ဖေဖော်ဝါရီ ၊ ၁၉၊ ၂၀၁၄
M-Media
– အမေရိကန် ဗဟိုစစ်ဌာနချုပ် အကြီးအကဲ ဗိုလ်ချုပ် လွိုဒ် ဂျေ အော်စတင် ၃ နှင့် ပါကစ္စတန် အကြီးတန်းစစ် ခေါင်းဆောင်များတွေ့ဆုံကာ အာဖဂန်နစ္စတန်အရေးကိစ္စနှင့် ဒေသတွင်း လုံခြုံရေး အခြေအနေကို အလေးထားဆွေးနွေးခဲ့ကြသည်ဟု ပါကစ္စတန် စစ်တပ်မှ ယနေ့တွင် သတင်းထုတ်ပြန်ခဲ့သည်။
ထိုတွေ့ဆုံမှုအတွင်း နှစ်နိုင်ငံစစ်တပ်များအကြား အပြန်အလှန် ပူးပေါင်းဆောင်ရွက်ရေးကိုလည်း သုံးသပ်ခဲ့ကြသည်ဟု စစ်တပ်မှ ထုတ်ပြန်သော ကြေညာချက်တွင် ဖော်ပြထားသည်။
ဗိုလ်ချုပ်အော်စတင်မှာ ယနေ့တွင် ပါကစ္စတန်သို့ ရောက်ရှိလာခဲ့ပြီး ခံတပ်မြို့တစ်ခုဖြစ်သည့် Rawalpindi တွင် တပ်ပိုင်းဆိုင်ရာ ပူးပေါင်းဆောင်ရွက်ရေး အကြီးအကဲများ ကော်မတီ ဥက္ကဌ ရရှဒ်မဟ်မူးဒ်နှင့် စစ်တပ်အကြီးအကဲ ဗိုလ်ချုပ် ရာဟီးလ် ရှရစ်ဖ်တို့နှင့် ဆွေးနွေးခဲ့ခြင်းဖြစ်သည်။
ပါကစ္စတန်ရှိ တာလီဘန်များနှင့် ငြိမ်းချမ်ရေးဆွေးနွေးမှု၊ မကြာခင်ပြုလုပ်တော့မည့် အာဖန်နစ္စတန်ရွေးကောက်ပွဲ စသည်တို့အပါအ၀င် ဒေသတွင်း အရေးပါသောတိုးတက်မှုများ ဖြစ်ပေါ်နေချိန်အတွင်း အမေရိကန် တပ်မှူးတစ်ဦး ယခုကဲ့သို့ လာရောက်ခြင်းဖြစ်ပြီး၊ လာမည့် ဧပြီလ အာဖဂန်နစ္စတန်တွင် ငြိမ်းချမ်းသော ရွေးကောက်ပွဲများဖြစ်ပေါ်လာရေးတွင် အမေရိကန်နှင့် ပါကစ္စတန်တို့မှာ အရေးပါသော အခန်းကဏ္ဍမှ ပါဝင်နေသည်။
ပါကစ္စတန်မှာ အမေရိကန်၏ ကြီးမားသော စစ်လက်နက်ပစ္စည်းများ သယ်ဆောင်ရန်အတွက် အဓိကဒေသဖြစ်နေသောကြောင့် အာဖဂန်မှ နိုင်ငံခြားတပ်များ ထွက်ခွာရေးအတွက် ပါကစ္စတန်၏ အကူအညီကိုလည်း အမေရိကန်က မျှော်လင့်နေသည်။ ထို့ပြင် တာလီဘန်တို့နှင့် ဆွေးနွေးမှုမှာ ပါကစ္စတန်၏ ပြည်တွင်းရေးသာဖြစ်သည်ဟု အမေရိကန်က ပြောကြားထားသည်။
အမေရိကန်တို့မှ လူမျိုးစုဒေသများတွင်ပြုလုပ်သော ဒရုန်းလေယာဉ်ဖြင့် တိုက်ခိုက်မှုများကို ဆန့်ကျင်သည့်အနေဖြင့် နေတိုး၏ အဓိက ထောက်ပံ့ရေးလမ်းကြောင်းဖြစ်သည့် ပါကစ္စတန်မြောက်ပိုင်းဒေသတွင် အာဏာရပါတီက နှစ်လကြာ ပိတ်ဆို့ထားမှုတစ်ခုလည်းဖြစ်ပွားနေပြီး၊ ထိုလမ်းကြောင်းအား ဖွင့်ပေးရန် အမေရိကန်က တောင်းဆိုထားသော်လည်း ယခုအချိန်အထိ ဖွင့်လှစ်ပေးခြင်းမရှိသေးပေ။
ကိုးကား – ဆင်ဟွာ
Photo- IRNA
