ဒီဇင်ဘာ ၁၃ ၊ ၂၀၁၄
M-Media
နှင်းဆီခင် ရေးသည်။
နိစ္စဓူဝကြုံတွေ့နေရတဲ့ ဘဝအမောတွေကြားမှာ အလူးအလိမ့်ခံနေရတဲ့ မိန်းမသားတွေအဖို့ စိတ်တိုစရာ၊ အလိုမကျတာတွေကတော့ အပြည့်ပဲပေါ့နော်။ တစ်ခုရှိတာက ယောင်္ကျားတွေလို ရင်ထဲရှိသမျှ ဒေါသအစိုင်အခဲတွေ လွှင့်ထွက်သွားအောင် ပြီးတော့ အခိုးအငွေ့တွေဖြစ်ပြီး ပျောက်သွားအောင်တော့ ဝုန်းဒိုင်းကြဲလို့မရပြန်ဘူး။ စိတ်ခံစားမှုတွေရဲ့ တော်တော်များများကိုတော့ ဟိုဟာငဲ့ရ ဒီဟာငဲ့ရမို့ ရင်ထဲမျိုမျိုချချရတာကတော့များသလားမမေးနှင့်။ မိန်းမဆိုတာလည်း လူသားပဲလေ ဒေါသဆိုတာ ရှိတာပဲပေါ့။ ဒါပေမယ့် အခါခပ်သိမ်းဆိုသလို ထုတ်ဖော်ပြလို့ မရတာမို့ မိန်းမပီပီသိုသိုသိပ်သိပ်ကလေးပဲ ရင်ထဲသိမ်းထားလိုက်ရရော။
ဒါပေမယ့် အဲဒီ ဒါပေမယ့်က အရေးကြီးပါတယ်။ ရင်ထဲမှာ သိုလှောင် ထားရပါများလာတဲ့အခါ ထွက်ပေါက်မရှိတာမို့ ထင်မှတ်မထားတဲ့ တစ်ချိန်ချိန်မှာ ပေါက်ကွဲ တတ်ရော။ ရှိသေးတယ်။ ဒေါသအထုအထည်များများကို ကြိတ်မှိတ်မျိုသိပ်ရလွန်းတော့ ဒေါသတွေက ဒီအတိုင်းငြိမ်မနေဘူး။ ရင်ထဲတင်းကျပ်ပြီး စိတ်ဖိစီးမှုတွေ တစ်သီကြီး ခံစားပေရော။ တချို့မိန်းမသားတွေဟာ ရင်နှင့်မဆံ့အောင် ခံစားလာရတဲ့အခါ စိတ်ရောဂါ အဖြစ် ပြင်းပြင်ထန်ထန်ခံစားလာရတဲ့အထိပါပဲ။
ကမ္ဘာကျော်သုတေသနရှင်တွေက အကြုံပြုထားတာကတော့ ရင်ထဲမှာကြိတ်ခံစားရတဲ့ ခံစားမှုတွေကို လျော့ပါးသက်သာသွားချင်တယ်ဆိုရင်ပေါ့။ ခွင့်လွှတ်ပါ ပြီးတော့ မေ့ပစ်လိုက်ပါတဲ့။ ဒါ့အပြင် တခြားသောအကြုံပြုဆန်းစစ်ထားတဲ့အချက်အလက်တွေကို လေ့လာကြည့်ကြရအောင်ပါ။
“တစ်စုံတစ်ယောက်က ကိုယ့်အပေါ်ပြောမှားဆိုမှားရှိတာတွေ၊ ကျူးလွန်မိတာတွေအတွက် အလွယ်တကူခွင့်လွှတ်ပေးကြည့်လိုက်စမ်းပါ။ သူကဘာကြောင့် အဲဒီကိစ္စ အကြောင်းအရာကို ကျူးလွန်တယ်ဆိုတာကိုတော့ နားလည်အောင်ကြိုးစားမနေပါနဲ့တော့” တဲ့။ တကယ်တော့ သူများကကိုယ့်ကို ဘာကြောင့်အပြစ် ဖို့တယ်။ စော်ကားတယ်ဆိုတာ သိအောင် လုပ်တာဟာ ကိုယ့်အတွက်ပိုပြီး စိတ်ဆင်းရဲရတာကလွဲလို့ ထူးပြီးအကျိုးဆက်ဖြစ်မလာနိုင်ပါဘူး။ တကယ်လို့များ သူ့ဘက်ကခွင့်လွှတ်ဖို့တောင်းပန်လာတဲ့ အခါ ကိုယ့်အနေနှင့် သူဘာကြောင့်အခုလို လုပ်ရတာဆိုတာကိုမေးနေဖို့ မလိုပါဘူး။ ရင်ထဲရှင်းသွားအေင် သူ့ကို ခပ်လွယ်လွယ်ပဲ ခွင့်လွှတ်လိုက်တာပေါ့။
တကယ်တော့ ခွင့်လွှတ်ခြင်းဆိုတာ လူနှစ်ယောက်ကြားမှာ ကတိကဝတ်ထားကြခြင်းသက်သက်ပါပဲ။ တစ်ဦးကပြောလာမယ် သူ့အနေနှင့် ဒီလိုအပြုအမူ အပြောအဆိုမျိုးနောက်ထပ် ဘယ်တော့မှ မကျူးလွန်တော့ပါဘူးလို့။ ကျန်တဲ့တစ်ဦးကလည်းပြီးတာတွေပြီးပါစေတော့။ အားလုံးကိုမေ့ထားလိုက်ပါပြီ ဆိုတာမျိုးပြောလေ့ရှိတယ်။ တစ်နည်းပြောရရင် နှစ်ယောက်ကြား သဘောတူညီမှုလေးတစ်ခုရသွားတာမျိုး။ ကိစ္စရပ်တော်တော်များများမှာ နာကျည်းစရာ၊ ဒေါသဖြစ်စရာ အကြောင်းအရင်းတွေ ရှိနေတတ်စမြဲပဲလေ။ အဲဒီကိစ္စတွေကို တစ်ဖက်က ကျူးလွန်သူနှင့် အပွင့်လင်းဆုံးဖွင့်ပြောဖြစ်ရင် ရင်ထဲက ခံစားမှုတွေပြေလျော့ သွားမှာသေချာတယ်။ သူကြောင့်ကိုယ့်မှာ စိတ်ခံစားမှုအပြင်းအထန်ခံစားနေရချိန်မှာ သူကတောင်းပန်လာမယ်ဆိုရင်ပေါ့။ ဒါဆိုရင် သူတောင်းပန်တာ တကယ်မှဟုတ်ပါ့မလား။ ဟန်ဆောင်နေတာ များလားဆိုတာ လုံးဝတွေးမနေဘဲ သူ့တောင်းပန်မှုကိုအကြွင်းမဲ့ယုံကြည် လက်ခံပေးဖို့လိုတယ်။ အဲဒီအခါရင်ထဲက သံသယဆူးတွေကို အပြီးနုတ်ပစ်လိုက်သလိုမို့ ရေရှည်မှာ အရင်တိုင်းပဲ ဆက်ပြီးခင်မင်ဆက်ဆံသွားလို့ရပါပြီ။ သံသယတွေ အာဃာတွေထားရ စိတ်ပင်ပန်းလှပါတယ်။
မိန်းမသဘာဝ အိမ်မှုကိစ္စ၊ မိသားစုတာဝန် ကိုယ့်ရဲ့အလုပ်အကိုင် (အလုပ်လုပ်ရင်) နှင့် တခြားဝေယျာဝစ္စတွေကြားမှာ ခေါင်းမဖော်နိုင်ကြပါဘူး။ ဒီကြားထဲအခုလို အဆင်မပြေဖြစ်ရတာတွေကို ရင်ထဲမှာ အကြိတ်အခဲ အဖြစ်ထည့်ထားရတာ လွယ်တော့မလွယ်လှပါဘူး။ တစ်ခါတစ်ရံမှာပေါ့ ကိုယ့်အကြောင်း မကောင်းပြောတာတွေ ပြန်ကြားရတဲ့အခါ ရှက်စိတ်၊ ဒေါသစိတ်နှင့် မကျေမနပ်ဖြစ်ရတယ်။ ဒါပေမယ့် ဒီအကြောင်းအရာတွေနှင့်ပတ်သက်ပြီး ကိုယ့်ဘက်က လိပ်ပြာလုံမှတော့ ဘာမှထွေထွေထူထူး ခံစားနေစရာမလိုပါဘူး။ ဥပေက္ခာပြုလိုက်ရုံသာရှိတာပေါ့။ ဒါမှလည်း ကိုယ့်ရဲ့လုပ်လက်စအရေးကြီးတဲ့တာဝတန်ဝတ္တရားတွေ မပျက်ကွက်နိုင်မှာပါ။
ဆရာဇော်ဂျီကပြောဖူးတယ် (စာတစ်အုပ်မှဖတ်ရတာ) ကိုယ်နှင့်ပတ်သက်ပြီး ထိုးနှက်တာတို့ ဝေဖန်တာတို့ရှိလာရင် အသေအချာစဉ်းစားကြည့်။ သူတို့ပြောတဲ့အတိုင်းကိုယ်က ဟုတ်များဟုတ်နေသလား။ ဒါဆိုရင် ကိုယ့်ကိုကိုယ်ပြုပြင်လိုက်ပါ။ အဲဒီလိုမဟုတ်ဘူးဆိုရင်တော့ ဥပေက္ခာပြုလိုက်ပါတဲ့လေ။ ဒီတော့လည်း စိတ်ရှင်းရှင်းနှင့် နေလို့ရပါပြီ။
“အားအားလပ်လပ်ရှိတဲ့အခါ သူများအကြောင်းကို အချိန်ကုန်ခံပြီးတွေးမနေဘဲ ကိုယ့်ဘာသာအလေးအနက်ဆင်ခြင်စဉ်းစားကြည့်ပါ” လို့ ပညာရှင်တွေက ဆိုပါတယ်။ အနည်းဆုံးတော့ တစ်နေ့တာအတွက်ပဲဖြစ်ဖြစ်ပေါ့။ ကိုယ့်ရဲ့အောင်မြင်မှုတွေ အားရကျပ်စရာ လုပ်ရပ်တွေကို လေးလေးနက်နက်တွေး မိရင် ပျော်ရွှင်ကြည်နူးလာပြီး နောက်ထပ်တိုးအောင်မြင်ဖို့ ခွန်အားသစ်တွေရလာမှာပါ။ နေ့သစ်တွေအားလုံးကို အင်အားအပြည့်နှင့် ကျော်ဖြတ်နိုင်မှာ အသေအချာပါပဲ။ အဲဒီအခါ သူများတကာ အပေါ်ထားခဲ့မိတဲ့ နာကျည်း မုန်းတီးစိတ်တွေလည်း ကြက်ပျောက်ဌက်ပျောက်ဖြစ်သွားပြီပေါ့။
တစ်ခုရှိတာက ပတ်ဝန်းကျင်နှင့်ပြောဆို ဆက်ဆံတဲ့အခါကိုယ့်ရဲ့ကြိုးပမ်းအောင်မြင်မှုတွေကိုချည်း ရွှန်းရွှန်းဝေအောင်ပြောနေမယ်ဆိုရင် နားထောင်ကြသူတွေက စကားဝိုင်းကထပြီး ထွက်သွားချင် စိတ်ပေါ်လာပါလိမ့်မယ်။ နောင်အခါတွေမှာလည်း ကိုယ့်ကိုမြင်တာနဲ့ဝေးဝေးကရှောင်သွားကြမှာပါ။ဒါကြောင့် ကိုယ့်ရဲ့အောင်မြင်မှုတွေကို ကိုယ့်ဘာသာကျေနပ်အားရဖြစ်ပြီး အသိအမှတ်ပြုတာ အကောင်းဆုံးပါပဲ။
မိန်းမသားတစ်ယောက် အဖို့ ကိုယ့်မိသားစု ကိုယ့်လုပ်ငန်းခွင်တွေကို အာရုံစူးစိုက်ရတာမှန်ပေမယ့် ကိုယ်နှင့် ဆက်စပ်နေတဲ့ လူ့အသိုင်းကိုလည်း မေ့ထားလို့မရပြန်ဘူး။ ရပ်ရေးရွာရေး လူမှုရေးတွေမှာ တစ်နိုင်တစ်ပိုင် ပါဝင် ကူညီတာဟာ ရင်ထဲက စိတ်ဖိစီးမှုတွေနှင့် အာဃာတတွေ၊ အငြိုးအတေးတွေကို ပြေပျောက်စေမဲ့ နည်းလမ်းတစ်ခုပဲပေါ့။ အဲဒီလိုလူသားကောင်းကျိုး ကိစ္စရပ်တွေမှာ အာရုံနှစ်ထားတဲ့အခါ (အားလပ်ချိန်လေးမှာ) စိတ်ကြည်လင် လန်းဆန်းလာတာကိုတော့ လက်တွေ့ကြုံဖူးရင် ပိုပြီး ခံစားနိုင်ပါတယ်။
ကိုယ့်ရဲ့မိသားစုအသိုင်းအဝိုင်း ကျဉ်းကျဉ်းလေးထဲကနေ လောကကြီးထဲ တိုးထွက်ပြီး အမြင် ကျယ်ကျယ်မြင်တတ်တွေးတတ်မယ် ဆိုရင်တော့ လောကကြီးတစ်ခုလုံးဟာ အမုန်းတရားတွေတေးမှတ် နာကျည်းတာတွေ ကင်းကင်းနှင့် သာယာလှပနေပါလားလို့ ခံစားမိလာမယ်ဆိုတာတော့ယုံ။
နှင်းဆီခင်
