Blog

နယူးကာဆယ်ကွင်းလယ်လူ ကာဘာယီ ပီအက်စ်ဂျီသို့ရောက်ပြီ

ဇန်န၀ါရီ ၃၀၊ ၂၀၁၄
M-Media

– အသင်းကြီးများက စိတ်ဝင်စားနေသည့် နယူးကာဆယ် အသင်း၏ ကွင်းလယ်လူ ယိုဟန်ကာဘာယီမှာ ပြင်သစ်လိဂ်ဝမ်းကလပ် ပီအက်စ်ဂျီ အသင်းသို့ ပြောင်းရွှေ့သွားခဲ့ဟု သိရသည်။

ပြောင်ရွှေ့ကြေး ယူရို ၂၄ သန်းဖြင့်၊ သုံးနှစ်ခွဲ စာချုပ် ချုပ်ဆိုခဲ့ခြင်းဖြစ်ပြီး ယမန်နေ့က ဆေးစစ်ဆေးမှု အောင်မြင်ခဲ့သည်။ ပီအက်စ်ဂျီအသင်းတွင် ကျောနံပါတ် ၄ ဂျာစီ ၀တ်ဆင်ကစားမည့် ကာဘာယီက “ပီအက်စ်ဂျီ အသင်းဟာ ကျွန်တော့်ကို ရည်မှန်းချက်ကြီးစွာနဲ့ ခေါ်ယူခဲ့တာပါ။ အလွန် ကောင်းမွန်တဲ့ ဒီအသင်းမှာ ပါဝင်ကစားရဖို့၊ ပြင်သစ်လိဂ်နဲ့ ဥရောပမှာ အသင်း အောင်မြင်အောင် ကူညီပေးဖို့ ကျွန်တော် မစောင့်နိုင်တော့ပါဘူး။” ဟု ပီအက်စ်ဂျီ အသင်း၏ ၀ဘ်ဆိုဒ်သို့ ကာဘာယီက ပြောကြားခဲ့သည်။

ပီအက်စ်ဂျီ အသင်းပိုင်းရှင် အလ်ခါလီဖာကလည်း ကာဘာယီမှာ အသင်းကြီးများ၏ ကမ်းလှမ်းမှုများကို ငြင်းဆန်၍ ပီအက်စ်ဂျီသို့ ပြောင်းရွှေ့ရန် ရွေးချယ် ခဲ့သောကြောင့် ပျော်ရွှင်မိကြောင်း၊ ကာဘာယီ၏ အပြောင်းအရွှေ့သည် ပြင်သစ်အခြေစိုက်ကလပ်များက နိုင်ငံခြားသား ကစားသမားများကို ဆွဲဆောင်နိုင်သည့် ပြယုဂ်ဖြစ်ကြောင်း ပြောကြားခဲ့သည်။

Ref : Goal

January 30, 2014
ADB ၏ ချေးငွေ သန်း ၆၀ ကို ဓာတ်အားပေး ကဏ္ဍတွင်အသုံးပြုမည်

ဇန်န၀ါရီ ၃၀၊ ၂၀၁၄
M-Media

– အာရှဖွံ့ဖြိုးရေဘဏ် ADB မှ ပေးအပ်သော ချေးငွေ ကန်ဒေါ်လာ သန်း ၆၀ ကို မြန်မာနိုင်ငံ၏ ဓာတ်အားပေးကဏ္ဍအတွက် အသုံးပြုသွားမည် ဖြစ် ကြောင်း နိုင်ငံပိုင် မီဒီယာများက ဇန်န၀ါရီ ၃၀ ရက်နေ့ (ယနေ့တွင်) ရေးသားဖော်ပြခဲ့ကြသည်။

မြန်မာနိုင်ငံ ဘဏ္ဍာရေးဝန်ကြီးဌာနှင့် ADB တို့ ယမန်နေ့(ဇန်န၀ါရီ ၂၉ ရက်နေ့)က ပြုလုပ်ခဲ့သည့် သဘောတူညီချက် စာချုပ်အရ ယခုချေးငွေ အသစ်ကို ရန်ကုန်၊ မန္တလေး၊ မကွေး၊ စစ်ကိုင်းဒေသတို့ရှိ ထပ်ဆင့် ဓာတ်ပေးစက်ရုံများတွင် ထရန်စဖော်မာများ တပ်ဆင်ခြင်း၊ ဓာတ်အား ပို့လွှတ်သည့် ကြိုးဟောင်း များကို ကြိုးသစ်များဖြင့် အစားထိုးလဲလှယ်ခြင်း၊ ဒစ်ဂျစ်တယ်မီတာများ တပ်ဆင်ခြင်း စသည်တို့တွင် သုံးစွဲရမည်ဖြစ်သည်။

ပြီးခဲ့သည့်နှစ် ဖေဖော်ဝါရီလက ADB ၏ ဥက္ကဌ ဟာရူဟီကို ကူရိုဒါ မြန်မာနိုင်ငံသို့ လာရောက်ခဲ့ချိန်တွင် နိုင်ငံ၏ နည်းပညာကဏ္ဍ၊ ဘဏ္ဍာရေး၊ ဆက်သွယ်ရေး နှင့် စွမ်းအင်ကဏ္ဍတို့တွင် လိုအပ်နေသည့် အခြေခံ အဆောက်အဦးများအတွက် ကူညီပေးရန် မြန်မာနိုင်ငံမှ တောင်းဆိုခဲ့ပြီး ကူရိူဒါ ကလည်း ကူညီပေးမည်ဟု ကတိပေးခဲ့သည်။

ADB သို့ပေးရန်ရှိနေသည့် အကြွေး ကန်ဒေါ်လာ ၅၁၂ သန်းကို ၂၀၁၃ ဇန်န၀ါရီက ဖြေရှင်းခဲ့ပြီးနောက် နိုင်ငံ၏ ဆင်းရဲမွဲတေမှုလျော့ချရေးနှင့် ပြုပြင်ပြောင်းလဲရေး လုပ်ငန်းစဉ်များအတွက် ခိုင်မာသော ဆောင်ရွက်မှုများကို ကူညီရန် လူမှုရေးနှင့် စီးပွားရေးဆိုင်ရာ ကူညီထောက်ပံ့မှုများကို ADB က ပြန်လည်လုပ်ဆောင်ပေးခဲ့သည်။

Ref : ဆင်ဟွာ

January 30, 2014
ဖိလစ်ပိုင် သံတမန်များ၏ ဗီဇာ ကင်းလွတ်ခွင့်အား ဟောင်ကောင် ရုပ်သိမ်း

ဇန်န၀ါရီ ၃၀၊ ၂၀၁၄
M-Media

– လွန်ခဲ့သည့် သုံးနှစ်ကျော်က မနီလာမြို့တွင်ဖြစ်ပွားခဲ့သည့် ဘတ်စ်ကားပြန်ပေးဆွဲမှု အတွင်း သေဆုံးသွားခဲ့သည့် ဟောင်ကောင်နိုင်ငံသားများ အတွက် ဖိလစ်ပိုင်နိုင်ငံက တောင်းပန်ခြင်း မရှိသောကြောင့် ဟောင်ကောင်က ဖိလစ်ပိုင်နိုင်ငံအပေါ် အရေးယူမှုတစ်ခု ပြုလုပ်လိုက်သည်ဟု သိရသည်။

ဖိလစ်ပိုင်နိုင်ငံ၏ သံတမန် ကိုယ်စားလှယ်များ ဗီဇာမလိုဘဲ ဟောင်ကောင်တွင် ၁၄ ရက်နေထိုင်ခွင့်အား ပယ်ဖျက်လိုက်ခြင်းဖြစ်ပြီး ဖေဖော်ဝါရီ ၅ ရက်နေ့မှ စတင်ကာ သက်ရောက်မည်ဖြစ်သည်ဟု အစိုးရပြောရေးဆိုခွင့်ရှိသူ Leung Chun-ying က သတင်းစာရှင်းလင်းပွဲတွင် ပြောကြားခဲ့သည်။

ထို့ပြင် ထိုကဲ့သို့ အရေးယူမှုမှာ ပထမအဆင့်ဖြစ်ပြီး ၂၀၁၀ ခုနှစ်က ဖြစ်ပွားခဲ့သည့် ထိုအဖြစ်ဆိုးအတွက် ဖိလစ်ပိုင် အစိုးရ၏ တောင်းပန်ကြောင်းကြေညာချက် ထွက်ပေါ်လာရန် အတွက် သက်ရောက်မှု မရှိပါက အရေးယူမှုများကို ထပ်မံ၍ ပြုလုပ်သွားမည်ဟု Leung က ထည့်သွင်းပြောကြားခဲ့သည်။

ယခုလက်ရှိတွင် ဖိလစ်ပိုင်မှ သံတမန်များမှာ ဟောင်ကောင်သို့ ဗီဇာမလိုဘဲ ၀င်ရောက်ခွင့်ရှိနေပြီး တစ်နှစ်လျှင် ဖိလစ်ပိုင် သံတမန် ၇၀၀ မှ ၈၀၀ ခန့် ၀င်ထွက်သွားလာလျက်ရှိသည်။

၂၀၁၀ ခုနှစ်က ဖြစ်ပွားခဲ့သည့် ထိုဖြစ်ရပ်တွင် ရာထူးမှ ထုတ်ပယ်ခဲ့ခြင်းကို မကျေနပ်၍ ဖိလစ်ပိုင် ရဲအရာရှိတစ်ဦးက ခရီးသွား ဘတ်စ်ကား တစ်စီးအား ပြန်ပေးဆွဲခဲ့ကာ ရဲတပ်ဖွဲ့နှင့် ညှိနှိုင်းမှု မအောင်မြင်သောကြောင့် ကားပေါ်တွင်ပါလာသည့် ဟောင်ကောင်နိုင်ငံသား ၈ ဦးအား ပစ်သတ်ခဲ့ခြင်းဖြစ်သည်။ ထိုကိစ္စနှင့်ပတ်သက်၍ ဖိလစ်ပိုင်၏ တောင်းပန်မှုအား ဟောင်ကောင်မှ အလိုရှိနေသော်လည်း ယခုအချိန်အထိ တောင်းပန်ခြင်း မရှိသေးပေ။

Ref : Aljazeera

January 30, 2014
ဖမ်းထားသည့် အတိုက်အခံများ လွတ်ငြိမ်း ချမ်းသာခွင့် ဥပဒေမူကြမ်း ယူကရိန်းပြဌာန်းမှု အတိုက်အခံဘက်က သဘောမတူ

ဇန်န၀ါရီ ၃၀၊ ၂၀၁၄
M-Media

– အစိုးရ ဆန့်ကျင်ဆန္ဒပြမှုများအတွင်း ဖန်းဆီးထားသည့် ဆန္ဒပြသူများစွာအား လွတ်ငြိမ်းချမ်းသာခွင့်ပေးရန် ဥပဒေမူကြမ်းတစ်ခုကို ယူကရိန်း ပါလီမန် က ယမန်နေ့တွင် အတည်ပြုခဲ့သည်ဟု သိရသည်။

သို့သော်လည်း ဆန္ဒပြသူများအနေဖြင့် ၎င်းတို့ သိမ်းပိုက်ထားသော အစိုးရအဆောက်အဦးများမှ ထွက်ခွာပေးရမည်ဖြစ်ပြီး၊ ၎င်းတို့ပြုလုပ်ထားသည့် အတားအဆီးများကိုလည်း ဖယ်ရှားပေးရမည်ဟု ဖော်ပြထားသည်။ ထိုမူကြမ်းအား အတည်ပြုနိုင်ရန်အတွက် အင်္ဂါနေ့ကတည်းက ပါလီမန်တွင် အကြိတ် အနယ် ဆွေးနွေးခဲ့ခြင်းဖြစ်ပြီး၊ ဆန္ဒပြမှုအားလုံးအား ရုပ်သိမ်းမှ လွတ်ငြိမ်းချမ်းသာခွင့်ပေးမည်ဟု စောစောပိုင်းက စီစဉ်ထားခဲ့သော်လည်း နောက်ပိုင်းတွင် ပယ်ဖျက်ခဲ့ကာ ယခုကဲ့သို့ ပြည်လည်စီစဉ်ခဲ့ခြင်းဖြစ်သည်။

ပါလီမန်အမတ် ၂၃၂ ဦးက ထောက်ခံခဲ့သည် ထိုမူကြမ်းကို အတိုက်အခံများဘက်မှ သဘောတူညီခဲ့ခြင်းမရှိဘဲ၊ ၎င်းတို့ သိမ်းပိုက်ထားသော အဆောက်အဦး များ ထဲမှ ဖယ်ခိုင်းသည့်အချက်အား လက်မခံနိုင်ဖြစ်သည်ဟု အတိုက်အခံခေါင်းဆောင် ယန်ဆန်ယွတ်က ပြောကြားခဲ့သည်။

Ref : Aljazeera

January 30, 2014
မိုးထိမိုးမိ ရွှေတူးဖော်လုပ်သားများ ခိုလှုံရာမှ မဖယ်ပါက အရေးယူမည်ဟု အာဏာပိုင်များ အမိန့်ထုတ်

ဇန်န၀ါရီ ၃၀၊ ၂၀၁၄
M-Media
K K

အမျိုးသားကြီးပွားတိုးတက်ရေး ကုမ္ပဏီရှေ့တွင် ၂၀၁၂ နိုဝင်ဘာ ၃-ရက်နေ့က ဒုတိယအကြိမ် ဆန္ဒထုတ်ဖော်နေသော မိုးထိမိုးမိ ရွှေလုပ်သားများ (ဓါတ်ပုံ – Burma VJ)

ရမည်းသင်း ။ ။ မန္တလေးတိုင်းဒေသကြီး ရမည်းသင်း မိုးထိမိုးမိဒေသမှ ရွှေတူးဖော်ရေးလုပ်သား မိသားစုဝင်များ ခိုလှုံနေထိုင်နေကြသည့် ရွှေမြင်တင် တောင်ခြေ ဘုရားစောင်းတန်းမှ မဖယ်ရှားပါက အာဏာပိုင်မှ အရေးယူမည်ဟု မနေ့က နေလည်မှာ အမိန့်ထုတ်လိုက်ကြောင်း သိရသည်။

လွန်ခဲ့သော ၁၀-စုနှစ် တစ်ခုကျော်ကတည်းက မိုးထိမိုးမိဒေသမှာ ရွှေတူးဖော်နေထိုင်လာခဲ့ကြရာမှ အစိုးရလုပ်ပိုင်ခွင့်ရ အမျိုးသား ကြီးပွား တိုးတက်ရေး ကုမ္ပဏီ ၀င်ရောက်လာပြီး ယခင်ကတည်းက ရှိခဲ့သည့် ရွှေတူးဖော်လုပ်သားများနှင့် ပဋိပက္ခဖြစ်ခဲ့ပြီး နှင်ထုတ်ခံရတာကြောင့် ရွှေမြင်တင် ဘုရား စောင်းတန်းမှာ ခိုလှုံနေကြရခြင်းဖြစ်ပြီး ယခုအခါ အဆိုပါစောင်းတန်းမှပင် နှင်ထုတ်ခံနေရခြင်း ဖြစ်ကြောင်း သိရပါသည်။

ဘုရားစောင်းတန်းမှ ယနေ့ညနေတွင် ဖယ်ရှားပေးရန်နှင့် မဖယ်ရှားပါက ပုဒ်မ ၁၈၈ အရ တရားစွဲပြီး ထောင်ဒဏ် ၆-လ ချမည်ဟု အသံချဲ့စက်ဖြင့် အော်၍ ကြေညာခဲ့ကြောင်းလည်း သိရသည်။

January 30, 2014