ဇွန် ၁၃၊ ၂၀၂၁
M-Media
-ဖွံ့ဖြိုးဆဲနိုင်ငံတွေမှာ အခြေခံအဆောက်အဦးတွေ ကူညီဆောက်လုပ်ပေးမယ့် အစီအစဉ်တစ်ခုကို စက်မှုထိပ်သီးနိုင်ငံများအဖွဲ့ G7 က ကြေငြာလိုက်ပြီး တရုတ်ရဲ့ ခါးပတ်တစ်ကွင်းလမ်းတစ်စင်း (BRI) စီမံကိန်းကို တန်ပြန်ဖို့ ဖြစ်ပါတယ်။
ယူကေမှာလုပ်တဲ့ G7 ထိပ်သီးအစည်းအဝေးမှာ မနေ့က ထုတ်ပြန်တဲ့ အစီအစဉ်ကို ‘ပိုကောင်းတဲ့ကမ္ဘာကြီးတည်ဆောက်စို့’ B3W လို့ အမည်ပေးထားပါတယ်။
တရုတ်ရဲ့ BRI စီမံကိန်းက နိုင်ငံတော်တော်များများမှာ ရထားလမ်း၊ ကားလမ်းနဲ့ ဆိပ်ကမ်းတွေအပါအဝင် အခြေခံအဆောက်အဦးတွေ ဆောက်လုပ်ပေးတာပါ။ ဒါပေမယ့် နိုင်ငံငယ်တွေကို အကြွေးထောင်ချောက်ထဲဝင်အောင်လုပ်ပြီး အပိုင်သိမ်းဖို့ကြံတယ်လို့ စွပ်စွဲခ့ထားရပါတယ်။
G7 ရဲ့ထုတ်ပြန်ချက်မှာ သူတို့ရဲ့ B3W အစီအစဉ်ဟာ အရည်အသွေးကို အဓိကထားပြီး ပွင့်လင်းမြင်သာမှုရှိတဲ့ ပူးပေါင်းဆောင်ရွက်မှုမျိုးနဲ့ ဖော်ဆောင်သွားမယ်လို့ ဖော်ပြထားပါတယ်။
ငွေကြေးကိစ္စအပါအဝင် စီမံကိန်းအသေးစိတ်ကို လတ်တလော ထုတ်ပြန်မှာမဟုတ်သေးဘူးလို့ ဂျာမနီအဓိပတိ အန်ဂျလာ မာကဲလ်က ပြောပါတယ်။
ကမ္ဘာတစ်ဝှမ်း ကိုဗစ်ကပ်ရောဂါတိုက်ဖျက်ရေး အားထုတ်လုပ်ဆောင်သွားမယ်လို့လည်း G7 နိုင်ငံတွေက သဘောတူညီခဲ့ကြပါတယ်။
Ref: BBC
