ဇန်န၀ါရီ ၂၆၊ ၂၀၁၅
M-Media
– ဆီးရီးယားရှိ IS တပ်ဖွဲ့ဝင်များကို အမေရိကန်ဦးဆောင်ကာ လေကြောင်းမှတိုက်ခိုက်မှုအတွက် မိမိတို့အစိုးရနှင့် သဘောတူညီချက်ယူသင့်ပြီး မိမိတို့ အစိုးရတပ်များကလည်း မြေပြင်တိုက်ခိုက်မှုများတွင် ပါဝင်မည်ဟု ဆီးရီးယားသမ္မတ ဘာရှာ
အလ်အာဆတ်က ပြောကြားလိုက်သည်။
အမေရိကန်အခြေစိုက် Foreign Affairs Magazine နှင့် အင်တာဗျူးတွင် အာဆတ်က ထိုကဲ့သို့ ပြောကြားလိုက်ခြင်းဖြစ်ပြီး အမေရိကန်မှ အမှန်တစ်ကယ် ကမ်းလှမ်းလာပါက ပူးပေါင်းဆောင်ရွက်ရန် အသင့်ရှိနေသည်ဟု ၎င်းက ဆိုသည်။
လွန်ခဲ့သည့် လေးနှစ်မှစ၍ အာဆတ်ကို ဖြုတ်ချရန် ကြိုးစားသည့် သူပုန်တပ်ဖွဲ့များအား ၀ါရှန်တန်က ထောက်ပံ့မှုများ ပေးအပ်ခဲ့သော်လည်း IS အဖွဲ့နှင့် အခြားသော သဘောထားတင်းမာသည့် အဖွဲ့များက အင်အားအတောင့်ဆုံး သူပုန်များအဖြစ်
ထွက်ပေါ်လာသည့်အခါ အခြေအနေများမှာ ပိုမိုရှုပ်ထွေးသွားခဲ့သည်။
ပြီးခဲ့သည့် နွေရာသီတွင် IS တပ်ဖွဲ့များက အီရတ်နှင့် ဆီးရီးယားရှိ နယ်မြေအများအပြားကို သိမ်းယူခဲ့သည့်အခါ အမေရိကန်က IS အား လေကြောင်းမှ ပုံမှန်တိုက်ခိုက်မှုများ ပြုလုပ်ခဲ့သည်။ သို့သော်လည်း ဆီးရီးယားအစိုးရနှင့် ပူးပေါင်းရန် အယူအဆကိုမူ အမေရိကန် ငြင်းဆန်ခဲ့သည်။
အမေရိကန်အား မည်သည့်အရာကို ဆောင်ရွက်စေချင်သနည်းဟု မေးမြန်းခဲ့ရာ အာဆတ်က ဆီးရီးယားမြောက်ပိုင်းအတွင်းသို့ ငွေများ၊ လက်နက်များ မ၀င်ရောက်စေရန် တူရကီအား ဖိအားပေးရန်၊ IS အား တိုက်ခိုက်မှုများပြုလုပ်ရေး မိမိတို့အစိုးရထံမှ ခွင့်တောင်းရန်နှင့် ဆီးရီးယားနှင့် တရားဝင် ပူးပေါင်းဆောင်ရွက်မှုပြုလုပ်ရန်တို့ ဖြစ်သည်ဟု ပြောကြားခဲ့သည်။
ပြီးခဲ့သည့်နှစ် စက်တင်ဘာလက ဆီးရီးယားရှိ IS အဖွဲ့အား လေကြောင်းမှ တိုက်ခိုက်မှု မပြုလုပ်ခင် အမေရိကန်က အာဆတ်အစိုးရအား အကြောင်းကြားခဲ့သည်။ IS အဖွဲ့နှင့် အလ်ကိုင်းဒါးအဖွဲ့ခွဲတစ်ခုဖြစ်သော Nusra Front တို့အပါအ၀င် သဘောထားတင်းမာသည့် အဖွဲ့များကြောင့် အမေရိကန်မှာ မြေပြင်တွင် သင့်လျော်သော မဟာမိတ်ကို ရှာဖွေရန် အခက်တွေ့နေသည်။
လက်ရှိတွင်မူ IS အဖွဲ့ သိမ်းပိုက်ထားသော ဒေသများကို ပြန်လည်သိမ်းယူရန်အတွက် ဆီးရီးယား အတိုက်အခံများအား လေကျင့်ကာ လက်နက်များ တပ်ဆင်ပေးရန် စီစဉ်နေပြီး ထိုအစီအစဉ်ကို အကောင်အထည်ဖော်ရန်အတွက် လာမည့်ရက်အနည်းအတွင်း အင်အား ၁၀၀ ခန့်ရှိမည့် အမေရိကန်စစ်သား ပထမအသုတ်ကို အရှေ့အလယ်ပိုင်းသို့ စေလွှတ်မည်ဖြစ်သည်။
Ref:reuters
