ဖေဖော်ဝါရီ ၁၀၊ ၂၀၁၄
M-Media
– ရုရှားနိုင်ငံ ပစိဖိတ်ကမ်းခြေ မြို့တစ်မြို့ရှိ ခရစ်ယာန်ဘုရား ကျောင်းတစ်ခု၌ ယမန်နေ့က တနင်္ဂနွေ ၀တ်ပြု ဆုတောင်းမှု ပြုလုပ်နေစဉ် သေနတ်ဖြင့် ပစ်ခတ်မှု တစ်ခုဖြစ်ပွားခဲ့ပြီး နှစ်ဦး သေဆုံးခဲ့သည်ဟု သိရသည်။
နိုင်ငံအရှေ့ဘက် Sakhalin ကျွန်း Yuzhno-Sakhalinsk မြို့ရှိ အော်သိုဒေါ့စ် ဘုရားကျောင်းအ တွင်း ဖြစ်ပွားခဲ့ခြင်းဖြစ်ပြီး၊ ပစ်ခတ်မှုအတွင်း သီလရှင် တစ်ပါးနှင့် ဘုရားကျောင်းသို့ အမြဲလာရောက်၍ ဘုရားဝတ်ပြုနေသူ တစ်ဦးတို့ သေဆုံးခဲ့သည်။ ပြစ်မှုကျူးလွန်သူမှာ အသက် ၂၄ နှစ်အရွယ် လက်နက်ကိုင် လုံခြုံရေး ၀န်ထမ်းတစ်ဦးဖြစ်ပြီး အခင်းဖြစ်ပွားပြီးနောက် ၎င်းအား ရဲတပ်ဖွဲ့က ဖမ်းဆီးနိုင်ခဲ့သည်ဟု သိရသည်။ မည်သည့် အကြောင်းကြောင့် ထိုကဲ့သို့ ပြုလုပ်ရသည်ကို မသိရှိရဘဲ တရားခံမှာ စိတ်ကျန်းမာရေး ပြဿနာရှိနေသည်ဟု Rossiya-24 ရုပ်သံက ဖော်ပြခဲ့သည်။
Sakhalin ကျွန်းမှာ အကြမ်းဖက် တိုက်ခိုက်မှုများ ပြုလုပ်မည်ဆိုသော ခြိမ်းခြောက်မှုများကြောင့် လုံခြုံရေး တင်းကြပ်စွာဖြင့် ကျင်းပနေရသည့် ဆောင်းရာသီ အိုလံပစ်ပြိုင်ပွဲပြုလုပ်ရာ ဆိုချီမြို့နှင့် ကီလိုမီတာ ၆၄၀၀ ကွာဝေးသော နေရာလည်းဖြစ်သည်။
ဆိုချီမြို့မှာ အစ္စလာမ့်မစ် ခွဲထွက်ရေးသမားများရှိရာ ကော့ကေးရှပ်တောင်တန်း၏ အနောက်ဘက်တွင် တည်ရှိသောမြို့ဖြစ်သည်။ ထိုခွဲထွက်ရေး သမားများက ၎င်းတို့၏ ဘာသာတရားနှင့် ယဉ်ကျေးမှုတို့အား ဖိနှိပ်ချုပ်ချယ်ထားသော ရုရှား အစိုးရကို တိုက်ခိုက်နေသူများဖြစ်ပြီး၊ ရုရှားအစိုးရအား အရှက်ရစေရန်အတွက် အိုလံပစ်ပြိုင်ပွဲကို နှောက်ယှက်မည် ဟုလည်း စောစောပိုင်းက ပြောဆိုထားသည်။ သို့သော်လည်း ယခု ပစ်ခတ်မှုမှာ ထိုခွဲထွက်ရေး သမားများနှင့် ပတ်သက်မှု မရှိဟု သိရသည်။
Ref: Los Angeles Times
Photo-AP
