မေ ၉ ၊ ၂၀၁၄
M-Media
– ဥရောပ ပါလီမန်တွင် တာဝန်ထမ်းဆောင်ရမည့် ဂရိကိုယ်စားပြု ကိုယ်စားလှယ်များ၏ အမည်စာရင်းတင်သွင်းရာတွင် ဟိဂျဗ်ဝတ်ဆင်သည့် ဂရိ မွတ်စလင် အမျိုးသမီးတစ်ဦး ပါဝင်လာသည်ဟု သိရသည်။
“ကျွန်မရဲ့ သဘောထားတွေ ပေါ်လွင်တာကြောင့် ဂရိ Eco Green ပါတီကိုယ်စားပြုအဖြစ် ကျွန်မ အမည်စာရင်း တင်သွင်းခံခဲ့ရတာပါ။ ပတ်ဝန်းကျင် စိမ်းလန်းစိုပြေရေးကို အခြေခံတဲ့ ဒီနိုင်ငံရေးပါတီဟာ ဥရောပ ပတ်ဝန်းကျင်စိမ်းလန်းစိုပြေရေးအဖွဲ့ရဲ့ အဖွဲ့ဝင် ပါတီလည်း ဖြစ်ပါတယ်” ဟု နိုင်ငံရေးတက်ကြွလှုပ်ရှားသူ အန်နာ စတာမူက Anadolu သတင်းအေဂျင်စီနှင့် မေလ ၇ ရက်နေ့ အင်တာဗျူးတွင် ပြောကြားခဲ့သည်။ စတာမူမှာ ယခင်ယောဂ ဆရာမတစ်ဦးလည်းဖြစ်သည်။
ဂရိပတ်ဝန်းကျင်စိမ်းလန်းစိုပြေရေးပါတီမှ အမည်စာရင်းတင်သွင်းခြင်းခံခဲ့ရသည့် စတာမူမှာ မေလ ၂၅ ရက်နေ့တွင် ပြုလုပ်မည့် ပါလီမန်အမတ်ရွေးပွဲတွင် အရွေးခံခဲ့ရပါက ဥရောပပါလီမန်တွင် ဟိဂျဘ်ဝတ်၍ တာဝန်ထမ်းဆောင်မည့် ပထမဆုံး အမျိုးသမီးဖြစ်လာမည်ဖြစ်သည်။
စတာမူမှာ စီပွားစီမံဖြင့် ဘွဲရခဲ့ပြီး၊ ယခင်က ယောဂနည်းပြ ဆရာမဖြစ်သည်။ အော်သိုဒေါ့စ်ခရစ်ယာန်တစ်ဦးအဖြစ် မွေးဖွားလာခဲ့ခြင်းဖြစ်ပြီး ဘာသာတရားအားလုံးကို နှစ်ပေါင်းများစွာ လေ့လာခဲ့ပြီးနောက် အသက် ၃၀ အရွယ်တွင် အစ္စလာမ်သာသနာသို့ ကူးပြောင်းသက်ဝင်ခဲ့ခြင်းဖြစ်သည်။ ထိုကဲ့သို့ကူးပြောင်းခဲ့ပြီးနောက် နိုင်ငံရေးလောကထဲသို့ ခြေချခဲ့သည်။ စတာမူမှာ ဂရိ မွတ်စလင်အသင်းတွင် ပြည်သူ့ဆက်ဆံရေးတာဝန်ကိုလည်း ထမ်းဆောင်နေသည်။
မေ ၂၅ ရက်နေ့တွင် ကျင်းပမည့် ဥရောပါလီမန်ရွေးချယ်ပွဲတွင် ဂရိနိုင်ငံမှ ၂၁ နေရာဝင်ရောက်ယှဉ်ပြိုင်မည်ဖြစ်သည်။
နိုင်ငံရေးကို အသက်မွေးဝမ်းကြောင်းအဖြစ် ရွေးချယ်ခဲ့သည့် စတာမူမှာ နိုင်ငံအား အလုပ်အကျွေးပြုရန်နှင့် မွတ်စလင်လူ့အဖွဲ့အစည်းအတွက် တူညီသော အာမခံချက်ရရှိရန် မျှော်လင့်နေသည်။
ဥရောပ ပါလီမန်နေရာအတွက် ဟိဂျဘ်ဝတ်ဆင်ထားသည့် သူမအား အမည်စာရင်းတင်သွင်းခြင်းက လူများ၏ သွင်ပြင်လက္ခဏာကိုကြည့်၍ ခွဲခြားဆက်ဆံခြင်းကို တစ်စိတ်တစ်ပိုင်း ဆန့်ကျင်ခြင်းဖြစ်သည်ဟု စတာမူကဆိုပြီး၊ နိုင်ငံသားတိုင်းက တိုင်းပြည်အတွက် အလုပ်လုပ်သင့်သည်ဟု ထည့်သွင်းပြောကြားခဲ့သည်။
ဂရိနိုင်ငံ၏ လူဦးရေ ၁၀.၇ သန်း၏ ၁.၃ ရာခိုင်နှုန်းမှာ အစ္စလာမ်ဘာသာဝင်များဖြစ်ကြသည်။
OnIslam & News Agencies
