ဒီဇင်ဘာ ၁၀ ၊ ၂၀၁၄
M-Media
– မြန်မာနိုင်ငံ၏ ဒုတိယအဆင်းရဲဆုံးပြည်နယ်ဖြစ်သော ရခိုင်ပြည်နယ်ရှိ ပညာရေးကဏ္ဍ တိုးတက်ရန်အတွက် အင်ဒိုနီးရှားနိုင်ငံမှ ဆောက်လုပ်လှူဒါန်းခဲ့သည့် မူလတန်းကျောင်း ၄ ကျောင်းအား ယမန်နေ့က ဖွင့်လှစ်ခဲ့သည်ဟု သိရသည်။
ဆောက်လုပ်လှူဒါန်းခဲ့သည့် မူလတန်းကျောင်းများမှာ မင်းပြားမြို့နယ်တွင် သေကန် မူလတန်းကျောင်းနှင့် စမ္ဘလေ မူလတန်းကျောင်း၊ မောင်တောမြို့နယ်တွင် မောရ၀တီ စံပြကျေးရွာ မူလတန်းကျောင်း၊ ဘူးသီးတောင်မြို့နယ်တွင် သပြေကုန်းရပ်ကွက် (၁) မူလတန်းကျောင်း စသည်တို့ဖြစ်ကြပြီး ကျောင်းဆောင်သစ်ဖွင့်ပွဲနှင့် လွှဲပြောင်းပေးအပ်ပွဲအခမ်းအနားကို နံနက် ၁၀ နာရီတွင် သေကန် မူလတန်းကျောင်းနှင့် စမ္ဘလေ မူလတန်းကျောင်းတို့တွင် ကျင်းပပြုလုပ်ခဲ့သည်။
အခမ်းအနားသို့ ရခိုင်ပြည်နယ်ဝန်ကြီးချုပ် ဦးမောင်မောင်အုန်း၊ အင်ဒိုနီးရှားနိုင်ငံခြားရေး ဒုတိယ ၀န်ကြီး အဘ်ဒူရဟ်မန် မိုဟာမက် ဖာချာရ်တို့ အပါအ၀င် တာဝန်ရှိသူများ တက်ရောက်ခဲ့ကြကာ ကျောင်းဆောင်သစ်များအား ဖွင့်လှစ်ပေးခဲ့ကြသည်။
အဆိုပါ ကျောင်းများမှာ အင်ဒိုနီးရှားအစိုးရက ထောက်ပံ့မှုဖြင့် နယ်စပ်ရေးရာဝန်ကြီးဌာနက ဆောက်လုပ်ခဲ့ခြင်းဖြစ်ပြီး နှစ်ထပ်ကျောင်းဆောင်သစ်များဖြစ်ကာ သဘာဝဘေးအန္တရာယ် ကျရောက်သည့်အချိန်တွင် ခိုလှုံနိုင်ရန် တည်ဆောက်ထားသည်။
ရခိုင်ပြည်နယ်ဖွံ့ဖြိုးတိုးတက်ရေးအတွက် အစ္စလာမ်မစ်နိုင်ငံများမှာ ယခင်ကတည်းက လှူဒါန်းမှုများရှိခဲ့ပြီး ၂၀၁၀ ခုနှစ် အောက်တိုဘာလက တိုက်ခတ်ခဲ့သည့် ဂီရိမုန်းတိုင်းသင့် ပြည်သူများအတွက် ဆော်ဒီအိမ်ရှေ့မင်သားက ကန်ဒေါ်လာ ၅ သောင်း လှူဒါန်းခဲ့ပြီး ကြင်ယာတော်ဖြစ်သူကလည်း မိခင်နှင့်ကလေး စောင့်ရှောက်ရေးအတွက် ကန်ဒေါ်လာ ၅ သောင်း သီးခြားစီ လှူဒါန်းခဲ့သည်။
ပြည်နယ်အတွင်း ဘာသာရေးဆိုင်ရာ ပဋိပက္ခများ ဖြစ်ပွားခဲ့နောက်ပိုင်း ဒုက္ခသည်များအား ကူညီရန်နှင့် ရခိုင်ပြည်နယ် ဖွံ့ဖြိုးတိုးတက်ရန်အတွက် OIC နှင့် အစ္စလာမစ်နိုင်ငံများမှ ပိုမိုလှူဒါန်းလာခဲ့ပြီး ၂၀၁၂ ခုနှစ်အတွင်း တူရကီနိုင်ငံကပင် ကန်ဒေါ်လာ သန်း ၅၀ လှူဒါန်းခဲ့သည်။
ဒုက္ခသည်အများစုမှာ ရိုဟင်ဂျာများ ဖြစ်သော်လည်း ထိုကဲ့သို့ လှူဒါန်းမှုများတွင် အစ္စလာမ်မစ်နိုင်ငံများမှာ ရခိုင်တိုင်းရင်းသားများအတွက်ပါ အညီအမျှ ခွဲဝေလှူဒါန်းခဲ့ကြသည်။
ပဋိပက္ခများ ချုပ်ငြိမ်းရေးနှင့် နှစ်ဖက်အသိုင်းအ၀ိုင်းများအကြား ရင်ကြားစေ့ရေးလုပ်ငန်းများကို ဆောင်ရွက်ရန် OIC နှင့် အစ္စလာမ့်မစ်နိုင်ငံများက တိုက်တွန်းပြောဆိုမှုများကို မြန်မာအစိုးရနှင့် ရခိုင်တိုင်းရင်းသားများက ကန့်ကွက်ရှုတ်ချမှုများ ရှိခဲ့သော်လည်း ယခုကဲ့သို့ လှူဒါန်းမှုများတွင် မည်သည့် ကန့်ကွက်မှုမျှ မပြုလုပ်ကြချေ။
ကိုးကား – ကြေးမုံ
ဓါတ်ပုံအညွှန်း – စစ်တွေမြို့မှ ၆၅ မိုင်အကွာမှာရှိတဲ့ ကျောက်တောမြို့ ဒုက္ခသည်စခန်းမှ စာသင်ကျောင်းတခုမြင်ကွင်းဖြစ်ပါတယ်။ ၂၀၁၂ ခုနှစ်အတွင်းဖြစ်ပွားခဲ့သော အကြမ်းဖက်မှုများကြောင့် ကျောက်တော်မြို့မှာရှိတဲ့ မွတ်စလင်မိသားစုဝင်များ ဒုက္ခသည်စခန်းမှာ သွားရောက်နေထိုင်နေရသည်မှာ ၂ နှစ်နီးပါးရှိလာပြီဖြစ်ပါတယ်။ မိသားစုဝင်ပေါင်း ၆၀၀ ခန့်ရှိကြောင်းသိရပါတယ်။
Photo: Ye Myint
