ဇန်နဝါရီ ၂၈ ၊ ၂၀၁၅
M-Media
၂၀၁၀ ခုနှစ်မှာ လုသ်ဖုရ် ရဟ်မာန်းဟာ ဗြိတိန်နိုင်ငံရဲ့ ပထမဆုံးမွတ်စ်လင်မ်မြို့တော်ဝန် ဖြစ်လာပါတယ်။ ၂၀၁၄ ခုနှစ်မှာ လန်ဒန်အရှေ့ပိုင်းက Tower Hamlets ရဲ့ မြို့တော်ဝန်အဖြစ် ထပ်မံရွေးချယ်ခံရပါတယ်။ လူ့အဖွဲ့အစည်းရေးရာအတွင်းရေးမှူး Eric Pickles ပြုလုပ်စေတဲ့ လတ်တစ်လောအစီရင်ခံစာထဲမှာ Tower Hamlets ဒေသက အခွန်တော်ကို ပြည့်ပြည့်၀၀မထမ်းဆောင်ခဲ့ကြောင်း၊ မြို့တော်ဝန်ကို နှုတ်ထွက်ဖို့ တောင်းဆိုချက်များ ရှိနေကြောင်း ဖော်ပြထားပါတယ်။
လုသ်ဖုရ် ရဟ်မာန်းက ပြီးပြည့်စုံတဲ့ – အမှားအယွင်းကင်းစင်တဲ့ လူသား မဟုတ်ပါဘူး။ အလားတူစွာပဲ ဘယ်နိုင်ငံရေးသမားမှ အမှားကင်းပြီး ပြီးပြည့်စုံတာ မဟုတ်ပါဘူး။ လူ့အဖွဲ့အစည်းရေးရာဌာနက ဘီစကစ်၊ ဒိန်ခဲညှပ်ပေါင်မုန့်၊ လက်ဖက်ရည်နဲ့ ကော်ဖီအတွက် ပေါင်စတာလင် ၆ သောင်းအထိ သုံးစွဲခဲ့ကြောင်း ပေါ်လွင်ခဲ့လို့ Eric Pickles ကိုယ်တိုင်ပင်လျှင် ဒီပုပ်ထဲကဒီပဲ စာရင်းဝင်ခဲ့ပါတယ်။
Tower Hamlets ကဒေသခံတစ်ဦးအနေနဲ့ ဒီဒေသအတွင်း မြို့တော်ဝန် လုသ်ဖုရ် ရဟ်မာန်းလက်ထက်မှာ ထူးထူးခြားခြားတိုးတက်မှုတွေကို ကျွန်တော် တွေ့မြင်ရပါတယ်။ မြို့တော်ဝန်အရည်အချင်းနဲ့ထိုက်တန်စွာ အောင်မြင်စေခဲ့တဲ့ အကြောင်း ငါးရပ်ကို ကျွန်တော်ဖော်ပြပါမယ်။ ဒါဟာ အခွန်ပေးဆောင်မှုဆိုင်ရာတန်ဖိုးကို ညွှန်းပြချက်တစ်ရပ် ဖြစ်ပါတယ်။
၁။ ကိုယ်ပိုင်အိမ်များ ဖန်တီးပေးခြင်း
———————————-
Tower Hamlets ရပ်ဝန်းအကြောင်းသိသူတိုင်း သို့မဟုတ် လန်ဒန်အရှေ့ပိုင်းဒေသက လူမှန်သမျှ လူမှုဘ၀ဖူလုံရေးအတွက် နေထိုင်နိုင်စရာ နေအိမ်တွေ မလောက်မငဖြစ်နေတာ၊ ပြီးတော့ သီးသန့်လုံးချင်းအိမ် ငှားရမ်းခ ဈေးနှုန်းမြင့်မားသထက် မြင့်မားနေတာကို သိရှိကြပါလိမ့်မယ်။ လုသ်ဖုရ် ရဟ်မာန်းနဲ့အဖွဲ့ဟာ တန်ဖိုးနည်းအိမ်ရာပေါင်း လေးထောင်ကို တည်ဆောက်ခဲ့တယ်။ ဒါဟာ ယူကေမှာ အများဆုံးပါပဲ။ အိမ်ရာလိုအပ်ချက်ကိုဖြည့်ဆည်းနိုင်ဖို့လည်း ဆက်လက်တည်ဆောက်နေပါတယ်။
၂။ ပညာရေးကဏ္ဍ
——————-
လုသ်ဖုရ် ရဟ်မာန်းလက်ထက်မှာ GCSE နဲ့ A-level အောင်ချက်တွေ တိုးတက်ကောင်းမွန်လာပြီး အခုဆိုရင် ပျမ်းမျှအောင်ချက်ရာခိုင်နှုန်းအထက်မှာ ရောက်နေပါပြီ။ မြို့တော်ဝန်က ကောလိပ်ကျောင်းသားတိုင်း £400 စီ၊ တက္ကသိုလ်ကျောင်းသားတိုင်းကို £1,500 စီ နှစ်စဉ်ချီးမြှင့်ပေးနေပါတယ်။ Tower Hamlets ရဲ့ စာသင်ကျောင်းတွေဟာလည်း ကမ္ဘာပေါ်မှာ အကောင်းဆုံးနယ်ခံကျောင်းများအဖြစ် အမည်ထွက်လာခဲ့ပါတယ်။ ဒါဟာ ထိပ်တန်းအောင်မြင်မှုတစ်ရပ် မဟုတ်ဘူးလားဗျာ။
၃။ တဆင့်ပြီးတဆင့်တက်လာတဲ့ ကျောင်းတွင်း အခမဲ့ အစားအသောက် အစီအစဉ်
———————————————————————————
လုသ်ဖုရ် ရဟ်မာန်းရဲ့အစိုးရအဖွဲ့ဟာ ဧည့်ခံကြိုဆိုဌာနနဲ့ ပထမတန်းကျောင်းသားတွေ အတွက် အခမဲ့ အစားအသောက် အစီအစဉ်ကို ထိတွေ့မိတ်ဆက်ပေးခဲ့တယ်။ ဒီအစီအစဉ်ကို အစိုးရက နိုင်ငံတော်အဆင့်ထိ လိုက်လံဆောင်ရွက်တဲ့အခါ သူက နောက်ထပ် ၂ နှစ်စာ မူလတန်းကျောင်းသားအားလုံးအတွက် အခမဲ့အစားအသောက်အစီစဉ်ကို ထပ်မံ တိုးချဲ့ဆောင်ရွက်ခဲ့ပါတယ်။ ဒါဟာ ချာတိတ်လေးတွေအတွက် သူ့တို့မူလတန်းကျောင်းသားကာလရဲ့ အချိုမြိန်ဆုံးလိုအပ်ချက် မဟုတ်ပေဘူးလား ?
၎။ ဒုစရိုက်သားနှိမ်နှင်းရေး အတွက် လင်းနို့လူသား မလို
——————————————————–
လုသ်ဖုရ် ရဟ်မာန်းရဲ့ အစိုးရအဖွဲ့ဟာ ၂၀၁၀ ခုနှစ်ကစလို့ အထူးကျွမ်းကျင် ရဲတပ်ဖွဲ့ဝင် ၅၅ ဦးကို ပေါင်စတာ လင် ၂.၂ သန်းထိ အကုန်ခံပြီး ထောက်ပံ့ပေးခဲ့တယ်။ နယ်ပယ်တွင်းမှာ £187,384 တန်ကြေးရှိ မူးယစ်ဆေးဝါးတွေနဲ့တစ်ကွ မူးယစ်ဆေးရောင်းဝယ်သူ ၁၂၃၀ ဦးကို လက်ရဖမ်းဆီးနိုင်ခဲ့တယ်။ လမ်းပေါ်ကတေလေတွေ အမြောက်အများ ကင်းရှင်းသွားလို့ လင်းနို့လူသား Batman ကတော့ ဂုဏ်ယူနေမှာပါ။
၅။ သက်ကြီးရွယ်အို ပြုစုစောင့်ရှောက်ရေး
——————————————-
နောက်ဆုံးအနေနဲ့ ကတော့ ယူကေကောင်စီက ဒေသခံသက်ကြီးရွယ်အိုများကို အိမ်တိုင်ရာရောက်ပြုစုစောင့်ရှောက်ရေး အတွက် နှစ်စဉ် ပေါင်စတာလင် ၁၇ သန်း အကုန်အကျခံပေးကမ်းထောက်ပံ့နေတာ Tower Hamlets တစ်ခုတည်းရှိပါတယ်။ ကဲ့ – မလုံလောက်သေးဘူးလားဗျာ။ သိပ်ပြီး သေးကွေးနေပါသလား ?
Tower Hamlets ကနေ လုသ်ဖုရ် ရဟ်မာန်း Lutfur Rahman ကို ကန်ထုတ်သင့်သလား ဆိုတာ ခင်ဗျားတို့ပဲ ဆုံးဖြတ်လိုက်ပါတော့။
xxxxxxxxxxx
Muhammad Rafiq ရေးသားသော 5 Achievements of Britain’s First Muslim Mayor ကို မင်းထွဋ်ခေါင် မှ ဆီလျော်အောင်ပြန်ဆိုသည်။
