နိုဝင်ဘာ ၁၆ ၊ ၂၀၁၄
M-Media
– တရုတ်ဝန်ကြီးချုပ် လီကီကွင်း မြန်မာနိုင်ငံသို့ လာရောက်လည်ပတ်စဉ်အတွင်း စွမ်းအင်ကဏ္ဍ၊ စိုက်ပျိုးရေးကဏ္ဍ၊ ဆက်သွယ်ရေးကဏ္ဍ၊ အခြေခံအဆောက်အဦးများ ဆောက်လုပ်ရေးကဏ္ဍနှင့် ဘဏ္ဍာရေးကဏ္ဍတို့တွင် ကန်ဒေါ်လာ ၇.၈ ဘီလီယံတန်ဖိုးရှိ သဘောတူစာချုပ်များကို နှစ်နိုင်ငံ ခေါင်းဆောင်များက လက်မှတ်ရေးထိုးခဲ့ကြသည်ဟု နိုင်ငံပိုင် မီဒီယာများက စနေနေ့တွင် ဖော်ပြခဲ့သည်။
အဆိုပါသဘောတူညီချက်ကို သောကြာနေ့က လှတ်မှတ်ရေးထိုးခဲ့ခြင်းဖြစ်ပြီး သဘာဓာတ်ငွေ့သုံး ဓာတ်အားပေးစက်ရုံ၊ လယ်ယာကဏ္ဍအတွက် ကန်ဒေါ်လာ သန်း ၃၀၀ ကုန်ကျမည့် အသေးစား ချေးငွေထုတ်ပေးရန်တို့လည်း ပါဝင်သည်။
ထို့ပြင် စွမ်းအင်ကဏ္ဍ တိုးတက်အောင် ဆောင်ရွက်ရေးအတွက် ရည်ရွယ်၍ တရုတ်နှင့် မြန်မာနိုင်ငံတို့မှာ လျှပ်စစ်ကဏ္ဍ ပူးပေါင်းဆောင်ရွက်ရေး ကော်မတီ ဖွဲ့စည်းရန်ကိုလည်း သဘောတူညီခဲ့ကြသည်။ ၂၀၁၁ ခုနှစ်တွင် သမ္မတဦးသိန်စိန်မှာ ကန်ဒေါ်လာ ၃.၆ ဘီလီယံတန်ဖိုးရှိ တရုတ်ဦးဆောင်သော မြစ်ဆုံဆည် စီမံကိန်းကိုရပ်နားခဲ့သည်။ အဆိုပါ စီမံကိန်းမှ ရရှိမည့် စွမ်းအင် ၉၀ ရာခိုင်နှုန်းမှာ တရုတ်နိုင်ငံသို့ သွားရောက်မည်ဖြစ်ပြီး ယခုအချိန်အထိ ဆက်လက် ဆောင်ရွက်ခြင်း မရှိသေးပေ။
တရုတ်နှင့် မြန်မာနိုင်ငံမှာ နီးကပ်သော ဆက်ဆံရေးရှိပြီး အနောက်နိုင်ငံများ၏ စီးပွားရေးပိတ်ဆို့မှု ကာလအတွင်း တရုတ်နိုင်ငံမှာ စီးပွားရေးနှင့် သံတမန်ရေးရာကဏ္ဍများတွင် မြန်မာနိုင်ငံအား ကျယ်ကျယ်ပြန့်ပြန့် ကူညီပံ့ပိုးမှုများ ပေးအပ်ခဲ့သည်။ ၂၀၁၁ ခုနှစ်တွင် မြန်မာအစိုးရသစ် အာဏာရလာပြီးနောက်ပိုင်း တရုတ်နိုင်ငံအပေါ် မှီခိုမှုကို လျှော့ချရန် ကြိုးစားလာခဲ့သည်။
ref_ ရိုက်တာ
