Blog

ဇန်နဝါရီ ၁၃ ၊ ၂၀၁၅
M-Media
မင်းသိန်းရေးသည်။

နိုင်ငံပေါင်း(၄၀)ကျော်မှ နိုင်ငံခေါင်းဆောင်များနှင့် အတူလူဦးရေ တစ်သန်းကျော်ပါဝင်သော လူထုချီတက်ဆန္ဒထုတ်ဖေါ်ပွဲကြီး တစ်ခု ပြင်သစ်နိုင်ငံ ပဲရစ်မြို့တော်တွင် (၁၁.၀၁.၂၀၁၅) နေ့က ပြုလုပ်ခဲ့ကြသည်။ ဥရောပ နိုင်ငံများအတွင်း အကြမ်းဖက်မှုများ ဖန်တီးခြင်းနှင့် အကြမ်းဖက်ခြင်း နှစ်ခုလုံးအား ဆန့်ကျင်သော ဘာသာပေါင်းစုံ လူထု ဆန္ဒထုတ်ဖေါ်ပွဲအဖြစ် ဂျာမန် နိုင်ငံရေးခေါင်းဆောင်များမှ နာမည် တတ်ခဲ့ကြပါသည်။

ပဲရစ်မြို့အတွင်းဖြစ်ပွားခဲ့သော မဂ္ဂဇင်းတိုက်တစ်ခုနှင့် ဂျူးဈေးရုံ တစ်ခုအတွင်း အကြမ်းဖက်သေနတ် ပစ်ခတ်မှုအတွင်း မွတ်စလင်ရဲ ၀န်ထမ်းတစ်ဦး အပါအ၀င် လူ(၁၇)ဦး အသက်ဆုံးရှုံးခဲ့ရသည်။ ယေဘုယျ သဘောအရ အစ္စလာမ်ဘာသာဝင် အကြမ်းဖက်သမား သုံးဦးမှ တမန်တော် မုဟမ္မဒ်(ဆွ) ပုံအားကာတွန်းရေးပြီး လှောင်ပြောင်ခဲ့သော မဂ္ဂဇင်းတိုက်နှင့် ဂျူးလူမျိုးများ ပိုင်ဆိုင်သောဈေးအား အကြမ်းဖက်တိုက်ခိုက်ခြင်းဟု နားလည်နိုင်ပါသည်။ သို့သော် ဥရောပပြည်တွင်းနိုင်ငံရေးလေ့လာသူ ပညာရှင်များမှ သာမန်လူထု၏ သမားရိုးကျ အယူအဆထက် လေးနက်သော ရှု့ထောင့်များမှ ဝေဖန်သုံးသပ် ဆွေးနွေးလာကြသည်ကိုတွေ့လာရပါသည်။

*Charlie Hebdo မဂ္ဂဇင်း*
——————————–
ဤမဂ္ဂဇင်းမှ 06.Feb.2006 နေ့တွင် တမန်တော်မြတ်အား လှောင်ပြောင်ထားသော ကာတွန်းများအား စတင်ရေးဆွဲခဲ့ပါသည်။ ပုံမှန်စောင်ရေ (၁၀၀၀၀၀) ထုတ်ရာမှ ထိုနေ့တွင် (၁၆၀၀၀၀)တိုးထုတ်ခဲ့သည်။ တစ်နေ့အတွင်း ထုတ်သမျှ စောင်ရေ အားလုံး ကုန်သွားပြီး နောက်နေ့တွင် စောင်ရေ(၁၅၀၀၀၀) ထပ်မံ ရိုက်ထုတ်ခဲ့ရသည်။ ထိုသို့တမန်တော်မြတ်အား လှောင်ပြောင်စော်ကားမှု အပေါ် ကမ္ဘာ့မွတ်စလင် အဖွဲ့အစည်းများနှင့် ပြင်သစ် မွတ်စလင် အဖွဲ့အစည်းများမှ ရှုတ်ချ ကန့်ကွက်ခဲ့ကြသည်။ ပြင်သစ်နိုင်ငံ အတွင်း ဂုဏ်သိက္ခာရှိမွတ်စလင် အဖွဲ့အစည်းကြီး „ GREEN MOSQUE“ အဖွဲ့မှ မဂ္ဂဇင်းတိုက်အား တရားစွဲဆိုခဲ့ပါသည်။ သို့သော် အဆိုပါ မဂ္ဂဇင်းတိုက်၏နောက်ကွယ်တွင် မွတ်စလင်များအား *သွေးဆူ*  စေလိုသော နိုင်ငံရေးအင်အားစု တစ်ရပ် အခိုင်အမာရှိနေသည့် အတွက် မဂ္ဂဇင်းတိုက် အယ်ဒီတာသည် ၎င်းအမှုမှ ကွင်းလုံ ကျွတ်လွှတ်သွားခဲ့သည့်အပြင် ပိုမိုအတင်းရဲစွာ အစ္စလာမ်ဘာသာနှင့် တမန်တော်မြတ်အား စော်ကားလာခဲ့ပါသည်။

၂၀၁၁ နှစ်တွင် Charlie Hebdo မဂ္ဂဇင်းတိုက်မှာ တစ်ကြိမ် တိုက်ခိုက်ခံခဲ့ရသည်။ အဆိုပါတိုက်ခိုက်မှုအတွင်း လူအသေအပျောက် မရှိခဲ့သော်လည်း တိုက်ခိုက်မှုနောက်ပိုင်းတွင်း ပြင်သစ်မွတ်စလင် အဖွဲ့အစည်း အသီသီးမှ ဘာသာတရားများ၏ အထွဋ်အမြတ်ထားရာ ပုဂ္ဂိုလ်မြတ်များအား စော်ကားခြင်းများအား ရပ်တန့်ပေးရန် နိုင်ငံရေးအဖွဲ့အစည်းများ အပါအ၀င် ကဏ္ဍအသီးသီးမှ ပုံစံအမျိုးမျိုးဖြင့်ကြိုးစားခဲ့ကြသည်။ ပြင်သစ်နိုင်ငံခြားရေး ၀န်ကြီးမှ * ပြင်သစ်နိုင်ငံအတွင်း လွတ်လပ်စွာထုတ်ဖေါ်ပြောဆိုခွင့်အား စည်းမျဉ်း ဥပဒေဘောင်ထဲမှ ခွင့်ပြုထား ခြင်းဖြစ်ပြီး စည်းမျဉ်းဥပဒေအား ကျော်လွန်ပြီးရေးသားပြောဆိုမှုများအား တားဆီး ရမည်ဖြစ်ကြောင်း  ပြောဆို ခဲ့ရသည်။ သို့သော် နောက်ကွယ် အင်အားစုအား မလွန်ဆန်နိုင်ခဲ့ပေ။ အဆိုပါ မဂ္ဂဇင်းတိုက်သည် အစ္စလာမ်၊ ခရစ်ယာန်၊ ဗုဒ္ဓဘာသာ စသည့် ဘာသာတရားများ၏ အထွဋ်အမြတ်ထားသော ပုဂ္ဂိုလ်မြတ်များ အပြင် နိုင်ငံရေးခေါင်းဆောင်များ အားလည်း လှောင်ပြောင်စော်ကားခဲ့သည်။သို့သော် ဂျူးဘာသာအားပြောင်လှောင်ထားသော ကာတွန်းရေးဆွဲခဲ့သူ ကာတွန်းဆရာတစ်ဦးအား မဂ္ဂဇင်းတိုက်မှ ချက်ချင်း ထုတ်ပြစ်ခဲ့သော အဖြစ်အပျက် တစ်ခုလည်း ရှိနေခဲ့သည်။ ဤမျှဆိုလျှင် စာရှုသူများအနေဖြင့် Charlie Hebdo မဂ္ဂဇင်း၏ မူဝါဒနှင့် နောက်ကွယ်တွင်ရှိနေသူများ၏ ရည်ရွယ်ချက်ကို ဆ၀ါးနိုင် လိမ့်မည်ဟု မျှော်လင့်မိပါသည်။

**အစွန်းရောက်တိုက်ခိုက်သူများ**

Charlie Hebdo မဂ္ဂဇင်းတိုက်နှင့် ဂျူးဈေးရုံအား အကြမ်းဖက် ၀င်ရောက်တိုက်ခိုက်သူများမှာ အစ္စလာမ် ဘာသာဝင်သုံးဦးဖြစ်ပါသည်။ သာမန် မွတ်စလင်တစ်ဦးအနေဖြင့် လူ(၁၇)ဦးသေဆုံး ရခြင်းအား မနှစ်မျို့စေကာမှု မဂ္ဂဇင်းတိုက်၏ တမန်တော်မြတ်ကြီးအား အကြိမ်ကြိမ်စော်ကားနေမှု အပေါ် လက်တုန့်ပြန်ခြင်း အား ကျေနပ်နှစ်သက်ကောင်း နှစ်သက်နေပေမည်။ သို့သော် ပြင်သစ်၊ ဥရောပနိုင်ငံများနှင့် အရှေ့ အလယ်ပိုင်းနိုင်ငံများမှ ပညာရှင်များက အစွန်းရောက် အကြမ်းဖက်ခြင်းနှင့် လက်တုန့်ပြန်ခြင်း နှစ်မျိုးလုံးအား တညီတညွတ်တည်းဆန့်ကျင်ကြသည်။ Charlie Habdo မဂ္ဂဇင်းသည် အစ္စလာမ့် ဂုဏ်သိက္ခာ ကျဆင်းမှု၏ ထောင်ခြောက် တစ်ခုဖြစ်သည်။ ဤမဂ္ဂဇင်းအား တည်ရှိစေသူများ အနေဖြင့် အလားတူ မဂ္ဂဇင်းတိုက်များ ဥရောပတခွင်တွင် ပေါ်ပေါက်စေချင်ကြသည်။ ဤသို့ဖြင့် ဥရောပနိုင်ငံများအတွင်း လူ့အဖွဲ့အစည်းနှင့် သဟဇာတဖြစ်ပြီး နိုင်ငံအတွက် ထူးချွန်ပြောင်မြောက်သော အစ္စလာမ့် မျိုးဆက်သစ် လူငယ်များအစား ဘာသာရေး အစွန်းရောက်သော ပညာမဲ့၊ အလုပ်လက်မဲ့ အစ္စလာမ့်လူငယ်များ ပေါ်ထွက် လာစေချင်နေကြသည်။ ထိုသို့ဘာသာရေး အစွန်းရောက် လူငယ်များပေါ်ပေါက်လာပါက အာရဗ်တခွင်ရှိ အစွန်းရောက် အဖွဲ့အစည်းများနှင့် ဆက်သွယ်နိုင်ရန်လည်း လမ်းကြောင်းများ ဖွင့်ထားလျှက်ရှိနေပါသည်။ သို့မှသာ ကမ္ဘာ့ မျက်နှာစာတွင် အစ္စလာမ့် အရှိန်အ၀ါညှိုးမှိန် ပျောက်ပျက် လာမည်ဖြစ်သည်။ ဤအနေအထားအား အစ္စလာမ့်ပညာရှင်များ ကောင်းကောင်း နားလည် သဘောပေါက်ထားသောကြောင့် အကြမ်းဖက်ခြင်း၊ လက်တုန့်ပြန်ခြင်းများအား ကန့်ကွက် ရှုတ်ချနေရခြင်းဖြစ်ပါသည်။

ဂျာမန်မွတ်စလင် အကြီးအကဲ Aiman Mazyek မှ ပဲရစ် အကြမ်းဖက်သမားများသည် အစ္စလာမ်ဘာသာအား ကိုယ်စားမပြုသည်ကို အစ္စလာမ်ဘာသာဝင် ရဲဝန်ထမ်းတစ်ဦးအား ပစ်သတ်ခဲ့ခြင်းအားဖြင့် သိနိုင်သလို၊ အကြမ်းဖက်ခြင်းအား မွတ်စလင်များမှ လက်မခံ ဆိုသည်ကိုလဲ ဂျူးဈေးရုံ အတွင်း ဈေးဝယ်သူ(၁၅)ဦး၏ အသက်အန္တရာယ်အား ရဲဝံ့စွာ ကာကွယ်ပေးခဲ့သော မွတ်စလင်လူငယ်၏ လုပ်ရပ်အား ကြည့်ခြင်းအားဖြင့် သိနိုင်သည်ဟု သတင်းထောက်များအား ပြောကြားခဲ့သည်။

ဥရောပနိုင်ငံများနှင့် အမေရိကန်မှ ရုရှားနိုင်ငံအပေါ် စီးပွားရေး ပိတ်ဆို့ထားမှုအား ပြန်လည် သုံးသပ်နေသော ပြင်သစ်နိုင်ငံမြေပေါ်တွင် ဤအကြမ်းဖက်မှုအား CIA မှ ကြိုးကိုင်ဆောင်ရွက်ခဲ့သည်ဟု တိုက်ရိုက်ဝေဖန်လာသော နိုင်ငံရေးသမားများရှိလာသလို အမေရိကန်၏ နိုင်ငံခြားရေးပေါ်လစီအတွင်း အကြမ်းဖက်မှုများ သန္ဓေတည်နေသည်ဟု သွယ်ဝိုက်ပြီး ဝေဖန်လာသူများ လည်း ပေါ်လာပါသည်။ (၁၁.၀၁.၂၀၁၅)ခု ပဲရစ်မြို့  အတွင်း နိုင်ငံ့ခေါင်းဆောင်များ အပါအ၀င် ဘာသာပေါင်းစုံမှ လူထု တစ်သန်းကျော် ချီတက်ဆန္ဒပြမှုသည် ဥရောပမြေ အတွင်း အကြမ်းဖက် လုပ်ရပ်များပေါ်ပေါက်လာစေရန် ဖန်တီးနေမှုအား ဆန့်ကျင် ဆန္ဒပြခြင်းဖြစ်ပါသည်။ အခြေအနေ အားလုံးအား ခြုံငုံသုံးသပ်ကြည့်မည်ဆိုပါက ကမ္ဘာ့မွတ်စလင်ထု အနေဖြင့် အဖြစ်အပျက် တစ်ခုအား သမားရိုးကျ စိတ်ခံစားချက်ဖြင့်ဝေဖန်သုံးသပ်ပြောဆိုခြင်းထက် နောက်ကွယ်မှ အစ္စလာမ်အပေါ် ထောင်ခြောက် ဆင်ထားမှုအား သတိကြီးကြီးထားပြီးမှ ဝေဖန်ပြောဆိုသင့်သည်ဟု အကြံပြုတိုက်တွန်းအပ်ပါသည်။

မင်းသိန်း(၁၂.၀၁.၂၀၁၅)