ဇူလိုင် ၁၂ ၊ ၂၀၁၄
M-Media
– ကမ္ဘာ့ဖလားပြိုင်ပွဲအတွင်း ဘရာဇီးလ်ရှိ အစ္စလာမ်အဖွဲ့အစည်းမှ ပြုလုပ်ခဲ့သော အစ္စလာမ် သာသနာအား မိတ်ဆက်ခြင်း (ဒါဝဟ်) လှုပ်ရှားမှုကြောင့် အစ္စလာမ်သို့ ပြောင်းလဲ သက်ဝင်ခဲ့သည့် ဘောလုံးပရိတ်သတ် အရေအတွက်မှာ ၁၉ ဦးအထိ ရှိလာခဲ့ပြီဟု သိရသည်။
အဆိုပါ ဒါဝဟ်လှုပ်ရှားမှုကို အစ္စလာမ့်ရေးရာနှင့် ရှေ့ဆောင်အီမာန်များ ကောင်စီဌာနချုပ်မှ ပြုလုပ်ခြင်းဖြစ်ပြီး လွန်ခဲ့သည့် ၃ ရက်အတွင်း ဗြိတိန်၊ စပိန်နှင့် ဘရာဇီးလ်တို့မှ ဘောလုံးပရိတ်သတ် ၃ ဦး အစ္စလာမ်ကို လက်ခံလာခဲ့ပြီးနောက် အစ္စလာမ်သို့ သက်ဝင်လာသည့် အရေအတွက်မှာ ၁၉ ဦး အထိရှိလာခဲ့ခြင်းဖြစ်သည်။
“ဒီပရိတ်သတ်သုံးဦးဟာ “Know Islam” လှုပ်ရှားမှုကနေ အစ္စလာမ်ကို သိလာခဲ့ပြီး နောက်ပိုင်းမှာ အစ္စလာမ်ကိုလက်ခံဖို့ ဆန္ဒရှိတယ်လို့ ဖွင့်ဟခဲ့ကြတာပါ။ ဘောလုံးပြိုင်ပွဲစတင်ကတည်းက အစ္စလာမ်ကို ပြောင်းလဲသက်ဝင်လာတဲ့သူအရေအတွက်ဟာ ၁၉ ဦးအထိရှိလာပြီး အင်္ဂလန်၊ စပိန်နဲ့ ဘရာဇီးလ်နိုင်ငံသားတွေအပါအ၀င် အခြားနိုင်ငံသားတွေလည်း ပါဝင်ပါတယ်” ဟု ဘရာဇီးလ် အစ္စလာမ့်ရေးရာနှင့် ရှေ့ဆောင်အီမာန်များ ကောင်စီဌာနချုပ် ဥက္ကဌ ရှိခ်ခါလဒ် တကီအလ် ဒင်က Anadolu သတင်းအေဂျင်စီသို့ ပြောကြားခဲ့သည်။
ဘရာဇီးလ်သမိုင်းတွင် ဒုတိယအကြိမ်မြောက် ကျင်းပသည့် အဆိုပါပြိုင်ပွဲ စတင်ခဲ့ပြီးနောက် ဘရာဇီးမွတ်စလင်အသင်းများ အဖွဲ့ချုပ် Fambras မှ ဦးဆောင်မှုနှင့်အတူ ကမ္ဘာ့တစ်ဝှမ်းမှ လာရောက်ကြသော ဘောလုံးပရိတ်သတ် သိန်းပေါင်းများစွာကို အစ္စလာမ်သာသနာအား မိတ်ဆက်ခြင်း ဒါဝဟ်လှုပ်ရှားမှုများကို စတင်လုပ်ဆောင်ခဲ့ခြင်းဖြစ်သည်။
ဘရာဇီးလ်သို့လာရောက်ကြမည့် အစ္စလာမ်ဘာသာဝင်များ အဆင်ပြေလွယ်ကူစေရန် လမ်းညွှန်စာအုပ် တစ်အုပ်ကိုလည်း ရိုက်နှိပ်ထုတ်ဝေခဲ့သည်။ ထို့ပြင် ဘရာဇီးလ်အစ္စလာမ် အသင်းအဖွဲ့များ အစည်းအရုံးကလည်း အိုမန်သံရုံးနှင့် ပူးပေါင်းကာ အစ္စလာမ်အကြောင်းကို မိတ်ဆက်ဖော်ပြထားသော “စလာမ် ဘရာဇီးလ်” အမည်ရှိ စာမျက်နှာ ၃၂ မျက်နှာပါ စာအုပ် ၆၅၀၀၀ ကိုလည်း ထုတ်ဝေခဲ့သည်။
ထို့ပြင် ပြိုင်ပွဲစတင်သည့်အချိန်မှစ၍ အစ္စလာမ်အကြောင်း မေးမြန်းနိုင်သည့် တယ်လီဖုန်းဝန်ဆောင်မှုတစ်ခုကိုလည်း ထားရှိထားသည်။ ထိုဝန်ဆောင်မှုကို တစ်နေ့လျှင် ၁၂ နာရီထားရှိပြီး အင်္ဂလိပ်၊ အာရဗီ၊ စပိန်၊ ပြင်သစ်နှင့် ပေါ်တူဂီ ဘာသာစကားတို့ဖြင့် နေ့စဉ် ၁၂ နာရီကြာ မေးမြန်းနိုင်မည်သည်။
၂၀၀၁ ခုနှစ် သန်းခေါင်စာရင်းကောက်ယူမှုအရ ဘရာဇီးလ်တွင် အစ္စလာမ်ဘာသာဝင်ဦးရေ ၂၇၂၃၉ ဦးရှိသည်ဟု သိရသော်လည်း ဘရာဇီးလ်အစ္စလာမ်အဖွဲ့ချုပ်ကမူ နိုင်ငံတစ်ဝှမ်း အစ္စလာမ်ဘာသာဝင်ဦးရေမှာ သန်းဝက်ခန့်ရှိမည်ဟု ပြောကြားထားသည်။
Fuminense Federal တက္ကသိုလ်မှ အစ္စလာမ်ရေးရာကျွမ်းကျင်သူ ပေါ်လိုပင်တိုကမူ ဘရာဇီးလ်ရှိ အစ္စလာမ်ဘာသာဝင်အရေအတွက်မှာ ၁ သန်းရှိမည်ဟု ခန့်မှန်တွက်ချက်ထားသည်။
မည်သို့ပင်ဖြစ်စေ ဘရာဇီးလ်တွင် အစ္စလာမ်ဘာသာဝင်များတိုးတက်လာခြင်းကို နိုင်ငံတစ်ဝှမ်း လျင်မြန်စွာ တိုးပွားလာခဲ့သည့် ဗလီဝတ်ကျောင်းတော်များ၏ အရေအတွက်ကို ကြည့်ခြင်းအားဖြင့် သိနိုင်လေသည်။ ယခုအခါ ဘရာဇီးလ်တွင် ဗလီဝတ်ကျောင်းတော်ပေါင်း ၁၂၇လုံးရှိပြီး ၂၀၀၀ ခုနှစ်က အရေအတွက်ထက် လေးဆ တိုးလာခဲ့သည်။
