ဖေဖော်ဝါရီ ၆ ၊ ၂၀၁၅
M-Media
ဘာသာပြန်သူ – နုရည်ထွန်း
ကမ္ဘာ့အကောင်းဆုံး ကစားသမားတွေထဲက တစ်ဦးအဖြစ် သတ်မှတ်ခြင်းခံထားရတဲ့ တင်းနစ်အားကစား စူပါစတား ရော်ဂျာဖက်ဒယ်ရာ (Roger Federer) ရဲ့ အိမ်ကတော့ သူ့ဇာတိမြေဖြစ်တဲ့ ဆွစ်ဇာလန်နိုင်ငံမှာ ဖြစ် ပါတယ်။ ဒါပေမယ့် သူကတော့ ဇနီးသည် မီကာ (Mirka) ရယ်၊ သမီး နှစ်ယောက်နဲ့ရယ် အတူ ခရီးသွားလာနေရင်းနဲ့ အချိန်တွေ ကုန်လွန်နေခဲ့ပါတယ်။ အာဖရိကတိုက်မှာရှိတဲ့ ထောင်ပေါင်းများစွာသော ကလေးငယ်တွေရဲ့ ပညာရေးအတွက် သူ့ရဲ့ ဒါနဖောင်ဒေရှင်းက ကူညီထောက်ပံ့ပေးလျက် ရှိပါတယ်။ သူကတော့ ကမ္ဘာတ၀ှမ်းက တင်းနစ်အားကစားပြိုင်ပွဲတွေမှာ သွားရောက်ယှဉ်ပြိုင်လျက်ရှိပြီး မကြာသေးမီကပဲ လန်ဒန်မြို့က O2 အားကစားရုံကြီးမှာ ATP ဖိုင်နယ်ပွဲစဉ်တွေကို ကစားခဲ့ပြီး Wimbledon ပြိုင်ပွဲအတွက်လည်း ပြင်ဆင်နေပါတယ်။
မေး။ ။ ခင်ဗျား တစ်နှစ်မှာ အားလပ်ရက် ဘယ်လောက်ယူသလဲ?
ဖြေ။ ။ (၂) ကြိမ်၊ ဒါမှမဟုတ် (၃) ကြိမ်။ မဲလ်ဘုန်း၊ ပဲရစ်၊ လန်ဒန်နဲ့ နယူးယောက်တို့မှာ များသောအားဖြင့် ကစားဖြစ်တဲ့ Grand Slam ပွဲစဉ်တွေနဲ့ ချိန်ညှိပြီး အားလပ်ရက် ယူဖြစ်ပါတယ်။
မေး။ ။ ခင်ဗျား ကစားပွဲတွေ သွားတဲ့ခါ မိသားစုကို ခေါ်သွားသလား?
ဖြေ။ ။ အခုတော့ ခေါ်သွားဖြစ်ပါတယ်။ ကျနော့်ရဲ့ အမွှာသမီးလေး နှစ်ယောက် ရှာလင်း (Charlene) နဲ့ မိုင်လာ (Myla) က အသက် (၃) နှစ်ပဲ ရှိသေးတယ်လေ။ ဒီတော့ ကျနော်တို့ မိသားစုလိုက် ခရီးသွား ဖြစ်တာပေါ့။ သူတို့တွေ ကျောင်းတက်ရပြီ ဆိုရင်တော့ တစ်မျိုးပြောင်းမှာပေါ့။
မေး။ ။ ခင်ဗျား အနှစ်သက်ဆုံးက ဘယ်မြို့လဲဗျ?
ဖြေ။ ။ ရောမ။ ကျနော်က အဲဒီလို ရှေးဟောင်းရိုးရာနေရာတွေကို စွဲလမ်းနှစ်သက်တယ်။ ရောမက ကျနော် မျှော်မှန်းသလောက်ကို ကောင်းတယ်။ အီတလီ အစားအသောက်တွေလည်း ကြိုက်တယ်လေ။ ကျနော် အဲ့ဒီကို နောက်ဆုံးတစ်ခေါက် ရောက်တုန်းက ကျနော့ကလေးတွေနဲ အမိုးဖွင့် ဘတ်စကားစီးခဲ့တာ အရမ်ကို အံ့မခန်းပါပဲ။ ရှေးဟောင်း အဆောက်အဦး လှလှပပတစ်ခုကို သဘောကျ ငေးမောနေတုန်းမှာပဲ လမ်းရဲ့တစ်ဘက်မှာ နောက်ထပ် ပိုကောင်းပိုလှတာတစ်ခုကို တွေ့ရပြန်ရော။
မေး။ ။ ခင်ဗျားအတွက် အကောင်းဆုံး အပန်းဖြေရာနေရာဆိုတာ ဘယ်လို နေရာမျိုးလဲ?
ဖြေ။ ။ မိသားစုနဲ့အတူ သွားလို့ရတဲ့ ဆိတ်ငြိမ်အေးချမ်းပြီး privacy ရှိတဲ့ နေရာမျိုးပေါ့။ နောက်ဆုံးတစ်ခေါက် အားလပ်ရက်မှာ မိသားစုနဲ့အတူ မော်လဒိုက်ကိုသွားခဲ့တယ်။ အဲ့ဒီမှာက စရိတ်စကလည်း အနေတော်ပဲ။ အဲဒါနဲ့ဆို ကျနော် အဲ့ဒီကိုရောက်တာ သုံးကြိမ် ရှိပြီ။ တကယ်လို့ ကျနော်က ကိုယ်လက်လှုပ်ရှားရတာမျိုး မဟုတ်တဲ့ ရုံးထိုင်အလုပ် လုပ်ရသူတစ်ယောက်ဆိုရင် အားလပ်ရက်မှာ စွန့်စွန့်စားစား သွားလာလုပ်ကိုင်ရတာမျိုးကို ပိုကြိုက်ကောင်း ကြိုက်ပါလိမ့်မယ်။ ဒါပေမယ့် အခုတော့ ကျနော်က သက်တောင့်သက်သာ ရှိပြီး ခြေချောင်းတွေကြားမှာ သဲတွေဝင်နေတဲ့ ခံစားမှုမျိုးကို လိုချင်တယ်။
မေး။ ။ ဒီကြားထဲ ဘယ်နေရာတွေကို လည်ပတ်ခဲ့သေးလဲ?
ဖြေ။ ။ မော်ရစ်ရှပ်၊ ဆေချီလ်၊ ထိုင်း၊ ကာရစ်ဘီယံ။ အဲဒီနေရာတွေကို ခင်ဗျားကြည့်လိုက်ခြင်းအားဖြင့် ဆိတ်ငြိမ်အေးချမ်းတဲ့ ကမ်းခြေတွေရှိတဲ့ လှလှပပနေရာတွေကို ကျနော် ကြိုက်တယ်ဆိုတာ သိနိုင်ပါတယ်။
မေး။ ။ ကာရစ်ဘီယံက ဘယ်ကျွန်းလဲ။
ဖြေ။ ။ ကျနော် မပြောပြချင်ပါဘူး။
မေး။ ။ ခင်ဗျားအတွက် privacy က အရေးကြီးတယ်ဆိုတဲ့ သဘောပေါ့?
ဖြေ။ ။ ပရိတ်သတ်တွေ ရင်းရင်းနှီးနှီး၊ လေးလေးစားစားနဲ့ ကျနော့ကို လာနှုတ်ဆက်တာမျိုး ကျနော် လက်ခံပါတယ်။ ထိပ်တန်း တင်းနစ်ကစားသမား တစ်ယောက်အနေနဲ့ ဒီလိုမျိုးဟာ ပျော်ရွှင်ကျေနပ်မှု တစ်မျိုးပေါ့ဗျာ။ ဒါပေမယ့် ကျနော် ခွင့်မပြုဘဲ ဓာတ်ပုံရိုက်မယ်ဆိုရင်၊ အထူးသဖြင့် ကျနော့ သမီးလေးတွေ ရေကူးဝတ်စုံနဲ့ ဆိုရင် ကျနော် မကြိုက်ဘူး။
မေး။ ။ အာရှမှာ ဘယ်နေရာတွေက ခင်ဗျားကို ဆွဲဆောင်သလဲ?
ဖြေ။ ။ နေရာတွေ အများကြီးပါ။ အာရှမှာ ကမ္ဘာပေါ်မှာ အလွန်ထူးကဲတဲ့ နေရာဒေသပါ။ တရုတ်ပြည်ကို သွားရတဲ့ ခရီးတွေဆို ကျနော် အမြဲပျော်တယ်ဗျာ။ ပုံမှန်အားဖြင့် ကျနော့ တင်းနစ်ပွဲတွေကလည်း ရှန်ဟိုင်းနဲ့ ဘေကျင်းမှာ ပုံမှန်လို ရှိနေတယ်။ ဒါပေမယ့် တကယ်တမ်းမှာ အဲ့ဒီ မြို့ကြီးတွေက ဘဝရဲ့ အစိတ်အပိုင်း သေးသေးလေးပါဗျာ။ ယူနီဆက်ဖ် အစီအစဉ်နဲ့ ကျနော် အိန္ဒိယကိုလည်း ရောက်ခဲ့တယ်။ တကယ်ကို အံ့မခန်း အတွေ့အကြုံ တစ်ခုပါပဲ။ ကျနော် ဂျပန်ကိုလည်း တအားကြိုက်တယ်။ ဗီယက်နမ်နဲ့ ကမ္ဘောဒီးယားကိုလည်း သွားချင်သေးတယ်။
မေး။ ။ အာဖရိကရော ဘယ်လိုလဲ။
ဖြေ။ ။ အဲဗျာ၊ ကျနော့အမေက တောင်အာဖရိကသူ။ ဒါပေမယ့် တခြား အာဖရိက နိုင်ငံတွေ အတော်များများကိုတော့ ကျနော် မသိသေးဘူး။ အမေက ကျနော် ငယ်ငယ်တုန်းက မခေါ်သွားခဲ့ဘူးလေ။ ကျနော့မှာ အချိန်ပိုရှိလာပြီဆိုရင်တော့ အာဖရိကတိုက်ကြီးကို သေသေချာချာ စူးစမ်းလေ့လာဖို့တော့ ရည်ရွယ်ထားတယ်။ ကျနော့ ထိပ်ဆုံးစားရင်းမှာတော့ ဘော့ဆွားနားနိုင်ငံ၊ ဗစ်တိုးရီးယား ရေတံခွန်ကြီးနဲ့ အီဂျစ်နိုင်ငံတို့ ပါတယ်ဗျ။
မေး။ ။ ခရီးသွားရင်း တခြား အားကစားတွေရော ကြည့်ဖြစ်လား?
ဖြေ။ ။ ကမ္ဘာ့ ဘယ်နေရာရောက်ရောက် အဲ့ဒီနေရာဒေသက လူတွေ အရူးအမူးကြိုက်တဲ့ အားကစားကို ကျနော် ဂရုတစိုက် ကြည့်တယ်။ သြစတေးလျမှာဆို ခရစ်ကတ် ကြည့်တယ်။ အမေရိကန်မှာဆို ဘတ်စကတ်ဘောနဲ့ NFL ကြည့်တယ်။
မေး။ ။ ဈေးဝယ်ထွက်တော့ရော?
ဖြေ။ ။ အ၀တ်အစား ဝယ်ဖို့သွားရင် တခြားယောက်ျားတွေ အတိုင်းပါပဲ၊ လျှောက်ပတ်နေလေ့ သိပ်မရှိဘူး။ လိုချင်တာတွေ့ရင် ဝယ်လိုက်တယ်။ ဥပမာ – ရှပ်အင်္ကျီတစ်ထည်၊ ဂျင်းတစ်စုံနဲ့ အားကစားဝတ်စုံ နည်းနည်းပါးပါး ၀ယ်ပြီးရင် ပြီးပြီပဲ။ ဖက်ရှင်အမြင် ခပ်သွက်သွက် ရှိတယ်လို့ ကိုယ်ဟာကိုယ် ထင်တာပဲ။ ခြေဆုံးခေါင်းဆုံး အဖြူရောင်ဝတ်ခဲ့တဲ့ ခပ်နုံနုံ အချိန်တွေ ကုန်ခဲ့ပါပြီဗျာ။
မေး။ ။ အကြိုက်ဆုံး ကုန်အမှတ်တံဆိပ် ရှိသလား?
ဖြေ။ ။ မကြာခင်က ဝယ်ခဲ့တဲ့ Louis Vuitton ရှူးဖိနပ်ကတော့ ကျနော့မှာ ရှိဖူးသမျှထဲ သက်တောင့်သက်သာ အရှိဆုံးပဲ။
မေး။ ။ ခင်ဗျား ကစားပြိုင်ပွဲတွေ သွားတဲ့အခါ ဘယ်မှာ တည်းလဲ။
ဖြေ။ ။ Wimbledon ပွဲ ဆိုရင်တော့ Wimbledon Village မှာ အိမ်တစ်လုံး ငှါးလိုက်တယ်။ ဒါမှမဟုတ်ရင် မြို့လည်ခေါင်က ဟိုတယ်တွေမှာ တည်းတယ်။ ဥပမာ နယူးယောက်မှာလုပ်တဲ့ US Open ပွဲမျိုး ဆိုရင်ပေါ့။
မေး။ ။ Wimbledon နဲ့ ယှဉ်ရင် နယူးယောက်မြို့က ဘယ်လိုရှိလဲ?
ဖြေ။ ။ ဈေးဝယ်စရာ၊ ပြဇာတ်ရုံတွေ၊ စားသောက်ဆိုင်တွေ၊ အနုပညာ ပြခန်းတွေနဲ့ လုပ်စရာတွေ အများကြီး ရှိပါတယ်။ အဲ့ဒီကိုရောက်ရင် ကျနော် အရမ်း ပျော်တယ်။ ပြန်ရပြီဆိုရင်တော့ မပျော်ဘူးပေါ့ဗျာ။
မေး။ ။ ပွဲစဉ်ကြီးတစ်ခု ပြီးသွားရင် ခင်ဗျား ဘာလုပ်လဲ?
ဖြေ။ ။ နိုင်နိုင်ရှုံးရှုံးပေါ့ဗျာ၊ ကျနော့ကို လာရောက်အားပေးကြသူတွေကို ကျေးဇူးတင်ဖို့ အရေးကြီးတယ်လို့ ကျနော် ထင်ပါတယ်။ ကျနော့ အဖွဲ့က ခင်ဗျား ကစားကွင်းထဲမှာ မြင်ရထာတက် ပိုလူများတယ်။ ကျွန်တော့်ရဲ့ အပေါင်းအသင်းတွေက အလွန်များတယ်လေ။ မနှစ်က French Open ပွဲစဉ်မှာဆို အဖွဲ့သား (၇၅) ယောက်ပါတယ်။ ကျနော်တို့ အားလုံးအတူတူ စားသောက်ဆိုင်ကောင်းကောင်း တစ်ခုကို သွားလေ့ရှိတယ်။ စကားစမြည်တောင် ပြောလို့မရတဲ့ ဆူညံလွန်းတဲ့ နိုက်ကလပ်မျိုးတွေကိုတော့ ကျနော် မုန်းတယ်ဗျ။
