မတ်- ၅၊ ၂၀၁၄
M-Media
– ယူကရိန်းနိုင်ငံ အရှေ့တောင်ပိုင်း ခရိုင်းမီးယားဒေသရှိ စစ်သားများမှာ ရုရှားစစ်သားများ မဟုတ်ဟု ရုရှားနိုင်ငံခြားရေးဝန်ကြီး လာဗရော့က ယမန်နေ့တွင် ပြောကြားလိုက်သည်။
စပိန်နိုင်ငံသို့ ၂ ရက်ကြာ အလည်အပတ်ရောက်ရှိနေသည့် လာဗရော့က မက်ဒရစ်မြို့တွင် ယူကရိန်းအရေးအရေး အကျဉ်းချုပ်အား ပြောကြားခဲ့ပြီး၊ ရုရှားရုပ်သံမှ ယနေ့တွင် ထုတ်လွှင့်ပြသခဲ့သည်။ ထိုပြောကြားချက်တွင် လာဗရော့က ခရိုင်းမီးယား၌ တပ်ဖြန့်ချထားသော စစ်သားများမှာ ရုရှားများမဟုတ်ကြောင်း၊ ထိုစစ်သာများမှာ ရုရှား၏အမိန့်ကို မနာခံသောကြောင့် ပြန်ခေါ်၍ မရကြောင်း၊ ပင်လယ်နက်အတွင်းရှိ ရုရှားရေတပ်မှာ ပုံမှန်အနေအထားအတိုင်းပင် ရှိနေကြောင်း ၎င်းက အခိုင်အမာပြောကြားခဲ့သည်။
ထို့ပြင် ယူကရိန်းအစိုးရအနေဖြင့် မိမိ၏နိုင်ငံသားများအား တိုက်ခိုက်ခြင်းအပါအ၀င်၊ နိုင်ငံအတွင်း သွေးထွက်သံယို ဖြစ်ပွားမှုများကို ရပ်တန့်ရန်နှင့် နိုင်ငံတကာမှ လေ့လာသူများ ခရိုင်းမီးယား ဒေသအတွင်းသို့ ၀င်ရောက်ခွင့်ပြုရန်ကိုလည်း တိုက်တွန်းခဲ့သည်။
လာဗရော့က ထိုကဲ့သို့ပြောကြားခဲ့သော်လည်း ရုရှားနိုင်ငံကမူ အဆင့်မြှင့်တင်ထားသည့် တိုက်ချင်းပစ်ဒုံးကျည်တစ်စင်းကို ယမန်နေ့က အောင်မြင်စွာ စမ်းသပ်ပစ်လွှတ်ခဲ့ပြီး၊ ပစ်မှတ်ကိုလည်း အတိအကျထိခဲ့ကြောင်း ရုရှားထိပ်တန်း ကာကွယ်ရေးအရာရှိတစ်ဦးက ပြောကြားခဲ့သည်။
ယူကရိန်း ကြားဖြတ်ဝန်ကြီးချုပ် ယက်ဆန်ယွတ်ကမူ ခရိုင်းမီးယားတွင်ဖြစ်ပွားနေသည့် တင်းမာမှုများအားဖြေရှင်းရန်အတွက် ရုရှားအစိုးရနှင့် ဆက်သွယ်မှုများပြုလုပ်ခဲ့သည်ဟု ယမန်နေ့တွင် ပြောကြားခဲ့သည်။ သို့သော် ထိုသတင်းအား ရုရှားဘက်မှ တုံ့ပြန်ခဲ့ခြင်းမရှိပေ။
