ဖေဖော်ဝါရီ ၂၁၊ ၂၀၁၄
M-Media
– ယူကရိန်းနိုင်ငံ တောင်ပိုင်းရှိ Kherson မြို့တွင် အစ္စလာမ့် ယဉ်ကျေးမှု စင်တာတစ်ခု တည်ဆောက်ရန်အတွက် နေရာသတ်မှတ်ပေးရန် မြို့တော်ကောင်စီက စဉ်းစားနေသည်ဟု သိရသည်။
အစ္စလာမ့် ယဉ်ကျေးမှုစင်တာ တည်ဆောက်ရေး ပရောဂျက်အား မြို့အတွင်းရှိ စက်မှုလုပ်ငန်းများ၊ အခြေခံအဆောက်အဦးများ၊ ကုန်သွယ်ရေးနှင့် သယ်ယူပို့ဆောင်ရေး စသည်တို့နှင့် ပတ်သက်၍ မကြာမီ ပြုလုပ်မည့် အစည်းအဝေးတွင် ကြေညာသွားမည်ဟု မြေယာ စီမံခန့်ခွဲရေး အကြီးအကဲ ရူဘန် စတီပန်ယန်က ဆိုသည်။
“Kherson မြို့မှာ အခြားသော အယူဝါဒ အမျိုးမျိုးနဲ့ ဘာသာရေး အဆောက်အအုံ အမျိုးမျိုးရှိပေမယ့် အစ္စလာမ့်နဲ့ ပတ်သက်တဲ့ အဆောက်အုံ မရှိသေးတဲ့ အတွက်ကြောင့် ဖေဖော်ဝါရီ ၂၈ ရက်မှာပြုလုပ်မယ့် အစည်းအဝေးမှာ ဒီ (အစ္စလာမ့်ယဉ်ကျေးမှု စင်တာဆောက်လုပ်မည့်) ပရောဂျက်ကို မြို့တော်ကောင်စီက ထောက်ခံပေးသွားမှာပါ” ဟု စတီပန်ယန်က ပြောကြားခဲ့သည်။
ထို့ပြင် အခြားသောမြို့များရှိ တူညီသော အတွေ့အကြုံများကို ဆန်းစစ်သွားမည်ဖြစ်ပြီး မတူညီသော မူကွဲများ လုပ်ဆောင်ရန် စဉ်းစားနေကြောင်း၊ မွတ်စလင်များ အနေဖြင့် ဗလီဝတ်ကျောင်းတော်တင် မဟုတ်ဘဲ ပတ်ဝန်းကျင် ဒေသများအား ပြောင်းလဲပေးသည့် အဆောက်အဦးများကိုလည်း ဆောက်လုပ်သည်ကို သိရှိရခြင်းမှာ အဖိုးတန်ကြောင်း ၎င်းက ထည့်သွင်းပြောကြားသွားခဲ့သည်။
ယူကရိန်းနိုင်ငံတွင် အစ္စလာမ်ဘာသာကို သက်ဝင် ယုံကြည်ကြသူများမှာ ၅ သိန်းခန့်ရှိမည်ဟု ခန့်မှန်းရပြီး အများစုမှာ ခရိုင်းမီးယားဒေသတွင် နေထိုင်ကြသူများဖြစ်သည်။
Ref: Islam.ru
