ဒီဇင်ဘာ ၁၇ ၊ ၂၀၁၄
M-Media
– ဒီဇင်ဘာ ၁၅ ရက်နေ့မနက်ပိုင်က စဖြစ်တဲ့ ဆစ်ဒနီကော်ဖီဆိုင်တစ်ခုကို အီရန်ဖွား သြစတေးလျနိုင်ငံသားတစ်ဦးက အပိုင်စီးတဲ့သတင်းဟာ ဒီရက်ပိုင်းမှာ ဟိုးလေးတစ်ကျော်ကျော် ဖြစ်ခဲ့ပါတယ်။
စီးပွားရေးအချက်အချာကြတဲ့ နေရာက အဲဒီကော်ဖီဆိုင်ကို အပိုင်စီးမှုဟာ ၁၆ နာရီကျော် ကြာခဲ့ပြီး နောက်ဆုံး ပြန်ပေးသမားနဲ့ ဓားစာခံတွေထဲက ၂ ယောက် စုစုပေါင်း ၃ ယောက်သေပြီး ပွဲသိမ်းခဲ့ပါတယ်။
ဒါပေမယ့် ဒီအဖြစ်အပျက်ကို အသုံးချပြီး သြတေးလျ အစိုးရ ဘာတွေလုပ်သွားတယ် ဆိုတာက စိတ်ဝင်စားစရာပါ။ ဒီအဖြစ်အပျက် စတင်ပြီးနောက်ပိုင်း ဆစ်ဒနီမြို့လယ်ကောင်လမ်းမက ပြည်သူတွေကို တစ်ယောက်ချင်းစီ ပိုက်စိတ်တိုက်ရှာဖွေတယ်၊ အကြမ်းဖက်တိုက်ဖျက်ရေး လုပ်ငန်းတစ်ခုလုံးကို အသက်သွင်းတယ်။ နိုင်ငံရဲ့ အကြီးဆုံးမြို့ မြို့လယ်ခေါင်ကိုလည်း ပိတ်ဆို့ခံ အခြေအနေမျိုးဖြစ်အောင် ဆောင်ရွက်ခဲ့ပါတယ်။
သေနတ်သမားတစ်ယောက် ကော်ဖီဆိုင်ထဲဝင်၊ ဓားစာခံတွေကို ဖမ်းထားတယ်ဆိုတာ သာမန်ဖြစ်ရိုးဖြစ်စဉ် တစ်ခုဖြစ်ပြီး ရဲတပ်ဖွဲ့က ကိုင်တွယ်ဆောင်ရွက်ရမယ့် ကိစ္စပါ။ ပြီးခဲ့တဲ့ရက်ပိုင်းကပဲ အမေရိကန်ပြည်ထောင်စု ပင်ဆဲလ်ဗားနီးယားမှာ လူခြောက်ယောက်သေဆုံးတဲ့ သေနတ်ပစ်မှုတစ်ခုဖြစ်ခဲ့ပြီး တရားခံက အခုအချိန်အထိ ထွက်ပြေးလွတ်မြောက်နေတယ်။ ရဲတပ်ဖွဲ့ပဲ ဒီကိစ္စကို ကိုင်တွယ်ထားပါတယ်။ ဒါပေမယ့် ဆစ်ဒနီကိစ္စမှာတော့ အစိုးရ၊ အတိုက်အခံပါတီတွေ၊ မီဒီယာတွေရဲ့ ထောက်ပံ့မှုနဲ့ ၀န်ကြီးချုပ် တိုနီအက်ဘော့ ပါဝင်လာပြီး နိုင်ငံလုံး ဆိုင်ရာ ပြဿနာအဖြစ် ပုံဖော်တယ်။
စစ်တပ်နီးပါး လက်နက်တပ်ဆင်ထားသူတွေအပါအ၀င် ရဲတပ်ဖွဲ့ဝင်ရာချီက ဆစ်ဒနီ လမ်းမတွေပေါ်မှာပြည့်သွားတယ်။ အခင်းဖြစ်ပွားရာ ကော်ဖီဆိုင် ပတ်ဝန်းကျင်မှာရှိတဲ့ အဆောက်အဦးတွေကို ပိတ်ပစ်တယ်။ ပို့ဆောင်ရေး ယာဉ်တွေကို တပ်ပြန်ခေါက်ခိုင်းပြီး ဆစ်ဒနီ ဆင်ခြေဖုံး၊ ကန်ဘာရာနဲ့ အခြားမြို့တွေမှာ ရဲတပ်ဖွဲ့ရဲ့ ကင်းလှည့်မှုကို တိုးမြှင့်လိုက်တယ်။ ဒီကိစ္စနဲ့ ပတ်သက်ပြီး အက်ဘော့က မိန့်ခွန်း ၂ ကြိမ် ပြောခဲ့ပါတယ်။ ထွေထွေထူးထူးမဟုတ်ဘဲ နယူးဆောက်ဝေးလ်ပြည်နယ် အစိုးရနဲ့ ရဲတပ်ဖွဲ့ကို ဖက်ဒရယ် အဖွဲ့အစည်းတွေဖြစ်ကြတဲ့ ရဲ၊ စစ်သားနဲ့ ထောက်လှမ်းရေးတွေက အပြည့်အ၀ ထောက်ပံ့မယ်ဆိုတာပါပဲ။
ဒီလိုဆောင်ရွက်မှုတွေနဲ့ ပတ်သက်ပြီး ကျိုးကြောင်းခိုင်လုံတဲ့ အကြောင်းပြချက်ကိုတော့ အစိုးရက မပေးပါဘူး။ အခင်းဖြစ်ပြီး သိပ်ကြာခင်မှပဲ ကော်ဖီဆိုင်ပြန်ပေးဆွဲ သူဟာ အီရန်ဖွား သြစတေးလျနိုင်ငံသား မန် ဟာရွန် မိုနစ်ဖြစ်တယ်ဆိုတာ ရဲတပ်ဖွဲ့ ကြေညာခဲ့တယ်။ IS၊ အလ်ကိုင်းဒါးနဲ့ အခြားသော အစွန်းရောက်အဖွဲ့အစည်းတွေနဲ့ မပတ်သက်ဘူး။ ဇနီးဟောင်းသတ်မှုမှာ ပါဝင်တယ်လို့ သံသယဖြစ်ခြင်း ခံရသူဖြစ်ပြီး အာမခံနဲ့ လွတ်မြောက်နေသူဖြစ်တယ်။ အခြားသော ရာဇ၀တ်မှုဆိုင်ရာ ပြဿနာတွေလည်း ရှိနေသူ ဖြစ်ပါတယ်။
နောက်ပိုင်းမှာ အဲဒီကော်ဖီဆိုင်ကို ရဲတပ်ဖွဲ့က ၀င်စီးတယ်။ ဒီလို ဆုံးဖြတ်မှုအတွက်လည်း အဆီအလျော်တည့်တဲ့ ရှင်းလင်းမှုမျိုး မရှိပါဘူး။ ကော်ဖီဆိုင်ထဲမှာ သေနတ်သံကြားလို့ ၀င်စီး လိုက်တယ်ဆိုပြီး နယူးဆောက်သ်ဝေးလ် ရဲမင်းကြီးက ပထမပိုင်းမှာ ပြောခဲ့ပေမယ့် ကြေညာချက် ထုတ်ဖို့ နောက်ပိုင်းမှာ ငြင်းဆိုခဲ့ပါတယ်။ ရလဒ်ကတော့ ပြန်ပေးသမားနဲ့အတူ အပြစ်မဲ့သူ ၂ ဦး အသက်ပေးလိုက်ရတာပါပဲ။
ဒီပြဿနာမှာ အက်ဘော့ပါဝင်လာတာက ပြည်သူတွေကြားထဲမှာ မသေချာမှုနဲ့ ကြောက်ရွံ့မှုတွေရှိတဲ့ အနေအထားမျိုးဖြစ်လာအောင် တမင်တကာ ဖန်တီးလိုက်သမျိုး ဖြစ်နေပါတယ်။ အပြင်မှာ တကယ် ဘာတွေဖြစ်နေလဲဆိုတာ ရဲတပ်ဖွဲ့က သတင်းအမှောင်ချထားတဲ့အချိန်မှာ မီဒီယာတွေမှာလည်း အာရဘီဘာသာစကားနဲ့ ရေးသားထားတဲ့ အလံနက်က လွှမ်းမိုးနေပြီး ဒီပြန်ပေးဆွဲမှုဟာ အကြမ်းဖက် အဖွဲ့အစည်းတွေနဲ့ ပတ်သက်သယောင်ယောင် ၀ါဒဖြန့်ခဲ့ကြပါတယ်။
ဒီလို မရေရာ မသေချာတာတွေရဲ့ အဓိကရည်ရွယ်ချက်ကတော့ သြစတေးလျဟာ အကြမ်းဖက်တွေရဲ့ ခြိမ်းခြောက်မှုကို ခံနေရတဲ့ပုံစံမျိုးနဲ့ `အကြမ်းဖက်တိုက်ဖျက်ရေးစစ်´ အတုအယောင် ဖန်တီးဖို့ ချဲ့ကားပြောဆိုကြတာသာဖြစ်ပါတယ်။
ဒီပြဿနာကို အက်ဘော့က အသုံးချပြီး စစ်ပွဲရဲ့ အခြေအနေမျိုးပုံဖေါ်ကာ အဲဒီအခြေအနေကို အရှေ့အလယ်ပိုင်း အမေရိကန်ရဲ့ စစ်ဆင်ရေးမှာ သြစတေးလျပါဝင်မှု တိုးမြှင့်ရေးနဲ့ နိုင်ငံအတွင်းမှာ ရဲတပ်ဖွဲ့ရဲ့ လုပ်ငန်းကို တိုးချဲ့ဖို့ အသုံးချသွားပါလိမ့်မယ်။ ယူကရိန်းနဲ့ ပတ်သက်ပြီး ရုရှားကို အမေရိကန် ရင်ဆိုင်နေမှုနဲ့ ဆီးရီးယား၊ အီရတ်တို့ကိစ္စမှာ သြစတေးလျဟာ ရှေ့ဆုံးက ပါဝင်ပါတယ်။ နောက်ပြီး အိုဘားမားအစိုးရရဲ့ `အာရှဗဟိုပြု´ အစီအစဉ်နဲ့ တရုတ်ကိုပြိုင်ဆိုင်ဖို့ စစ်အင်အား တိုးမြှင့်မှုမှာလည်း အက်ဘော့အစိုးရက ပါဝင်နေပါတယ်။
စက်တင်ဘာလအတွင်း သြစတေးလျသမိုင်းမှာ အကြီးဆုံးဖြစ်တဲ့ အကြမ်းဖက်ဆန့်ကျင်ရေး စီးနင်းဖမ်းဆီးမှုကို ပြုလုပ်ခဲ့ပါတယ်။ ဆစ်ဒနီရဲ့ ဘရစ္စဘိန်းမြို့တို့မှာ နံနက်အရုတ်တက်အချိန် ပြုလုပ်တဲ့ အဲဒီစစ်ဆင်ရေးမှာ ကွန်မန်ဒိုနဲ့ ထောက်လှမ်းရေး ၈၀၀ လောက်ပါဝင်ခဲ့ပြီး ၀ရမ်းမဲ့ တစ်အိမ်တက်ဆင်း ရှာဖွေခဲ့ကာ အမျိုးသမီးတွေနဲ့ ကလေးတွေကိုလည်း ခြိမ်းခြောက် အကြပ်ကိုင်ခဲ့ပါတယ်။ ဒီစစ်ဆင်ရေးအတွင်းမှာ လူ ၁၅ ဦးကို စစ်ဆေးဖို့ ခေါ်သွားခဲ့ပြီး အကြမ်းဖက်မှုနဲ့ ပတ်သက်တယ်လို့ ယူဆရတဲ့ လူတစ်ဦးကိုသာ တရားစွဲနိုင်ခဲ့ပါတယ်။ ဒါပေမယ့် ဒါဟာလည်း မသေချာသေးပါဘူး။
အကြမ်းဖက်သမားတွေဟာ သြစတေးလျနိုင်ငံသားတွေကို ခေါင်းဖြတ်တော့မယ်ဆိုတဲ့ လုပ်ကြံဇာတ်လမ်းထွင်ပြီး အီရတ်မှာ စစ်ရေးအရတိုးချဲ့ဖို့၊ ဒီမိုကရေစီမဆန်တဲ့ အကြမ်းဖက် တိုက်ဖျက်ရေး ဥပဒေတွေ ပြဌာန်ဖို့ အက်ဘော့အစိုးရက လုပ်ခဲ့ပါတယ်။ အမေရိကန် နိုင်ငံခြားရေးဝန်ကြီး ဂျွန်ကယ်ရီကလည်း အရှေ့အလယ်ပိုင်းမှာ အမေရိကန်တိုက်နေတဲ့စစ်အတွက် ဒီလုပ်ကြံဇာတ်လမ်းကိုပဲအသုံးချခဲ့ပါတယ်။
ဒီပြဿနာမှာ သြစတေးလျအစိုးရဲ့ လုပ်ပုံကိုင်ပုံတွေဟာ ရာဇ၀တ်မှုဆိုင်တဲ့ ကျူးကျော်ရေး စစ်ပွဲတွေကို ပုံဖော်ဖို့နဲ့၊ နိုင်ငံအတွင်းမှာ စစ်တပ်ပုံစံ ရဲတပ်ဖွဲ့အခြေအနေကို တိုးမြှင့်ဖို့ အသုံးပြုတဲ့ နိုင်ငံတကာက လုပ်နည်းလုပ်ဟန်တွေအတိုင်းပါပဲ။ ဒီလိုပုံစံမျိုးကို ၉/၁၁ ပြီးတဲ့နောက်ပိုင်းမှာ ဘုရ်ှအစိုးရက လုပ်ခဲ့ပါတယ်။ ဒီတိုက်ခိုက်မှုကို အသုံးချပြီး `အကြမ်းဖက်တိုက်ဖျက်ရေး စစ်´ ဆိုကာ သြစေတြးလျလို မဟာမိတ်တွေနဲ့ အမေရိကန်က အာဖဂန်၊ အီရတ်တို့ကို ကျူးကျော်တိုက်ခိုက်ခဲ့ပါတယ်။
ပြီးခဲ့တဲ့နှစ် ဧပြီလတုန်းက ဘော်စတွန် မာရသွန်ပန်းဝင်းနေရာမှာ ဗုံး ၂ လုံးဆက်တိုက်ပေါက်ကွဲပြီးနောက် ဘော်စတွန်တစ်မြို့လုံး မာရှယ်လောအောက်မှာ နေလိုက်ရသလို ဖြစ်သွားတယ်။ လက်နက်တပ်ဆင်ထားတဲ့ယာဉ်တွေ၊ ရဟတ်ယာဉ်တွေနဲ့အတူ စစ်လက်နက်ပစ္စည်းအပြည့်အစုံနဲ့ ရဲတပ်ဖွဲ့ဝင်တွေ၊ စစ်သားတွေက လူတွေကို အိမ်ထဲမှာနေခိုင်းပြီး ၀ရမ်းမပါဘဲနဲ့ တစ်အိမ်တက်ဆင်း လိုက်လံရှာဖွေပါတယ်။
ဒီနှစ်အောက်တိုဘာလအတွင်းမှာလည်း အိုတာဝါက ပါလီမန်အဆောက်အဦးမှာ စစ်သားတစ်ယောက် အသတ်ခံရမှုကို တုန့်ပြန်တဲ့အနေနဲ့ မြို့လယ်ကောင်နဲ့ လမ်းမတွေကို ကနေဒါအစိုးရက ပိတ်ပစ်ခဲ့ပါတယ်။ နောက်ပြီး အစိုးရအလုပ်သမားတွေ၊ ဈေးဆိုင်ပိုင်ရှင်တွေနဲ့ ကမ္ဘာလှည့်ခရီးသွားတွေကိုလည်း ကန့်သတ်ခဲ့ပါသေးတယ်။ ဒါတင်မကသေးဘဲ ဥပဒေပ ဖမ်းဆီးတာမျိုးတွေ၊ စစ်ဆေးတာမျိုးတွေလုပ်ပြီး ကြောက်ရွံ့မှု အခြေအနေတစ်မျိုးကို ပြည်သူတွေအတွက် ဖန်တီးပေးခဲ့ပါတယ်။ အဲဒီလုပ်ရပ်တွေနဲ့ ပတ်သက်ပြီး အရှေ့အလယ်ပိုင်းစစ်မှာ ကနေဒါအစိုးရ ပါဝင်နိုင်ခဲ့တာ အပါအ၀င် နိုင်ငံခြားရေးနဲ့ ပြည်တွင်းရေးပေါ်လစီတွေမှာ အကျိုးသက်ရောက်မှုတွေ ရှိခဲ့ပါတယ်။
သြစတေးလျကလည်း ဒီဇာတ်လမ်းအတိုင်း ဖန်တီးလုပ်ဆောင်လိုက်တာပါ။ အလျင်အမြန် ကျဆင်းနေတဲ့ စီးပွားရေး ပြဿနာကို ရင်ဆိုင်ဖို့၊ ဥရောပ၊ အရှေ့အလယ်ပိုင်းနဲ့ အာရှတို့မှာ အမေရိကန်ရဲ့ စစ်ရေးလှုပ်ရှားမှုအတွက် ရှေ့တန်းကပါဝင်သူဖြစ်လာဖို့နဲ့ တစ်ချိန်တည်းမှာပဲ ပြည်သူတွေကို တိုက်ရိုက် သက်ရောက်လာမှာဖြစ်တဲ့ ရဲတပ်ဖွဲ့ရဲ့ စစ်ဆင်ရေးကြီးတစ်ခုအတွက် ဆစ်ဒနီစီးနင်းမှုကို အသုံးချပြီး စမ်းသပ်ဆောင်ရွက်လိုက်တာလည်း ဖြစ်ပါတယ်။
World Socialist တွင် ဖော်ပြထားတဲ့ ဆောင်းပါးရှင် Peter Symonds ၏ “The Sydney siege” ကို ဆီလျော်အောင်ပြန်ဆို ရေးသားဖော်ပြပါသည်။
** မူရင်းဆောင်းပါးရှင်၏ အာဘော်သာဖြစ်ပါသည်။
