ဧပြီ ၁၃၊ ၂၀၁၄
M-Media
– ကမ္ဘာပေါ်ရှိ သန်းပေါင်းများစွာသော အစ္စလာမ်ဘာသာဝင်များ၏ ရှောင်ရှားရမည့် တာဝန်ကို ဖြည့်ဆည်းရန်အတွက် ဟလာလ် ကာကွယ်ဆေးကို ထုတ်လုပ်နိုင်ရန် မလေးရှားရှိ ကော်ပိုရေးရှင်းတစ်ခုက ဆောင်ရွက်နေသည်ဟု သိရသည်။
ဦးနှောက်အမှေးရောင်ရောဂါ၊ အသည်းရောင်ရောဂါနှင့် meningococcal ရောဂါတို့အတွက် ကာကွယ်ဆေးများဖြစ်ပြီး မလေးရှားအခြေစိုက် ဟာလာလ်ထုတ်ကုန်များ ဖွံ့ဖြိုးတိုးတက်ရေးကော်ပိုရေးရှင်း HDC မှ ထုတ်လုပ်ရန် ဆောင်ရွက်နေခြင်းဖြစ်ကာ ၂၀၁၇ ခုနှစ်တွင် စတင်အသုံးပြုနိုင်ရန် မျှော်မှန်းထားသည်။
“ကာကွယ်ဆေးတွေကို ဟာလာလ်ဖြစ်အောင်လုပ်နိုင်တဲ့ နည်းလမ်းတွေကို ကျွန်တော်တို့ ရှာဖွေနေပါတယ်။ မြန်နိုင်သလောက်မြန်မြန်ပြီးဖို့ ကျွန်တော်တို့ မျှော်လင့်ထားပါတယ်။ အဲဒီ ကာကွယ်ဆေးတွေကို ဒေသတွင်းနဲ့ နိုင်ငံတကာက သိပ္ပံပညာရှင်တွေ၊ ရှရီအာကျွမ်းကျင်သူတွေနဲ့ အတူ အာရုံစိုက်လုပ်ဆောင်နေတာပါ” ဟု DHC မှ အမှုဆောင်အရာရှိချုပ် ဂျာမီလ်ဘိုင်ဒင်က ပြောကြားခဲ့သည်။
ထိုရောဂါများအတွက် ဟာလာလ်ကာကွယ်ဆေးထုတ်ရန် ကန်ဒေါ်လာ သန်း ၁၀၀ နီးပါးကုန်ကျမည်ဖြစ်ပြီး HDC နှင့် ဆော်ဒီ ကုမ္ပဏီတစ်ခုတို့က ပူးပေါင်းဆောင်ရွက်နေခြင်းဖြစ်ဖြစ်သည်။ ထိုကာကွယ်ဆေး အသစ်များကို အစ္စလာမ့်နည်းကျ လှီးဖြတ်ထားသော သားကောင်များမှ ရယူမည်ဖြစ်ပြီး၊ ၀က်မှထုတ်လုပ်ခြင်းပြုမည် မဟုတ်ပေ။
လက်ရှိ ဦးနှောက်အမှေးရောင် ကာကွယ်ဆေးကို အနောက်နိုင်ငံများက ၀က်မှထုတ်လုပ်ခြင်းဖြစ်ပြီး အစ္စလာမ်ဘာသာဝင်များနှင့် သင့်တော်ခြင်းမရှိချေ။
ဟဂ်ျဘုရားဖူးများအတွက် ၀န်ဆောင်မှု
လက်ရှိ ဦးနှောက်အမှေးရောင် ကာကွယ်ဆေးကို အနောက်နိုင်ငံများက ၀က်မှထုတ်လုပ်ခြင်းဖြစ်ပြီး အစ္စလာမ်ဘာသာဝင်များနှင့် သင့်တော်ခြင်းမရှိချေ။ ကမ္ဘာ့ပထမဆုံး ဟလာလ် ဦးနှောက်အမှေးရောင် ကာကွယ်ဆေးကို မက္ကာဟ်မြို့သို့ ဟဂ်ျဘုရားဖူးလာရောက်ကြသူများအား ထိုးပေးသွားမည်ဟု ဆိုသည်။
“ဟဂ်ျဘုရားဖူးလာရောက်ကြမယ့် ခရီးသည်တွေ အတွက် လိုအပ်တဲ့ ဦးနှောက်အမှေးရောင် ကာကွယ်ဆေး ထုတ်နိုင်အောင် ကျွန်တော်တို့ ပစ်မှတ်ထားလုပ်ဆောင်နေပါတယ်။ အခုသုံးနေတဲ့ဆေးတွေက ၀က်ကို အခြေခံပြီး ထုတ်ထားတာပါ” ဟု ဘိုင်ဒင်က ဆိုသည်။
ထို့ပြင် ၀က်မဟုတ်ဘဲ အခြားသော သတ္တ၀ါများကို အခြေခံကာ ထုတ်လုပ်ထားသည့် အဆိုပါကာကွယ်ဆေးများမှာ မွတ်စလင်နှင့် မွတ်စလင် မဟုတ်သူများ အကြားတွင်ပါ ဈေးကွက်လိုအပ်ချက် မြင့်မားလာမည်ဖြစ်ကြောင်း၊ ယခုလုပ်ဆောင်နေသည့် ကာကွယ်ဆေးသုံးမျိုး ထုတ်လုပ်ပြီးပါက အခြားသော ကာကွယ်ဆေးများကိုလည်း ဆက်လက်ထုတ်လုပ်သွားမည်ဖြစ်ကြောင်း ၎င်းက ထပ်လောင်းပြောကြားခဲ့သည်။
ဦးနှောက်အမှေးရောင်ရောဂါမှာ ဦးနှောက်နှင့် စပိုင်နယ်ကော့ဒ်ရှိ ပါးလွှာသော အမှေးပါးရောင်ရမ်းသည့် ရောဂါဖြစ်ပြီး၊ ဦးနှောက်ပျက်ဆီးခြင်း၊ နားထိုင်းခြင်းနှင့် ဥာဏ်မမှီခြင်း စသည့် အကျိုးဆက်များကိုဖြစ်ပေါ်စေနိုင်သည်။ ထိုရောဂါဖြစ်ပွားသည့် လူနာများ၏ ၅ ရာခိုင်နှုန်းမှ ၁၀ ရာခိုင်နှုန်းမှာ သေဆုံးကြသည်ဟု ကမ္ဘာ့ကျန်းမာရေးအဖွဲ့ WHO ၏ စစ်တမ်းများအရ သိရသည်။
OnIslam & Newspapers
