းမွန်သည့်လုပ်ရပ် မဟုတ်ကြောင်း ပြောကြားခဲ့သည်။
“မိတ်ဆွေတို့အနေနဲ့ သူတို့ရဲ့သမိုင်းမှာ အသက်ရှင်ကြပါ။ သူတို့ရဲ့ ကောင်းမွန်တဲ့ဆောင်ရွက်ချက်တွေကို တစ်ဆင့် ပြန်လည်မျှဝေကြပါလို့ ကျွန်တော် အနူးအညွတ် မေတ္တာရပ်ခံပါတယ်။ ပြီးတော့ ကျွန်တော့်အမေက အားလုံးကို သိစေချင်တဲ့ စကားတွေကို မှတ်သားပေးပါ။ လက်တုံ့ပြန်တာမျိုး မလုပ်ကြပါနဲ့” ဟု ဟာရစ်က ထည့်သွင်းပြောကြားခဲ့သည်။
သေနတ်သမား ဟစ်က်မှာလည်း သေဆုံးသွားသူများနေထိုင်သည့် ကွန်ဒိုတွင် နေထိုင်သူဖြစ်ပြီး ယခုလက်ရှိတွင် ပထမအဆင့် လူသတ်မှုသုံးခုဖြင့် တရာစွဲဆိုခြင်း ခံထားရသည်။ စုံစမ်းစစ်ဆေးသူများကမူ အဆိုပါ သေနတ်ပစ်မှုမှာ ကားပါကင်အတွက် အငြင်းပွားရာမှ ဖြစ်ပွားခဲ့သည်ဟု ယုံကြည်ရကြောင်း ပြောကြားခဲ့သည်။ သို့သော်လည်း ထိုသတ်ဖြတ်မှုမှာ မုန်းတရားကြောင့်ဖြစ်သည့် သတ်ဖြတ်မှုဟု ပြောဆိုမှုများလည်း ရှိနေသည်။
လူမှုအကျိုးပြုသူများ
သေဆုံးသွားသူ အဆိုပါ မွတ်စလင်လူငယ် ၃ ဦးမှာ လူ့အဖွဲ့အစည်းအတွင်း တက်ကြွလှုပ်ရှားသူများအဖြစ် လူသိများပြီး ချို့တဲ့သူများ၊ အိမ်ယာမဲ့များအတွက် ကူညီထောက်ပံ့ပေးသူများဖြစ်ပြီး အာဖရိက ကလေးငယ်များနှင့် ဆီးရီးယားမှ ဒုက္ခသည်များကိုလည်း ကူညီပေးနေသူများဖြစ်သည်။
ဘရကသ်မှာ Broughton အထက်ကျောင်းသို့ တက်ရောက်စဉ်အတွင်းမှာပင် လူမှုရေးလုပ်ငန်းများကို စတင်လုပ်ဆောင်လာခဲ့ခြင်းဖြစ်ပြီး အာဖရိက ကလေးငယ်များအတွက် ရန်ပုံငွေကောက်ခံမှုကို ဦးဆောင်ပြုလုပ်ခဲ့သည်။
“သူက သိပ်ကို နှလုံးသားဖြူစင်တဲ့သူဖြစ်ပြီး သနားလည်း သနားတတ်ပါတယ်။ သိသာတာကတော့ သူလုပ်ခဲ့တဲ့အရာတွေ ဦးဆောင်ခဲ့အရာတွေအားလုံး ဆုံးရှုံးသွားတာပါပဲ” ဟု အဆိုပါတက္ကသိုလ်တွင် လူမှုရေးလုပ်ငန်းများကို ဆောင်ရွက်နေသူ
မိုင်ရာ စမစ်က ပြောကြားခဲ့သည်။
YouTube ဗီဒီယိုတစ်ခုတွင် မကြာမီ တူရကီသို့သွားရောက်ကာ ဆီးရီးယား ဒုက္ခသည်များအတွက် သွားဘက်ဆိုင်ရာ အခမဲ့ကုသပေးမှု ပြုလုပ်ရန်အစီအစဉ်အတွက် ရန်ပုံငွေများ ထည့်ဝင်လှူဒါန်းကြရန် ဘရကသ်က မေတ္တာရပ်ခံထားသည်ကိုလည်း တွေ့ရသည်။
ဘရကသ်၏ သူငယ်ချင်းတစ်ဦးဖြစ်သူ အီမဒ်အဟ်မဒ်ကမူ ၎င်းတို့နှစ်ဦးမှာ ကျောင်းပြီးသွားသည့်နောက် ကလေးငယ်များအတွက် သွားဆေးခန်းတစ်ခုဖွင့်ရန် ဆွေးနွေးတိုင်ပင်ထားကြောင်း ပြောကြားခဲ့သည်။
“လူတိုင်းရဲ့ဘ၀မှာမှာ အထူးသဖြင့် ကျွန်တော့်ရဲ့ ဘ၀မှာ သူဟာ ဘယ်လောက်အထိ အရေးပါလဲဆိုတာ ရှင်းပြလို့ကို မရပါဘူး။ ကျွန်တော် သူနဲ့စတွေ့စဉ်တုန်းက ဒုက္ခရောက်နေခဲ့တာပါ။ နောက်ပိုင်းမှာ သူ့ဟာ ကျွန်တော့်ဘ၀ကို ပုံဖော်ပေးသူ ဖြစ်လာပါတယ်” ဟု အဟ်မဒ်က ထပ်လောင်းပြောကြားခဲ့သည်။
ဇန်န၀ါရီ ၂၉ ရက်နေ့က Durham ပရောဂျက်အဖြစ် အိမ်ယာမဲ့ ၈၀ နီးပါးကို ခံတွင်းကျန်းမာရေးအတွက် လိုအပ်သော
ပစ္စည်းများ ဝေငှသည့် ဓာတ်ပုံကို ဘရကသ်က ၎င်း၏ Facebook စာမျက်နှာတွင် လွှင့်တင်ခဲ့သည်။
ဘရကသ်မှာ ယခုနှစ်နွေရာသီတွင် မြောက်ကယ်ရိုလိုင်းနားတက္ကသိုလ် သွားဘက်ဆိုင်ရာဌာနနှင့် ဆီးရီးယန်း-အမေရိကန်
ဆေးဘက်ဆိုင်ရာ အသိုက်အ၀န်းတို့ ပူးပေါင်းစီစဉ်ကာ တူရကီနိုင်ငံ ရေဟန်လီတွင် ပြုလုပ်မည့် ဆီးရီးယားဒုက္ခသည်များအား သွားဘက်ဆိုင်ရာ လိုအပ်သောပစ္စည်းများ ထောက်ပံ့ပေးခြင်း အစီအစဉ်တွင် အခြားသာ သွားဘက်ဆိုင်ရာ ဆရာဝန် ၁၀ ဦးနှင့်အတူ ပါဝင်ရန် စီစဉ်ထားသူဖြစ်သည်။
Ref: onislam
