Blog

လီဗာပူးလ်နိုင်ပြီး အဆင့် ၂ ရောက်၊ စပါးနဲ့ အက်စတွန်ဗီလာတို့ နိုင်ခဲ့တဲ့ ပရီးမီးယားလိဂ် ပွဲစဉ် ၂၈ ဆူပါဆန်းဒေးပွဲများ

မတ်- ၃၊ ၂၀၁၄
M-Media

– ပရီးမီးယားလိဂ် ပွဲစဉ် ၂၈ ရဲ့ လက်ကျန် ၄ ပွဲကိုတော့ မနေ့က ကစားခဲ့ပြီး လီဗာပူးလ်၊ စပါးနဲ့ အက်စတွန်ဗီလာတို့ အနိုင်ရခဲ့ကာ ဆွမ်ဆီးကတော့ ခရစ္စတယ်ပဲလေ့စ်နဲ့ သရေကျခဲ့ပါတယ်။

ပထမအကျော့မှာ ဆောက်သက်တမ်ကို ရှုံးခဲ့တဲ့ လီဗာပူးလ်တို့ ဒီနေ့ပွဲမှာတော့ အမှားအယွင်း မရှိခဲ့ဘဲ၊ ဆွာရက်ဇ်၊ စတာလင်၊ ဂျရတ်တို့ရဲ့ဂိုးတွေနဲ့ အနိုင်ရခဲ့ပါတယ်။ ပွဲစကတည်းက လီဗာပူးလ်တို့ အသာရခဲ့ပြီး တစ်ပွဲလုံး ဆောက်သက်တမ်ဘက်ကို ဖိကစားနိုင်ခဲ့ပါတယ်။ ဒီပွဲဟာ တိုက်စစ်မှူး ဆွာရက်ဇ်ရဲ့ ပရီးမီးယားလိဂ်ပွဲ ၁၀၀ ပြည့်မြောက်တဲ့ ပွဲလည်းဖြစ်တယ်။

နောက်ဆုံးလေးပွဲမှာ သုံးပွဲအထိ ရှုံးထားတဲ့ အက်စတွန်ဗီလာတို့ ဒီပွဲမှာ နော်ဝစ်ခ်ျကို ဂိုးပြတ်နဲ့ နိုင်ခဲ့ပါတယ်။ ဒါပေမယ့် နော်ဝစ်ခ်ျက ပွဲအစ ၃ မိနစ်မှာပဲ ဦးဆောင်ဂိုးရခဲ့တာပါ။ ဘောလုံးပိုင်ဆိုင်မှု သိပ်မကွာဘဲ၊ ဂိုးသွင်းကလည်း နော်ဝစ်ခ်ျ ထက်နည်းကာ ၆ ကြိမ်ပဲ ရှိခဲ့တဲ့ ဗီလာတို့ ၄ ဂိုးရခဲ့တာက အံ့သြစရာဖြစ်ပြီး တိုက်စစ်မှူးတွေကို ချီးကျူးရမှာပါ။ ဒီပွဲရဲ့ ဂိုး ၅ ဂိုးစလုံးကို ပထမပိုင်းမှာပဲ ရခဲ့တာကတော့ ထူးခြားချက်တစ်ခုပါပဲ။

တင်ရှားဝုဒ်ရဲ့စပါးကလည်း အိမ်ကွင်းဝှိုက်ဟတ်လိန်းမှာ အဆင့် ၁၉ က ကာဒစ်ဖ်ကို အနိုင်ရခဲ့ပါတယ်။ ချန်ပီယံလိဂ် ၀င်ခွင့် မှန်းနေတဲ့ စပါးတို့ရဲ့ ဒီအနိုင်ဟာ ထိုက်တန်ခဲ့ပြီး ဂိုးသွင်းခွင့် အချို့ရခဲ့ပေမယ့် အသုံးမချနိုင်ခဲ့တာကြောင့် ၁ ဂိုးနဲ့သာ ကျေနပ်ခဲ့ ရတာပါ။ အိမ်ရှင်အသင်း အတွက် တစ်လုံးတည်းသော အနိုင်ဂိုးကိုတော့ စပိန်တိုက်စစ်မှူး ဆိုလ်ဒါဒိုက ပထမပိုင်း ၂၈ မိနစ်မှာ သွင်းယူပေး ခဲ့ပါတယ်။။ ဒီဂိုးဟာ သူရဲ့ ၂ လကျော်ကြာ ဂိုးမိုးခေါင်မှုကို အဆုံးသတ်နိုင်ခဲ့တာလည်း ဖြစ်ပါတယ်။ ကာဒစ်ဖ်ကတော့ စက်တင်ဘာလကတည်းက အဝေးကွင်း တစ်ပွဲမှ မနိုင်သေးဘဲ တန်းဆင်းရဖို့ အန္တရာယ်ဟာ တစ်ဖြည်းဖြည်းနဲ့ နီးနီလာပါပြီ။

ကစားပုံကောင်းပေမယ့် ရလဒ်တွေကို မှန်းလို့မရတဲ့ ဆွမ်ဆီးအသင်းကတော့ ခရစ္စတယ်ပဲလေ့စ်ကို အိမ်ကွင်းမှာ သရေကျခဲ့ ပါတယ်။ ၂၅ မိနစ်မှာ ဦးဆောင် ဂိုးသွင်းနိုင်ခဲ့ပေမယ့် ၈၂ မိနစ်မှာ ဂလန် မာရေးက ပင်နယ်တီကတစ်ဆင့် ပဲလေ့စ်အတွက် ချေပဂိုး သွင်းယူပေးခဲ့တာကြောင့် သရေတစ်မှတ် ခွဲပေးလိုက်ရပါတယ်။

ဒီတစ်ပါတ်ပွဲစဉ် ၂၈ အပြီးမှာတော့ ချယ်ဆီးအသင်းကသာ ဇယားကို ဆက်လက်ဦးဆောင်ထားပြီး အာဆင်နယ် ရှုံးသွားတဲ့အတွက် ဆောက်သက်တမ်ကို အနိုင်ရခဲ့တဲ့ လီဗာပူးလ်တို့ အဆင့် ၂ ကို ရောက်လာပါတယ်။ ဇယားအောက်ခြေမှာတော့ သိပ်မပြောင်းခဲ့ဘဲ ဆန်းဒါးလန်း၊ ကာဒစ်ဖ်နဲ့ ဖူလ်ဟမ်တို့ပဲ တန်းဆင်းဇုန်းမှာ ဆက်ရှိနေပါတယ်။

ဒီတစ်ပတ်ရဲ့ ရလဒ်များကတော့ အောက်ပါအတိုင်းဖြစ်ပါတယ်။

ဆောက်သက်တမ် ၀-၃ လီဗာပူးလ်
အက်စတွန်ဗီလာ ၄-၁ နော်ဝစ်ခ်ျ
ဆွမ်ဆီး ၁-၁ ခရစ္စတယ်ပဲလေ့စ်
စပါး ၁-၀ ကာဒစ်ဖ်
အဲဗာတန် ၁-၀ ၀က်စ်ဟမ်း
ဖူလ်ဟမ် ၁-၃ ချယ်ဆီး
ဟားလ်စီးတီး ၁-၄ နယူးကာဆယ်
စတုတ်စီးတီး ၁-၀ အာဆင်နယ်
ဆောက်သက်တမ် ၀-၃ လီဗာပူးလ်

March 3, 2014
Capital One (ကာလင်း) ဖလားကို အကောင်းဆုံး ဂိုး ၂ ဂိုးနဲ့ ၀င်ဘလေမှာ အရယူသွားတဲ့ မန်စီးတီး

မတ်လ- ၃၊ ၂၀၁၄
M-Media

– အင်္ဂလိပ် ကက်ပီတယ်ဝမ်းဖလား နောက်ဆုံးဗိုလ်လုပွဲကို မနေ့ညက ၀င်ဘလေကွင်းမှာ ကစားခဲ့ပြီး ပရီးမီးယားလိဂ် အသင်းတွေဖြစ်တဲ့ မန်စီးတီးနဲ့ ဆန်းဒါးလန်းတို့ ယှဉ်ပြိုင်ခဲ့ကြပါတယ်။

ပြီးခဲ့တဲ့နှစ်က FA ဖလားဗိုလ်လုပွဲမှာ တန်းဆင်းဇုန်းက ၀ီဂန်ကို မရှုံးသင့်ဘဲ ရှုံးနိမ့်ခဲ့ရပြီး ချန်ပီယံဖြစ်ခွင့် ဆုံးရှုံးခဲ့တဲ့ မန်စီးတီးတို့ ဒီပွဲမှတော့ အမှားအယွင်းမရှိခဲ့ဘဲဆန်းဒါးလန်းကို အနိုင်ကစားနိုင်ခဲ့ပါတယ်။

မန်စီးတီးအသင်းဟာ လူစုံပွဲထုတ်ခဲ့ပြီး ဒဏ်ရာကြောင့် အနားယူနေရတဲ့ အဂူရိုလည်း ဒီပွဲမှာ ပြန်ပါနိုင်ခဲ့ပါတယ်။ ပြိုင်ပွဲတစ်လျှောက် ဆောက်သက်တမ်၊ ချယ်ဆီး၊ မန်ယူတို့ကို ထိုက်ထိုက်တန်တန် ကျော်ဖြတ်လာခဲ့တဲ့ ဆန်ဒါးလန်းကလည်း ကက်တာမိုး၊ ဂျွန်ဆင်၊ ဘိုရီနီတို့နဲ့ လူစုံခဲ့ပါတယ်။

ပရီးမီးယားလိဂ် ပထမအကျော့မှာ အရှုံးပေးခဲ့ရတဲ့ ဆန်းဒါးလန်းကို မန်စီးတီးတို့ပွဲအစကတည်းက ကစားကွက်အသာနဲ့ ကစားနိုင်ခဲ့ပေမယ့် ဦးဆောင်ဂိုးကိုတော့ ၁၀ မိနစ်မှာ ဆန်းဒါးလန်းက စရခဲ့တာပါ။ ဂျွန်ဆင်ရဲ့ ဖန်တီးပေးပို့မှုကတစ်ဆင့် ဘိုရီနီက ဧရိယာထိပ်ကနေ ကန်သွင်းယူခဲ့တာပါ။ မန်စီးတီးနောက်ခံလူ ကွန်ပနီရဲ့ ပေါ့ဆမှုကြောင့် ပေးလိုက်ရတာလည်း ဖြစ်ပါတယ်။

ဒါပေမယ့် ကစားကွက်ပိုင်းမှာတော့ မန်စီးတီးတို့ ဆက်လက်အသာရခဲ့ပါတယ်။ ဆန်းဒါးလန်းကလည်း တန်ပြန်တိုက်စစ်ကနေတစ်ဆင့် မန်စီးတီးကို ခြိမ်းခြောက်နိုင်ခဲ့ပြီး ဘိုရီနီရဲ့ ကြိုးပမ်းမှုတစ်ချို့ကလည်း ဂိုးရဖို့ နီးစပ်ခဲ့ပါတယ်။

ဒုတိယပိုင်းမှာတော့ ချေပဂိုးရဖို့ မန်စီးတီးတို့တင်ကစားလာခဲ့ပြီး ဂိုးသွင်းခွင့်တွေလည်း တော်တော်များများရခဲ့ပါတယ်။ မန်စီးတီးအသင်းအတွက် လိုအပ်နေတဲ့ ချေပဂိုးကိုတော့ ၅၅ မိနစ်မှာ ဇာဘလက်တာရဲ့ဖန်တီးမှုကတစ်ဆင့် ကွင်းလယ်လူ ယာယာတိုးယေးက ဧရိယာအပြင်ဘက် ခပ်လှမ်းလှမ်းကနေ ဂိုးသမားရဲ့ ညာဘက်ထောင့်ကို လှလှပပ သွင်းယူပေးခဲ့တာပါ။ ဒီဂိုးက ပွဲကိုအလှည့်အပြောင်းဖြစ်စေတယ်လို့ ဆန်းဒါးလန်း နည်းပြ ပိုယက်ကလည်း ပွဲအပြီးမှာ ၀န်ခံသွားခဲ့ပါတယ်။

ဆက်တိုက်ဆိုသလိုပဲ မန်စီးတီးတို့ ဦးဆောင်ဂိုးထပ်ရခဲ့ပြီး ၅၆ မိနစ်မှာ ကိုလာရော့ဗ်ရဲ့ နောက်တန်းက အဝေးဘောကန်တင်ပေးမှုကို နာဆရီက အကောင်းဆုံး အဆုံးသတ်ပေးနိုင်ခဲ့ပါတယ်။ ယာယာတိုယေး ကန်သွင်းခဲ့တဲ့ ထောင့်ကိုဘဲ အဝေးကနေ တိုးယေး ပုံစံအတိုင်း ကန်သွင်းယူပေးခဲ့တာပါ။ နာဆရီဟာ ဒီပွဲရဲ့ အကောင်းဆုံး ကစားသမားဆုကိုလည်း ရခဲ့ပါတယ်။ နောက်ပိုင်းမှာ ဆန်းဒါးလန်းက ဂိုးရဖို့အခွင့်အရေးတစ်ကြိမ်ထပ်ရခဲ့ပေမယ့် ဂိုးမဖြစ်ခဲ့ဘဲ ဒုတိယပိုင်း နောက်ဆုံးမိနစ်မှာ နာဗက်စ်က အနိုင်သေချာစေမယ့် ဒုတိယဂိုးကို သွင်းယူပေးခဲ့ပါတယ်။

ဒီပွဲနိုင်ခဲ့တာကြောင့် ပရီးမိးယားလိဂ်မှာ ၂ ပွဲလျော့နဲ့ အဆင့် ၄ နေရာရောက်နေတဲ့ မန်စီးတီး ဒီရာသီရဲ့ ပထမဆုံးဖလားကို ဆွတ်ခူးနိုင်ခဲ့ပြီး၊ နည်းပြ ပယ်လီဂရီနီရဲ့ ပထမဆုံးဖလားလည်းဖြစ်ပါတယ်။ မန်စီးတီးဟာ ကစားကွက်အသာ ဂိုးသွင်းခွင့် အသာနဲ့ ထိုက်ထိုက်တန်တန် အနိုင်ရခဲ့တာလည်းဖြစ်ပါတယ်။

“ကျွန်တော်တို့ အကောင်းဆုံးလုပ်ဆောင်ခဲ့ပါတယ်။ ဒါပေမယ့် ဒုတိယဦးဆောင်ဂိုးသွင်းဖို့ အခွင့်အရေးရခဲ့မယ်ဆိုရင်တော့ (ရလဒ်ဟာ) တစ်မျိုးဖြစ်ကောင်း ဖြစ်သွားနိုင်ပါတယ်။ ကျွန်တော်တို့အတွက် လုပ်ရမယ့်အရာအားလုံးကို ကျွန်တော်တို့သိခဲ့တယ်။ လုပ်လည်းလုပ်ခဲ့ပါတယ်။ ယာယာတိုးယေးရဲ့ဂိုးကတော့ ပြောင်မြောက်တဲ့ဂိုးဖြစ်ပြီး၊ နာဆရီရဲ့ဂိုးကလည်း ချီးကျူးစရာကောင်းတဲ့ဂိုးပါ။ တတ်နိုင်သလောက်တော့ ကျွန်တော်တို့ အားလုံးလုပ်ခဲ့ပါတယ်” ပိုယက် (ဆန်းဒါးလန်းနည်းပြ)

“ကျွန်တော် သိပ်ပျော်ပါတယ်။ ပြိုင်ပွဲတစ်လျှောက်လုံးမှာ ကျွန်တော်တို့ ကောင်းကောင်းကစားနိုင်ခဲ့ပြီး၊ ဂိုးလည်းတော်တော်များများသွင်းနိုင်ခဲ့တဲ့အတွက် ဒီဖလားဟာ အသင်းနဲ့ ထိုက်တန်ပါတယ်။ ဒီအနိုင်ဟာ အသင်းအတွက်၊ အသင်းသားတွေ၊ ၀န်ထမ်းတွေနဲ့ ကျွန်တော်တို့အားလုံးအတွက် သိပ်ကိုအရေးပါပါတယ်။ ဖလားတွေကို ရအောင်ယူရမယ့် အသင်းမှာ ကျွန်တော်ရောက်နေပါတယ်။ ဆန်းဒါးလန်းရဲ့ ကစားပုံလည်းတော်တော်ကောင်းခဲ့ပါတယ်” ပယ်လီဂရီနီ (မန်စီးတီးနည်းပြ)

Ref: Daily Mail

March 3, 2014
ပါလက်စတိုင်း ဖွံ့ဖြိုးတိုးတက်ရေး ညီလာခံ ဂျကာတာတွင်ကျင်းပ၊ ပါလက်စတိုင်း လွတ်လပ်ရေးအား အပြည့်အ၀ ထောက်ခံသွားမည်ဟု အင်ဒိုဆို

မတ်-၂ ၊ ၂၀၁၄
M-Media

– လွတ်လပ်သော ပါလက်စတိုင်းနိုင်ငံထူထောင်ရေးနှင့် ပါလက်စတိုင်းအား ပြည့်ဝသော အဖွဲ့ဝင်နိုင်ငံအဖြစ် ကုလမှ အသိအမှတ်ပြုရေးတို့အတွက် ချွင်းချက်မရှိ ထောက်ခံသွားမည်ဟု အင်ဒိုနီးရှားနိုင်ငံ သမ္မတ ဆူစီလို ဘမ်ဘန်း ယူဒိုယိုနိုက ပြောကြားခဲ့သည်။

ယမန်နေ့က အင်ဒိုနီးရှားနိုင်ငံ ဂျကာတာမြို့တွင် ကျင်းပပြုလုပ်ခဲ့သည့် ပါလက်စတိုင်း ဖွံ့ဖြိုး တိုးတက်ရေးအတွက် အရှေ့အာရှနိုင်ငံများ ပူးပေါင်းဆောင်ရွက်ရေး ညီလာခံ CEAPAD အဖွင့်မိန့်ခွန်းတွင် ယူဒိုယိုနိုက ထိုကဲ့သို့ ပြောကြားခဲ့ခြင်းဖြစ်သည်။

“လွတ်လပ်ပြီး စီးပွားကောင်းကောင်းလုပ်ဆောင်နိုင်တဲ့ ပါလက်စတိုင်းနိုင်ငံနဲ့ ကုလရဲ့ ပြည့်ဝတဲ့ အဖွဲ့ဝင်ဖြစ်လာခြင်းက ကမ္ဘာလုံးဆိုင်ရာ ငြိမ်းချမ်းရေးနဲ့ အရှေ့အလယ်ပိုင်း တည်ငြိမ်ရေးတို့ကို သေချာပေါက် ကူညီမှာပါ” ဟု ယူဒိုယိုနိုက ဆိုသည်။

ထို့ပြင် ပါလက်စတိုင်း၏ လွတ်လပ်ရေးကြိုးပမ်းမှုအား အားပေးထောက်ခံရန် ညီလာခံသို့ လာရောက်ကြသော အဖွဲ့ဝင်နိုင်ငံအားလုံးအား ယူဒိုယိုနိုက တိုက်တွန်းခဲ့ပြီး၊ ထိုအိပ်မက် အကောင်အထည်ဖော်ရန်အတွက် ပါလက်စတိုင်းပြည်သူများမှာ ၅၅ နှစ်ကြာ ရုန်းကန်နေခဲ့ရကြောင်း၊ အင်ဒိုနီးရှားအနေဖြင့် ပါလက်စတိုင်းအား နိုင်ငံရေး ထောက်ပံ့မှုသာမက၊ စီပွားရေးနှင့် ဖွံ့ဖြိုးတိုးတက်ရေး အကူအညီများကိုပါ ပေးသွားမည်ဟု ထည့်သွင်းပြောကြားခဲ့သည်။

ပါလက်စတိုင်းနိုင်ငံအား ထိုကဲ့သို့ စုပေါင်းကူညီမှုအတွက် ကျေးဇူးတင်မိကြောင်း၊ ရှေ့တွင် အခက်အခဲများ ရှိနေသော်လည်း နှစ်နိုင်ငံ ယှဉ်တွဲနေထိုင်ရေးမှာ တွေးဆနိုင်ပြီး လက်ခံနိုင်သည်ဟု ယုံကြည်ကြောင်း ပါလက်စတိုင်း ၀န်ကြီးချုပ် ရာမီ ဟမ်ဒဲလ်လာက ပြောကြားခဲ့သည်။

ဒုတိယအကြိမ်မြောက်ဖြစ်သည့် အဆိုပါ CEAPAD ညီလာခံကို ပါလက်စတိုင်းနိုင်ငံ ဖွံ့ဖြိုး တိုးတက်ရေးအတွက် လုပ်နိုင်စွမ်းများမြှင့်တင်ပေးရန် ကျင်းပခဲ့ခြင်းဖြစ်ပြီး နိုင်ငံ ၂၂ နိုင်ငံမှ ကိုယ်စားလှယ်အဖွဲ့ ၂၇ ဖွဲ့နှင့် နိုင်ငံတကာအဖွဲ့အစည်း ၅ ခုတို့မှ ကိုယ်စားလှယ်များ တက်ရောက်ခဲ့သည်။ အရှေ့အလယ်ပိုင်းဆိုင်ရာ တရုတ်အထူးကိုယ်စားလှယ် ၀ူဆိုင်ကီလည်း ထိုညီလာခံသို့ တက်ရောက်ခဲ့သည်။ CEAPAD ၏ ပထမဆုံးညီလာခံကို ပြီးခဲ့သည့်နှစ် ဖေဖော်ဝါရီလတွင် ဂျပန်နိုင်ငံ တိုကျိုမြို့၌ ကျင်းပပြုလုပ်ခဲ့သည်။

ကမ္ဘာ့ကုလသမဂ္ဂအဖွဲ့တွင် ပါလက်စတိုင်းနိုင်ငံအား လေ့လာသူအဖြစ် သတ်မှတ်ရန် ဆုံးဖြတ်ချက်ကို ၂၀၁၂ ခုနှစ် နှစ်ကုန်ပိုင်းက ပြုလုပ်ခဲ့သော ကုလအထွေထွေ ညီလာခံတွင် အတည်ပြုခဲ့ပြီး၊ ထိုအရာမှာ ပါလက်စတိုင်းများ နှစ်ပေါင်း များစွာ မျှော်လင့် တောင့်တနေသော အောင်မြင်မှုလည်းဖြစ်သည်။

အစ္စရေးကမူ ကုလ၏ ထိုဆုံးဖြတ်ချက်မှာ ငြိမ်းချမ်းရေးဆွေးနွေးပွဲအား ကြန့်ကြာစေလိမ့်မည်ဟု သတိပေးထားပြီး၊ အစ္စရေးနှင့် ငြိမ်းချမ်ရေး ဆွေးနွေးမှုများ ပြုလုပ်နေသော ပါလက်စတိုင်းတို့၏ စစ်မှန်သော လွတ်လပ်ရေးမှာ ယခုလက်ရှိတွင် အိပ်မက်အဖြစ်သာရှိနေသည်။
Ref: ဆင်ဟွာ

March 2, 2014
ယူကရိန်းရှိ ရုရှနွယ်ဖွားများအား ကာကွယ်ရန် အခွင့်ရေးရှိဟု ပူတင်က အိုဘားမားကို ပြော၊ ယူကရိန်းစစ်တပ် တပ်လှန့်ထား

မတ်-၂ ၊ ၂၀၁၄
M-Media

– ယူကရိန်းနိုင်ငံတွင် ရုရှားစစ်တပ်အား အသုံးပြုရန်အခွင့်အာဏာကို ရုရှား အထက်လွှတ်တော်က သမ္မတ ပူတင်ကိုအပ်နှင်းခဲ့ပြီးနောက် ယူကရိန်းနိုင်ငံကလည်း ၎င်း၏စစ်တပ်ကို အမြင့်ဆုံးအဆင့်တပ်လှန့်နှိုးဆော်ထားသည်ဟု သိရသည်။

နိုင်ငံ၏ လုံခြုံရေး၊ ကာကွယ်ရေးအကြီးအကဲများနှင့် ယမန်နေ့က ၃ နာရီကြာ ဆွေးနွေးမှုများပြုလုပ်ခဲ့ပြီးနောက် ရုရှားနိုင်ငံနေဖြင့် ယူကရိန်းအား ၀င်ရာက်ကျူးကျော်သည်မှာ မှန်ကန်သည့် အကြောင်းချင်းရာမဟုတ်ဘဲ၊ ထိုကဲ့သို့ ကျေူးကျော်ဝင်ရောက်ခြင်းက စစ်ပွဲဆီသို့ ဦးတည်နိုင်သည်ဟု ယူကရိန်း၏ ယာယီသမ္မတ အိုလက်ဆန်ဒါ တာချီနော့ဗ်က ပြောကြားခဲ့သည်။

ထို့ပြင် နိုင်ငံအတွင်းရှိ နျူးကလီးယားအဆောက်အအုံများ၊ လေဆိပ်များနှင့် အခြားသော မဟာဗျူဟာကျသည့် နေရာများတစ်ဝိုက်တွင်လည်း လုံခြုံရေးကို တာန်ဝန်ရှိသူများမှ တိုးမြှင့်ဆောင်ရွက်ထားသည်ဟု ထည့်သွင်းပြောကြားခဲ့သည်။

ရုရှားဝန်ကြီးချုပ် မက်ဗီဒက်နှင့် ဖုန်းပြောဆိုမှုတွင် ယူကရိန်းဝန်ကြီးချုပ် အာဆင် ယက်ဆန်ယွတ်က ခရိုင်းမီးယားဒေသရှိ ရုရှားစစ်သားများအား ရုပ်သိမ်းရန်နှင့် ဆွေးနွေးမှုများပြုလုပ်ရန်အတွက် ရုရှားအား တိုက်တွန်းပြောာကြားခဲ့သည်ဟု သိရသည်။

ယမန်နေ့တွင် ရုရှားသမ္မတပူတင်နှင့် အမေရိကန်သမ္မတ ဘာရက်အိုဘားမားတို့ ယူကရိန်းအရေးအတွက် မိနစ် ၉၀ ကြာ ဖုန်းဖြင့်ဆွေးနွေးမှုများပြုလုပ်ခဲ့သည်။ အရှေ့ယူကရိန်း၊ သို့မဟုတ် ခရိုင်းမီယားဒေသတွင် အကြမ်းဖက်မှုများဖြစ်ပွားလာလျှင် ထိုဒေသရှိ ရုရှားနွယ်ဖွားများ၏ အကျိုးစီးပွားအား ကာကွယ်ရန် ရုရှား၌ အခွင့်အရေးရှိသည်ဟု ပူတင်က အိုဘားမားအား ပြောကြားခဲ့ကြောင်း ရုရှားသတင်းဌာန RIA Novisti သတင်းအေဂျင်စီက ဖော်ပြခဲ့သည်။

ထိုကိစ္စနှင့်ပတ်သက်၍ ကုလသမဂ္ဂ လုံခြုံရေးကောင်စီအဖွဲ့ဝင် ၁၅ နိုင်ငံကလည်း ယမန်နေ့တွင် နယူးယောက်မြို့၌ အရေးပေါ် အစည်းအဝေးတစ်ခုပြုလုပ်ခဲ့ပြီး၊ ရုရှားအနေဖြင့် ထိုကဲ့သို့ ဆက်လက်လုပ်ဆောင်နေပါက ဆိုချီတွင် ပြုလုပ်ရန်ရှိနေသော G8 အစည်းအဝေးသို့ တက်ရောက်မည်မဟုတ်ဟု အမေရိကန်နှင့် ကနေဒါနိုင်ငံတို့က ပြောကြားခဲ့သည်။

ခရိုင်းမီးယားဒေသတွင် ဖေဖော်ဝါရီ နှောင်းပိုင်းမှစ၍ ရုရှားထောက်ခံသူများနှင့် ဆန့်ကျင်သူများကြား တင်းမာမှုများမြင့်တက်လာခဲ့ပြီး၊ ရုရှားစစ်တပ်မှ စစ်သား ၂၀၀၀ နီးပါးဝင်ရောက်လာကာ ဒေသရှိ အဓိကလေယာဉ်ကွင်း ၂ ခုကို သိမ်းပိုက်ထားသည်ဟု ယူကရိန်းအစိုးရက ပြောဆိုခဲ့သည်။

Ref: Al Jazeera and agencies

March 2, 2014
မနက်ဖြန် ဖွင့်လှစ်တော့မည့် သြစတြေးလျနိုင်ငံရဲ့ အစ္စလာမ့် အနုပညာနှင့် သမိုင်းပြတိုက်

မတ်- ၂၊ ၂၀၁၄
M-Media
ဘာသာပြန်ဆိုသူ – ETZ

သြစတေးလျနိုင်ငံ၏ ပထမဆုံးသော အစ္စလာမ် သမိုင်းပြတိုက်ကို ပြည်တွင်းပြည်ပ မှ လေ့လာလို သူများ အတွက် ၂၀၁၄ မတ်လ ၃ ရက်နေ့တွင် ဖွင့်လှစ်တော့မှာ ဖြစ်ပါသည်။ သြစတေးလျ မွတ်စလင်များ၏ ယဉ်ကျေးမှု၊ အနုပညာ၊ သမိုင်းကြောင်းနှင့် နေစဉ့်ဘဝများကိုလေ့လာနိုင်မှာပါ။

၎င်းပြတိုက်သည် မဲလ်ဘုမ်း မြို့၏မြောက် ဘက်တွင်တည်ရှိ ပြီး အပါတ်စဉ် တနင်္လာ နေ့မှ ကြာသာပတေးနေ့ အထိ နံနက် ၁၀ နာရီမှ ညနေ ၄နာရီအထိနှင့် သောကြာနေ့များတွင် နံနက် ၁၀ နာရီမှ ည ၉နာရီ အတွင်း ဝင်ရောက်လေ့လာနိုင်မှာပါ။

အဆိုပြတိုက်တွင် အဓိက ပြခန်း ၅ ခန်း ပါဝင်ပြီး နိုင်ငံတကာနှင့် ဒေသတွင်း ဆိုင်ရာ ပြခန်းနေရာများ၊ ကော်ဖီဘား၊ ကျောင်းများ အတွက် ပညာရေးဆိုင်ရာ အရင်းအမြစ်များ၊ ဘုံသုံးစင်တာ အကြီးစားနှင့် ရုပ်ရှင်ရုံ အငယ်စား တို့ဖြစ်ကြပါသည်။

အစ္စလာမ့်သမိုင်းပြတိုက်၏ ရည်ရွယ်ချက်မှာ ယဉ်ကျေးမှုများနှင့် ဘာသာတရားများ အကြား အပြန်အလှန် နားလည်မှုနှင့် သဟဇာတဖြစ်မှုကို အားပေးမြှင့်တင်သွားရန် ဖြစ်ကြောင်း သိရပါသည်။

အကျိုးအမြတ် အတွက် မရည်ရွယ်သော ထိုပြတိုက်သည် သြစတေးလျနိုင်ငံ၏ ခေတ်အဆက်ဆက် လူမှုအဖွဲ့အစည်း တည်ထောင်မှုနှင့် ယဉ်ကျေးမှု ကဏ္ဍ များတွင် မွတ်စလင်များမှ များစွာ ပါဝင် လုပ်ဆောင်ခဲ့ပုံ ကို မီးမောင်းထိုးပြထားကာ သြစတြေးလျ မွတ်စလင်တို့ ကြွယ်ဝလှသော အနုပညာ ယဉ်ကျေးမှု အမွေအနှစ်များကို မျှဝေနေသော အနုပညာ အိမ်ကြီးဖြစ်ကြောင်း သိရှိရပါသည်။

အစ္စလာမ် သမိုင်းပြတိုက်ကလည်း သြစတေးလျနိုင်ငံ တွင် အစ္စလာမ်သာသနာ စတင်ရောက်ရှိလာရာမှစပြီး နိုင်ငံ တည်ထောင်ရေး လုပ်ငန်းများတွင်လည်း မွတ်စလင်များ ပါဝင်ခဲ့တယ် ဆိုတာကို သက်သေထူနေတဲ့နေရာပါ”

အစ္စလာမ့်သမိုင်းပြတိုက်သည် သြစတြေးလျ လူငယ်ဘဏ်လုပ်ငန်းရှင် မွတ်စ်တဖါ ဖာဟ်ဝါ၏ အတွေးအကြံပြီး သူက “ နိုင်ငံတစ်နိုင်ငံမှာ ပညာရေးဟာ အရေးကြီးတဲ့ ကဏ္ဍမှာ ပါဝင်ပါတယ်။ ဘာသာ တစ်ခုကို နားလည်ဖို့ရာမှာလည်း ပညာရေးက အဓိကကျပါတယ်။ ဒီပြတိုက်မှာ ကျောင်းသား လူငယ်များအတွက် အနုပညာနှင့် ယဉ်ကျေးမှုကိုသာမက ပညာရေးဆိုင်ရာ များကိုပါ တစ်နေရာတည်းမှာ တွေ့မြင်ရမှာဖြစ်ပါတယ်” ဟုပြောပြခဲ့သည်။

“ဒါ့အပြင် မတူကွဲပြားတဲ့ ယဉ်ကျေးမှု နဲ့ လူ့အသိုင်းအဝိုင်းတစ်ခုလုံးကောင်းစားရေးကို မြှင့်တင်ရန် အတွက် အထိရောက်ဆုံး နည်းလမ်း တစ်ခုကတော့ ကမ္ဘာကြီးရဲ့ ဘုံ ဘာသာ စကားဖြစ်တဲ့ အနုပညာနှင့် ပညာရေးတို့ပါပဲ” ဟု ထပ်လောင်းပြောပြခဲ့သည်။

“သြစတေးလျနိုင်ငံမှာ အစ္စလာမ်သာသနာကို လေ့လာလိုသူများ အတွက် လွတ်လပ်ပွင့်လင်းစွာ လေ့လာ လို့ရမယ့်နေရာ မရှိသေးပါဘူး။ ဒီပြတိုက်က ကိုးကွယ်ယုံကြည်မှု နှင့်ယဉ်ကျေးမှု ဆိုင်ရာ ဟန်ချက်ညီစေရန်နှင့် နားလည်မှုခိုင်မာစေရန်ရည် ရွယ်ပါတယ်။ ပြတိုက်များက ခေတ်အဆက်ဆက် ယဉ်ကျေးမှုနဲ့ လူနေမှုဘဝတွေ ကို တစ်စုတစည်းတည်း ဖေါ်ပြထားတဲ့နေရာများဖြစ်ပါတယ်။ အစ္စလာမ် သမိုင်းပြတိုက်ကလည်း သြစတေးလျနိုင်ငံ တွင် အစ္စလာမ်သာသနာ စတင်ရောက်ရှိလာရာမှ စပြီး နိုင်ငံ တည်ထောင်ရေး လုပ်ငန်းများတွင်လည်း မွတ်စလင်များ ပါဝင်ခဲ့တယ် ဆိုတာကို သက်သေထူနေတဲ့နေရာပါ” လို့မွတ်စ်တဖါ က ပြောပြသွားသည်။

ယခုအခါမှာတော့ အစိုးရ၊ လူ့အသိုင်းအဝိုင်း၊ စက်မှုလုပ်ငန်းများ၊ နိုင်ငံတကာနှင့် သြစတြေးလျ အကြီးစားစီးပွားရေး လုပ်ငန်းစုများ၏ ကူညီထောက်ခံမှုဖြင့် မွတ်စ်တဖါ၏ အိပ်မက်မှာ အမှန်တကယ်ဖြစ်တည်လာခဲ့ပါပြီ။

Ref: faithvictoria.org.au

March 2, 2014