မေ ၂၃ ၊ ၂၀၁၄
M-Media
မြောက်ကိုရီးယား ဒုံးကျည်ပစ်လွှတ်မှု တောင်ကိုရီးယား သမ္မတ အရေးပေါ်အစည်းအဝေးခေါ်၊ ရန်စမှုကိုတုံ့ပြန်ရန် အဆင့်သင့်ဖြစ်နေရမည်ဟု ညွှန်ကြားခဲ့
– မြောက်ကိုရီးယားမှ ပစ်လွှတ်လိုက်သော ဒုံးကျည် တောင်ကိုရီးယား စစ်သင်္ဘော အနီးကျရောက်ခဲ့ပြီးနောက် တောင်ကိုရီးယား သမ္မတ ပတ်ဂျုံဟေးက ယနေ့နံနက်တွင် အရေးပေါ်အစည်းအဝေး ခေါ်ယူခဲ့သည်ဟုသိရသည်။
၁ နာရီခန့် ကြာမြင့်ခဲ့သည့် အဆိုပါ အစည်းအဝေးတွင် နိုင်ငံခြားရေးရာ၊ ကာကွယ်ရေး၊ နှစ်နိုင်ငံပေါင်းစည်းရေးဝန်ကြီးများအပါအ၀င် သမ္မတရုံး အတွင်းရေးမှူး အကြီးအကဲလည်း တက်ရောက်ခဲ့ပြီး မြောက်ကိုရီးယား၏ ရန်စမှုများကို မည်ကဲ့သို့ တုန့်ပြန်သွားမည်ဆိုသည်နှင့် ပတ်သက်ပြီး ဆွေးနွေးခဲ့ကြသည့် သမ္မတရုံးပြောရေး ဆိုခွင့်ရှိသူ မင်ကျောင်ဝုက သတင်းစာ ရှင်းလင်းပွဲတွင် အကျဉ်းချုံးပြောကြားခဲ့သည်။
ထိုအစည်းအဝေးတွင် ပတ်ဂျုံဟေးက ခရီးသည်တင် သင်္ဘောနစ်မြုပ်မှုကြောင့် တစ်နိုင်ငံလုံး ပူးဆွေးနေချိန်တွင် မြောက်ကိုရီးယား၏ ထိုကဲ့သို့ ရန်စမှုမှာ လွန်စွာ စိတ်ထိခိုက်စရာဖြစ်သည်ဟု ပြောကြားခဲ့ပြီး၊ တုံ့ပြန်ရန်အတွက် အဆင့်သင့်ပြင်ထားရန်နှင့် အမေရိကန်၊ တရုတ်နိုင်ငံအပါအ၀င် အခြားသောနိုင်ငံများနှင့် ကာကွယ်ရေး ပူးပေါင်းဆောင်ရွက်မှုများ တိုးမြှင့်သွားရန် ညွှန်ကြားခဲ့သည်။
မြောက်ကိုရီးယားမှ ယမန်နေ့က နှစ်ကြိမ်တိုင်တိုင် ပစ်ခတ်ခဲ့သော ဒုံကျည်းများမှာ ကိုရီးယားပင်လယ်ရှိ မြောက်ပိုင်းကန့်သတ်လိုင်းတွင် ကင်းလှည့်နေသည့် တောင်ကိုရီးယား စစ်သဘောင်္အနီး ကျရောက်ခဲ့သည်။ တောင်ကိုရီးယားဘက်မှလည်း ပြန်လည်ပစ်ခဲ့မှုများ ပြုလုပ်ခဲ့ပြီး သေဆုံး ဒဏ်ရာရမှုများ မရှိချေ။
ဆင်ဟွာ
