ဧပြီ ၁၀၊ ၂၀၁၄
M-Media
ရှာဖွေတင်ပြသူ- Robert Elhose
” သူတစ်ပါး ၏ လွတ်လပ်မှု(လွတ်မြောက်မှု) ကို ငြင်းဆန်နေသူများ အနေဖြင့် ၎င်း တို့ကိုယ်တိုင်လည်း အဆိုပါ လွတ်လပ်မှု နှင့် လားလားမျှ မထိုက်တန် ”
(မတရားသဖြင့် လူမျိူးခွဲခြား သည့် ကျွန်စနစ်အား မဆုတ်မနစ် တွန်းလှန်ပယ်ရှား ဖျက်သိမ်း ခဲ့သည့် ၁၆ ဆက်မြောက် အမေရိကန်သမ္မတ အေဗရာဟင် လင်ကွန်း)
ဧပြီ ၉ ၊ ၂၀၁၄
M-Media
– ဆုဖလားများကို ရယူချင်ပါက အာဆင်နယ်အသင်းမှာ ခိုင်မာသောစိတ်ဓာတ်မျိုးရှိရန် လိုအပ်ပြီး ထိုကဲ့သို့ မလုပ်နိုင်ပါက အသင်းမှ ထွက်ခွာမည်ဟု အာဆင်နယ်အသင်းတိုက်စစ်မှူး ကာဇိုလာက ပြောကြားလိုက်သည်။
အာဆင်နယ်အသင်းမှာ ပရီးမီးယားလိဂ်နောက်ဆုံး လေးပွဲတွင် နိုင်ပွဲပျောက်ဆုံးနေခဲ့ပြီး ပရီးမီးယားလိဂ် ချန်ပီယံပြေးလမ်းကြောင်းမှ ထွက်ခွာခဲ့ရကာ ချန်ပီယံလိဂ်ဝင်ခွင့်အတွက်လည်း အဲဗာတန်အသင်းနှင့် အပြိုင်လုရဖွယ်ရှိနေသည်။
မာလာဂါအသင်းမှ အာဆင်နယ်အသင်းသို့ ၂၀၁၂ ခုနှစ်က ပြောင်းရွှေ့လာခဲ့သော်လည်း မိမိရှာဖွေနေသော အောမြင်မှုကို မတွေ့ရှိဟု ကာဇိုလာကဆိုပြီး ဆုတံဆိပ်များရရှိရန်အတွက် အသင်းပြောင်းရန် ပြင်ဆင်နေသည်ဟုလည်း ဖွင့်ဟခဲ့သည်။
“ကျွန်တော် ဆုဖလားတွေ လိုချင်တာကြောင့် အာဆင်နယ်ကို လာခဲ့တာပါ။ ဘောလုံးသမားတိုင်းဟာ ဆုဖလားတွေကို ရချင်ပါတယ်။ ကျွန်တော်တို့ဟာ ဖလားတစ်လုံးမှ မရဘဲ နှစ်တွေအများကြီး ကုန်ဆုံးခဲ့ပါတယ်။ တကယ်လို့ ဆုဖလားတွေ မရရင်တော့ နောက်ထပ်ကျွန်တော်ရှာဖွေတဲ့လမ်းက ဆုဖလားတွေရဖို့ အခွင့်အရေးပါပဲ” ဟု ကာဇိုလာက Sport360 သို့ ပြောကြားခဲ့သည်။
ထို့ပြင် မန်စီးတီးနှင့် မန်ယူအသင်းများက လိုအပ်သောကစားသမားများကို ၀ယ်ယူခဲ့ပြီး၊ အာဆင်နယ်အသင်းမှာလည်း လာမည့်ရာသီတွင် မည်သည့်ကစာသမားများ ၀ယ်ယူရမည်ကို သိရှိကြောင်း၊ ထိုကစားသမားများမရှိဘဲ မိမိတို့အနေဖြင့် ဆုဖလားများရရှိမည်မဟုတ်ကြောင်း ကာဇိုလာက ထပ်လောင်းပြောကြားခဲ့သည်။
အာဆင်နယ်အသင်းမှာ ယခုနှစ်ရာသီအစတွင် ခြေစွမ်းကောင်းများကိုပြသခဲ့သော်လည်း ကစားသမာများ ဒဏ်ရာရရှိမှု ပွဲထွက်ကစားသမားများမှာလည်း ခြေစွမ်းမပြနိုင်မှုတို့ကြောင့် နောက်ပိုင်းတွင် ရုန်းကန် လာခဲ့ရသည်။ ယခုနှစ်တွင် မည်သည့်ဖလားမှ မရပါက အာဆင်နယ်အသင်းအတွက် ၉ နှစ်မြောက် ဖလားလက်မဲ့ရာသီဖြစ်လာမည်ဖြစ်သည်။
ဧပြီ ၉ ၊ ၂၀၁၄
M-Media
– ယနေ့ညတွင်ကစားမည့် ချန်ပီယံလိဂ်ပွဲတွင် မိမိတို့မှာ အက်သလက်တီကို အသင်းအား ဖြတ်ကျော်နိုင်မည်ဖြစ်သော်လည်း ခြေချော် ခဲ့ပါက ပေးဆပ်မှုကြီးမားမည်ဟု ဘာစီလိုနာ အသင်း၏ ၀ါရင့် ကွင်းလယ်လူ အင်နီယေစတာက ပြောကြားလိုက်သည်။
ဘာစီလိုနာအသင်းမှာ ပြီးခဲ့သည့်တစ်ပတ်က ချန်ပီယံလိဂ် ကွာတားဖိုင်နယ် ပထမအကျော့ပွဲအဖြစ် အက်သလက်တီကိုနှင့် အိမ်ကွင်းတွင် ကစားခဲ့ပြီး ၁ ဂိုးစီအ သရေကျခဲ့သည်။ ထို့ကြောင့် ယနေ့ည အဝေးကွင်းတွင် ကစားမည့် ဒုတိယအကျော့ပွဲစဉ်မှာ ဘာကာအတွက် ခက်ခဲဖွယ်ရှိနေသည်။
အသင်း၏ ၀ါရင့်ကွင်းလယ်ကစားသမား အင်နီယေစတာကမူ ဘာကာ အသင်းသားများမှာ အက်သလက်တီကို အသင်းအား ဖြုတ်ချရန်အတွက် အကောင်းဆုံး အနေအထားတွင်ရှိမည်ဟု ယုံကြည်နေသည်။
“ပွဲကောင်းတစ်ပွဲကို ကစားရပြီး ကျွန်တော်တို့ရောက်ချင်တဲ့ ဆီမီးဖိုင်နယ်ကို ရောက်မယ်ဆိုရင် ကောင်းမှာပါ။ ပွဲအစကနေ အဆုံးထိ ပြင်းထန်မယ်ဆိုတာ ကျွန်တော်တို့သိထားပြီး တိုက်ပွဲဝင်သွားမှာပါ” ဟု အင်နီယေစတာက ဆိုသည်။
ယနေ့ညတွင်ကစားမည့် ချန်ပီယံလိဂ်ပွဲစဉ်မှာ မိမိအတွက် ဘာစီလိုနာအသင်းနှင့် ပွဲ ၅၀၀ မြောက်ဖြစ်ပြီး၊ သမိုင်းမှတ်တိုင်ဖြစ်လာမည့်အတွက် ဂုဏ်ယူမိကြောင်း ၎င်းက ထည့်သွင်းပြောကြားခဲ့သည်။ ဘာစီလိုနာနှင့် အက်သလက်တီကိုတို့မှာ ယခုနှစ် ဘောလုံးရာသီတွင် ၎င်းကြိမ်တွေ့ဆုံထားပြီး အကြိမ်တိုင်း သရေကျခဲ့သည်။
ဧပြီ ၉၊ ၂၀၁၄
M-Media
လမင်း
ရန်ကုန်။ ။ မဟာသင်္ကြန်ကာလအတွင်း ဧပြီလ ၁၃ ရက်နေ့မှ ၁၆ ရက်နေ့အထိ ရန်ကုန်မြို့ရှိအချို့လမ်းများကို နံနက် ၆ နာရီမှ ညနေ ၆ နာရီအတွင်း တစ်လမ်းမောင်းစနစ်ကျင့်သုံးသွားမည်ဖြစ်ကြောင်း သိရသည်။
တစ်လမ်းမောင်းစနစ် ကျင့်သုံးရမည့်လမ်းများမှာ ဆရာစံလမ်း (ကမ္ဘာအေးစေတီလမ်းဆုံမှ စက်မှု ၁ လမ်းဆုံ)အထိ၊ မဟာဗန္ဓုလလမ်း (ပန်းဆိုးတန်းမှ ဆူးလေဘုရားလမ်း) အထိ၊ ကန်တော်ကြီးပတ်လမ်း စသည့်နေရာများတွင် တစ်လမ်းမောင်းစနစ်သာ ကျင့်သုံးရမည်ဖြစ်ကြောင်း သိရသည်။
“အခုလိုတစ်လမ်းမောင်းစနစ် ကျင့်သုံးရတာဟာ ယာဉ်ကြောကျပ်တဲ့နေရာတွေကို လုပ်တာဖြစ်တယ်။ အရင်လိုပဲနှစ်လမ်းသွားဆိုရင် ဘယ်လိုမှ အဆင်ပြေမှာမဟုတ်ပါဘူး။ အခုလိုတစ်လမ်းသွားတွေ သတ်မှတ်ပေးလိုက်တော့ လမ်းတွေချာင် သွားပြီး သွားရတာအဆင်ပြေသွားမှာဖြစ်ပါတယ်” ရန်ကုန်တိုင်းဒေသကြီး ယာဉ်စည်းကမ်းထိန်းသိမ်းရေး ကြီးကြပ်မှုကော်မတီမှ အဆင့်မြင့် အရာရှိတစ်ဦးပြောခဲ့သည်။
သင်္ကြန်ကာလမှာရဲအင်အားတွေလည်း တိုးမြှင့်ထားပါတယ်။ အခုလိုယာဉ်ကြောတွေရှင်းသွားတော့ ယာဉ်တိုက်မှုတွေလည်း လျော့နည်းသွားအောင်ပြုလုပ်ကြောင်း သိရသည်။ တစ်လမ်းသွား အဖြစ်ပြုလုပ်မည့် လမ်းများကိုလည်း ရုပ်မြင်သံကြား၊ သတင်းစာများတွင် ထည့်သွင်း၍ အသိပေးကြေညာထားကြောင်းလည်း သိရသည်။
ဧပြီ ၉၊ ၂၀၁၄
M-Media
လမင်း
ရန်ကုန်။ ။ မကွေးမြို့နယ် ပညာရေးဌာနက တရားလိုပြုကာ DVB သတင်းထောက်ကိုဇော်ဖေ(ကိုသူရသက်တင်)နှင့် ကျောင်းသားမိဘ ကိုဝင်းမြင့်လှိုင်ကို ၀တ္တရားနှောင့်ယှက်မှု၊ ပိုင်နက် ကျူးလွန်မှု ပုဒ်မ-၃၅၃၊ ၄၄၈ တို့နှင့် ၂၀၁၂ ခုနှစ်ကတရားစွဲခဲ့ပြီး ၂၀၁၄ ဧပြီလ ၇ ရက်နေ့တွင် ထောင်ဒဏ် ၁ နှစ်ချမှတ်ခဲ့သည်။ အဆိုပါကိစ္စနှင့် ပတ်သက်ပြီး မိခင်သတင်းဌာန DVB က အောက်ပါအတိုင်း သတင်းထုတ်ပြန်ခဲ့ပါသည်။
* သတင်းထောက် ကိုဇော်ဖေ (သူရသက်တင်)သည် အများပြည်သူသိလိုသော ပညာသင်ဆုဆိုင်ရာ သတင်းကို မြို့နယ်ပညာရေးဌာနမှတဆင့် ရယူခဲ့ခြင်းမှာ သတင်းထောက် တယောက်၏ အလုပ်ကို တာဝန်သိသိ လုပ်ကိုင်ဆောင်ရွက်ခဲ့ခြင်း သာ ဖြစ်ကြောင်း DVB သတင်းဌာနက ယုံကြည်ပါသည်။
* ထိုကြောင့် သတင်းထောက် ကိုဇော်ဖေ (သူရသက်တင်) အား ပြစ်ဒဏ်ချမှတ်မှုကိုDVB သတင်းဌာနအနေနှင့် လုံးဝ ကန့်ကွက်ရှုတ်ချပါသည်။
* မြန်မာနိုင်ငံတွင် စာနယ်ဇင်းလွတ်လပ်ခွင့်ဆိုင်ရာ ပြုပြင်ပြောင်းလဲရေးကို လုပ်ဆောင်နေသည်ဟု တာဝန်ရှိသူများက ပြောဆိုနေချိန်တွင် ယခုကဲ့သို့ သတင်းထောက် ကိုဇော်ဖေ (သူရသက်တင်) အား ထောင်ဒဏ်ချမှတ်ခြင်းသည် စာနယ်ဇင်းနှင့် သတင်းလွတ်လပ်ခွင့်ကို ပိတ်ပင် တားမြစ်ခြင်းဟု DVB သတင်းဌာနက ယုံကြည်သည်။
* DVB သတင်းထောက် ကိုဇော်ဖေ (သူရသက်တင်) နှင့် အမှုတွဲ ကိုဝင်းမြင့်လှိုင်တို့အား ခြွင်းချက်မရှိ ပြန်လည်လွှတ်ပေးရန် တောင်းဆိုသည်။
သမ္မတဦးသိန်းစိန် အစိုးရတက်လာပြီး စာပေစိစစ်ရေး ဖျက်သိမ်းကာ စာပေလွတ်လပ်ခွင့်ရပြီးနောက်ပိုင်း သတင်းမီဒီယာလောကတွင် Daily Eleven သတင်းဌာနမှ သတင်းထောက်တစ်ဦးဖြစ်သူ မခိုင်သည် အသေရေဖျက်မှု၊ ပိုင်နက်ကျူးလွန်မှု စွဲချက်များဖြင့် ထောင်ဒဏ်သုံးလချမှတ်ခံခဲ့ရပြီး Unity ဂျာနယ်မှ ဂျာနယ်လစ်လေးဦးကိုလည်း ဖမ်းဆီးချူပ်နှောက်ထားပြီး နိုင်ငံတော်လျှိူ့ဝှက် အက်ဥပဒေအရ တရားစွဲဆိုကာ စစ်ဆေးမှုများပြုလုပ်လျှက်ရှိပြီး ထောင်ဒဏ် ၁၄ နှစ်ထိကျခံရဖွယ်ရှိကြောင်း သိရသည်။