Blog

ဇန်န၀ါရီ ၃၁၊ ၂၀၁၄
M-Media

ကမ္ဘောဒီယားနိုင်ငံတွင် မော်တာကျည်အဟောင်း ပေါက်ကွဲမှုတစ်ခုဖြစ်ပွားခဲ့ပြီး ကလေးငယ်သုံးဦးသေဆုံးခဲ့သည်ဟု သိရသည်။

ကျေးလက်ဒေသဖြစ်သည့် Porcommune တွင် ဇန်န၀ါရီ ၃၀ ရက် ကြာသာပတေးနေ့တွင် ဖြစ်ပွားခဲ့ခြင်းဖြစ်ပြီး အသက် ၈ နှစ်မှ ၁၃ နှစ်အရွယ်ရှိ ကလေးငယ်သုံးဦးမှာ ကျွဲနွားများကျောင်းနေစဉ် ၆၀ မီလီမီတာ မော်တာကျည်အဟောင်းကို တွေ့ရှိခဲ့ပြီး ခဲဖြင့်ပစ်ပေါက်ရာမှ ပေါက်ကွဲခဲ့ခြင်း ဖြစ်သည် ဟု ရဲတပ်ဖွဲ့ကပြောကြားခဲ့သည်။

ထိုကဲ့သို့ ပေါက်ကွဲမှုကြောင့် အဆိုပါကလေးငယ်သုံးဦးစလုံး အသက်ဆုံးရှုံးခဲ့ရသည်။ ထိုမော်တာကျည်မှာ စစ်အတွင်းကျန်ရှိခဲ့သော ကျည်အဟောင်း ဖြစ်ပြီး၊ စစ်အတွင်းက ကျန်ရှိနေသည့် မြေမြှုပ်မိုင်းများနှင့် ဗုံးဆံအဟောင်းများ ပေါက်ကွဲမှုကြောင့် ကမ္ဘောဒီးယားနိုင်ငံတွင် လူအများအပြား သေဆုံး လေ့ရှိပြီး ၂၀၁၃ ခုနှစ်အတွင်း သေဆုံးသူ ၂၂ ဦးနှင့် ဒဏ်ရာရသူ ၈၉ ဦးရှိခဲ့သည်။

၁၉၉၈ ခုနှစ်မှ အဆုံးသတ်ခဲ့သည့် စစ်ပွဲလက်ကျန် မြေမြှုပ်မိုင်းနှင့် အခြားသော လက်နက်ခဲယမ်း အဟောင်းများမှာ နိုင်ငံအတွင်း ၄ သန်းမှ ၆ သန်း အထိ ရှိသည်ဟု သိရသည်။ ထိုမိုင်းများအား ရှင်းလင်းရေးအတွက် တစ်နှစ်လျှင် ကန်ဒေါ်လာ သန်း ၅၀ ခန့် အသုံးပြုနေပြီး မြေမြှုပ်မိုင်းနှင့် လက်နက် ခဲယမ်းအဟောင်း ၃ သန်းအား ဖယ်ရှားပြီးဖြစ်ကြောင်း၊ လာမည့် ၂၀၂၀ ခုနှစ်တွင် နိုင်ငံအတွင်းရှိ မြေမြှုပ်မိုင်း အားလုံးကို ဖယ်ရှားနိုင်ရန် လုပ်ဆောင် နေကြောင်း ကမ္ဘောဒီယား မိုင်းရှင်းလင်းရေးစင်တာ၏ ဒါရိုက်တာ Heng Ratana က ပြောကြားခဲ့သည်။

Ref : Xinhua

ဇန်န၀ါရီ ၃၁၊ ၂၀၁၄
M-Media

– ဆီးရီးယားအနေဖြင့် ၎င်းတို့တွင်ရှိနေသည်ဟု ကြေညာထားသည့် ဓာတုလက်နက်များ၏ ၄ ရာခိုင်နှုန်းကိုသာ ရှင်းလင်းနိုင်သေးပြီး၊ ကျန်ရှိနေသည့် ဓာတုလက်နက်များအား ဖျက်ဆီးရန်အတွက် ကုလနှင့် အမြန်ဆုံး ပူးပေါင်းဆောင်ရွက်မှုများပြုလုပ်ရန် အမေရိကန်မှ တိုက်တွန်းပြောဆိုလိုက်သည်။

ဆီးရီးယား၏ ဓာတုလက်နက်ဖျက်သိမ်းရေးကြိုးပမ်းမှုမှာ တိုးတက်မှုမရှိဘဲ ကြန့်ကြာနေသည်ဟု နိုင်ငံတကာ ဓာတုလက်နက်တားဆီးရေးအဖွဲ့ OPCW ၏ ယမန်နေ့ကထုတ်ပြန်ချက်တွင် OPCW မှ အမေရိကန်ကိုယ်စားလှယ် ရောဘတ် မီကူလက်က ပြောကြားခဲ့သည်။

“ဆီးရီးယားအနေနဲ့ ဓာတုလက်နက်ကွန်ဗန်းရှင်း အမှုဆောင်ကောင်စီရဲ့ ဆုံးဖြတ်ချက်နဲ့ ကုလသမဂ္ဂလုံခြုံရေးကောင်စီသဘောတူညီချက် အမှတ် ၂၁၁၈ စတဲ့ သဘောတူညီချက်တွေကို လိုက်နာဖို့အတွက် လိုအပ်တာတွေကို ချင်းခြင်းလုပ်ဆောင်ရပါလိမ့်မယ်” ဟု မီကူလက်က ဆိုသည်။

ဆီးရီးယားရှိ “ဦစားပေး အဆင့် ၁” သတ်မှတ်ထားသည့် ဓာတုလက်နက်များအားလုံးအား ဖယ်ရှားပစ်ရန် နောက်ဆုံးရက်ကို ၂၀၁၃ ခုနှစ် ဒီဇင်ဘာ ၃၁ ရက်နေ့ သတ်မှတ်ခဲ့သော်လည်း အချိန်မီ ဖယ်ရှားနိုင်ခြင်းမရှိပေ။ ထို့ပြင် “ဦစားပေး အဆင့် ၂” ဓာတုလက်နက်များ ဖယ်ရှားရေး နောက်ဆုံးရက်ကို ဖေဖော်ဝါရီ ၅ ရက်နေ့တွင် သတ်မှတ်ထားပြီး ထိုသတ်မှတ်ရက်ပြည့်မီအောင်လည်း ဆောင်ရွက်နိုင်မည့် အလားအလာလည်း မရှိချေ။

ဆီးရီးယားအစိုးရကမူ ဓာတုလက်နက်ဖျက်သိမ်းရေး ကြန့်ကြာနေခြင်းမှာ လုံခြုံရေးစိုးရိမ်ရသည့်အတွက်ကြောင့်ဖြစ်ပြီး၊ ထိုလက်နက်များအား အန္တရာယ်ကင်းရှင်းစွာ သယ်ယူပို့ဆောင်ရေးအတွက် ပစ္စည်း ကိရိယာများ လိုအပ်ခြင်းကြောင့်လည်း ဖြစ်သည်ဟု တုံ့ပြန်ပြောဆိုခဲ့သည်။

Ref : Aljazeera